1/8:naśeḥ aśaḥ |*
2/8:naśeḥ aśaḥ iti vaktavyam |
3/8:iha api yathā syāt |
4/8:pranaṅkṣyati parinaṅkṣyati |
5/8:tat tarhi vaktavyam |
6/8:na vaktavyam |
7/8:iha naśeḥ ṣaḥ iti iyatā siddham |
8/8:saḥ ayam evam siddhe sati yat antagrahaṇam karoti tasya etat prayojanam ṣāntabhūtapūrvasya api yathā syāt

na iti vartate. naśeḥ ṣakārāntasya ṇakārādeśo na bhavati. pranaṣṭaḥ. parinaṣṭaḥ. ṣāntasya iti kim? praṇaśyati. pariṇaśyati. antagrahaṇaṃ ṣāntabhūtapūrvamātrasya api yathā syāt, pranaṅkṣyati. parinaṅkṣayati.

naśeḥ ṣāntasya 8.4.36 na iti vartate. naśeḥ ṣakārāntasya ṇakārādeśo na bhavati. pranaṣṭaḥ. parinaṣṭaḥ. ṣāntasya iti kim? praṇaśyati. pariṇaśyati. antagrahaṇaṃ ṣāntabhūtapūrvamātrasya api yathā syāt, pranaṅkṣyati. parinaṅkṣayati.

naśeḥ ṣāntasya. , 8.4.35 "upasargādasamāse" 8.4.14 ityādinā prāptasya ṇatvasya pratiṣedhaḥ kriyate. "pranaṣṭaḥ" iti. "ṇaśa adarśane" (dhā.pā.1194), tasmānniṣṭhā, masjinaśorjhali" 7.1.60 iti num(), "aniditāṃ hala upadhāyāḥ kṅiti" 6.4.24 iti nalopaḥ; vraścādisūtreṇa 8.2.36 ṣatvam(). "praṇaśyati" iti. divāditvācchyam(). athāntagrahaṇaṃ kimartham(); yāvatā "naśeḥ ṣaḥ" ityucyamāna naśo viśiṣyamāṇe "yena vidhistadantasya" (1.1.72) iti tadantavidhau ṣāntasya ṇatvapratiṣedho bhaviṣyati? ityāha--"antagrahaṇam()" ityāha. "pranaṅkṣyati" iti. pūrvavat? ṣatve "ṣaḍhoḥ kaḥ si" 8.2.41 iti katvam(). atra yadyantagrahaṇaṃ na kriyeta, katve ṣāntatā nāstīti pratiṣedho na syāt(). a()smastu sati katve'pi kṛte bhavati. etadeva hi tasya prayojanam()--bhūtapūrve'pi ṣānte pratiṣedho yathā syāt()॥

naśe ṣāntasya. `raṣābhyā'mityato ṇa iti, `na bhābhūpū' ityato neti cānuvartate ityabhipretya śeṣaṃ pūrayati– ṇatvaṃ na syāditi. ṣāntasyeti kim ?. praṇaśyati. bhūtapūrveti. pūrvaṃ ṣakārasya sata idānīmādeśavaśena ṣāntatvā'bhāve'pi ṇatvaniṣedhaprāptyarthamantagrahaṇamityarthaḥ. pranaṅkṣyatīti. atra ṣasya katve kṛte'pi bhūtapūrvagatyā ṣāntatvānna ṇatvamiti bhāvaḥ. tṛpa prīṇane. tṛptistarpaṇaṃ ceti. ādye'karmakaḥ. dvitīye sakarmakaḥ. radhāditvādveḍiti matvāha–tatarpitha tatarptheti. tatraptheti ca. `anudāttasya cardupadhāsye'tyamiti bhāvaḥ. tatṛpiva– tatṛpva.sijveti. pakṣe puṣādyāṅiti bhāvaḥ. radhāditvādiḍvikalpaḥ. tatra sici iṭpakṣe āha–atarpīditi. iḍabhāvapakṣe āha—atārpsīditi. rahalantalakṣaṇā vṛddhiriti bhāvaḥ. `anudāttasya ce'tyampakṣe āha—atrāpsīditi. puṣādyaṅpakṣe āha- - atṛpaditi. ṅittvānna guṇa iti bhāvaḥ. dṛpa harṣe iti. tṛpadhātuvat. nanu radhāditvādeva veṭkatvādaniṭkārikāsu tṛpyatidṛpyatyoḥ pāṭho vyartha ityata āha- - radāditvādimau veṭkāvamarthamanudāttateti. druha jighāṃsāyām. anudāttatvā'bhāve'pi radāditvādveṭ. tatra iḍabhāve āha– vā druhamuheti. dhrokṣyatīti. `vā druhe'ti ghatvapakṣe dakārasya bhaṣi ghasya cartve sasya ṣatve rūpam. ḍhatvapakṣe'pi `ṣaḍho'riti katve etadeva rūpam. tadāha–ḍhatvaghatvayostulyaṃ rūpamiti. adruhaditi. puṣāditvādaṅiti bhāvaḥ. muhadāturanudāttatvā'bhāve'pi radhādidveṭ.mumohitheti. iṭpakṣe rūpam. aniṭpakṣe tu `vā druhamuhe'ti ghatvaṃ matvā''ha –mumogdheti. ḍhatvapakṣe āha–mumoḍheti. mokṣyatīti. ghatvaḍhatvayostulyaṃ rūpam. ṣṇuha ṣṇiheti. ṣopadeśau. tadāha— suṣṇoha siṣṇeheti. thalādāvaniṭpakṣe `vā druhe'ti ghatvavikalpaḥ. pakṣe ḍhaḥ. itiradhādayaḥ. ā gaṇāntāditi. divādigaṇasamāptiparyantāḥ puṣādaya ityarthaḥ. siddhānta iti. mādhavādibhistathā'bhyupagamāditi bhāvaḥ. upaśame iti. upaśamo– nāśaḥ, indriyanigrahaśca.

naśeḥ ṣāntasya 348, 8.4.35 naśe ṣāntasya. "raṣābhyā"mityato ṇa iti, "na bhābhūpū" ityato neti cānuvartate ityabhipretya śeṣaṃ pūrayati-- ṇatvaṃ na syāditi. ṣāntasyeti kim?. praṇaśyati. bhūtapūrveti. pūrvaṃ ṣakārasya sata idānīmādeśavaśena ṣāntatvā'bhāve'pi ṇatvaniṣedhaprāptyarthamantagrahaṇamityarthaḥ. pranaṅkṣyatīti. atra ṣasya katve kṛte'pi bhūtapūrvagatyā ṣāntatvānna ṇatvamiti bhāvaḥ. tṛpa prīṇane. tṛptistarpaṇaṃ ceti. ādye'karmakaḥ. dvitīye sakarmakaḥ. radhāditvādveḍiti matvāha--tatarpitha tatarptheti. tatraptheti ca. "anudāttasya cardupadhāsye"tyamiti bhāvaḥ. tatṛpiva--tatṛpva.sijveti. pakṣe puṣādyāṅiti bhāvaḥ. radhāditvādiḍvikalpaḥ. tatra sici iṭpakṣe āha--atarpīditi. iḍabhāvapakṣe āha---atārpsīditi. rahalantalakṣaṇā vṛddhiriti bhāvaḥ. "anudāttasya ce"tyampakṣe āha---atrāpsīditi. puṣādyaṅpakṣe āha-- atṛpaditi. ṅittvānna guṇa iti bhāvaḥ. dṛpa harṣe iti. tṛpadhātuvat. nanu radhāditvādeva veṭkatvādaniṭkārikāsu tṛpyatidṛpyatyoḥ pāṭho vyartha ityata āha-- radāditvādimau veṭkāvamarthamanudāttateti. druha jighāṃsāyām. anudāttatvā'bhāve'pi radāditvādveṭ. tatra iḍabhāve āha-- vā druhamuheti. dhrokṣyatīti. "vā druhe"ti ghatvapakṣe dakārasya bhaṣi ghasya cartve sasya ṣatve rūpam. ḍhatvapakṣe'pi "ṣaḍho"riti katve etadeva rūpam. tadāha--ḍhatvaghatvayostulyaṃ rūpamiti. adruhaditi. puṣāditvādaṅiti bhāvaḥ. muhadāturanudāttatvā'bhāve'pi radhādidveṭ.mumohitheti. iṭpakṣe rūpam. aniṭpakṣe tu "vā druhamuhe"ti ghatvaṃ matvā'‌'ha --mumogdheti. ḍhatvapakṣe āha--mumoḍheti. mokṣyatīti. ghatvaḍhatvayostulyaṃ rūpam. ṣṇuha ṣṇiheti. ṣopadeśau. tadāha--- suṣṇoha siṣṇeheti. thalādāvaniṭpakṣe "vā druhe"ti ghatvavikalpaḥ. pakṣe ḍhaḥ. itiradhādayaḥ. ā gaṇāntāditi. divādigaṇasamāptiparyantāḥ puṣādaya ityarthaḥ. siddhānta iti. mādhavādibhistathā'bhyupagamāditi bhāvaḥ. upaśame iti. upaśamo-- nāśaḥ, indriyanigrahaśca.

naśeḥ. `na bābhūpūkamiganī'tyato netyanuvartate. tadāha– ṇatvaṃ na syāditi. `ṣasye'tyukte'pi padasyetyasya viśeṣaṇena ṣāntasyeti lābhādantagrahaṇaṃ vyarthaṃ sajjñāpayatītyāha— bhūtapūrveti. kāṣṭhānāmiti. karaṇasya śeṣatvavivakṣāyāṃ ṣaṣṭhī. tatraptheti. `anudāttasya cardupadhasye'ti vikalpenā'māgamaḥ. radhādaya iti. radhanaśatṛpadṛpadruhamuhaṣṇuhaṣṇiha ityarthaḥ. udittavāktvāyāṃ veṭ. śamitvā. śāntvā. `yasya vibhāṣe'ti niṣṭhāyāmaniṭ. śāntaḥ.

naśeḥ ṣāntasya 305, 8.4.35 naśeḥ. "na bābhūpūkamiganī"tyato netyanuvartate. tadāha-- ṇatvaṃ na syāditi. "ṣasye"tyukte'pi padasyetyasya viśeṣaṇena ṣāntasyeti lābhādantagrahaṇaṃ vyarthaṃ sajjñāpayatītyāha--- bhūtapūrveti. kāṣṭhānāmiti. karaṇasya śeṣatvavivakṣāyāṃ ṣaṣṭhī. tatraptheti. "anudāttasya cardupadhasye"ti vikalpenā'māgamaḥ. radhādaya iti. radhanaśatṛpadṛpadruhamuhaṣṇuhaṣṇiha ityarthaḥ. udittavāktvāyāṃ veṭ. śamitvā. śāntvā. "yasya vibhāṣe"ti niṣṭhāyāmaniṭ. śāntaḥ.