1/12:aprateḥ iti vartate utāho nivṛttam |
2/12:nivṛttam iti āha |
3/12:katham jñāyate |
4/12:yogavibhāgakaraṇasāmarthyāt |
5/12:itarathā hi sadistambhyoḥ aprateḥ iti eva brūyāt |
6/12:asti anyat yogavibhāgakaraṇe prayojanam |
7/12:kim |
8/12:avāccālambanāvidūrvayoḥ iti vakṣyati tat stambheḥ eva yathā syāt sadeḥ mā bhūt iti |
9/12:na etat asti prayojanam |
10/12:ekayoge api sati yasya ālambanāvidūrye staḥ tasya bhaviṣyati |
11/12:kasya ca ālambanāvidūrye staḥ |
12/12:stambheḥ eva

upasargātiti vartate. stanbheḥ sakārasya upasargasthān nimittātuttarasya mūrdhanya murdhanya ādeśo bhavati. abhiṣṭabhnāti. pariṣṭabhnāti. abhyaṣṭabhnāt. paryaṣṭabhnāt. abhitaṣṭambha. paritaṣṭambha. aprateḥ ityetadiha na anuvartate, tena etadapi bhavati, pratiṣṭabhnāti, prayaṣṭabhnāt, pratitaṣṭambha.

stanbheḥ 8.3.67 upasargātiti vartate. stanbheḥ sakārasya upasargasthān nimittātuttarasya mūrdhanya murdhanya ādeśo bhavati. abhiṣṭabhnāti. pariṣṭabhnāti. abhyaṣṭabhnāt. paryaṣṭabhnāt. abhitaṣṭambha. paritaṣṭambha. aprateḥ ityetadiha na anuvartate, tena etadapi bhavati, pratiṣṭabhnāti, prayaṣṭabhnāt, pratitaṣṭambha.

stanbhe. , 8.3.67 stanbhiḥ sautro dhātuḥ. sa yadi" ajdantyaparāḥ sādayaḥ ṣopadeśāḥ" 6.1.62, bhāṣyam()) iti lakṣaṇatvāt? ṣopadeśastasya tataḥ pūrvavat? ṣatvapratiṣedhe prāpte vacanam(). atha sūtre tathā pāṭhādaṣopadeśaḥ, tato'prāpta eva. "stanbhustunbhuskanbhuskunbhuskuñbhyaḥ śnuśca" 3.1.82 iti cakāreṇa śnāpratyayaḥ samuccīyate. "aniditām()" 6.4.24 ityanunāsikalopaḥ. "aprateretadiha nānuvatrtate"["apraterityetadiha"--kāśikā, padamañjarī ca] iti. etacca yogāvibhāgadeva gamyate; itarathā hi pūrvasūtra eva stanmabhegrrahaṇaṃ kuryāt(). syādetat()--"avāccālambanāvidūryayoḥṭa 8.3.68 iti ṣatvaṃ vakṣyati. tataḥ stanbhereva yathā syāt(), sadermā bhūdityevamartho yogavibhāva iti? naitadasti; ekayoge'pi yasyālambanādidūrye vṛttirasti tasyaiva bhaviṣyate. kasya caite staḥ? stambhereva॥

stanbheḥ sautrasya sasya ṣaḥ syāt. vyaṣṭabhat. astambhīt.. yuñ bandhane.. 7.. yunāti, yunīte. yotā.. knūñ śabde.. 8.. knūnāti, knūnīte.. drūñ hiṃsāyām.. 9.. drūṇāti, drūṇīte.. dṝ vidāraṇe.. 10.. dṛṇāti, dṛṇīte.. pūñ pavane.. 11..

stanbheḥ 692, 8.3.67 stanbheḥ sautrasya sasya ṣaḥ syāt. vyaṣṭabhat. astambhīt॥ yuñ bandhane॥ 7॥ yunāti, yunīte. yotā॥ knūñ śabde॥ 8॥ knūnāti, knūnīte॥ drūñ hiṃsāyām॥ 9॥ drūṇāti, drūṇīte॥ dṝ vidāraṇe॥ 10॥ dṛṇāti, dṛṇīte॥ pūñ pavane॥ 11॥

stambheḥ. nakāropadhanirdeśasya prayojanamāha– sautryeti. `stanbhustunbhu'iti sūtranirdiṣṭasya nopadhasyetyarthaḥ. sa hi pratipadoktaḥ. `ṣṭabhi pratibandhe' ityasya tu dhātoridittvānnumi lākṣaṇikatvānna grahaṇam. tena vistambhata ityādau na ṣatvam. `udaḥ sthāstambhvo'riti sūtre tu mopadhagrahaṇādubhayorapi grahaṇaṃ, makārasya ubhayatrāpi lākṣaṇikatvāt. nanu `sadistanbhyoraprate'rityekameva sūtraṃ kuto na kṛtamityata āha–yogavibhāga uttarārtha iti. `avāccālambanāvidūryayo'rityuttarasūtre saderananuvṛttyartha ityarthaḥ. nanu saderasvaritatvādālambanāvidūryayorvṛttyabhāvādeva ca anuvṛttyabhāvaḥ siddha ityasvārasyādāha– kiṃceti. nānuvartata iti. stambherityatra apraterityasya stanbhinā'pi saṃbandhaḥ syāditi bhāvaḥ. `aprate'rityasya stanbhāvananvayo vṛddhiprayogānugata ityāha— bāhupratiṣṭambheti.

stambheḥ 116, 8.3.67 stambheḥ. nakāropadhanirdeśasya prayojanamāha-- sautryeti. "stanbhustunbhu"iti sūtranirdiṣṭasya nopadhasyetyarthaḥ. sa hi pratipadoktaḥ. "ṣṭabhi pratibandhe" ityasya tu dhātoridittvānnumi lākṣaṇikatvānna grahaṇam. tena vistambhata ityādau na ṣatvam. "udaḥ sthāstambhvo"riti sūtre tu mopadhagrahaṇādubhayorapi grahaṇaṃ, makārasya ubhayatrāpi lākṣaṇikatvāt. nanu "sadistanbhyoraprate"rityekameva sūtraṃ kuto na kṛtamityata āha--yogavibhāga uttarārtha iti. "avāccālambanāvidūryayo"rityuttarasūtre saderananuvṛttyartha ityarthaḥ. nanu saderasvaritatvādālambanāvidūryayorvṛttyabhāvādeva ca anuvṛttyabhāvaḥ siddha ityasvārasyādāha-- kiṃceti. nānuvartata iti. stambherityatra apraterityasya stanbhinā'pi saṃbandhaḥ syāditi bhāvaḥ. "aprate"rityasya stanbhāvananvayo vṛddhiprayogānugata ityāha---bāhupratiṣṭambheti.

stambheḥ. sautrasyeti. `stanbhustunbhu' iti sūtre nirdiṣṭasya rodhanārthasya, na tu `ṣṭabhi pratibandhe' ityasyeti bhāvaḥ. evaṃ `jṛ?stambhu' ityaṅvidhāyakasūtre'pi sautrasyaiva grahaṇamiti bodhyam. etacca `lakṣaṇapratipadokta' paribhāṣayā labhyate. sautro hi dhāturnakāropadha iti pratipadoktaḥ. idittvānnumi ṣṭabhirlākṣaṇikaḥ. tena vistambhate makārasyobhayatrāpi lākṣaṇikatvāt. uttarārtha iti. uttarasūtre stanbherevānuvṛttyartha iti bhāvaḥ. nanu `sadistanbhyo'riti sūtrite'pi ekadeśe svaritatvapratijñānātkathaṃcidanuvṛttirbhaviṣyatītyata āha- - kiṃceti. nānuvartata iti. tathā ca `stanbhe'rityatrā'nanuvṛttaye yogavibhāga āvaśyaka iti bhāvaḥ.

stambheḥ 91, 8.3.67 stambheḥ. sautrasyeti. "stanbhustunbhu" iti sūtre nirdiṣṭasya rodhanārthasya, na tu "ṣṭabhi pratibandhe" ityasyeti bhāvaḥ. evaṃ "jṛ()stambhu" ityaṅvidhāyakasūtre'pi sautrasyaiva grahaṇamiti bodhyam. etacca "lakṣaṇapratipadokta" paribhāṣayā labhyate. sautro hi dhāturnakāropadha iti pratipadoktaḥ. idittvānnumi ṣṭabhirlākṣaṇikaḥ. tena vistambhate makārasyobhayatrāpi lākṣaṇikatvāt. uttarārtha iti. uttarasūtre stanbherevānuvṛttyartha iti bhāvaḥ. nanu "sadistanbhyo"riti sūtrite'pi ekadeśe svaritatvapratijñānātkathaṃcidanuvṛttirbhaviṣyatītyata āha-- kiṃceti. nānuvartata iti. tathā ca "stanbhe"rityatrā'nanuvṛttaye yogavibhāga āvaśyaka iti bhāvaḥ.