1/9:padavyavāye ataddhite |*
2/9:padavyavāye ataddhite iti vaktavyam |
3/9:iha mā bhūt |
4/9:ārdragomayeṇa śuṣkagomayeṇa iti |
5/9:tat tarhi vaktavyam |
6/9:na vaktavyam |
7/9:na evam vijñāyate padena vyavāye padavyavāye iti |
8/9:katham tarhi |
9/9:pade vyavāyaḥ padavyavāyaḥ padvyavāye iti

padena vyavāyaḥ padavyavāyaḥ padavyavadhānam. padena vyavāye 'pi sati nimittanittinoḥ nakārasya nakārādeśo na bhavati. māṣakumbhavāpena. caturaṅgayogena. prāvanaddham. paryavanaddham. pra gāṃ nayāmaḥ. pari gāṃ nayāmaḥ. padavyavāye 'taddhita iti vaktavyam. iha mā bhūt, ārdragomayeṇa. śuṣkagomayeṇa. gośca purīṣe iti mayaṭ. svādau pūrvaṃ padam iti gośabdaḥ pūrvapadam tena vyavāyaḥ.

padavyavāye 'pi 8.4.38 padena vyavāyaḥ padavyavāyaḥ padavyavadhānam. padena vyavāye 'pi sati nimittanittinoḥ nakārasya nakārādeśo na bhavati. māṣakumbhavāpena. caturaṅgayogena. prāvanaddham. paryavanaddham. pra gāṃ nayāmaḥ. pari gāṃ nayāmaḥ. padavyavāye 'taddhita iti vaktavyam. iha mā bhūt, ārdragomayeṇa. śuṣkagomayeṇa. gośca purīṣe iti mayaṭ. svādau pūrvaṃ padam iti gośabdaḥ pūrvapadam tena vyavāyaḥ.

padavyavāye'pi. , 8.4.37 nimittanimittinoḥ parakṛtatvādubhayoreva vyavāyo vijñāyate, ityata āha--"padena vyavāye sati nimittanimittinoḥ" ityādi. "māṣakumbhaṣāpena" iti. māṣāṇāṃ kumbhaḥ mādhakumbhaḥ, taṃ vapatīti "karmaṇyaṇ()" 3.2.1, tadantāt? tṛtīyaikavacanam(). atra "prātipadikāntanumvibhaktiṣu ca" 8.4.11 iti prāptiḥ. "caturaṅgayogena" iti. atra "kumati ca" 8.4.13 iti prāptiḥ. catvāryaṅgānyasyeti bahuvrīhiḥ; tena yogaścaturaṅgayogaḥ, "karttṛkaraṇe kṛtā bahulam()" 2.1.31 iti tṛtīyāsamāsaḥ. pūrvatra kumbhaśabdena vyavāyaḥ, uttaratra tvaṅgaśabdena. "prāvanaddhama" iti. "ṇaha bandhane" (dhā.pā.1166), niṣṭhā, "naho dhaḥ" 8.2.34, "jhaṣastathordho'dhaḥ" 8.2.40, "jhalāṃ jaś? jhaśi" 8.4.52 ityete vidhayaḥ katrtavyāḥ, gatisamāsaḥ. atrāvaśabdena vyavāyaḥ. ṇatvaprāptistu "upasargādasamāse'pi" 8.4.14 ityādinā. evaṃ "pragānnayāmaḥ" ityatrāpi. vyavadhānaṃ tu gāmityanena. idaṃ tu cchāndasamudāhaṇam(). na hi bhāṣāyāṃ vyavahitādāmṛpasargāṇāṃ dhātoḥ prāk? prayogo'sti, kiṃ tarhi? "chandasi pare'pi" 1.4.80 ityataḥ "chandasi" ityanuvatrtamāne "vyavahitāśca" 1.4.81 ityanena chandasi vyavahito bhavati. gośabdasyaukārasya "auto'mśasoḥ" 6.1.90 ityāttvam(). "padavyavāye" ityādi. yo'yaṃ padavyavāye pratiṣedha ucyate so'taddhite bhavatītyetadartharūpaṃ vyākhyeyamityarthaḥ. tatredaṃ vyākhyānamityarthaḥ. tatredaṃ vyākhyānamityarthaḥ. tatredaṃ vyākhyānam()--"vā niṃsa nikṣa nindām()" 8.4.32 ityato maṇḍūkaplutinyāyena vāgrahaṇamanuvatrtate; sā ca vyavasthitavibhāṣā, tena taddhite pratiṣedho na bhaviṣyatīti. "ādrragomaryeṇa" iti. goridaṃ gomayam(), "gośca purīṣe" 4.3.143 iti mayaṭ(). ādrra ca tat? gomayañceti karmadhārayaḥ. gośabdena padena dhyavadhānam(). padasaṃjñā cāsya "svādiṣvasarvanāmasthāne" 1.4.17 ityanena॥

padavyavāye'pi. padena vyavadhāne iti. `padene'tyanantaraṃ `nimittakāryiṇo'riti śeṣaḥ. na syāditi. `na bhābhūpūkamigamī'tyastadanuvṛtteriti bhāvaḥ. māṣukambhavāpeneti. māṣāṇāṃ kumbho māṣakumbhaḥ, tasya vāpa iti ṣaṣṭhīsamāsaḥ. atra nimittakāryiṇoḥ ṣakāranakārayoḥ kumbhapadena vyavadhānānna ṇatvam. caturaṅgayogeneti. catvāri aṅgāni rathagajaturagapadātirūpāṇi yasya tat caturaṅgaṃ=sainyam, tena yoga iti vigrahaḥ. atra nimittakāryiṇoraṅgapadena vyavadhānānna ṇatvam. ubhayatrāpi kumbhaśabdasya aṅgaśabdasya ca pratyayalakṣaṇena antarvartirnī vibhaktimāśritya padatvaṃ bodhyam. `uttarapade cā'padādividhau pratiṣedhaḥ' iti niṣedhastu nātra pravartate, uttarakhaṇḍasya kāryabhāktve satyeva tatpravṛtteḥ. ata eva `na lumatāṅgasye'tyatra paramavācetyeva tasyāḥ paribhāṣāyā udāharaṇamuktaṃ bhāṣye. atra hi vākchabdasya uttarapadasya kutvarūpakāryabhākttvāmastīti tasya antarvartinīṃ vibhaktimāśritya padatvā'bhāvātkutvaṃ na bhavati. ata eva ca `kumati ce'ti sūtre bhāṣye māṣāṇāṃ kumbho māṣakumbhaḥ, bāṣakumbhasya vāpo māṣakumbhavāpaḥ. tena māṣakumbhavāpenetyatra `padavyavāye'pīti niṣedhapravṛttaye `prātipadikānte'ti ṇatvapravṛttirupanyastā saṅgacchate. nacaivaṃ sati ramyaviṇetyatra `vi' ityuttarakhaṇḍasya kāryabhāktvā'bhāvāt `uttarapadatve cā'padādividhau' iti pratyayalakṣaṇaniṣedhasyā'pravṛttau antarvartivibhaktyāśrayaṇena `padavyavāye'pī'ti ṇatvaniṣedhaḥ. etena punarbhūṇāmityatrāpi ṇatvaṃ nirbādham.\r\nataddhite iti. ataddhite pare yatpadaṃ tena vyavadhāne'yaṃ niṣedho, natu taddhitaparakapadenetyarthaḥ. ādrragomayeṇeti. goḥ purīṣaṃ gomayaṃ. `gośca purīṣe' iti gośabdāt ṣaṣṭha\ufffdntāt mayaṭ taddhitaḥ, taddhitāntaprātipadikāvayavatvāt supo luk. ādrraṃ gomayamiti karmadhārayaḥ. yadyapi pratyayalakṣaṇena antarvartinīṃ vibhaktimāśritya gośabdo mayaṭi padantathāpi tasya taddhitaparakatayā tena vyavadhāne'pi rephātparasya ṇatvaṃ bhavatyeva, asmin prakaraṇe aṭakupvāṅ?numvyavāyasya abādhakatvāt. śuṣkagomayeṇeti. ṣātparasyodāharaṇam. bhāṣye tu `padāntasye'ti pūrvasūtrātpadagrahaṇānuvṛttimabhipretya pade parataḥ padena vyavāye ṇatvaṃ netyāśritya vārtikamidaṃ pratyākhyātam.

padavyavāye'pi 1042, 8.4.37 padavyavāye'pi. padena vyavadhāne iti. "padene"tyanantaraṃ "nimittakāryiṇo"riti śeṣaḥ. na syāditi. "na bhābhūpūkamigamī"tyastadanuvṛtteriti bhāvaḥ. māṣukambhavāpeneti. māṣāṇāṃ kumbho māṣakumbhaḥ, tasya vāpa iti ṣaṣṭhīsamāsaḥ. atra nimittakāryiṇoḥ ṣakāranakārayoḥ kumbhapadena vyavadhānānna ṇatvam. caturaṅgayogeneti. catvāri aṅgāni rathagajaturagapadātirūpāṇi yasya tat caturaṅgaṃ=sainyam, tena yoga iti vigrahaḥ. atra nimittakāryiṇoraṅgapadena vyavadhānānna ṇatvam. ubhayatrāpi kumbhaśabdasya aṅgaśabdasya ca pratyayalakṣaṇena antarvartirnī vibhaktimāśritya padatvaṃ bodhyam. "uttarapade cā'padādividhau pratiṣedhaḥ" iti niṣedhastu nātra pravartate, uttarakhaṇḍasya kāryabhāktve satyeva tatpravṛtteḥ. ata eva "na lumatāṅgasye"tyatra paramavācetyeva tasyāḥ paribhāṣāyā udāharaṇamuktaṃ bhāṣye. atra hi vākchabdasya uttarapadasya kutvarūpakāryabhākttvāmastīti tasya antarvartinīṃ vibhaktimāśritya padatvā'bhāvātkutvaṃ na bhavati. ata eva ca "kumati ce"ti sūtre bhāṣye māṣāṇāṃ kumbho māṣakumbhaḥ, bāṣakumbhasya vāpo māṣakumbhavāpaḥ. tena māṣakumbhavāpenetyatra "padavyavāye'pīti niṣedhapravṛttaye "prātipadikānte"ti ṇatvapravṛttirupanyastā saṅgacchate. nacaivaṃ sati ramyaviṇetyatra "vi" ityuttarakhaṇḍasya kāryabhāktvā'bhāvāt "uttarapadatve cā'padādividhau" iti pratyayalakṣaṇaniṣedhasyā'pravṛttau antarvartivibhaktyāśrayaṇena "padavyavāye'pī"ti ṇatvaniṣedhaḥ. etena punarbhūṇāmityatrāpi ṇatvaṃ nirbādham.ataddhite iti. ataddhite pare yatpadaṃ tena vyavadhāne'yaṃ niṣedho, natu taddhitaparakapadenetyarthaḥ. ādrragomayeṇeti. goḥ purīṣaṃ gomayaṃ. "gośca purīṣe" iti gośabdāt ṣaṣṭha()ntāt mayaṭ taddhitaḥ, taddhitāntaprātipadikāvayavatvāt supo luk. ādrraṃ gomayamiti karmadhārayaḥ. yadyapi pratyayalakṣaṇena antarvartinīṃ vibhaktimāśritya gośabdo mayaṭi padantathāpi tasya taddhitaparakatayā tena vyavadhāne'pi rephātparasya ṇatvaṃ bhavatyeva, asmin prakaraṇe aṭakupvāṅ()numvyavāyasya abādhakatvāt. śuṣkagomayeṇeti. ṣātparasyodāharaṇam. bhāṣye tu "padāntasye"ti pūrvasūtrātpadagrahaṇānuvṛttimabhipretya pade parataḥ padena vyavāye ṇatvaṃ netyāśritya vārtikamidaṃ pratyākhyātam.

padena vyavadhāna iti. nimittanimittinormadhye pade sati ṇatvaṃ netyarthaḥ. māṣakumbhavāpeneti. māṣakumbhaṃ vapatīti `karmaṇyaṇ'. upapadasamāsaḥ. caturaṅgayogeneti. `catvāryaṅgānyasya'tena yogaḥ' iti manoramāyāṃ vigṛhitam. tadayuktam. `uttarapadatve cā'padādividhau'iti pratyayalakṣaṇapratiṣedhādaṅgaśabdasyā'padatvāt. tasmāt `aṅgānāṃ yogo'ṅgayogaścaturṇāmaṅgayogaḥ' ityeva vigrahītavyam. na ca `caturaṅgena yogaḥ iti vigrahe'pyaṅgaśabda uttarapadaṃ neti pratyayalakṣaṇapratiṣedho na pravartata iti śaṅkyaṃ, tasya pūrvasamāsasyottarapadatvāt, uttarapadatve ce'ti pratiṣedhavacanasyāpi `uttarasya=samāsacaramāvayavasya padatve kartavye padādividhibhinne pratyayalakṣaṇaṃ na pravartate'ityarthā byupagamācca. `śākapārthivādīnāmuttarapadalopaḥ', prādibhyo dhātujasye'tyādau tūttarapadaśabdena samāsacaramāvayavamātraṃ gṛhrate iti tatra pratyayalakṣaṇapravṛttyabhāve'pi na kṣatiḥ. iha tu padatvalābhāya pratyayalakṣaṇapravṛttirapekṣitā. evaṃ ca `māṣakumbhavāpene' vāpaḥ–kumbhavāpaḥ. kumbhaśabdaḥ kumbhaparimitadhānye bhāktaḥ. `māṣāṇāṃ kumbhavāpaḥ' ithi vigrahītavyamiti navyāḥ. kecuttu—`apadādividhau'ityatra `padāntavidhau'ityarthaṃ parikalpya `padavyavāye'pī' tyasya padāntavidhitvā'bhāvānnāstyatra pratyayalakṣaṇaniṣedha ityāhuḥ. tadapare na kṣamante. tathā hi sati lāghavāt `padantavidhau'ityeva brāūyāt, na tu `apadādividhau'iti dik. [kiṃcottarapadatve iti vacanasya padāntavidhau kartavye pratiṣedha ityarthābhyupagame padamadaṇḍināviti `ṅamo hyasvadacī'ti sūtrasthamanoramāgranthenaiva virodha ityalamiyatā].\r\nataddhita iti vācyam. ataddhita ithi. `vyavadhāyakapadasya taddhitaścetparo na bhavati, tadā niṣedhaḥ'ityarthaḥ. ādrragomayeṇeti. iha gośabdaḥ padam. `uttarapadatve ce'ti niṣedho'tra na śaṅkyaḥ, gomayaśabdasyottarapadatvāt, gośabdasya ca `svādiṣu'iti padatvāt.

padavyavāye'pi 872, 8.4.37 padena vyavadhāna iti. nimittanimittinormadhye pade sati ṇatvaṃ netyarthaḥ. māṣakumbhavāpeneti. māṣakumbhaṃ vapatīti "karmaṇyaṇ". upapadasamāsaḥ. caturaṅgayogeneti. "catvāryaṅgānyasya"tena yogaḥ" iti manoramāyāṃ vigṛhitam. tadayuktam. "uttarapadatve cā'padādividhau"iti pratyayalakṣaṇapratiṣedhādaṅgaśabdasyā'padatvāt. tasmāt "aṅgānāṃ yogo'ṅgayogaścaturṇāmaṅgayogaḥ" ityeva vigrahītavyam. na ca "caturaṅgena yogaḥ iti vigrahe'pyaṅgaśabda uttarapadaṃ neti pratyayalakṣaṇapratiṣedho na pravartata iti śaṅkyaṃ, tasya pūrvasamāsasyottarapadatvāt, uttarapadatve ce"ti pratiṣedhavacanasyāpi "uttarasya=samāsacaramāvayavasya padatve kartavye padādividhibhinne pratyayalakṣaṇaṃ na pravartate"ityarthā byupagamācca. "śākapārthivādīnāmuttarapadalopaḥ", prādibhyo dhātujasye"tyādau tūttarapadaśabdena samāsacaramāvayavamātraṃ gṛhrate iti tatra pratyayalakṣaṇapravṛttyabhāve'pi na kṣatiḥ. iha tu padatvalābhāya pratyayalakṣaṇapravṛttirapekṣitā. evaṃ ca "māṣakumbhavāpene"tyātrāpi kumbhasya vāpaḥ--kumbhavāpaḥ. kumbhaśabdaḥ kumbhaparimitadhānye bhāktaḥ. "māṣāṇāṃ kumbhavāpaḥ" ithi vigrahītavyamiti navyāḥ. kecuttu---"apadādividhau"ityatra "padāntavidhau"ityarthaṃ parikalpya "padavyavāye'pī" tyasya padāntavidhitvā'bhāvānnāstyatra pratyayalakṣaṇaniṣedha ityāhuḥ. tadapare na kṣamante. tathā hi sati lāghavāt "padantavidhau"ityeva brāūyāt, na tu "apadādividhau"iti dik. [kiṃcottarapadatve iti vacanasya padāntavidhau kartavye pratiṣedha ityarthābhyupagame padamadaṇḍināviti "ṅamo hyasvadacī"ti sūtrasthamanoramāgranthenaiva virodha ityalamiyatā].ataddhita iti vācyam. ataddhita ithi. "vyavadhāyakapadasya taddhitaścetparo na bhavati, tadā niṣedhaḥ"ityarthaḥ. ādrragomayeṇeti. iha gośabdaḥ padam. "uttarapadatve ce"ti niṣedho'tra na śaṅkyaḥ, gomayaśabdasyottarapadatvāt, gośabdasya ca "svādiṣu"iti padatvāt.