1/34:saḥ apadādau anavyayasya |*
2/34:saḥ apadādau anavyayasya iti vaktavyam |
3/34:iha mā bhūt |
4/34:prātaḥkalpam punaḥkalpam |
5/34:roḥ kāmye niyamārtham | roḥ kāmye iti vaktavyam |*
6/34:kim prayojanam |
7/34:niyamārtham |
8/34:roḥ eva kāmye na anyasya |
9/34:payaskāmyati |
10/34:kva mā bhūt |
11/34:gīḥkāmyati pūḥkāmyati |
12/34:upadhmānīyasya ca satvam vaktavyam |
13/34:kim prayojanam |
14/34:ayam ubjiḥ upadhmānīyopadhaḥ paṭhyate tasya satve kṛte jaśbhāve ca abhyudgaḥ samudgaḥ iti etat rūpam yathā syāt |
15/34:yadi upadhmānīyopadhaḥ paṭhyate ubjijiṣati iti upadhmānīyasya dvirvacanam prāpnoti |
16/34:dakāropadhe punaḥ sati nandrāḥsaṃyogādayaḥ iti pratiṣedhaḥ siddhaḥ bhavati |
17/34:yadi dakāropadhaḥ paṭhyate kā rūpasiddhiḥ : ubjitā ubjitum iti |
18/34:asiddhe bhaḥ udjeḥ |
19/34:idam asti stoḥścunāścuḥ |
20/34:tataḥ vakṣyāmi |
21/34:bhaḥ udjeḥ |
22/34:udjeḥ ca ścunā sannipāte bhaḥ bhavati iti |
23/34:tat tarhi vaktavyam |
24/34:na vaktavyam |
25/34:nipātanāt etat siddham |
26/34:kim nipātanam |
27/34:bhujanyubjaupāṇyupatāpayoḥ iti |
28/34:iha api prāpnoti |
29/34:abhyudgaḥ samudgaḥ |
30/34:akutvaviṣaye nipātanam |
31/34:atha vā na etat ubjeḥ rūpam |
32/34:kim tarhi gameḥ dvyupasargāt ḍaḥ vidhīyate |
33/34:abhyudgataḥ abhyudgaḥ |
34/34:samudgataḥ samudgaḥ

sakāra ādeśaḥ bhavati visarjanīyasya kupvoḥ apadādyoḥ parataḥ pāśakalpakakāmyeṣu. yāpye pāśap 5-3-57 payaspāśam. īṣadasamāptau kalpap payaskalpam. yaśaskalpam. prāgivāt kaḥ 5-3-70 payaskam. yaśaskam. kāmyac payaskāmyati. yaśaskāmyati. apadādau iti kim? paya\u1e96 kāmayate. paya\u1e2b pibati. so 'padādāvityanavyayasya iti vaktavyam. iha mā bhūt, prātaḥ kalpam, punaḥ kalpam iti. roḥ kāmye niyamārtham. roreva kāmye na anyasya iti niyamārthaṃ vaktavyam. payaskāmyati. yaśaskāmyati. iha ma bhūt, gīḥ kāmyati. dhūḥ kāmyati. upadhmānīyasya kavarge parataḥ sakārādeśo bhavati iti vaktavyam. kiṃ prayojanam? ubjirupadhmānīyopadhaḥ paṭhyate iti darśane abhyudgaḥ, samudagaḥ iti yathā syāt.

so 'padādau 8.3.38 sakāra ādeśaḥ bhavati visarjanīyasya kupvoḥ apadādyoḥ parataḥ pāśakalpakakāmyeṣu. yāpye pāśap 5.3.57 payaspāśam. īṣadasamāptau kalpap payaskalpam. yaśaskalpam. prāgivāt kaḥ 5.3.70 payaskam. yaśaskam. kāmyac payaskāmyati. yaśaskāmyati. apadādau iti kim? payaẖ kāmayate. payaḫ pibati. so 'padādāvityanavyayasya iti vaktavyam. iha mā bhūt, prātaḥ kalpam, punaḥ kalpam iti. roḥ kāmye niyamārtham. roreva kāmye na anyasya iti niyamārthaṃ vaktavyam. payaskāmyati. yaśaskāmyati. iha ma bhūt, gīḥ kāmyati. dhūḥ kāmyati. upadhmānīyasya kavarge parataḥ sakārādeśo bhavati iti vaktavyam. kiṃ prayojanam? ubjirupadhmānīyopadhaḥ paṭhyate iti darśane abhyudgaḥ, samudagaḥ iti yathā syāt.

so'padādau. , 8.3.38 pūrvasyāyamapavādaḥ. "apadādau" iti. subbyatyayena dvirvacanasya sthāna ekavacanam(); anyathā hrapadāditvaṃ kupvorviśeṣaṇamiti nopapadyate. dvitve satyapadādyoriti kuryāt(). "pāśakalpakakāmyeṣu" iti sambhavadarśanam(), na parigaṇanam(); vyavacchedyābhāvāt(). "payaspāśam()" iti. "yāpye pāśap()" 5.3.47. "payaskalpam()" iti. "īṣadasamāptau kalpap()" 5.3.37 ityādinā kalapapa. "payaskam()" iti. ajñātaṃ payaḥ--"ajñāte" 5.3.73 iti kaḥ. "payaskāmyati" iti. "supa ātmanaḥ kyac()" 3.1.8, "kāmyacca" 3.1.9 iti kāmyac(). "paya kāmayate" iti. "kamerṇiṅ()" 3.1.30. "paya vibati" iti. "pā pāne" (dhā.pā.925) pāghrādi 7.3.78 sūtreṇa pibādeśaḥ. "so'padādāvanavyayasyeti vaktavyamam()" iti. "so'padādau" ityasmin? sūtre'navyayavisarjanīyasya sakārādeśo bhavatītyetadartharūp vyākhyeyamityarthaḥ. tatraidaṃ vyākhyānam()--"vā śari" 8.3.36 ityato vāgrahamanṛvatrtate, sā ca vyavasthitavibhāṣā; tenānavyayasyaiva bhaviṣyatīti, nāvyayasya. "roḥ kāmye niyamārtham()" iti. etad? grahaṇakavākyām(). "roreva" iti. asyaiva vivaraṇam(). vaktavyaśabdhasyātrāpi sa evārthaḥ. vyākhyānaṃ pūrvapadeva katrtavyam(). "roḥ" iti visarjanīyākṣayā sthānaṣaṣṭhī. roryo visarjanīyastasyetyarthaḥ. "ujabjirupadhmānīyopadhaḥ paṭha()te" iti. iha keṣāñciddarśanamidam()--"ubaja ārjave" (dhā.pā.1303) iti, upadhmānīyasya tvaśravaṇam(); kṛtajaśtvanirdeśāt(). anyeṣāṃ tu darśanam? "udja ārjave" ti. tatrādyapakṣa ḍabjeḥ "halaśca" 3.3.121 ti ghañi "cajoḥ ku ghiṇṇayatoḥ" (7.3.52) iti kutve upadhmānīyasya "jhalāṃ jaś? jhaśi" 8.4.52 iti bakāre abhyubgaḥ, samubaga ityaniṣṭaṃ rūpaṃ nyāt(). tasmādupadhyāmīyasya kavarge parataḥ sakāro vaktavyaḥ; sakāre hrupadhmānoyasya kṛte tasya jaśtvena dakāraḥ, evamabhpudgaḥ samudgaḥ--itīṣṭaṃ sidhyati. dvirvacanapratinedho'pyupadhmānīyasya vaktavya eva; anyathā eva; anyathā hrubjijiṣatītyatra "ajāderdvitīyasya" (6.1.2) ityupadhmānīyasya dvirvacanaṃ prasajyeta. itarasmistu darśane--asiddhakāṇḍe bha ubjervaktadavyaḥ, anyathobjijiṣati, ubjitetyādi na sidhyet(). tathā coktam()--"asiddhe bha ubjeḥ" iti. asiddhavacanamasiddhatvādbhakārasya. ubjijiṣatītyatra "na ndrāḥ saṃyogādayaḥ" 6.1.3 iti dvitīyasyaikāco dvirvacanapratiṣedho yathā syāt(). tahrrayaṃ bhakāro vaktavyaḥ? na vaktavyaḥ; nipātanena siddhatvāt(). kiṃ punarnipātanam()? "bhujanyujjau pa#ācyupatāpayoḥ" 7.3.61 iti. atra hi tarhi prāpnoti--abhyudgaḥ, samudaga iti? akutvaviṣaye nipātanamityadoṣaḥ.

so'padādau. apadādyoriti. sūtre vyatyayena ekavacanam. yadi tu `visarjanīyasya saḥ' `śarpare visarjanīyaḥ' ityatra maṇḍūkaplutyānuvartito yaḥ khar sa ihāpyanuvatrya viśeṣyeta `apadādau rī'ti, tadā yathāśrutaṃ sādhu. parantu panarmaṇḍūkaplutyā'nuvartane kleśa iti bhāvaḥ. anye tvāhuḥ-punarmaṇḍūkapluti vināpyanuvarttituṃ śakyaḥ, `vā śarī'tyatra śarā kharaṃ viśeṣya `śarrūpe kharī'ti vyākhyāne, `kupvo'riti sūtre `kupvoḥ kharī'ti vyākhyāne ca kṣatyabhāvāditi. `īṣadasamāptau kalpap'. `ajñāte' `kutsite' iti kaḥ. `kāmyacce'ti kāmyac. pāśakalpakakāmyeṣviti vṛttiḥ. sambhavadarśanametannatu parigaṇanam, anyasyā'sambhavāt. prātaḥkalpamiti. adhikaraṇaśaktipradhānasyāpi `prātaḥ' śabdasyeha vṛttiviṣaye śaktimatparatvaṃ, `doṣābhūtamahaḥ' divābhūta rātri'ritivat. satvaniṣedhe'pīha `iṇaḥ ṣaḥ' iti ṣatvaṃ syāditi vācyaṃ, tatrāpi `kāmye roreva'tyasyā'nuvṛtteḥ. yadi tu `iṇaḥ ṣaḥ' ityatraivedaṃ paṭha\ufffdte tarhi ṣatvamātrapratiṣedhe'pi pūrveṇa satvaṃ syāt.

so'padādau 123, 8.3.38 so'padādau. apadādyoriti. sūtre vyatyayena ekavacanam. yadi tu "visarjanīyasya saḥ" "śarpare visarjanīyaḥ" ityatra maṇḍūkaplutyānuvartito yaḥ khar sa ihāpyanuvatrya viśeṣyeta "apadādau rī"ti, tadā yathāśrutaṃ sādhu. parantu panarmaṇḍūkaplutyā'nuvartane kleśa iti bhāvaḥ. anye tvāhuḥ-punarmaṇḍūkapluti vināpyanuvarttituṃ śakyaḥ, "vā śarī"tyatra śarā kharaṃ viśeṣya "śarrūpe kharī"ti vyākhyāne, "kupvo"riti sūtre "kupvoḥ kharī"ti vyākhyāne ca kṣatyabhāvāditi. payaspāśamiti. "yāpye pāśap". "īṣadasamāptau kalpap". "ajñāte" "kutsite" iti kaḥ. "kāmyacce"ti kāmyac. pāśakalpakakāmyeṣviti vṛttiḥ. sambhavadarśanametannatu parigaṇanam, anyasyā'sambhavāt. prātaḥkalpamiti. adhikaraṇaśaktipradhānasyāpi "prātaḥ" śabdasyeha vṛttiviṣaye śaktimatparatvaṃ, "doṣābhūtamahaḥ" divābhūta rātri"ritivat.gīḥ kāmyatīti. naca satvaniṣedhe'pīha "iṇaḥ ṣaḥ" iti ṣatvaṃ syāditi vācyaṃ, tatrāpi "kāmye roreva"tyasyā'nuvṛtteḥ. yadi tu "iṇaḥ ṣaḥ" ityatraivedaṃ paṭha()te tarhi ṣatvamātrapratiṣedhe'pi pūrveṇa satvaṃ syāt.