sahirayaṃ sodhabhūto gṛhyate. tasya sakārasya mūrdhanyādeśo na bhavati. pariṣoḍhaḥ. parisoḍhum. parisoḍhavyam. soḍhabhūtagrahaṇaṃ kim? pariṣahate.

sedhater gatau 8.3.111 gatau vartamānasya sedhateḥ sakārasya mūrdhanyādeśo na bhavati. abhisedhayati gāḥ. parisedhayati gāḥ. gatau iti kim? śiṣyamakāryāt pratiṣedhayati.

sātpadādyoḥ. , 8.3.113 "ādeśapratyayayoḥ" 8.3.59 iti ṣatve prāpte'yaṃ pratiṣedha-॥

sātpadādyoḥ 1248, 8.3.113 sasya ṣatvaṃ na syāt. kṛtsnaṃ śastramagniḥ saṃpadyate'gnisādbhavati. dadhi siñcati॥

sedhateḥ. na ṣatvamiti. `na rapare'tyato netyanuvṛtteriti bhāvaḥ. gaṅgāṃ visedhatīti. gacchatītyarthaḥ. iha `upasargātsunotī'ti ṣatvaṃ na bhavati. anantarasyeti nyāyena upasargātsunotītyasyaivāyaṃ niṣedhaḥ,na tvādeśapratyayorityasyāpi. tena siṣedhetyādau ādeśapratyayoriti ṣatvaṃ bhavatyeva. ṣidhū iti. nanu vākyasaṅghaviśeṣātmakasya śāstrasya akriyārūpatavātkathaṃ dhātvarthatvamityata āha— śāstraṃ śāsanamiti. māṅgalyaṃ tu– śubhakarma. ṣidha gatyāmitivadasyāpi rūpāṇi.

sātpadādyoḥ , 8.3.113 sātpadādyoḥ. śeṣapūraṇena sūtraṃ vyācaṣṭe--sasya ṣatvaṃ na syāditi. sāteravayavasya, padādeśca sasya ṣatvaṃ na syādityarthaḥ. "na raparasṛpī"tyato neti, "apadāntasye"tyato "mūrdhanya" iti cānuvartata iti bhāvaḥ. padāderudāharati--dadhi siñcatīti. ṣicidhātoḥ "dhātvādeḥ ṣaḥ saḥ" iti ṣasya saḥ. tasya "ādeśapratyayayo"riti ṣatve prāpte.ñanena niṣedhaḥ. kṛtsnamiti. sarvāvayavopetamityarthaḥ. "agnisā"dityatra pratyayāvayavasakāratvāt ṣatve prāpte'nena niṣedhaḥ. agnībhavatīti. cvipratyaye "cvau ce ti dīrghaḥ. mahāvibhāṣayeti. "samarthānā"mityato vāgrahaṇānuvṛtterityarthaḥ. māhāvibhāṣayā siddhe iha vibhāṣāgrahaṇaṃ tu apavādena mukte autsargikacveḥ samāveśārtham.

sedhatergatau. śtipā nirdeśādgatyarthādasmādyaṅluki na niṣedhaḥ,tenopasargamāśritya ṣatvaṃ bhavatyeva– `viṣeṣidhīti'. na ca sedeti śapā nirdeśādyaṅaluki `upasargātsunotī'ti ṣatvaṃ na bhavediti śaṅkyaṃ,daivādikanivṛttyarthatayā śapā nirdeśasya caritārthatatvāt. anyathā sedhateriti śtipā nirdeśasya vaiyathryāpatteriti dik. ṣidhū śāstre. māṅgasyaṃ- maṅgalakriyā. svārthe ṣyaña.