1/3:udaḥ pūrvatve skandeḥ chandasi upasaṅkhyānam |*
2/3:udaḥ pūrvatve skandeḥ chandasi upasaṅkhyānam kartavyam |
3/3:aghnye dūram utkanda
1/2:roge ca iti vaktavyam |
2/2:utkandakaḥ rogaḥ

savarṇaḥ iti vartate. udaḥ uttarayoḥ sthā stambha ityetayoḥ pūrvasavarṇādeśo bhavati. utthātā. utthātum. utthātavyam. stambheḥ khalvapi uttambhitā. uttambhitum. uttambhitavyam. sthāstambhoḥ iti kim? utsnātā. udaḥ pūrvasavarnatve skandeś chandasyupasaṅkhyānam. agne dūram utkandaḥ. roge ca iti vaktavyam. utkandako nāma rogaḥ. kandater vā dhātvantarasya etad rūpam.

udaḥ sthāstambhoḥ pūrvasya 8.4.61 savarṇaḥ iti vartate. udaḥ uttarayoḥ sthā stambha ityetayoḥ pūrvasavarṇādeśo bhavati. utthātā. utthātum. utthātavyam. stambheḥ khalvapi uttambhitā. uttambhitum. uttambhitavyam. sthāstambhoḥ iti kim? utsnātā. udaḥ pūrvasavarnatve skandeś chandasyupasaṅkhyānam. agne dūram utkandaḥ. roge ca iti vaktavyam. utkandako nāma rogaḥ. kandater vā dhātvantarasya etad rūpam.

udaḥ sthāstambhoḥ pūrvasya. , 8.4.60 "utthātā" iti. "ādeḥ padasya" 1.1.53 iti sakārasya mahāprāṇasyāghoṣasya tādṛśa eva pūrvasavarṇasthakāraḥ, "khari ca" 8.4.54 iti thakārasya takāraḥ, "anaci ca" 8.4.46 iti pūrvatakārasya dvirvacanam(), "jharo jhari" 8.4.64 iti pakṣa ekasya lopaḥ. "uttambhitā" iti. stambhiḥ sautro dhātuḥ. "utsnātā" iti"ṇṇā śauce" (dhā.pā.1052). pūrvagrahaṇaṃ parasavarṇanivṛttyartham(). "utpūrvasya" ityādi. pūrvasavarṇe katrtavye skandeśchandati di ya upasaṃkhyānam()--pratipādanaṃ katrtavyamityarthaḥ. tatredaṃ pratipādanam()--"vyatyayo bahulam()" 3.1.85 iti vyatyayenodaḥ parasya skande śchandasi viṣaye pūrvasavarṇo bhaviṣyati. "utkanda" ["utkandaḥ"--kāśikā] iti. loṭ(), sip(), "sehrrapicca" 3.4.87 iti hirādeśaḥ, "ato heḥ" 6.4.105 iti herluk(). "roge ca" ityādi. idamaviśeṣeṇa cchandasi bhāṣāyāṃ ca roge vācya udaḥ parasya skandeḥ pūrvasavarṇo bhavatītyetadartharūpaṃ vyākyeyamityarthaḥ. tatredaṃ vyākhyānam()--pṛṣodarāditvā6.3.108dbhaviṣyatīti. "utkandakaḥ" iti. "rogākhyāyāṃ ṇvulbahulam()" 3.3.108 iti ṇvul()॥

udaḥ sthāstambhoḥ. `anusvārasya yayi parasavarṇaḥ' ityatra samāsanirdiṣṭamapi savarṇagrahaṇamiha niṣkṛṣya sambadhyate, ekadeśe svaritatvapratijñānāt. `uda' iti pañcamī. atastasmādityuttarasyeti paribhāṣayā `udaḥparayo'riti labhyate. tadāha–udaḥ parayoriti. pūrveti. pūrvanimittasya udo dakārasya yaḥ savarṇaḥ sa ādeśaḥ syādityarthaḥ. pūrvasavarṇaścāyamalo'ntyaparibhāṣayā sthāstambhorantādeśo na bhavatītyāha–ādeḥ parasyeti. anayā paribhāṣayā sthāstambhorādyavayavasya sakārasyaiva bhavatītyarthaḥ. utthānamiti. `ṣṭhā gatinivṛttau'. bhāve lyuṭ. uttambhanamiti. `ṣṭabhi pratiṣṭambhe' bhāve lyuṭ. `stambhu rodhane' iti śnuvidhau nirdiṣṭaḥ sautro vā dhātuḥ. `sthāstambho'riti pavargīyopadhanirdeśasya ubhayasādhāraṇatvāt. nanu ud- sthānamityatra sakārasya pūrvasavarṇavidhau pūrvanimittaṃ dakāraḥ, tatsavarṇaśca tathadadhanāḥ pañcaiva. dantasthānasāmyātspṛṣṭaprayatnasāmyācca, na tu lṛkāraḥ sakāraśca, tayoḥ sthānasāmye'pi vivṛtaprayatnatvāt. nāpi lakāraḥ, īṣatspṛṣṭatvāt. etadatiriktāśca sarve varṇā bhinnasthānakatvānna dakārasavarṇāḥ. tataśca pūrvanimittabhūtadakārasavarṇāstathadadhanā#ḥ pañcāpi sakārasya prāptāḥ, sthānībhūtasakāreṇa dantasthānata āntaryasya pañcasvapyaviśiṣṭatvāt. ābhyantaraprayatnata āntaryasya ca pañcasvapyabhāvāt. sthānībhūtasakārasya vivṛprayatnatvāt, eteṣāṃ ca pañcānāṃ spṛṣṭaprayatnatvāt. ato'tra bāhraprayatnata evāntaryamādāya pañcasvanyatamavyavasthāmāha–atrā'ghoṣasyeti. `aghoṣasye'tyanena \ufffdāāsavato vivaravataścetyuktaprāyaṃ, samaniyatatvāt. sthānībhūtastāvatsakāro'trāghoṣa\ufffdāāsavivāramahāprāṇātmakayatnacatuṣṭavān. tasya tathadadhaneṣu prathamatṛtīyapañcamā na bhavanti, teṣāmalpaprāṇatvāt. nāpi caturtho bhavati, tasya ghoṣanādasaṃvārayatnakatvāt. dvitīyastu thakāro'ghoṣa\ufffdāāsavivāramahāprāṇātmakayatnacatuṣṭayavān. ataḥ sa eva thakāraḥ pūrvanimittabhūtadakārasavarṇaḥ sakārasya bhavatītyarthaḥ. evaṃ ca ud-sthānamiti sthite dakārasya `khari ce'ti cartvena takāre sakārasya pūrvasavarṇe thakāre utththānamityekatakāraṃ dvithakāraṃ ca rūpaṃ siddham. evaṃ utthatambhanamityatrāpi yojyam. tatra dvitakāramekathakāraṃ ceti viśeṣaḥ. tasyeti. sakārādeśasya thakārasyetyarthaḥ. evaṃ ca prathamathakārasya lopapakṣe ekatakāramekathakāraṃ ca rūpamiti bhāvaḥ. nanu prathamathakārasya la#opābhāvapakṣe ekatakāraṃ dvithakāraṃ ca rūpamityanupapannam. prathamathakārasya khari ceti cartve sati dvitakāramekathakāramityāpatterityata āha–lopābhāveti. asiddhatvāditi. `khari ce'ti sūtrāpekṣayā udasthā ityasya paratvāditi bhāvaḥ. utttambhanamiti tritakārapāṭhastu prāmādikaḥ. uktaprakriyāyā ubhayatrāpi sādhāraṇyāt. kecittu `na mune' ityatra neti yogavibhāgamabhyupagamya pūrvasavarṇasya thakārasya cartvaṃ pratyasiddhatvā'bhāvāccartve utttambhanamiti tritakārarūpaṃ kathañcitsādhayāmāsuḥ. tattu mūlakṛto na saṃmataṃ, mūle ubhayasādhāraṇyenaiva prakriyānirūpaṇāt. vastutastu `dīrghādācāryāṇā'mityuttaram. anusvārasya yayi parasavarṇaḥ, vā padāntasya, torli, udaḥsthāstambhoḥ pūrvasya, jhayo ho'nyatarasyām, śaścho'ṭīti ṣaṭ?sūtrīpāṭhottaraṃ `jhalāñjaś jhaśi', abhyāse carca', `khari ca', `vā'vasāne', `aṇo'pragṛhrāsyānunāsikaḥ', iti pañcasūtrīpāṭha iti `halo yamā'miti sūtrasthabhāṣyasaṃmataḥ sūtrakamaḥ. evaṃ ca `khari ce'ti cartve kartavye udaḥ sthāstambhoriti pūrvasavarṇasya thakārasya asiddhatvā'bhāvāccartve utthtānamiti dvitakāramekathakāraṃ ca rūpam, uttūtambhanamiti tu tritakārameva rūpamiti śabdenduśekhare prapañcitam.

sarvatra śākalyasya 59, 8.4.60 sarvatra śākalyasya. "ne"tyanuvartate. yatra yatra dvitvaṃ vihitaṃ tatra tatra śākasyasya ṛṣermate dvitvaṃ na bhavatītyarthaḥ. dīrghādācāryāṇām. "ne"tyanuvartate. dīrghātparasya yaro dvitvaṃ keṣāñcidācāryāṇāṃ mate na bhavati. matāntare tu bhavati. "anaci ce"tyatra vāgrahaṇamanuvartate iti nājjhalāviti sūtre kaiyaṭaḥ. evaṃ cā'naci cetyeva dvitvavikalpasiddhau triprabhṛtiṣvityādisūtratrayaṃ nārambhaṇīyamiti prauḍhamanoramāyāṃ sthitam. etatsūtratrayavirodhādanaci cetyatra vāgrahaṇaṃ nānuvarttyamiti yuktaṃ pratibhāti.

udaḥ sthā. `anusvārasya yayī'tyatra samastamapi savarṇagrahaṇamiha niṣkṛṣya saṃbadhyate, ekadeśe svaritatvapratijñānādityamipretyāha–pūrvasavarṇaḥ syāditi॥

udaḥ sthāstambhoḥ pūrvasya 95, 8.4.60 udaḥ sthā. "anusvārasya yayī"tyatra samastamapi savarṇagrahaṇamiha niṣkṛṣya saṃbadhyate, ekadeśe svaritatvapratijñānādityamipretyāha--pūrvasavarṇaḥ syāditi॥