1/13:prātipadikāntasya ṇatve samāsāntagrahaṇam asamāsāntapratiṣedhārtham |*
2/13:prātipadikāntasya ṇatve samāsāntagrahaṇam kartavyam |
3/13:kim prayojanam |
4/13:asamāsāntapratiṣedhārtham |
5/13:asamāsāntasya mā bhūt |
6/13:gargabhaginī dakṣabhaginī iti |
7/13:na vā bhavati gargabhagiṇī iti |
8/13:bhavati yadā etat vākyam gargāṇām bhagaḥ gargabhagaḥ gargabhagaḥ asyāḥ asti iti |
9/13:yadā tu etat vākyam bhavati gargāṇām bhaginī gargabhaginī iti tadā na bhavitavyam |
10/13:tadā mā bhūt iti |
11/13:yadi samāsāntagrahaṇam kriyate māṣavāpiṇī vṛīhivāpiṇī atra na prāpnoti |
12/13:liṅgaviśiṣṭagrahaṇe ca uktam | kim uktam |*
13/13:gatikārakopapadānām kṛdbhiḥ saha samāsavacanam prāk subutpatteḥ iti
1/3:tatra yuvādipratiṣedhaḥ |*
2/3:tatra yuvādīnām pratiṣedaḥ vaktavyaḥ |
3/3:āryayūnā kṣatriyayūnā prapakvāni paripakvāni dīrghāhnī śarat iti

vā iti vartate. prātipadikānte numi vibhaktau ca yo nakāraḥ tasya pūrvapadasthānnimittāduttarasy vā ṇakāra ādeśo bhavati. prātipadikānte tāvat māṣavāpiṇau, māṣavāpinau. numi māṣavāpāṇi, māṣavāpāni. vrīhivāpāṇi, vrīhivāpāni. vibhaktau māṣavāpeṇa, māṣavāpena. vrīhivāpeṇa, vrīhivāpena. pūrvapadādhikārāduttarapadasya prātipadikastho yo 'ntyo nakāraḥ tasya idaṃ ṇatvam iṣyati. iha hina bhavati, gargāṇāṃ bhaginī gargabhaginī. yadā tvevaṃ bhavati, gargāṇāṃ bhago gargabhagaḥ, gargabhago 'syā asti iti gargabhagiṇī iti, tadā mātṛbhogīṇavannityam eva ṇatvena bhavitavyam. māṣavāpiṇī, māṣavāpinī ityatra tu gatikārakopapadānāṃ kṛdbhiḥ saha samāsavacanaṃ prākṣubutpatteḥ iti kṛdantena eva samāse sati prātipadikasya uttarapadasya eva sato nakāro bhavati. tathā ca atra nuṃgrahaṇam kṛtam. sa hi samudāyabhaktatvāduttarapadasya anto na bhavati. yuvādīnāṃ pratiṣedho vaktavyaḥ. āryayūnā. kṣatriyayūnā. prapakvāni. dīrghāhnī śarad.

prātipadikāntanumvibhaktiṣu ca 8.4.11 vā iti vartate. prātipadikānte numi vibhaktau ca yo nakāraḥ tasya pūrvapadasthānnimittāduttarasy vā ṇakāra ādeśo bhavati. prātipadikānte tāvat māṣavāpiṇau, māṣavāpinau. numi māṣavāpāṇi, māṣavāpāni. vrīhivāpāṇi, vrīhivāpāni. vibhaktau māṣavāpeṇa, māṣavāpena. vrīhivāpeṇa, vrīhivāpena. pūrvapadādhikārāduttarapadasya prātipadikastho yo 'ntyo nakāraḥ tasya idaṃ ṇatvam iṣyati. iha hina bhavati, gargāṇāṃ bhaginī gargabhaginī. yadā tvevaṃ bhavati, gargāṇāṃ bhago gargabhagaḥ, gargabhago 'syā asti iti gargabhagiṇī iti, tadā mātṛbhogīṇavannityam eva ṇatvena bhavitavyam. māṣavāpiṇī, māṣavāpinī ityatra tu gatikārakopapadānāṃ kṛdbhiḥ saha samāsavacanaṃ prākṣubutpatteḥ iti kṛdantena eva samāse sati prātipadikasya uttarapadasya eva sato nakāro bhavati. tathā ca atra nuṃgrahaṇam kṛtam. sa hi samudāyabhaktatvāduttarapadasya anto na bhavati. yuvādīnāṃ pratiṣedho vaktavyaḥ. āryayūnā. kṣatriyayūnā. prapakvāni. dīrghāhnī śarad.

prātipadikāntanumvibhaktiṣu ca. , 8.4.11 antaśabdo'vayavavavācī. "māṣavāpiṇau" iti. "bahulamābhīkṣṇye" 3.2.81 iti ṇiniḥ, na tu "supyajātī ṇinistācchīlye" 3.2.78 iti; jātivācitvādupapadasya. "māṣavāpāṇi" ityupapadasamāsaḥ, māṣān? vapantīti "karmaṇyaṇ()" 3.2.1, "jaśśasoḥ śiḥ" 7.1.20 iti śirādeśaḥ; "napuṃsakasya jhalacaḥ" 7.1.72 iti num(), "sarvanāmasthāne cāsambuddhau" 6.4.8 iti dīrghaḥ. "māṣavāpeṇa" iti. mādhavāpaśabdāt? tṛtīyaikavacanasya "ṭāṅasiṅasāminātsyāḥ" 7.1.12 itīnādeśaḥ. athaha kasmānna bhavati--gargāṇāaṃ bhagino gargabhaginīti, atrāpi gargaśabdāt? paro bhaginnityeṣa śabdaḥ prātipadikam(), tasya cānto nakāro bhavatītyasti prāptiḥ? ityata āha--"pūrvapadādhikārāt()" ityādi. "pūrvapadātsaṃjñāyāmagaḥ" 8.4.3 ityataḥ "pūrvapadāt()" ityanuvatrtate, pūrvaśabdasya sambandiśabdatvāt(), yadapekṣayā tasya pūrvapadatvaṃ tadevottarapadamupasthāpayati. tena yadyapīha prātipadikasya viśeṣo nopāttaḥ, tathāpyuttatarapadaṃ yat? prātipadikaṃ tadantasya nakārasyaiva ṇakārādeśo bhavati. "iha hi na bhavati" iti. hiśabdo hetau. yasmāt? pūrvapadādhikārāduttarapadaṃ yat? prātipadikaṃ tadantasyaiva nakārasya ṇatvaṃ vijñāyate, tasmādgargabhaginītyatra na bhavati. na hratra bhaginnityetacchabdarūpamṛttarapadam(), kiṃ tarhi? bhaginītyeva śabdaḥ, sa ca prātipadikaṃ na bhavati; "apratyayaḥ" 1.2.45 iti niṣedhāta. na ca tasyānto nakāraḥ, kiṃ tarhi? īkāraḥ. nanu gar()gabhagiṇītyayamapi ca prayogo dṛśar()yate, sa caivaṃ sati nopapadyate? ityata āha--"yadā tu" ityādi. yadā tu gargāṇāṃ bhaginītyevaṃ vyutpattiḥ, tadā na bhavitavyaṃ ṇatvena. yadā tu gargasya bhaga iti bhagaśabdena ṣaṣṭhīsamāsaṃ kṛtvā, tataḥ striyāṃ matvarya iñiḥ--iti vyutpādyate, tadaivaṃ vyutpattau satyāṃ yathā mātṛbhogīṇa ityatra nityaṃ ṇatvaṃ bhavati, tatā gargabhagiṇītyatrāpi ṇatvena bhavitavyam(). "mātṛbhogīṇavat()" ityanena tadāpi nānena sūtreṇa vā ṇatvam(), kiṃ tarhi? lakṣaṇāntareṇeti darśayati. tenaitaduktaṃ bhavati--yadaivaṃ vyutpattirbhavati tadā yathā mātṛbogīṇa ityatra aṭkupvādinā 8.4.2 nityaṃ taddhitasya nakārasya ṇatvaṃ bhavati; tathā gargabhagiṇītyatrāpi. atra taddhitastha eva nakāraḥ, na tūttarapadasthaḥ. ata eva bhinnapadasthatā nimittanimittinornāśaṅkanīyā. yathā "pūrvapadātsaṃjñāyāmagaḥ" 8.4.3 ityanena niyamena ṇatvaṃ na nivarttyate, tathā tatraiva pratipāditam(). yadyuttarapadaṃ yatprātipadikaṃ tadantasya nakārasya ṇakāreṇa bhavitavyam(), evaṃ sati māṣavāpiṇī, māṣavāpinītyatra vibhāṣā ṇatvaṃ na prāpnoti. atra vāpinauśabda evottarapadam(), na vāpinnityetacchabdaḥ? ityata āha--"māvavāpinītyatra tu" ityādi. atra hi prāk? subutpatteḥ kṛdantenaiva vāpinnityanena samāse kṛte sati prātipadikasyānto nakāro bhavati; vāpinnityetasya "kṛttaddhitasamāsāśca" 1.2.46 iti prātipadikatvāt(). tasmādbhavatyevātra ṇatvamiti. kathaṃ punaḥ prāksubutpatteḥ samāse satyuttarapadasyānto nakāra upapadyate? yāvatā "suptiṅantaṃ padam()" 1.4.14 ityanena subantasya tiṅantasya ca padamityeṣā saṃjñā vihitā. tatrāsatyāṃ subutpattau padatvamatra na sambhavati. kutaḥ punaretaduttarapadamityeṣa viśeṣaḥ? rūḍhitvādadoṣaḥ. pūrvapadottarapadaśabdāvedau rūḍhiśabdau; yasmāt? samāse kṛte yaḥ kaścicchabdaḥ pūrvapadamiti prasiddhaḥ, yaḥ kaściduttarapadamiti. sā ca rūḍhirna subanteṣveva samāsāvayaveṣu sambhavati; kiṃ tarhi? asubanteṣvapi keṣuciditi. tat? kimatra nopapadyate pūrvottarapadanyavahāraḥ! "tathātra" ityādinā yaduktam? "pūrvapadādhikārāduttarasya" iti taddraḍhayati. yata evamuttarapadasya prātipadikasya yo'ntyo na kārastasyaiva ṇatvaṃ bhavati, nānyasyetyayamatrārthaḥ. evañca kṛtvā numgrahaṇaṃ kṛtam(). kasmāt? punarasminnarthe sati numo na sidhyati, yatastadupādānaṃ kṛtam()? ityata āha--"sa hi" ityādi. aṅgasya numvidhānāt(). māṣavāpānītyatra samudāyasyāṅgatvāt? samudāyātmano'ṅgasya bhakto num(); nottarapadasya. tataścottarapadasyānto num? na bhavati. tatra yadi numgrahaṇaṃ na kriyeta tadā ṇatvaṃ na syādityabhiprāyaḥ. yadi punaḥ prātipadikasyānuttarapadabhūtasyāpi yo'nto nakāraḥ, tasya ṇatvaṃ vidhīyate, tadā numgrahaṇaṃ na katrtavyameva, prātipadikāntasyetyeva siddhatvāt(). bhavati hi māṣavāpinītyatrāpi samāse sati prātipadikasyānto nakāraḥ. "vaktavyam()" iti. vyākhyeyamityarthaḥ. tatredaṃ vyākhyānam()--"vā" 8.4.10 iti vatrtate, sā ca vyavasthitavibhāṣā, tena yuvādīnāṃ ṇatvena na bhavitavyam(). "āryayūnā" iti. viśeṣaṇasamāsaḥ, "()āyuvamaghonāmataddhite" 6.4.133 iti samprasāraṇam(), "samprasāraṇācca" 6.1.104 iti pūrvarūpatvam(), "akaḥ savarṇe dīrghaḥ" 6.1.97 "prapakvāni" iti. gatisamāsaḥ. cakārasya pūrvoktameva prayojanam()॥

prātipadikānta. pūrvapadasthāditi. `pūrvapadātsaṃjñāyā'mityatastadanuvṛtteriti bhāvaḥ. eṣu sthitasyeti. prātipadikānte numi vibhaktau ca vidyamānasyetyarthaḥ. vā syāditi. `vā bhāvakaraṇayo'rityatastadanuvṛtteriti bhāvaḥ. prātipadikānte iti. `udāharaṇaṃ vakṣyate' iti śeṣaḥ. māṣavāpiṇāviti. māṣān vapete iti vigrahaḥ. `bahulamākṣīkṣṇye' iti jātāvapi supyupapade ṇiniḥ. upapadasamāsaḥ. vāpinśabdasya kṛdantatvena prātipadikatvāttadantanasya ṇatvamiti bhāvaḥ. numīti. `udāhyiyate' iti śeṣaḥ. vrīhivāpāṇīti. `kṛṣīvalakulānī'ti śeṣaḥ. vrīhinvapantī'ti vigrahaḥ. karmaṇyaṇ. vrīhivāpaśabdānnapuṃsakāt `jaśśasośśiḥ' `napuṃsakasya jhalacaḥ' iti numi `sarvanāmasthāne ce'ti dīrghaḥ. numo nasya ṇatvamiti bhāvaḥ. vibhaktāviti. `udāhyiyate' iti śeṣaḥ. māṣavāpeṇeti. tṛtīyāvibhaktisthatvānnasya ṇatvam. ityādīti. ṇatvā'bhāvapakṣe māṣavāpinau, māṣavāpāni, māṣavāpenetyudāhāryamiṃti bhāvaḥ. gargāṇāṃ bhaginī gargabhaginītyatra ṅīppratyayaprakṛtibhūtabhaginśabdātmakaprātipadikāntatvānnakārasya ṇatvavikalpaḥ kuto na syādityata āha–uttarapadaṃ yatprātipadikaṃ tadantasyaiva ṇatvamiti. pūrvapadena uttarapadamākṣiptam. tacca prātipadikasyaiva viśeṣaṇaṃ, natu tadantasya, nāpi numvibhaktyoḥ, asaṃbhavāditi bhāvaḥ. ṣaṣṭhīsamāse bhaginīśabda uttarapadaṃ, natu tatprātipadikaṃ, pratyayāntatvāt. liṅgaviśiṣṭaparibhāṣayā prātipadikagrahaṇena bhaginīśabdasya grahaṇe.ñapi tadantamīkāra eva, natu nakāraḥ, ato na tasyedaṃ pākṣikaṃ ṇatvamiti bhāvaḥ. prātipadikasyottarapadatvaviśeṣaṇaṃ sūtrakārasya saṃmatamityāha–ata eveti. prātipadakasya uttarapadatvaviśeṣaṇādeva, sūtrakāreṇa kṛtaṃ numgrahaṇamarthavat, anyathā tadanarthakamityarthaḥ. kuta ityata āha– aṅgasyeti. `napuṃsakasya jhalacaḥ' iti numvidhāvaṅgasyetyanuvṛttam. tathāca jhalantasyā'jantasya cā'ṅgasya klībasya num syātsarvanāmasthāne ityartho labhyate. `māṣavāpāṇī'tyatra tu sarvanāmasthānaṃ prati māṣavāpaśabdo'ṅgam. tasya māṣavāpaśabdasya vihito numāgamastadavayava eva bhavati, natu uttarapadabhūtavāpaśabdasyaivā'vayavaḥ. tathāca uttarapadabhūtaprātipadikāntatvā'bhāvāt `prātipadikānte'tyanena ṇatvavikalpasyā'prāptau numgrahaṇam. prātipadikasya uttarapadatvaṃ viśeṣaṇā'bhāve tu māṣavāpaśabdāntāvayavasya numo māṣavāpeti prātipadikāntāvayavatvasya sattvāt `prātipadikānte'tyeva siddhe numgrahaṇaṃ vyarthaṃ syādityarthaḥ. tadeva#ṃ prātipadikasya uttarapadatvaviśeṣaṇe numgrahaṇaṃ liṅgamiti sthitam. vastutastuṃ nedaṃ liṅgamityāha–kiṃñceti. kiñceti viśeṣapradarśane. `hivi prīṇane' bhvādiḥ, idittvāt num, laṭaḥ śatrādeśaḥ. `māṣavāpāṇī'tyatra numo nasya prātipadikāntatvepi prahiṇbanśabde numo nasya prātipadikāntatvā'bhāvāt `prātipapadikānte'tyanena ṇatvavikalpasyā'prāptestadarthaṃ numgrahaṇamāvaśyakam. ata uttarapadatvasya prātipadikaviśeṣaṇatve kathaṃ numgrahaṇaṃ liṅgaṃ syāt. tasmāduttarapadaviśeṣaṇe bhāṣyameva śaraṇamiti bhāvaḥ. nanu māṣavāpiṇāvityatra `vāpinni'ti prātipadikasya kathamuttarapadatvaṃ, `gatikārakopapadānāṃ kṛdbhiḥ saha samāsavacana'miti subutpatteḥ prāgeva samāsapravṛtteriti cet, na uttarapadaśabdasya samāsacaramāvayave rūḍhatvādityalam. nanu `ivi vyāptau' idittvānnum. lyuṭi anādeśaḥ. prakṛṣṭaminvanamiti prādisamāse numo nakārasya ṇatvavikalpaḥ syādityata āha– prenvanamiti. ramyayūneti. ramyaścāsau yuvā ceti vigrahaḥ. prātipadikāntanakāra tvātprāptiḥ. paripakvānīti. iha numo nakārasya `prātipadikānte'ti vikalpaṃ bādhitvā `kumati ce'ti nityaṃ ṇatvaṃ prāptam, tadiha, yuvāditvānniṣidhyate. ekājuttarapade ṇaḥ. ajantastrīliṅge punarbhūśabdanirūpaṇe vyākhyātamapi prakaraṇānurodhātsmaryate. nityamityuktamiti. `ārambhasāmathryānnityamidaṃ ṇatva'miti tatraivoktamityarthaḥ. harimāṇīti. maneṇryantāt `kvip ce'ti kvipi `gatikārakopapadānā'miti subutpatteḥ prāk samāsaḥ. nāntatvānṅīp. atra`mā'niti prātipadikamuttarapadaṃ tadantatvānnakārasya ṇatvavikalpe prāpte nityaṃ ṇatvam. numīti. `udāhyiyate' iti śeṣaḥ. kṣīrapāṇīti. karmaṇyupapade pādhātoḥ `āto'nupasarge kaḥ' iti kaḥ, `āto lopa iṭi ce'tyāllopaḥ. kṣīrapaśabdājjaśśasośśiḥ. ajantalakṣaṇo num. dīrghaḥ. tasya nityaṃ ṇatvamam. vibhaktāviti. `udāhyiyate' iti. śeṣaḥ. kṣīrapeṇeti. vibhaktisthatvānna nityaṃ ṇatvam. vibhaktāvudāharaṇāntaramāha–ramyaviṇeti. viḥ=pakṣī, ramyaścāsau viśca, teneti vigrahaḥ. nacātra `padavyavāye'pī'ti niṣedhaḥ śaṅkyaḥ. kimiha pratyayalakṣaṇe antarvartirnīṃ vibhaktimāśritya `suptiṅanta'miti padatvamabhimatam, uta tṛtīyāvibhaktau parataḥ `svādiṣu' iti padatvam ?. nādyaḥ. `uttarapadatve cāpadādividhau' iti pratyayalakṣamapratiṣedhāt. na dvitīyaḥ. `svādiṣu' ityanena hi ramyaviśabdasyaiva padatvaṃ labhyate, natu viśabdasya , tṛtīyāvibhakteḥ samudāyādeva vidhānāt. ata eva `punarbhūṇā'mityatra nāmi bhūśabdamātrasya padatvā'bhāvāt `padavyavāye'pi' iti niṣedhā'bhāvāṇṇatvamiti prāñcaḥ. atra yadvaktavyaṃ tat `padatvayavāye'pītyatrānupadameva vakṣyate.

prātipadikāntanumvibhaktiṣu ca 1040, 8.4.11 prātipadikānta. pūrvapadasthāditi. "pūrvapadātsaṃjñāyā"mityatastadanuvṛtteriti bhāvaḥ. eṣu sthitasyeti. prātipadikānte numi vibhaktau ca vidyamānasyetyarthaḥ. vā syāditi. "vā bhāvakaraṇayo"rityatastadanuvṛtteriti bhāvaḥ. prātipadikānte iti. "udāharaṇaṃ vakṣyate" iti śeṣaḥ. māṣavāpiṇāviti. māṣān vapete iti vigrahaḥ. "bahulamākṣīkṣṇye" iti jātāvapi supyupapade ṇiniḥ. upapadasamāsaḥ. vāpinśabdasya kṛdantatvena prātipadikatvāttadantanasya ṇatvamiti bhāvaḥ. numīti. "udāhyiyate" iti śeṣaḥ. vrīhivāpāṇīti. "kṛṣīvalakulānī"ti śeṣaḥ. vrīhinvapantī"ti vigrahaḥ. karmaṇyaṇ. vrīhivāpaśabdānnapuṃsakāt "jaśśasośśiḥ" "napuṃsakasya jhalacaḥ" iti numi "sarvanāmasthāne ce"ti dīrghaḥ. numo nasya ṇatvamiti bhāvaḥ. vibhaktāviti. "udāhyiyate" iti śeṣaḥ. māṣavāpeṇeti. tṛtīyāvibhaktisthatvānnasya ṇatvam. ityādīti. ṇatvā'bhāvapakṣe māṣavāpinau, māṣavāpāni, māṣavāpenetyudāhāryamiṃti bhāvaḥ. nanu gargāṇāṃ bhaginī gargabhaginītyatra ṅīppratyayaprakṛtibhūtabhaginśabdātmakaprātipadikāntatvānnakārasya ṇatvavikalpaḥ kuto na syādityata āha--uttarapadaṃ yatprātipadikaṃ tadantasyaiva ṇatvamiti. pūrvapadena uttarapadamākṣiptam. tacca prātipadikasyaiva viśeṣaṇaṃ, natu tadantasya, nāpi numvibhaktyoḥ, asaṃbhavāditi bhāvaḥ. neheti. gargāṇāṃ bhaginī gargabhaginīti ṣaṣṭhīsamāse bhaginīśabda uttarapadaṃ, natu tatprātipadikaṃ, pratyayāntatvāt. liṅgaviśiṣṭaparibhāṣayā prātipadikagrahaṇena bhaginīśabdasya grahaṇe.ñapi tadantamīkāra eva, natu nakāraḥ, ato na tasyedaṃ pākṣikaṃ ṇatvamiti bhāvaḥ. prātipadikasyottarapadatvaviśeṣaṇaṃ sūtrakārasya saṃmatamityāha--ata eveti. prātipadakasya uttarapadatvaviśeṣaṇādeva, sūtrakāreṇa kṛtaṃ numgrahaṇamarthavat, anyathā tadanarthakamityarthaḥ. kuta ityata āha--aṅgasyeti. "napuṃsakasya jhalacaḥ" iti numvidhāvaṅgasyetyanuvṛttam. tathāca jhalantasyā'jantasya cā'ṅgasya klībasya num syātsarvanāmasthāne ityartho labhyate. "māṣavāpāṇī"tyatra tu sarvanāmasthānaṃ prati māṣavāpaśabdo'ṅgam. tasya māṣavāpaśabdasya vihito numāgamastadavayava eva bhavati, natu uttarapadabhūtavāpaśabdasyaivā'vayavaḥ. tathāca uttarapadabhūtaprātipadikāntatvā'bhāvāt "prātipadikānte"tyanena ṇatvavikalpasyā'prāptau numgrahaṇam. prātipadikasya uttarapadatvaṃ viśeṣaṇā'bhāve tu māṣavāpaśabdāntāvayavasya numo māṣavāpeti prātipadikāntāvayavatvasya sattvāt "prātipadikānte"tyeva siddhe numgrahaṇaṃ vyarthaṃ syādityarthaḥ. tadeva#ṃ prātipadikasya uttarapadatvaviśeṣaṇe numgrahaṇaṃ liṅgamiti sthitam. vastutastuṃ nedaṃ liṅgamityāha--kiṃñceti. kiñceti viśeṣapradarśane. "hivi prīṇane" bhvādiḥ, idittvāt num, laṭaḥ śatrādeśaḥ. "māṣavāpāṇī"tyatra numo nasya prātipadikāntatvepi prahiṇbanśabde numo nasya prātipadikāntatvā'bhāvāt "prātipapadikānte"tyanena ṇatvavikalpasyā'prāptestadarthaṃ numgrahaṇamāvaśyakam. ata uttarapadatvasya prātipadikaviśeṣaṇatve kathaṃ numgrahaṇaṃ liṅgaṃ syāt. tasmāduttarapadaviśeṣaṇe bhāṣyameva śaraṇamiti bhāvaḥ. nanu māṣavāpiṇāvityatra "vāpinni"ti prātipadikasya kathamuttarapadatvaṃ, "gatikārakopapadānāṃ kṛdbhiḥ saha samāsavacana"miti subutpatteḥ prāgeva samāsapravṛtteriti cet, na uttarapadaśabdasya samāsacaramāvayave rūḍhatvādityalam. nanu "ivi vyāptau" idittvānnum. lyuṭi anādeśaḥ. prakṛṣṭaminvanamiti prādisamāse numo nakārasya ṇatvavikalpaḥ syādityata āha--prenvanamiti. yuvāderneti. "uktaṇatvavikalpa" iti śeṣaḥ. vārtikamidam. ramyayūneti. ramyaścāsau yuvā ceti vigrahaḥ. prātipadikāntanakāra tvātprāptiḥ. paripakvānīti. iha numo nakārasya "prātipadikānte"ti vikalpaṃ bādhitvā "kumati ce"ti nityaṃ ṇatvaṃ prāptam, tadiha, yuvāditvānniṣidhyate. ekājuttarapade ṇaḥ. ajantastrīliṅge punarbhūśabdanirūpaṇe vyākhyātamapi prakaraṇānurodhātsmaryate. nityamityuktamiti. "ārambhasāmathryānnityamidaṃ ṇatva"miti tatraivoktamityarthaḥ. harimāṇīti. maneṇryantāt "kvip ce"ti kvipi "gatikārakopapadānā"miti subutpatteḥ prāk samāsaḥ. nāntatvānṅīp. atra"mā"niti prātipadikamuttarapadaṃ tadantatvānnakārasya ṇatvavikalpe prāpte nityaṃ ṇatvam. numīti. "udāhyiyate" iti śeṣaḥ. kṣīrapāṇīti. karmaṇyupapade pādhātoḥ "āto'nupasarge kaḥ" iti kaḥ, "āto lopa iṭi ce"tyāllopaḥ. kṣīrapaśabdājjaśśasośśiḥ. ajantalakṣaṇo num. dīrghaḥ. tasya nityaṃ ṇatvamam. vibhaktāviti. "udāhyiyate" iti. śeṣaḥ. kṣīrapeṇeti. vibhaktisthatvānna nityaṃ ṇatvam. vibhaktāvudāharaṇāntaramāha--ramyaviṇeti. viḥ=pakṣī, ramyaścāsau viśca, teneti vigrahaḥ. nacātra "padavyavāye'pī"ti niṣedhaḥ śaṅkyaḥ. kimiha pratyayalakṣaṇe antarvartirnīṃ vibhaktimāśritya "suptiṅanta"miti padatvamabhimatam, uta tṛtīyāvibhaktau parataḥ "svādiṣu" iti padatvam?. nādyaḥ. "uttarapadatve cāpadādividhau" iti pratyayalakṣamapratiṣedhāt. na dvitīyaḥ. "svādiṣu" ityanena hi ramyaviśabdasyaiva padatvaṃ labhyate, natu viśabdasya , tṛtīyāvibhakteḥ samudāyādeva vidhānāt. ata eva "punarbhūṇā"mityatra nāmi bhūśabdamātrasya padatvā'bhāvāt "padavyavāye'pi" iti niṣedhā'bhāvāṇṇatvamiti prāñcaḥ. atra yadvaktavyaṃ tat "padatvayavāye'pītyatrānupadameva vakṣyate.

māṣavāpiṇāviti. `bahulamābhūkṣṇye'iti ṇiniḥ. vrīhivāpāṇīti. karmaṇyaṇ.\r\nuttarapadaṃ yatprātipadikaṃ tadantasyaiva ṇatvam. uttarapadaṃ yaditi. iṣṭānurodhena tathā vyākhyāyata iti bhāvaḥ. gargabhaginīti. iha bhaginīśabda uttarapadaṃ, na tu bhaginśabdaḥ. atra ca vyākhyāne numgrahaṇameva jñāpakamiti prācāṃ matamāha–ataeveti. taduktaṃ jñāpakaṃ vighaṭayati –kiṃceti. nityaṃ ṇatvaṃ prāptam. ekājuttara. prāgvyākhyātamapi prakaraṇānurodhena smāryate. vṛtrahaṇāviti. vṛtraṃ hatavṛntau. `brāhṛbhrūṇe'ti kvip. harimāṇīti. maneṇryantāt `kvīp ce'ti kvip. `gatikārakopapadānā'mityādinā subutpatteḥ prāksamāsānnakārāntamuttarapadam. nāntatvānṅīp. kṣīrapāṇīti. pibateḥ karmaṇyupapade `āto'nupasarge' iti kaḥ. `āto lopa iṭi ce'tyālopaḥ. ramyaviṇeti. ramyaścāsau viśceti vigrahaḥ. tata `āṅo nā'striyām'. nanvantarvartinīṃ vibhaktimāśritya viśabdasya padatvāt `padavyavāyepī'ti ṇatvaniṣedhaḥ syāt. maivam. `uttarapadatve cāpadādividhau'iti pratyayalakṣaṇapratiṣedhena viśabdasya padatvā'bhāvāt. `svādiṣu' ityanena tu ramyaviśabdasyaiva padatvaṃ na tu viśabdasya. yasmātsvādividhistasyaiva padatvābhyupagamāt. evaṃ ca punarbhūṇāmityatra ṇatvaṃ nirbādhameva, nāmi parato bhūśabdasya padatvā'bhāvāt.

prātipadikāntanumvibhaktiṣu ca 870, 8.4.11 māṣavāpiṇāviti. "bahulamābhūkṣṇye"iti ṇiniḥ. vrīhivāpāṇīti. karmaṇyaṇ.uttarapadaṃ yatprātipadikaṃ tadantasyaiva ṇatvam. uttarapadaṃ yaditi. iṣṭānurodhena tathā vyākhyāyata iti bhāvaḥ. gargabhaginīti. iha bhaginīśabda uttarapadaṃ, na tu bhaginśabdaḥ. atra ca vyākhyāne numgrahaṇameva jñāpakamiti prācāṃ matamāha--ataeveti. taduktaṃ jñāpakaṃ vighaṭayati --kiṃceti.yuvāderna. parikvānīti. "kumati ce"ti nityaṃ ṇatvaṃ prāptam. ekājuttara. prāgvyākhyātamapi prakaraṇānurodhena smāryate. vṛtrahaṇāviti. vṛtraṃ hatavṛntau. "brāhṛbhrūṇe"ti kvip. harimāṇīti. maneṇryantāt "kvīp ce"ti kvip. "gatikārakopapadānā"mityādinā subutpatteḥ prāksamāsānnakārāntamuttarapadam. nāntatvānṅīp. kṣīrapāṇīti. pibateḥ karmaṇyupapade "āto'nupasarge" iti kaḥ. "āto lopa iṭi ce"tyālopaḥ. ramyaviṇeti. ramyaścāsau viśceti vigrahaḥ. tata "āṅo nā'striyām". nanvantarvartinīṃ vibhaktimāśritya viśabdasya padatvāt "padavyavāyepī"ti ṇatvaniṣedhaḥ syāt. maivam. "uttarapadatve cāpadādividhau"iti pratyayalakṣaṇapratiṣedhena viśabdasya padatvā'bhāvāt. "svādiṣu" ityanena tu ramyaviśabdasyaiva padatvaṃ na tu viśabdasya. yasmātsvādividhistasyaiva padatvābhyupagamāt. evaṃ ca punarbhūṇāmityatra ṇatvaṃ nirbādhameva, nāmi parato bhūśabdasya padatvā'bhāvāt.