1/30:iha dhuḍādiṣu kecit pūrvāntāḥ kecit parādayaḥ |
2/30:yadi punaḥ sarve eva pūrvāntāḥ syuḥ sarve eva parādayaḥ |
3/30:kaḥ ca atra viśeṣaḥ |
4/30:dhugādiṣu ṣṭutvaṇatvapratiṣedhaḥ |*
5/30:dhugādiṣu satsu ṣṭutvaṇatvayoḥ pratiṣedhaḥ vaktavyaḥ |
6/30:ṣṭutvasya tāvat |
7/30:śvaliṭtsāye |
8/30:madhuliṭtsāye |
9/30:ṣṭunāṣṭuḥ iti ṣṭutvam prāpnoti |
10/30:parādau punaḥ sati napadāntāṭṭoranām iti pratiṣedhaḥ siddhaḥ bhavati |
11/30:ṇatvasya |
12/30:kurvannāste |
13/30:kṛṣannāste |
14/30:raṣābhyānnoṇaḥsamānapade it ṇatvam prāpnoti |
15/30:parādau punaḥ sati padāntasya na iti pratiṣedhaḥ siddhaḥ bhavati |
16/30:santu tarhi parādayaḥ |
17/30:parādau chatvaṣatvavidhipratiṣedhaḥ | yadi parādayaḥ chatvam vidheyam ṣatvam ca pratiṣedhyam |*
18/30:chatvam vidheyam |
19/30:kurvañcchete |
20/30:kṛṣañcchete |
21/30:yat hi tat śaścho'ṭi iti jhayaḥ padāntāt iti evam tat |
22/30:kim punaḥ kāraṇam jhayaḥ padāntāt iti evam tat |
23/30:iha mā bhūt |
24/30:purā krūrasya visṛpaḥ virapśin iti |
25/30:ṣatvam ca pratiṣedhyam |
26/30:pratyaṅksiñca |
27/30:udaṅksiñca |
28/30:ādeśapratyayayoḥ iti ṣatvam prāpnoti |
29/30:pūrvānte punaḥ sati sātpadādyoḥ iti pratiṣedhaḥ siddhaḥ bhavati |
30/30:tasmāt santu yathānyāsam eva kecit pūrvāntāḥ kecit parādayaḥ |

ṅakāraṇakārayoḥ padāntayoḥ kuk ṭukityetāvāgamau vā bhavataḥ śari parataḥ. prāṅk śete, prāṅ śete. prāṅk ṣaṣṭhaḥ, prāṅ ṣaṣṭhaḥ. prāṅk sāye, prāṅ sāye. ṇakārasya vaṇṭ śete, vaṇ śete. pūrvantakaraṇaṃ prāṅk chete ityatra chantvartham. śaścho 'ṭi 8-4-63 iti hi padantāj jhayaḥ iti tad vijñāyate. iha mā bhūt, purā krūrasya visṛpo virapśin. prāṅk sāyaḥ ityatra api sāt padādyoḥ 8-3-111 iti ṣatvapratiṣedhārthaṃ ca. vaṇṭ sāyaḥ ityatra ca na padāntāṭ ṭoranām 8-4-42 ṣṭutvapratiṣedhārtham.

ṅṇoḥ kukṭuk śari 8.3.28 ṅakāraṇakārayoḥ padāntayoḥ kuk ṭukityetāvāgamau vā bhavataḥ śari parataḥ. prāṅk śete, prāṅ śete. prāṅk ṣaṣṭhaḥ, prāṅ ṣaṣṭhaḥ. prāṅk sāye, prāṅ sāye. ṇakārasya vaṇṭ śete, vaṇ śete. pūrvantakaraṇaṃ prāṅk chete ityatra chantvartham. śaścho 'ṭi 8.4.62 iti hi padantāj jhayaḥ iti tad vijñāyate. iha mā bhūt, purā krūrasya visṛpo virapśin. prāṅk sāyaḥ ityatra api sāt padādyoḥ 8.3.113 iti ṣatvapratiṣedhārthaṃ ca. vaṇṭ sāyaḥ ityatra ca na padāntāṭ ṭoranām 8.4.41 ṣṭutvapratiṣedhārtham.

ṅṇoḥ kukṭuk? śari. , 8.3.28 ṅaśca ṇaśca tau ṅṇau, kaśca ṭaśca kaṭau, tayorukārakakārābhyāṃ pratyekamabhisambandhaḥ--kukṭgiti. ukāra uccāraṇārthaḥ, kakāro deśavidhyarthaḥ. "prāṅk? chete" iti. prāṅiti "kvinpratyayasya kuḥ" 8.2.62 ityatra vyutpāditam(). vaṇ()ṭ chete" iti. vaṇatervic(). kimarthaṃ punaḥ pūrvāntādetau kriyete? ityāha--"pūrvāntakaraṇam()" ityādi. kiṃ punaḥ kāraṇaṃ pūrvāntatve cchatvaṃ bhavati, na punaḥ parāditve? ityata āha--"śaścho'ṭi" ityādi. kimarthaṃ punaretaddhi "vijñāyate? [valijñāyeta"--kāṃu.pāṭhaḥ] ityata āha--"iha" ityādi. yadi padāntājjhaya 8.2.10 ityevaṃ tatra na kriyeta, tadā virapśinnityatra cchatvaṃ vijñāyeta, evañca vijñāyamāne na bhavati, na hratra padānte jhay(). "viriṣśin()" iti. vipūrvādrapeḥ "lṛṭaḥ sadvā" ["laṭaḥ"--prāṃu.pāṭhaḥ] 3.3.14 iti śatrādeśāḥ, "vyatyayo bahulam()" 3.1.85 iti syapratyayasya sakārasya śakāraḥ, yakārasya cekāraḥ. "prāṅak? sāyaḥ" iti. atra parāditve sati "iṇkoḥ" 8.3.57, "ādeśapratyayayoḥ" 8.3.59 iti prāptasya ṣatvasya "sātpadādyoḥ" 8.3.114 iti pratiṣedho na syāt(); apadāditvāt(). "vaṇṭ? sāyaḥ" iti. atrāpi "ṣṭunā ṣṭuḥ" 8.4.40 iti prāptasya ṣṭutvasya "na padāntāṭṭoranāma" 8.4.41 iti pratiṣedho na syāt(); apadāntatvāt(). tasmāt? prāṅakcheta ityādau chatvādisidhyartha pūrvāntakaraṇam()॥

vā staḥ. (cayo dvitīyāḥ śari pauṣkarasāderiti vācyam). prāṅkh ṣaṣṭhaḥ, prāṅkṣaṣṭhaḥ, prāṅ ṣaṣṭhaḥ. sugaṇṭh ṣaṣṭhaḥ sugaṇṭ ṣaṣṭhaḥ, sugaṇ ṣaṣṭhaḥ..

ṅṇoḥ kukṭuk śari 85, 8.3.28 vā staḥ. (cayo dvitīyāḥ śari pauṣkarasāderiti vācyam). prāṅkh ṣaṣṭhaḥ, prāṅkṣaṣṭhaḥ, prāṅ ṣaṣṭhaḥ. sugaṇṭh ṣaṣṭhaḥ sugaṇṭ ṣaṣṭhaḥ, sugaṇ ṣaṣṭhaḥ॥

ṅṇoḥ. `he mapare ve'tyato vetyanuvartate. kuk ca ṭuk ceti samāhāradvandvaḥ. āgamāviti. etacca `ādyantau ṭakitā'viti labhyam. yatāsaṅkhyaparibhāṣayā ca ṅakārasya kuk, ṇakārasya ṭuk. ubhayatra kakāra itṣa ukāra uccāraṇārthaḥ. `prāṅ ṣaṣṭhaḥ sugaṇ ṣaṣṭhaḥ' iti sthite, yathākramaṅkukiṭuki ca tayoḥ pūrvāvayavatvena padāntatvājjaśtvamāśaṅkyāha–kukṭukoriti. `pauṣkarasādiśabdasya cayo dvitīyā' ityarthabhramaṃ vārayati–pauśkarasādirācārya iti. tathāca vikalpaḥ phalatīti bhāvaḥ. prāṅ?k ṣaṣṭha iti kuki rūpam. `cayo dvitīyā' iti pakṣe prāṅ kh ṣaṣṭha iti rūpam. nacātra khakārasya khari ceti cartvaṃ khakārārambhavidhisāmathryāt. `cayo dvitīyā' iti `nādinyākrośa' iti sūtrabhāṣyapaṭhitamidam. `prāṅ ṣaṣṭha' iti kugabhāve rūpam. evaṃ ṭukyapi sugaṇ?ṭaṣaṣṭha ityādi.

ṅṇoḥ kuk ṭuk śari 130, 8.3.28 ṅṇoḥ. "he mapare ve"tyato vetyanuvartate. kuk ca ṭuk ceti samāhāradvandvaḥ. āgamāviti. etacca "ādyantau ṭakitā"viti labhyam. yatāsaṅkhyaparibhāṣayā ca ṅakārasya kuk, ṇakārasya ṭuk. ubhayatra kakāra itṣa ukāra uccāraṇārthaḥ. "prāṅ ṣaṣṭhaḥ sugaṇ ṣaṣṭhaḥ" iti sthite, yathākramaṅkukiṭuki ca tayoḥ pūrvāvayavatvena padāntatvājjaśtvamāśaṅkyāha--kukṭukoriti. cayo dvitīyā iti. "pauṣkarasādiśabdasya cayo dvitīyā" ityarthabhramaṃ vārayati--pauśkarasādirācārya iti. tathāca vikalpaḥ phalatīti bhāvaḥ. prāṅ()k ṣaṣṭha iti kuki rūpam. "cayo dvitīyā" iti pakṣe prāṅ kh ṣaṣṭha iti rūpam. nacātra khakārasya khari ceti cartvaṃ khakārārambhavidhisāmathryāt. "cayo dvitīyā" iti "nādinyākrośa" iti sūtrabhāṣyapaṭhitamidam. "prāṅ ṣaṣṭha" iti kugabhāve rūpam. evaṃ ṭukyapi sugaṇ()ṭaṣaṣṭha ityādi.

ṅṇoḥ. cayo dvitīyā iti. etacca nādinyākośe iti sūtre bhāṣye sthitam. ataeva manoramāyāṃ `ḍaḥ sī'ti sūtre `tu'ḍityucyamāne `cayo dvitīyāḥ-' iti pakṣe thakārāpattiruktā. yadi tu `ṅṇoḥ' iti sūtrasthaṃ syāttarhi `tu'ḍityeva suvacaṃ syāt. tuṭo'siddhatvena cayo dvitīyāḥ-ityasyā'pravṛtteḥ. pauṣkarasāderiti. puṣkare tīrthaviśeṣe sīdatīti puṣkarasat. tasyāpatyaṃ pauṣkarasādirācāryaḥ. bāhvāditvādiñ. anuśatikāditvādubhayapadavṛddhiḥ.

ṅṇoḥ kuk ṭuk śari 104, 8.3.28 ṅṇoḥ. cayo dvitīyā iti. etacca nādinyākośe iti sūtre bhāṣye sthitam. ataeva manoramāyāṃ "ḍaḥ sī"ti sūtre "tu"ḍityucyamāne "cayo dvitīyāḥ-" iti pakṣe thakārāpattiruktā. yadi tu "ṅṇoḥ" iti sūtrasthaṃ syāttarhi "tu"ḍityeva suvacaṃ syāt. tuṭo'siddhatvena cayo dvitīyāḥ-ityasyā'pravṛtteḥ. pauṣkarasāderiti. puṣkare tīrthaviśeṣe sīdatīti puṣkarasat. tasyāpatyaṃ pauṣkarasādirācāryaḥ. bāhvāditvādiñ. anuśatikāditvādubhayapadavṛddhiḥ.