1/7:pade iti kimartham |
2/7:tantre , utam , tantrayutam , tantra*utam |
3/7:pade iti śakyam avaktum |
4/7:kasmāt na bhavati tantre , utam , tantrayutam , tantra*utam iti |
5/7:lakṣaṇapratipadoktayoḥ pratipadoktasya eva iti |
6/7:uttarārtham tarhi padagrahaṇam kartavyam ṅamohrasvādaciṅamuṇnityam iti apade mā bhūt |
7/7:daṇḍinā śakaṭinā

avarṇapūrvayoḥ vyoḥ padāntayor lopo bhavati uñi ca pade parataḥ. sa u ekaviṃśavartaniḥ. sa u ekāgniḥ. pade iti kim? tantra utam, tantrayutam. veñaḥ samprasāraṇe kṛte uñiti bhūtapūrveṇa ñakāreṇa śakyate pratipattum iti. atha uñityevaṃ rūpo nipātaḥ pratipadokto 'sti? tadā lākṣaṇikatvād veñādeśasya grahaṇam iha na asti, uttarārthaṃ padagrahaṇaṃ kriyate.

uñi ca pade 8.3.21 avarṇapūrvayoḥ vyoḥ padāntayor lopo bhavati uñi ca pade parataḥ. sa u ekaviṃśavartaniḥ. sa u ekāgniḥ. pade iti kim? tantra utam, tantrayutam. veñaḥ samprasāraṇe kṛte uñiti bhūtapūrveṇa ñakāreṇa śakyate pratipattum iti. atha uñityevaṃ rūpo nipātaḥ pratipadokto 'sti? tadā lākṣaṇikatvād veñādeśasya grahaṇam iha na asti, uttarārthaṃ padagrahaṇaṃ kriyate.

uñi ca pade. , 8.3.21 "lopaḥ śākalyasya" 8.3.19 iti siddhe niyamārtham()--uñi pada eva, nānyatreti. "avarñapūrvayoḥ" iti. okārapūrvasya vakārasyāsambhavādyakārasya pūrveṇaiva siddhatvādavarṇapūrvayorevāyaṃ lopo vijñāyata ityavarṇapūrvayorityuktam(). "sa u" iti. tacchabt? suḥ, tyadādyatvam(), "tadoḥ saḥ sāvanantyayoḥ" 7.2.106 iti saḥ, rutvām(), tasya yakāraḥ, tasyānena lopaḥ. "tantrayutam()" iti. "tantre" ityetasya saptamyantasya utaśabde niṣṭhānte parato'yādeśaḥ. nanu ca "uñi" ["uñ()"--kāṃu.pāṭhaḥ] ityucyate, na cāyamuñ(), ñakārābhāvāt? tatkimetannivṛttyarthena padagrahaṇena? ityata āha--"veñaḥ samprasāraṇe" ityādi. samprasāraṇaṃ tu "vacisvapi" 6.1.15 ityādinā. evaṃ tāvaduño nipātasya pratipadoktasyāstitvamanapekṣya padagrahaṇaprayojanaṃ darśitam(). yadā tu tasyāstitvamapekṣyate, tadā prayojanāntaraṃ darśayitumāha--"uttarārtham()" iti. "ṅamo hyasvādaci ṅamuṇ? nityam()" 8.3.32 ityeṣa vidhirajādau pade yathā syāt(), iha mā bhūt()--paramadaṇḍineti. yadyuttarārtham(), tatraiva kasmānna kṛtam(), kaḥ punarevaṃ siti lābhaḥ? svaritatvaṃ na pratijñāyata ityeṣa lābhaḥ. ihāpi kriyamāṇe lakṣaṇapratipadoktaparibhāṣā (vyā.pa.3) nāśrayaṇīyā bhavatīti samānam(). cakāro'varṇapūrvasyānukarvaṇārthaḥ; kṣanyathā hroto'nantaratvāt? tataḥ parasya yakārasya lopo vijñāyeta? naitadasti; evaṃ hi vijñāyamāne nirarthakamevedaṃ sūtraṃ syāt(), pūrveṇaiva siddhatvāt(). nānarthakam(), niyamārthatvāt()--uṅi pada eva yathā syāt()--bho u padaśyatīti. asati hrasminniyamārthe bho yutam(), bhago yutamityatrāpi nityo lopaḥ syāt(). yadi tu nipātasyedamuño grahaṇam(), tadā niyamārthasya vyāvatryatvaṃ nāstīti pūrvāpekṣayā cakāraḥ samuccayārtho draṣṭavapyaḥ. uñīti ñakāro'sandehārthaḥ. asati hi tasmin? saptamyā au iti nirdeśaḥ syāt(). tataśca kimayamukārasya nirdeśaḥ? uttekārasyeti? sandehaḥ syāt(). nanu ca kriyamāṇe'pi tasmin? kimuñīti nipātasya grahaṇam()? āhosvidukārādārabhya jhabhañ()" (mā.sū.8) iti ñakārasyeti sandehaḥ syādeva? naivam(); idaṃ tāvadbhavān? praṣṭavyaḥ--kimuñiti pratyāhare ye'ntargatā halasteṣveva nityo lopaḥ? utānyeṣvapīti? kimatra vaktavyam()--"anyeṣvapi" iti? tathā hi vakṣyati--"hali sarveṣām()" (8.3.22) iti. evaṃ tarhi yadyatra pratyāhāragrahaṇabhimataṃ syāt? "eauc()" (mā.sū.4) iti cakāreṇa pratyāharaṃ gṛhṇīyāt()--uci ca pada iti. halyapi "hali sarveṣām()" ityanena bhaviṣyatīti. tatrāpyayamarthaḥ--sandehaḥ parihmato bhavati. atha vā yadyatrokārādīnāmuñā pragatyāharagrahaṇabhimataṃ syāddhalīti lakāreṇa pratyāharaṃ gṛhītvaikamevemaṃ yogaṃ kuryāt()--"uli ca pade sarveṣām()" iti. na hi yogavibhāgasya kiñcit? prayojanaṃ paśyāmaḥ. tasmānnātrokārādīnāṃ pratyāhāragrahaṇamiṣṭam(). tataścoño nipātasyaiva grahaṇamityasandigdhametat()॥

uñi ca pade. apūrvasyeti, padasyeti, vyoriti lopa iti cānuvartate. tadāha– avarṇeti. sa u ekāgniriti. `u' iti nipātaḥ. sas u iti sthite sasya ruḥ, bhobhago ityapūrvatvādyatvam. lopaśśākalyasyeti vikalpanivṛttyarthamidam. vakārodāharaṇaṃ tu `asā u ekāgni'riti vṛttiḥ. pade kimiti. uñaḥ padatvā'vyabhicārātpade iti tadviśeṣaṇasya kiṃ prayojanamiti praśnaḥ. tantrayutamiti. tantre-utamiti vigrahaḥ. ayādeśaḥ. atra yakārasya lopanivṛttyarthaṃ padagrahaṇamiti bhāvaḥ. nanvatra uñ?parakatvā'bhāvādeva lopanivṛttisambhavātpadagrahaṇaṃ vyarthamevetyata āha–veña, iti. `veñ tantusantāne' ityataḥ ktapratyaye, `vacisvapiyajādīnām' iti vakārasya saṃprasāraṇe ukāre, pūrvarūpe, utamiti rūpam. atra uñparakatve.ñapi tasya uñaḥ padatvā'bhāvāttasmin pare yasya lopo na bhavatītyarthaḥ. nanu sa u ekāgnirityatra uñ pratipadoktaḥ, cādau paṭhitatvāt. utamityatra tu uñ lākṣaṇikaḥ , saṃprasāraṇādividhiniṣpannatvāt. tataśca `lakṣaṇapratipadoktayoḥ pratipadoktasyaiva grahaṇa'miti paribhāṣayā cādipaṭhitasyaiva uño'tra grahaṇaṃ bhaviṣyati. natu utamityatra uño'pi. ataḥ padagrahaṇaṃ vyarthamevetyata āha-yadīti. utrarārthamiti. ṅamo hyasvādacītyarthamityarthaḥ. etaccātraiva bhāṣye spaṣṭam.

uñi ca pade 169, 8.3.21 uñi ca pade. apūrvasyeti, padasyeti, vyoriti lopa iti cānuvartate. tadāha--avarṇeti. sa u ekāgniriti. "u" iti nipātaḥ. sas u iti sthite sasya ruḥ, bhobhago ityapūrvatvādyatvam. lopaśśākalyasyeti vikalpanivṛttyarthamidam. vakārodāharaṇaṃ tu "asā u ekāgni"riti vṛttiḥ. pade kimiti. uñaḥ padatvā'vyabhicārātpade iti tadviśeṣaṇasya kiṃ prayojanamiti praśnaḥ. tantrayutamiti. tantre-utamiti vigrahaḥ. ayādeśaḥ. atra yakārasya lopanivṛttyarthaṃ padagrahaṇamiti bhāvaḥ. nanvatra uñ()parakatvā'bhāvādeva lopanivṛttisambhavātpadagrahaṇaṃ vyarthamevetyata āha--veña, iti. "veñ tantusantāne" ityataḥ ktapratyaye, "vacisvapiyajādīnām" iti vakārasya saṃprasāraṇe ukāre, pūrvarūpe, utamiti rūpam. atra uñparakatve.ñapi tasya uñaḥ padatvā'bhāvāttasmin pare yasya lopo na bhavatītyarthaḥ. nanu sa u ekāgnirityatra uñ pratipadoktaḥ, cādau paṭhitatvāt. utamityatra tu uñ lākṣaṇikaḥ , saṃprasāraṇādividhiniṣpannatvāt. tataśca "lakṣaṇapratipadoktayoḥ pratipadoktasyaiva grahaṇa"miti paribhāṣayā cādipaṭhitasyaiva uño'tra grahaṇaṃ bhaviṣyati. natu utamityatra uño'pi. ataḥ padagrahaṇaṃ vyarthamevetyata āha-yadīti. utrarārthamiti. ṅamo hyasvādacītyarthamityarthaḥ. etaccātraiva bhāṣye spaṣṭam.

uttarārthaṃ padagrahaṇamiti. vastutastūttaratrāpi nopayujyate, `padasye'tyanuvṛttyaiva nirvāhāt. `uñi ca pade' ityataḥ `pade' ityanuvarttya `ajādeḥ padasye'ti vyākhyānāt. `paramadaṇḍināvityādau ṅamuṇne'ti prāco vyākhyānasya `ṅamo hsvādacī'ti sūtre manoramāyāṃ nirastatvācca. nanu `hali sarveṣā'mityatra `pade'grahaṇānuvṛttau `halādau pade' iti vyākhyānalābhādvṛkṣavbhyāṃ vṛkṣavbhirityatra vasya nityaṃ lopo na bhavati, kiṃ tu `lopaḥ śāklyasye'ti vaikalpika eva lopaityasti `pade'-grahaṇasya prayojanamiti cenmaivaṃ; hali sarveṣā'mityatra vasyā'nanuvartitatvāt. kiṃca `mābhyāṃ' `mābhi'rityatra bhyāmādau parato yasya vikalpenaiva bhavanmate lopaḥ syāt, tatra `hali sarveṣā'mityasyā'pravṛtteḥ. na ceṣṭāpattiḥ, bhāṣyakārairdaṇḍinetyatra ṅamuṅvāraṇāya `ṅamo hyasvādacī'tyatrānuvṛttyarthaṃ padagrahaṇamityuktatvāt. na ca tadeva prayojanamastviti vācyaṃ, `hyasvātparo yo ṅam tadantaṃ yatpadaṃ tasmātparasyāco nityaṃ ṅamu'ḍiti vyākhyānena `daṇḍine'tyatra prasaktayabhāvāt.

uñi ca pade 139, 8.3.21 uttarārthaṃ padagrahaṇamiti. vastutastūttaratrāpi nopayujyate, "padasye"tyanuvṛttyaiva nirvāhāt. "uñi ca pade" ityataḥ "pade" ityanuvarttya "ajādeḥ padasye"ti vyākhyānāt. "paramadaṇḍināvityādau ṅamuṇne"ti prāco vyākhyānasya "ṅamo hsvādacī"ti sūtre manoramāyāṃ nirastatvācca. nanu "hali sarveṣā"mityatra "pade"grahaṇānuvṛttau "halādau pade" iti vyākhyānalābhādvṛkṣavbhyāṃ vṛkṣavbhirityatra vasya nityaṃ lopo na bhavati, kiṃ tu "lopaḥ śāklyasye"ti vaikalpika eva lopaityasti "pade"-grahaṇasya prayojanamiti cenmaivaṃ; hali sarveṣā"mityatra vasyā'nanuvartitatvāt. kiṃca "mābhyāṃ" "mābhi"rityatra bhyāmādau parato yasya vikalpenaiva bhavanmate lopaḥ syāt, tatra "hali sarveṣā"mityasyā'pravṛtteḥ. na ceṣṭāpattiḥ, bhāṣyakārairdaṇḍinetyatra ṅamuṅvāraṇāya "ṅamo hyasvādacī"tyatrānuvṛttyarthaṃ padagrahaṇamityuktatvāt. na ca tadeva prayojanamastviti vācyaṃ, "hyasvātparo yo ṅam tadantaṃ yatpadaṃ tasmātparasyāco nityaṃ ṅamu"ḍiti vyākhyānena "daṇḍine"tyatra prasaktayabhāvāt.