1/5:atpūrvasya iti kimartham |
2/5:praghnanti parighnanti |
3/5:hanteḥ atpūrvasya vacane uktam |*
4/5:kim uktam |
5/5:kuvyavāye hādeśeṣu pratiṣedhaḥ iti

akārapūrvasya hantinakārasya upasargasthāt nimittāduttarasya ṇakāra ādeśo bhavati. prahaṇyate. parihaṇyate. prahaṇanam. parihaṇanam. atpūrvasya iti kim? praghnanti. parighnati. taparakaraṇaṃ kim? ciṇi prāghāni. paryaghāni.

hanteratpūrvasya 8.4.22 akārapūrvasya hantinakārasya upasargasthāt nimittāduttarasya ṇakāra ādeśo bhavati. prahaṇyate. parihaṇyate. prahaṇanam. parihaṇanam. atpūrvasya iti kim? praghnanti. parighnati. taparakaraṇaṃ kim? ciṇi prāghāni. paryaghāni.

hanteratpūrvasya. , 8.4.21 hanterityavayavalakṣaṇā ṣaṣṭhī. "atpūrvasya" iti. atpūrvo yasmāditi bahuvrīhiḥ. nakāro'nyapadārthaḥ. "prahaṇyate" iti. "hana hiṃsāgatyoḥ" (dhā.pā.1012) "bhāvakarmaṇoḥ" 1.3.13 ityātmanepadam(). "pradhnanti" iti. "gamahana" 6.4.98 ityādinopadhālopaḥ. "ho hanterñṇiśneṣu" 7.3.54 iti kutvam(). "prādhāni" iti. luṅ(), "ciṇbhāvakarmaṇoḥ" 3.1.66 iti cleściṇ(), "ata upadhāyāḥ" 7.2.116 iti vṛddhiḥ, "ciṇo luk()" 6.4.104 iti takārasaya luk(). śitapā nirdeśo dhātunirdeśāratha eva, na yaṅlunnivṛttyarthaḥ. "prajaṅghanīti" iti. dvirvacane cutve jaśtve kṛte parasya nakāralasya jakārema vyavadhānāṇṇātvaṃ na bhaviṣyatīti. pūrvasya tu "naścāpadāntasya jhali" 8.3.24 ityanusvāre satyanusvārī bhūtatvācca. ata iti katrtavye "pūrvasya" iti vacanaṃ vaicitryārtham()॥

nanviha kathaṃ na ṇatvaṃ, bhinnapadasthatve'pi `ekājuttarapade ṇaḥ' iti ṇatvasya durvāratvāt, kṛte.ñapyallope tasya pūrvasmādvidhau sthānivattvāduttarapadasya ekāctvāt, sthānivattvā'bhāve'pi `prātipadikāntatumvibhaktiṣu ce'tyasya `kumati ce'tyasya vā durvāratvāditi prāpte tadvāraṇārthaṃ `hanteratpūrvasye'ti sūtraṃ vibhajya vyācaṣṭe hanteḥ. `raṣābhyāṃ no ṇaḥ' ityanuvartate. `upasargādasamāse'pī'tyata upasargādityanuvartate. tātsthyāttācchabdyam. upasargasthāditi labhyate. tacca raṣayoḥ pratyekamanveti. tadāha- upasargasthānnimittādityādinā. nimittaśabdena rephaḥ ṣakāraśca vivakṣitaḥ. prahaṇyāditi. atra bhinnapadasthātvādaprāpte ṇatve vacanam.

hanteḥ , 8.4.21 nanviha kathaṃ na ṇatvaṃ, bhinnapadasthatve'pi "ekājuttarapade ṇaḥ" iti ṇatvasya durvāratvāt, kṛte.ñapyallope tasya pūrvasmādvidhau sthānivattvāduttarapadasya ekāctvāt, sthānivattvā'bhāve'pi "prātipadikāntatumvibhaktiṣu ce"tyasya "kumati ce"tyasya vā durvāratvāditi prāpte tadvāraṇārthaṃ "hanteratpūrvasye"ti sūtraṃ vibhajya vyācaṣṭe hanteḥ. "raṣābhyāṃ no ṇaḥ" ityanuvartate. "upasargādasamāse'pī"tyata upasargādityanuvartate. tātsthyāttācchabdyam. upasargasthāditi labhyate. tacca raṣayoḥ pratyekamanveti. tadāha-upasargasthānnimittādityādinā. nimittaśabdena rephaḥ ṣakāraśca vivakṣitaḥ. prahaṇyāditi. atra bhinnapadasthātvādaprāpte ṇatve vacanam. prakṛtopayuktamāha--atpūrvasya. hanterityanuvartate. "raṣābhyāṃ no ṇaḥ" iti ca. "upasargā"diti tu nivṛttam. hanteratpūrvasya nasya ṇaḥ syāditi labhyate. siddhe satyārambho niyamārthastadāha--hanteratpūrvasyaivetyādinā. praghnantīti. hanterlaṭ, jhiḥ, jho'ntaḥ, śap, luk "gamahane"tyupadhālopaḥ. "ho hanteḥ" iti kutvam. praghnatīti rūpam. atra upasargastharephātparatvāt "hanteḥ" ityanena prāptaṃ ṇatvam "atpūrvasye"ti niyamānna bhavati. "vṛtraghna" ityatra "prātipadikānte" tyādiṇatvaṃ nivartate. nanu "prātipadikāntanumvibhaktiṣu" ca, "ekājuttarapade ṇaḥ", "kumati ca", "hanteratpūrvasye"ti sūtrapāṭhakramaḥ. tataśca "anantarasya vidhi"riti nyāyena "atpūrvasye"ti niyamena "praghnantī"tyatra "hante"rityavyavahitaṇatvameva nivarteta, natvanyadityata āha--yogeti. yadi "atpūrvasye"tyanena "hanteḥ" iti ṇatvameva vyāvarttyeta, tarhi "hanteratpūrvasye"tyekameva sūtraṃ syāt. upasargasthānnimittātparasya hanteratpūrvasya nasya ṇatvamityetāvataiva praghnantītyatra ṇatvanivṛttisambhavāt. ato yogavibhāgasāmathryāṇṇatvamātrasyāyaṃ niyama iti vijñāyata ityarthaḥ. ekājuttareti. "kumati ca" ityasya "prātipadikānte"tyasya copalakṣaṇam. allopasya pūrvasmādapi vidhau sthānivaśttvādekāctvamuttarapadasya bodhyam. naca "pūrvatrāsiddhe na sthānivat" iti vācyam, "tasya doṣaḥ samayogādilopalatvaṇatveṣu" ityukteḥ. nanu vṛtraghna ityatra "ho hanteḥ" iti kathaṃ kutvaṃ, pūrvasya vidhāvallopasya sthānivattvādityata āha--nakāre para iti. mādhavamataṃ dūṣayitumanuvadati--yattviti. tuḥ pūrvavaiṣamye. vaikalpikamiti. "prātipadikānte ti vihitamityarthaḥ. tadbhāṣyeti. "kuvyavāye hādeśeṣu pratiṣedho vaktavyaḥ. kiṃ prayojanam(). vṛtraghnaḥ sugghaḥ prāghāni. "hanteratpūrvasye"ti sūtre atpūrvagrahaṇaṃ na kartavyam" iti " aṭkupvā"ṅiti sūtre bhāṣyam. atra ṇatvaprakaraṇe hādeśakuvyavāye pratiṣedhavijñānāt "prātipadikānte"ti ṇatvamapi ādeśakuvyavāye na bhavatīti vijñāyate. tadvirodhānmādhavamatamupekṣyamityarthaḥ. evamiti. vṛtrahanśabdavadityarthaḥ. "inhanpūṣāryamṇāṃ śau", "sau ce ti dīrghaniyamamātre dṛṣṭānto, na tu kutvādau, asambhavāt. śāṅrgamasyāstītyarthe "ata iniṭhanau" iti matvarthīya iniḥ. yaśo'syāstītyarthe "asmāyāmedhāruājaḥ" iti viniḥ. "tasau matvarthe" iti bhatvānna rutvam. nanvarthavatparibhāṣayā "inhan" ityatrārthavata eva ino grahaṇaṃ, tataśca vinpratyaye ino'narthakatvāttasya kathaṃ grahaṇamityāśaṅkya pariharati--yaśasvinnityādinā.aninasmanniti. etacca "yena vidhiḥ" iti sūtre bhāṣye sthitam. rājña" ityatra an arthavān, "dāmnaḥ" ityatra tu anarthakaḥ. "śāṅrgī"tyatra in arthavān, "yaśasvī"tyatra tu anarthakaḥ. "supayā" ityatrā's arthavān, "suruāotā" ityatra tu anarthakaḥ. asantatvāddīrghaḥ. "suśarme"tyatra man arthavān, "suprathime"tyatra tvanarthakaḥ. "manaḥ" iti na ṅīp. aryamanśabde pūṣanśabde cā'llope viśeṣa ityāha-aryamṇītyādi. "vibhāṣā ṅiśyoḥ" ityallopavikalpaḥ. śasādāvaci tu nityamallopa uktaprāya iti bhāvaḥ. mahrate pūjyata ityarthe kanipratyayaḥ. ikāra uccāraṇārthaḥ. kakāra it. anniti pratyayaḥ śiṣyate. dhātoravugāgamaḥ. tatra kakāra it. ukāra uccāraṇārthaḥ. kittvādantāvayavaḥ, mahadhātorhasya ghaśceti trayaṃ nipātyate.

atpūrvasyeti. ekājuttareti. na cā'llope kṛte ekāctvaṃ nāstīti vācyaṃ, pūrvasmādapi vidhau sthānivadbhāvāt. na ca `pūrvatrā'siddhe na sthāniva'diti vācyam, `tasya doṣaḥ saṃyogādilopalatvaṇatveṣvi'tyukteḥ. nivarttyate iti. `kumati ce'ti ṇatvamapi nivarttyata eveti bodhyam. bhāṣye tu–`kuvyavāye hādeśeṣu pratiṣedho vaktavyaḥ'. kiṃ prayojanam?.vṛtraghnaḥ ruāugghnaḥ prāghāni. `hanteratpūrvasye'tyatpūrvagrahaṇaṃ na kartavyaṃ bhavati, ityuktam. etacca vārtikāśayavarṇanamātram, natu vastusthitiḥ vārtikena sūtrāvayavapratyākhyānāpekṣayā yogavibhāgamāśritya vārtikārthopasaṅgrahasyaiva nyāyyatvāditi tu manoramāyā sthitam. nanvatpūrvasyetyatra taparo vivakṣito na vā, yadi vivakṣitastarhi `bahuvṛtrahāṇī'ti na sidhyet. yadyavivakṣitastadā `prāghānī'ti ciṇante'pi ṇatvaṃ syāt, tataśca `kuvyavāye hādeśeṣu pratiṣedhaḥ'iti vacanaṃ svīkartavyameveti kimanena yogāvibhāgena? atrāhuḥ–tuparo'tra vivakṣita eva. na ca `bahuvṛtrahāṇī'tyatra ṇatvā'siddhiḥ, ṇatvasyā'ntaraṅgatvena tatkāryaṃ prati dīrghasyā'siddhatvāt. na ca traipādike'ntaraṅge ṣa#āṣṭhī paribhāṣā na pravartata ithi vācyaṃ, kāryakālapakṣā'bhyupagamāt. na caivamantaraṅgaṃ ṇatvaṃ `prāghānī'tyatrāpi syāditi vācyaṃ, `pūrvadhātuḥ sādhanena yujyate'iti pakṣe ṇatvasya bahiraṅgatvāt. iṣṭānurodhena `pūrvaṃ dhāturūpasargeṇe'ti pakṣasyānabhyupagamāditi. anye tu– `hanteratpūrvasye'tyatra `upasargā'dityasyānuvṛttisvīkārādyodavibhāgasārthyena `bhrūṇapraghna 'ityatra `ekājuttare'tyādinā ṇatvā'bhāve'pi `vṛtraghnaḥ'`ruāugghna'ityatra ṇatvaṃ darvāramiti `kuvyavāye'iti vārtikaṃ svīkartavyameva. yogavibhāgasyā'nantarasyeti nyāyabādhenāpi caritārthakatvādupasargasaṃbandhasyāpi bādhe sāmathryā'bhāvāt. na ca brāhṛādiṣu karmasūpapadeṣu vidhīyamānaḥ kvippratyayaḥ kevaladhātoreva syānna tu sopasargāditi `barahṛprahā'`bhrūṇaprahe'–tyādi rūpameva durlabhamiti vācyam, `āto'nupasarge kaḥ'ityatrā'nupasarge iti sāmānyāpekṣajñāpakātsopasargāddhanterapi `brāhṛbhrūṇe'ti kvipsaṃbhavāt. anupasargagrahaṇasya sāmānyāpekṣajñāpakatve tūktavārtikameva pramāṇam. tasmān`hante'riti yogavibhāgo'tra nirarthaka evetyāhuḥ.

hanteḥ 319, 8.4.21 "hanteratpūrvasye"ti sūtraṃ yogāvibhāgena vyācaṣṭe--hantariti. prasaṅgādasyoharaṇamāha--prahaṇyāditi. prakṛtopayuktamaṃśamāha-