1/20:asamāsagrahaṇam kimartham |
2/20:samāse iti vartate asamāse api yathā syāt |
3/20:praṇamati pariṇamati |
4/20:kva punaḥ samāsagrahaṇam prakṛtam |
5/20:pūrvapadātsañjñāyāmagaḥ iti |
6/20:katham punaḥ tena samāsagrahaṇam śakyam vijñātum |
7/20:pūrvapadagrahaṇasāmarthyāt |
8/20:samāse eva etat bhavati pūrvapadam uttarapadam iti |
9/20:atha apigrahaṇam kimartham |
10/20:samāse api yathā syāt |
11/20:praṇāmakaḥ pariṇāmakaḥ |
12/20:yadi tarhi samāse ca asamāse ca iṣyate na arthaḥ asamāsepigrahaṇena |
13/20:nivṛttam pūrvapadāt iti |
14/20:aviśeṣeṇa upasargāt ṇatvam vakṣyāmi |
15/20:samāse niyamāt na prāpnoti |
16/20:asiddham upasargāt ṇatvam tasya asiddhatvāt niyamaḥ na bhaviṣyati |
17/20:evam tarhi siddhe sati yat asamāse apigrahaṇam karoti tat jñāpayati ācāryaḥ na yoge yogaḥ asiddhaḥ |
18/20:kim tarhi prakaraṇe prakaraṇam asiddham iti |
19/20:kim etasya jñapane prayojanam |
20/20:yat tat uktam niṣkṛtam niṣpītam iti atra satvasya asiddhatvāt ṣatvam na prāpnoti iti saḥ na doṣaḥ bhavati

1/17:ṇopadeśam prati upasargābhāvāt anirdeśaḥ |
2/17:agamakaḥ nirdeśaḥ anirdeśaḥ |
3/17:yatkriyāyuktāḥ tam prati gatyupasargasañjñe bhavataḥ na ca ṇopadeśam prati kriyāyogaḥ |
4/17:evam tarhi āha ayam upasargāt asamāse api ṇopadeśasya iti na ca ṇopadeśam prati upasargaḥ asti tatra vacanāt bhaviṣyati |
5/17:vacanaprāmāṇyāt iti cet padalope pratiṣedhaḥ | vacanaprāmāṇyāt iti cet padalope pratiṣedhaḥ vaktavyaḥ |*
6/17:pragatāḥ nāyakāḥ asmāt grāmāt pranāyakaḥ grāmaḥ iti |
7/17:siddham tu yam prati upasargaḥ tatsthasya iti vacanāt | siddham etat |*
8/17:katham |
9/17:yam prati upasargaḥ tatsthasya ṇaḥ bhavati iti vaktavyam |
10/17:sidhyati |
11/17:sūtram tarhi bhidyate |
12/17:yathānyāsam eva astu |
13/17:nanu ca uktam ṇopadeśam prati upasargābhāvāt anirdeśaḥ iti |
14/17:na eṣaḥ doṣaḥ |
15/17:ṇopadeśaḥ iti na evam vijñāyate ṇaḥ upadeśaḥ ṇopadeśaḥ ṇopadeśasya iti |
16/17:katham tarhi |
17/17:ṇaḥ upadeśaḥ asya saḥ ayam ṇopadeśaḥ ṇopadeśasya iti

ṇaḥ upadeśo yasya asau ṇopadeśaḥ. ṇopadeśasya dhātor yo nakāraḥ tasya upasargasthān nimittāduttarasya ṇakārādeśo bhavati asamāse 'pi samāse 'pi. praṇamati. pariṇamati. praṇāyakaḥ. pariṇāyakaḥ. upasargātiti kim? pragatā nāyakāḥ asmād deśāt pranāyako deśaḥ. asmāse 'pi kim? pūrvapadādhikārāt samāsa eva syātiti tadadhikāraṇivṛttidyotanārtham. ṇopadeśasya iti kim? pranardati. pranardakaḥ.

upasargādasamāse 'pi ṇaupadeśasya 8.4.14 ṇaḥ upadeśo yasya asau ṇopadeśaḥ. ṇopadeśasya dhātor yo nakāraḥ tasya upasargasthān nimittāduttarasya ṇakārādeśo bhavati asamāse 'pi samāse 'pi. praṇamati. pariṇamati. praṇāyakaḥ. pariṇāyakaḥ. upasargātiti kim? pragatā nāyakāḥ asmād deśāt pranāyako deśaḥ. asmāse 'pi kim? pūrvapadādhikārāt samāsa eva syātiti tadadhikāraṇivṛttidyotanārtham. ṇopadeśasya iti kim? pranardati. pranardakaḥ.

upasargādasamāse'pi ṇopadeśasya. , 8.4.14 "ṇopadeśasya" iti. ṇa upadeśe yasya sa ṇopadeśaḥ--gamakatvādaiyadhikaraṇye bahuvrīhiḥ. atha vā--upaviśyate prathamata uccāryata ityupadeśaḥ, ṇa upadeśo yasyeti samānādhikaraṇa eva bahuvrīhiḥ. "praṇamati" iti. "ṇama prahvatve śabde ca" (dhā.pā. 981). "prāṇāyakaḥ" iti. "ṇoñ? prāpaṇe" (dhā.pā. 901), ṇvul(), prādisamāsaḥ. "pranāyako deśaḥ" iti. atra garmi prati kriyāyuktatvāt? praśabdasya gamimeva pratyupasargatvam(), na nayatiṃ prati, yaṃ prati prayuktāḥ prādayastaṃ prati gatyupasargasaṃjñāvidhānāt(). "asamāse'pīti kim()" iti. vinā'pyanena viśeṣānupādānāt? samāse'samāse'pi bhaviṣyatīti bhāvaḥ. "pūrvapadādhikārāt()" ityādi. pūrvapadāt? 8.4.3 iti vatrtate. asamāse bhavati pūrvapadatvam(). rūḍhiśabdo hi pūrvapadaśabdaḥ pūrvamāśritaḥ, sa eva cehānuvatrtate, sa ca samāsa eva saṃbhavati, tataśca samāse'pītyucyamāne "samāsa eva syāt()" iti. itikaraṇo hetau. yasmādasati tasminneṣa doṣastasmāt? tasya pūrvapadasya nivṛtiṃ()ta dyotayitum? "asamāse'pi" ityucyate. dyotanagrahaṇenaitadācaṣṭe--nānena tasya nivṛttiḥ kriyate, kiṃ tarhi? asvaritatvādavidyamānataiva kevalaṃ prakāśyata iti. tadetaduktaṃ bhavati--mandabuddhirya evaṃ pratipattumasamarthastaṃ prati vispaṣṭīkaraṇārthamasamāse'pītyucyata iti. "pranardati" iti. "narda garda śabde" (dhā.pā.56,57). satyapyacparatve'cparo'yaṃ ṇopadeśo na bhavati; "nṛtinardinandinakkināthṛnavarjam()" (ma.bhā.) ityapavādavidhānāt()॥

upasargasthānnimittātparasya dhātornasya ṇaḥ. praṇadati. praṇinadati. nadati. nanāda..

upasargādasamāse'pi ṇopadeśasya 461, 8.4.14 upasargasthānnimittātparasya dhātornasya ṇaḥ. praṇadati. praṇinadati. nadati. nanāda॥

nanu ṇakāramupadiśya tasya kimarthaṃ nakāro vidhīyate, nakāra evopadiśyatāmityāśaṅkya tatprayojanamāha– upasargāt. `raṣābhyāṃ no ṇaḥ'ityadhikṛtam. tadāha–upasargasthāditi. `samāse'ṅgule saṅgaḥ'ityataḥ samāsa ityanuvṛtterasamāse na syādityasamāsagrahaṇam. tathā sati `praṇāma'ityādau samāse na syādityapigrahaṇaṃ. tadāha–samāse'samāse'pīti. ṇasyopadeśo yasminniti vigrahaḥ. praṇadatīti. bhinnapadatvādaprāptiḥ. praṇinadatīti. nerdadeti ṇatvam. na cātra `upasargādasamāsa'iti dhātunakārasya ṇatvaṃ śaṅkyam, aṭkupvāṅ?bhinnena vyavadhānāt. ardeti. `upadhāyāṃ ce'tyatra ika ityanuvartanādardatītyādau na dīrghaḥ.

upasargādasamāse'pi ṇopadeśasya 131, 8.4.14 nanu ṇakāramupadiśya tasya kimarthaṃ nakāro vidhīyate, nakāra evopadiśyatāmityāśaṅkya tatprayojanamāha-- upasargāt. "raṣābhyāṃ no ṇaḥ"ityadhikṛtam. tadāha--upasargasthāditi. "samāse'ṅgule saṅgaḥ"ityataḥ samāsa ityanuvṛtterasamāse na syādityasamāsagrahaṇam. tathā sati "praṇāma"ityādau samāse na syādityapigrahaṇaṃ. tadāha--samāse'samāse'pīti. ṇasyopadeśo yasminniti vigrahaḥ. praṇadatīti. bhinnapadatvādaprāptiḥ. praṇinadatīti. nerdadeti ṇatvam. na cātra "upasargādasamāsa"iti dhātunakārasya ṇatvaṃ śaṅkyam, aṭkupvāṅ()bhinnena vyavadhānāt. ardeti. "upadhāyāṃ ce"tyatra ika ityanuvartanādardatītyādau na dīrghaḥ.

upasargāda. `samāse'ṅguleḥ saṅgaḥ'ityato'nuvartanātsamāsa eva syādityasamāsagrahaṇaṃ. kṛte tu tasminnasamāsa evasyādityapegrrahaṇaṃ kṛtam. praṇinadatīti. `nergade'ti ṇatvam. dhātu nakārasya tu `upasargādasamāse' iti ṇatvaṃ na bhavati, aḍādibhinnena vyavadhānāt.

upasargādasamāse'pi ṇopadeśasya 105, 8.4.14 upasargāda. "samāse'ṅguleḥ saṅgaḥ"ityato'nuvartanātsamāsa eva syādityasamāsagrahaṇaṃ. kṛte tu tasminnasamāsa evasyādityapegrrahaṇaṃ kṛtam. praṇinadatīti. "nergade"ti ṇatvam. dhātu nakārasya tu "upasargādasamāse" iti ṇatvaṃ na bhavati, aḍādibhinnena vyavadhānāt.