1/26:halantye sarvprasaṅgaḥ sarvāntyatvāt |*
2/26:halantye sarvprasaṅgaḥ |
3/26:sarvasya halaḥ itsañjñā prāpnoti |
4/26:kim kāraṇam |
5/26:sarvāntyatvāt |
6/26:sarvaḥ hi hal tam tam avadhim prati antyaḥ bhavati |
7/26:siddham tu vyavasitāntyatvāt |*
8/26:siddham etat |
9/26:katham |
10/26:vyavasitāntyatvāt |
11/26:vyavasitāntyaḥ hal itsañjñaḥ bhavati iti vaktavyam |
12/26:ke punaḥ vyavasitāḥ |
13/26:dhātuprātipadikapratyayanipātāgamādeśāḥ |
14/26:sidhyati |
15/26:sūtram tarhi bhidyate |
16/26:yathānyāsam eva astu |
17/26:nanu ca uktam halantye sarvprasaṅgaḥ sarvāntyatvāt iti |
18/26:na eṣaḥ doṣaḥ |
19/26:āha ayam hal antyam itsañjñam bhavati iti |
20/26:sarvaḥ ca hal tam tam avadhim prati antyaḥ bhavati |
21/26:tatra prakarṣagatiḥ vijñāsyate : sādhīyaḥ yaḥ antyaḥ iti |
22/26:kaḥ ca sādhīyaḥ |
23/26:yaḥ vyavasitāntyaḥ |
24/26:atha vā sāpekṣaḥ ayam nirdeśaḥ kriyate |
25/26:na ca anyat kim cit apekṣyam asti |
26/26:te vyavasitam eva apekṣiṣyāmahe |

1/16:lakārasya anubandhājñāpitatvāt halgrahaṇāprasiddhiḥ |*
2/16:lakārasya anubandhatvena ajñāpitatvāt halgrahaṇāprasiddhiḥ |
3/16:hal antyam itsañjñam bhavati iti ucyate |
4/16:lakārasya eva tāvat itsañjñā na prāpnoti |
5/16:siddham tu lakāranirdeśāt |*
6/16:siddham etat |
7/16:katham |
8/16:lakāranirdeśaḥ kartavyaḥ |
9/16:hal antyam itsañjñam bhavati lakāraḥ ca iti vaktavyam |
10/16:ekaśeṣanirdeśāt vā |*
11/16:atha vā ekaśeṣanirdeśaḥ ayam |
12/16:hal ca hal ca hal |
13/16:hal antyam itsañjñam bhavati iti |
14/16:atha vā ḷkārasya eva idam guṇabhūtasya grahaṇam |
15/16:tatra upadeśe ac anunāsika it iti itsañjñā bhaviṣyati |
16/16:atha vā ācāryapravṛttiḥ jñāpayati bhavati lakārasya itsañjñā iti yat ayam ṇalam litam karoti |

1/28:prātipadikapratiṣedhaḥ akṛttaddhite |*
2/28:akṛttaddhitāntasya prātipadikasya pratiṣedhaḥ vaktavyaḥ |
3/28:udaśvit śakrṭ iti |
4/28:akṛttaddhitāntasya iti kimartham |
5/28:kumbhakāraḥ nagarakāraḥ aupagavaḥ kāpaṭavaḥ |
6/28:idarthābhāvāt siddham |*
7/28:itkāryābhāvāt atra itsañjña na bhaviṣyati |
8/28:idam asti itkāryam titsvaritam iti svaritatvam yathā syāt |
9/28:na etat asti |
10/28:pratyayagrahaṇam tatra codayiṣyati |
11/28:idam tarhi : rājā takṣā |
12/28:ñniti ādyudāttatvam yathā syāt |
13/28:ñniti iti ucyate |
14/28:tatra vyapavargābhāvāt na bhaviṣyati |
15/28:idam tarhi svaḥ |
16/28:upottamam riti eṣaḥ svaraḥ yathā syāt |
17/28:svaritakaraṇasāmarthyāt na bhaviṣyati |
18/28:nyaṅsvarau svritau iti |
19/28:iha tarhi antaḥ |
20/28:uttamaśabdaḥ triprabhṛtiṣu vartate |
21/28:na ca atra triprabhṛtayaḥ santi |
22/28:iha tarhi sanutaḥ |
23/28:upottamam riti iti eṣaḥ svaraḥ yathā syāt |
24/28:antodāttanipātanam kariṣyate |
25/28:saḥ ca nipātasvaraḥ ritsvarasya bādhakaḥ bhaviṣyati |
26/28:etat ca atra yuktam yat itkāryābhāvāt itsañjñā na syāt |
27/28:yatra itkāryam bhavati bhavati tatra itsañjñā |
28/28:tat yathā āgastyakauṇḍinyayoḥ agastikuṇḍinac |

upadeśe iti vartte. ante bhavam antyam. dhātvādeḥ samudāyasya yadantyam hal, taditsaṃjñaṃ bhavati. aiuṇ ṇakāraḥ. ṛḷk kakāraḥ. eoṅ ṅakaraḥ. aiauc cakāraḥ. upadeśe ityeva. agnicit. somasut. hasya l haliti dvitīyam atra halgrahaṇaṃ tantreṇa upāttaṃ draṣṭavyam. tena pratyāhārapāṭhe halityatra lakārasya itsaṃjñā kriyate. tathā ca sati halantyam ityatra pratyāhāre na itaretarāśrayadoṣo bhavati.

halantyam 1.3.3 upadeśe iti vartte. ante bhavam antyam. dhātvādeḥ samudāyasya yadantyam hal, taditsaṃjñaṃ bhavati. aiuṇ ṇakāraḥ. ṛl̥k kakāraḥ. eoṅ ṅakaraḥ. aiauc cakāraḥ. upadeśe ityeva. agnicit. somasut. hasya l haliti dvitīyam atra halgrahaṇaṃ tantreṇa upāttaṃ draṣṭavyam. tena pratyāhārapāṭhe halityatra lakārasya itsaṃjñā kriyate. tathā ca sati halantyam ityatra pratyāhāre na itaretarāśrayadoṣo bhavati.

halantyam. , 1.3.3 "ante bhavamantyam" iti. digāditvādyat. antaśabdo'yaṃ samāptau vatrtate. yathā-- etadantaṃ vanamiti. yena ca samāpyate samudāyaḥ so'ntaḥ. ttarānte = samāptau bhavamantyam. haliti halśabdasyobhayaliṅgatvādantyamiti napuṃsakena nirdeśaḥ. "dhātvādeḥ" ityādi. ādiśabdena sūtraprātipadikapratyayāgamādeśānāṃ grahaṇam. tatra dhātoḥ -- "ḍukṛñ" (dhā.pā.1472) iti ñakāraḥ; sūtrasya-- "aiuṇ" (mā.sū.1) iti ṇakāraḥ; prātipadikasya - "navaṭ" iti ṭakāraḥ; nadaḍiti pacādiṣu paṭha()te. pratyayasya-- "guptijkidbhyaḥ san" 3.1.5 iti nakāraḥ; āgamasya "trapujatunoḥ ṣuk" 4.3.136 iti kakāraḥ; ādeśasya ca -- "cakṣiṅaḥ khyāñ" 2.4.54 iti ñakāraḥ. "agnicit, somasut" iti. cinoteḥ sunoteścā()gna citavān somaṃ sutavāniti kvip, tuk. nanu ca haliti pratyāhārapāṭhe yo'ntyo lakārastasyetsaṃjñā na prāpnoti; itaretarāśrayatvāt. tathā hi-- itsaṃjñāyām "ādirantyena sahetā" 1.1.70 iti haliti pratyāhāragrahaṇaṃ bhavati. ta()smaśca tasya lakārasya halantyamitītsaṃjñā. tadidamitaretarāśrayatvaṃ sphuṭatarameva. "itaretarāśrayāṇi kāryāṇi śāstre na prakalpyante" (vyā.pa.28) ityata āha-- "hasya l hal" ityādi. yadekamāvṛttibhedamantareṇāpyanekeṣāmupakāraṃ karoti tat tantram. yathā-- pradīpaḥ suprajvalito bahūnāṃ chātrāṇāmupakāraṃ karoti. iha tu prayatnaviśeṣastantraśabdena vivakṣitaḥ. tena tantreṇa dvitīyamatra halgrahaṇamupāttaṃ parigṛhītaṃ veditavyam. yathā ()oto dhāvatītyekena prayatnena dve vākye uccārite bhavataḥ, tathehāpyekenaiva prayatnena dvau halśabdāvuccāritāvityabhiprāyaḥ. hasya l haliti samīpisāmīpyasambandhe ṣaṣṭhī. "tena" ityādi. yatastantreṇa nyāyena dvitīyaṃ halgrahaṇaṃ kṛtam, tena pratyāhārapāṭhe halityasya lakārasya hakārasamīpavartinaḥ sākṣādeva saṃjñitvenopāttasyetsaṃjñā kriyate, na tu pratyāhārasamāśrayaṇena. evañca sati "halantyam" 3.3.3 ityatra pratyāhārapāṭhe itaretarāśrayada#oṣo na bhavati.

upadeśe'ntyaṃ halitsyāt. upadeśa ādyoccāraṇam. sūtreṣvadṛṣṭaṃ padaṃ sūtrāntarādanuvartanīyaṃ sarvatra..

halantyam 1, 1.3.3 upadeśe'ntyaṃ halitsyāt. upadeśa ādyoccāraṇam. sūtreṣvadṛṣṭaṃ padaṃ sūtrāntarādanuvartanīyaṃ sarvatra॥

tataḥ kimityata āha–halantyam. āvṛttayordvitīyaṃ sūtrametat. hal antyamiticchedaḥ. halśabdo napuṃsakaliṅgo'pyasti, antyamiti napuṃsakasāmānādhikaraṇyāt. `upadeśe'janunāsika i`diti pūrvasūtrādupadeśa iti' iditi cānuvartate. tadāha–upadeśe'ntyamityādinā. dhātuprātipadikanipātapratyāhārasūtrapratyayādeśāgamānāmantyamiti bhāṣyam. atha ko'yamupadeśo nāma?' tatrāha–upadeśa ādyoccāraṇamiti. upaśabda ādyarthakaḥ. diśiruccāraṇakriyāyām. bhāve ghañiti bhāvaḥ. etacca `ādeca upadeśe' ityādāsūtre bhāṣye spaṣṭam. dhātusūtragaṇoṇādivākyaliṅgānuśāsanam. āgamapratyayādeśā upadeśāḥ prakīrtitāḥ॥ kim-`idamasthamuḥ' iti thamupratyaye ukārasyoccāraṇārthasya nivṛttau makārasya pratyayāntatve'pi itsaṃjñā mā bhūt. tadevaṃ halantyamiti āvṛttadvitīyasūtreṇa caturdaśasūtryāmantyaṇakārādivarṇānāmitsaṃjñā siddheti sthitam. tataḥ kimityata āha-tato'ṇ? ajityādisaṃjñāsiddhāviti. tataḥ ṇakārādināmitsaṃjñāsiddhyanantaramādirantyenetyaṇādisaṃjñā siddhetyarthaḥ.

halantyam 2, 1.3.3 ekapadaṃ sūtram. hali antyaṃ halantyamiti vigrahaḥ. śauṇḍāderākṛtigaṇatvāt "saptamī śauṇḍaiḥ" iti saptamīsamāsaḥ, supsupeti samāso vā. halpadamiha sūtraparam. "upadeśe'janunāsika it()" iti pūrvasūtrādidityanuvartate. tadāha--haliti sūtra ityādinā. itsyāditi. itsaṃjñakaḥ syādityarthaḥ, saṃjñāprastāvāt. evaṃ ca anena sūtreṇa halsūtre lakārasya halsaṃjñāmanupajīvyaiva itsaṃjñā siddheti nānyonyāśraya iti bhāvaḥ.

ante'vasāne bhavamantyam. digāditvādyat. `upadeśe'janunāsika it' ityata `upadeśe' iti, `i'diti cā'trānuvartate. `ādirantyena-' iti sūtreṇa sahā'nyonyāśrayamāśaṅkya āvṛttyā taṃ pariharati-haliti sūtre'ntyamiti. hali antyamiti vigrahe `saptamī' iti yogavibhāgāt supsupā' iti vā samāsa iti bhāvaḥ. yadvā ṣaṣṭhītatpuruṣo'yaṃ, `haliti sūtrasyāntyamitsyāt ' iti vyākhyānasambhavāt.

halantyam 4, 1.3.3 ante'vasāne bhavamantyam. digāditvādyat. "upadeśe'janunāsika it" ityata "upadeśe" iti, "i"diti cā'trānuvartate. "ādirantyena-" iti sūtreṇa sahā'nyonyāśrayamāśaṅkya āvṛttyā taṃ pariharati-haliti sūtre'ntyamiti. hali antyamiti vigrahe "saptamī" iti yogavibhāgāt supsupā" iti vā samāsa iti bhāvaḥ. yadvā ṣaṣṭhītatpuruṣo'yaṃ, "haliti sūtrasyāntyamitsyāt " iti vyākhyānasambhavāt.