1/6:āhitopasthitayoḥ iti vaktavyam |
2/6:iha api yathā syāt |
3/6:ikṣuvāhaṇam śaravāhaṇam |
4/6:aparaḥ āha : vāhanam vāhyāt iti vaktavyam |
5/6:yadā hi gargāṇām vāhanam apaviddham tiṣṭhati tadā mā bhūt |
6/6:gargavāhanam iti

āhitavāci yat pūrvapadaṃ tatsthān nimittāduttarasyavāhananakārasya ṇakāra ādeśo bhavati. ikṣuvāhaṇam. śaravāhaṇam. darbhavāhaṇam. vāhane yadāropitam uhyate tadāhitam ucyate. āhitātiti kim? dākṣivāhanam. dākṣisvāmikaṃ vāhanam ityarthaḥ.

vāhanam āhitāt 8.4.8 āhitavāci yat pūrvapadaṃ tatsthān nimittāduttarasyavāhananakārasya ṇakāra ādeśo bhavati. ikṣuvāhaṇam. śaravāhaṇam. darbhavāhaṇam. vāhane yadāropitam uhyate tadāhitam ucyate. āhitātiti kim? dākṣivāhanam. dākṣisvāmikaṃ vāhanam ityarthaḥ.

vāhanamāhitāt?. , 8.4.8 uhrate'neneti karaṇe lyuṭ(). ata eva nipātanādupadhādīrghaḥ. "ikṣuvāhaṇam()" iti. ikṣūṇāṃ vāhanamiti kṛdyogalakṣamāyāḥ karmaṇi ṣaṣṭhyāḥ samāsaḥ. "vāhame yadāropitaṃ tadāhitamucyate" iti. anekārthatvāddhātūnāṃ dadhātistatra vatrtate. āhitamiti bhūtakālo'tra na vivakṣitaḥ. "kṛtyalyuṭo bahulam()" 3.3.113 iti kālasāmānye kto vidhīyate. tena yadāpi vāhane vāhanārthamikṣvādikamāropitaṃ na bhavati, tadarthaṃ tu kevalamupakaspitaṃ bhūtalasthitam(), tadāpi bhavatyeva. "dākṣivāhanam()" iti. atra dākṣisvāmikavāhanameva pratīyate, na tvāhitatvam(). ata evāha"dākṣisvāmikaṃ vāhanamityarthaḥ" iti. atra śabdaśaktirhetuḥ॥

vāhanamāhitāt. vāhane ādhīyate vahanāya yat, natu svayamevāroḍhuṃ śaknoti tadāhitam. tadāha–āropyeti. nimittāditi. rephaṣakārānyatarasmādityarthaḥ. vāhananakārasyeti. vāhanasya yo nakārastasyetyarthaḥ. anena sūtre vāhanamiti ṣaṣṭha\ufffdrthe prathameti sūcitam. ikṣuvāhaṇamiti. `ikṣavo hi vahanāya parairārīpyante, natu svayamevāroḍhuṃ śaknuvantī'ti teṣāmāhitatvaṃ bodhyam. āropiteśruyuktaṃ śakaṭādivāhanamiti yāvat. indravāhanamiti. nanu vaheḥ karaṇe lyuṭi kathamupadhādīrghaḥ, ñṇitpratyayaparakatvā'bhāvādityata āha–vaherlyuṭīti.

vāhanamāhitāt 1037, 8.4.8 vāhanamāhitāt. vāhane ādhīyate vahanāya yat, natu svayamevāroḍhuṃ śaknoti tadāhitam. tadāha--āropyeti. nimittāditi. rephaṣakārānyatarasmādityarthaḥ. vāhananakārasyeti. vāhanasya yo nakārastasyetyarthaḥ. anena sūtre vāhanamiti ṣaṣṭha()rthe prathameti sūcitam. ikṣuvāhaṇamiti. "ikṣavo hi vahanāya parairārīpyante, natu svayamevāroḍhuṃ śaknuvantī"ti teṣāmāhitatvaṃ bodhyam. āropiteśruyuktaṃ śakaṭādivāhanamiti yāvat. indravāhanamiti. nanu vaheḥ karaṇe lyuṭi kathamupadhādīrghaḥ, ñṇitpratyayaparakatvā'bhāvādityata āha--vaherlyuṭīti.