1/11:iha kasmāt bahuvrīhivadbhāvaḥ na bhavati |
2/11:ekaḥ iti |
3/11:ekasya dvirvacanasambandhena bahuvrīhivadbhāvaḥ ucyate na ca atra dvirvacanam paśyāmaḥ |
4/11:ekasya dvirvacanasambandhena iti cet arthanirdeśaḥ |*
5/11:ekasya dvirvacanasambandhena iti cet arthanirdeśaḥ kartavyaḥ |
6/11:dvirvacanam api hi atra kasmāt na bhavati |
7/11:tasmāt vācyam asmin arthe dve bhavataḥ bahuvrīhivat ca iti |
8/11:na vā vīpsādhikārāt | na vā vaktavyam |*
9/11:kim kāraṇam |
10/11:vīpsādhikārāt |
11/11:nityavīpsayoḥ iti vartate
1/22:atha bahuvrīhivattve kim prayojanam |
2/22:bahuvrīhivattve prayojanam sublopapuṃvadbhāvau |*
3/22:sublopaḥ |
4/22:ekaikam |
5/22:puṃvadbhāvaḥ |
6/22:gatagatā |
7/22:yadi evam sarvanāmasvarasamāsānteṣu doṣaḥ | sarvanāmasvarasamāsānteṣu doṣaḥ bhavati |*
8/22:sarvanāmavidhau doṣaḥ bhavati |
9/22:ekaikasmai |
10/22:nabahuvrīhau iti pratiṣedhaḥ prāpnoti |
11/22:sarvanāma |
12/22:svara |
13/22:nana susu |
14/22:nañsubhyām iti eṣaḥ svaraḥ prāpnoti |
15/22:svara |
16/22:samāsānta |
17/22:ṛgṛk pūḥpūḥ |
18/22:ṛkpūrabdhūḥpathāmānakṣe iti samāsāntaḥ prāpnoti |
19/22:sarvanāmavidhau tāvat na doṣaḥ |
20/22:uktam tatra bahuvrīhigrahaṇasya prayojanam bahuvrīhiḥ eva yaḥ buhuvrīhiḥ tatra pratiṣedhaḥ yathā syāt bahuvrīhivadbhāvena yaḥ bahuvrīhiḥ tatra mā bhūt iti |
21/22:svarasamāsāntayoḥ api prakṛtam samāsagrahaṇam anuvartate tena eva bahuvrīhim viśeṣayiṣyāmaḥ |
22/22:samāsaḥ yaḥ bahuvrīhiḥ iti

ekam ityetac chabdarūpaṃ dviruktaṃ bahuvrīhivad bhavati. bahuvrīhivattve prayojanaṃ sublopapuṃvadbhāvau. kaikamakṣaraṃ paṭhati. ekaikayā āhutyā juhoti. sarvanāmasaṃjñāpratiṣedhasvarasamāsāntāḥ samāsādhikāravihite bahuvrīhau vijñāyante. tena atideśike bahuvrīhau na bhavanti. ekaikasmai. na bahuvrīhau 1-1-129 iti pratiṣedho na bhavati, bahuvrīhireva yo bahuvrīhiḥ iti vijñānāt. nana, susu, nañsubhyām 6-2-172 ityantodāttatvaṃ na bhavati. ṛkṛk, pūḥ pūḥ, ṛk pūḥ iti samāsānto na bhavati.

ekaṃ bahuvrīhivat 8.1.9 ekam ityetac chabdarūpaṃ dviruktaṃ bahuvrīhivad bhavati. bahuvrīhivattve prayojanaṃ sublopapuṃvadbhāvau. kaikamakṣaraṃ paṭhati. ekaikayā āhutyā juhoti. sarvanāmasaṃjñāpratiṣedhasvarasamāsāntāḥ samāsādhikāravihite bahuvrīhau vijñāyante. tena atideśike bahuvrīhau na bhavanti. ekaikasmai. na bahuvrīhau iti pratiṣedho na bhavati, bahuvrīhireva yo bahuvrīhiḥ iti vijñānāt. nana, susu, nañsubhyām 6.2.171 ityantodāttatvaṃ na bhavati. ṛkṛk, pūḥ pūḥ, ṛk pūḥ iti samāsānto na bhavati.

ekaṃ bahuvrīhivat?. , 8.1.9 yadyaviśeṣeṇaikaśabdasya bahuvrīhivadbhāvo vidhīyate, tadaikamityatrāpi syāditi manyamāno'tiprasaṅgaṃ parijihīrṣurāha--"ekamityetad()dviruktaṃ bahuvrīhivadbhāvo bhavati" iti. kathaṃ punardviruktamityeva viśeṣo labhyate, yāvatā nāyaṃ sūtropāttaḥ? evaṃ manyate--vīpsā'nuvatrtate, ["vīpsāmanuvatrtate"--prāṃu.pāṭhaḥ] vīpsāyāñca pūrvameva dvirvacanaṃ vihitam(). na ca tadekaśabdasyānena bahuvrīhivadbhāvena bādhyate; anyathā hi "ekaikasya prācām()" 8.2.86 iti nirdeśo nopapadyeta. tasmādvīpsāgrahaṇānuvṛtterdviruktasyaikaśabdasyāyaṃ bahuvrīhavadbhāvo vijñāyata iti. kiṃ punarbahuvrīhivadbhāve prayojanamityāha--"bahuvrīhivattve" ityādi. yadyapi sublṛkpuṃvadbhāvau bahuvrīhāvityevaṃ nocyete, tathāpyetau tatra dṛṣṭāvityasminnatideśe tayoḥ pravṛttiḥ prayojanam(). "ekaikam()" iti. vīpsāyāṃ dvirvacane kṛte yatā citragurityādau bahuvrīhau "supo dhātuprātipadikayoḥ" 2.4.71 iti sublugbhavati, tathehāpyatideśena. atideśenaiva samāse prātipadikatvāt? suḥ, "ato'm()" 7.1.24 ityambhāvaḥ. "ekaikayā" iti. pūrvavadvibhakderluk(), "striyāḥ puṃkt()" 6.3.33 ityādinā yathā darśanīyabhārya ityatra bahuvrīhau puṃvadbāvo bhavati, tathehāpyatideśena, tṛtīyaikavacanam(), "āṅi cāpaḥ" 7.3.105 ityettavam(), ayādeśaḥ. nanu cāsatyapi puṃvadbhāve "vṛddhireci" (6.1.88) iti vṛddhāvapi kṛtāyāmetat? sidhyatyeva? yadyapyetat? sidhyati, tathāpi gatagatetyetat? "ābādhe ca" 8.1.10 iti dvirvacane kṛte na sidhyati. tasmāduttarasūtre puṃvadbhāvo bahuvrīhivadityasyātideśasyaiva prayojanatvenocyate. ekaikayetyetattu "ekamityeṣa napuṃsakaliṅgena nirdeśo'ntram()" ityetatsūcayitumuktam(). atantratvaṃ tu sūtre liṅganirdeśasya "ardhaṃ napuṃsakam()" 2.2.2 ityatra napuṃsakagrahaṇena jñāpitam(). yadi sautro nirdeśastantramabhaviṣyat(), ardhamityatra tata eva nirdeśālliṅgaviśeṣe siddhe napuṃsakamiti nāvakṣyat(). atha pūrvapadaprakṛtisvaratvamapi prayojanaṃ kasmānnocyeta? viśeṣābhāvā. parasya nighāte kṛte pūrvapadaprakṛtisvara eva bhaviṣyati. yadi tarhi bahuvrīhau yad()vṛṣṭaṃ tadatidiśyate, sarvanāmasaṃjñāpratiṣedhasvarasamāsāntānāmapyatideśaḥ prāpnoti? ityata āha--"sarvanāmasaṃjñā" ityādi. kathaṃ punarete sarvanāmasaṃjñāpratiṣedhādayaḥ samāsādhikāre vihite bahuvrīhau śakyā vijñātum()? ucyate; sarvanāmasaṃjñāpratiṣedhastāvat? "bahuvrīhau" 1.1.27 ityanuvatrtamāne punarbahuvrīhi 1.1.28 grahaṇācca śakyate vijñātum(). tasya hratat? prayojanamuktam()--bahuvrīhereva yo bahuvrīhistatra pratiṣedho yathā syāt(), bahuvrīhivadbhāvena yo bahuvrīhistatara mā bhūditi. evañcārthāt? samāsādhikāravihita eva bahuvrīhau pratiṣedho vijñāyate. na hi tato'nyo bahuvrīhireva bahuvrīhīrbhavati; "ekaikasmai" ityāderbahuvrīhivadbhāvena bahuvrīhivattvāt(). "nañsubhyam()" 6.2.171 ityanenāpi "bahuvrīhāvidametattadbhyaḥ 6.2.161 ityato bahuvrīhigrahaṇe'nuvatrtamāne nañsumyāṃ parasya bahuvrīhāvantodāttatvaṃ vidhīyate, na tu tayorapi; yasmāt? sunañādiha nimittatvenopāttau. na ca nimittayoḥ kāryitvaṃ yuktam(). yathīktam()---"nemau ["hayavaraṭ()" (mā.sū.5) ityetasmin? sūtre bhāṣyakāreṇa] rahau kāryiṇau, kiṃ tarhi? na#imittamimau dvirvacanasya" iti. tasmādyatra bahuvrīhau nañsūbhāṃ sunañoreva parabhūtatvāt? "ābādhe ca" 8.1.10 iti dvirvacanam(), bahuvrīhivadbhāvaśca. atha vā svaravidhau "samāsasya" 6.1.217 ityataḥ samātagrahaṇamanuvatrtate, tena ca bahuvrīhi viśeṣayiṣyāmaḥ--samāso yo bahuvrīhiriti. nanu ca nana, susvityatāvapi samāsāveva, asti hranayoreva bahuvrīhivadbhāvenotpāditā samāsasaṃjñā, tataśca viśiṣyamāṇa'pi samāsagrahaṇe na bahuvrīhau svaraḥ prāpnotītyeva? naiva doṣaḥ; viśiṣyate hi samāsagrahaṇena bahuvrīhiḥ, na kaścidasamāso bahuvrīhirasti, tatra viśeṣaṇasāmathryāvatideśadbārema yasya samāsasaṃjñā tasya na bhavati. sa ca samāsādhikāre vihito bahuvrīhiriti vijñāyate. nanu ca samāsagrahaṇena bahuvrīhau viśiṣyamāṇe viśeṣaṇasāmathryādviśiṣṭasya bahuvrīherivaṃ grahaṇamityetādanmātraṃ niścīyate, tatra tu viśiṣṭe bahuvrīhau sandeha eva? ucyate; bhavati vyākhyānato viśeṣapratipattiḥ, na hi sandehādalakṣaṇa(vyā.pā.75)mityadoṣaḥ, samāsāntavidhāvapi "samāsācca tadviṣayāt()" 5.3.106 ityataḥ samāsagrahaṇamanuvatrtate. tatra samāsādhikārādeva samāsāntatve vakṣyamāṇānāṃ pratyayānāṃ siddhe samāsagrahaṇānuva#ṛttiviśiṣṭe samāse samāsāntatvaṃ yathā svādityevamarthaṃ vijñāyate. sa punarviśiṣṭaḥ samāso yaḥ samāsādhikāre vihitaḥ sa eva vyākhyānādveditavyaḥ. atha nanetyatra "nalopo nañaḥ" 6.3.72 iti nalopaḥ kasmānna bhavati, asti tasyāpi bahuvrīhau darśanam()? naiṣa dīṣaḥ; "nalopo nañaḥ" ityatra hi uttaravadādhikāro'nuvatrtate--uttarapade nalopo vidhīyate. nañ? ca kāryitvenopātta:, kāryiṇaśceha nimittabhāvo nopapadyata iti naño'nyasminnuttarapade lopena bhavitavyam(), yathā--abrāāhṛṇa iti, na tu tasminneveti kuto nakāralopasya prasaṅgaḥ()॥

ekaṃ bahuvrīhivat. dvirukta iti. dvirvacanaṃ prāpta ityarthaḥ. etacca prakaraṇāllabhyate, `vīpsāmātraviṣayamida'miti bhāṣyācca. teneti. bahuvrīhivattvena sublopapuṃvadbhāvau sidhyata ityarthaḥ. tatra sublopamudāharati-ekaikamiti. iheti. `ekaika'mityatra ekamityasya dvirvacane sati, ekamekamiti sthite supo luki, samudāyātsubityanvayaḥ. nanu `yatra saṅghāte pūrvo bhāgaḥ padaṃ tasya cedbhavati tarhi samāsasyaive'ti niyamena samudāyasya prātipadikatvā'bhāvātkathamiha supo luk, kathaṃ vā samudāyātsubityata āha–bahuvrīhivadbhāvādeva prātipadikatvāditi. etacca `suporlukī'tyatra, `samudāyātsu'bityatra ca madhyamaṇinyāyenānveti. atha puṃvattve'pyudāharati–ekaikayā''hutyeti. `ekaye'tyasya dvirvacane sati ekayā– ekayeti sthite, `bahuvrīhivattvena samudāyasya prātipadikatvātsuporluki, pūrvakhaṇḍasya puṃvattve kṛte, samudāyātpunastṛtīyotpattau, ekaikayeti rūpam. bahuvrīhivattvā'bhāve tu iha samudāyasya prātipadikatvā.ñabhāvātsuporluk, pūrvakhaṇḍasya puṃvattvaṃ ca na syāt, uttarapadaparakatvā'bhāvāt, samāsacaramāvayavasyaiva uttarapadatvāditi bhāvaḥ. `eka#aikā'mityatra uttarakhaṇḍasya `sarvanāmno vṛttimātre' iti puṃvattvaṃ bahuvrīhivattve satyapi na pravṛttimarhati, pūrvasyaivedaṃ `bhastraiṣādve' ti liṅgādityuktatvāditi. bodhyam. nanu suporluki pūrvakhaṇḍasya ekāśabdasya puṃvattve satyasati vā vṛddhau ekaikayeti sidhyatyevetyata āha–iha pūrvabhāge iti. avagrahe iti. samastapadasya dvidhā karaṇe pūrvakhaṇḍo'vagrahaḥ. `tasya pūrvo'vagrahaḥ' iti prātiśākhyam. `ekaikayetyeka-ekayā' itīṣyate pūrvakhaṇḍasya puvattvam. bahuvrīhivattvā'bhāve tu ekaikayetyekā-ekayeti syāditi bhāvaḥ. taittirīyāstu `ekaikayetyekā ekayā' ityevā'vagṛhṇanti. `ekaṃ samāsava'dityeva siddhe bahuvrīhigrahaṇaṃ `bahuvrīhau prakṛtyāpūrvapada'miti svarārtham. nanu bahuvrīhivattve sati `na bahivrīhau' iti sarvanāmatvaniṣedhādekaikasyaidehītyādau kathaṃ sarvanāmakāryamityartha āha–na bahuvrīhāvityatreti. `vibhāṣā diksamāse bahuvrīhau' ityato bahuvrīhigrahaṇānuvṛttyaiva siddhe na bahuvrīhau' ityatra punarbahuvrīhigrahaṇaṃ mukhyabahuvrīhilābhārtham. ato bahuvrīhivadityatidiṣṭabahuvrīhau sarvanāmatvaniṣedho netyarthaḥ. tadāha–ta#eneti. tadevaṃ prācīnoktaṃ parihāramuktvā siddhāntimatenāha–vastutastviti. etaditi. `na bahuvrīhau' iti sūtramityarthaḥ. evaṃ ca bahuvrīhāvapi sarvaṃnāmatvasya bhāṣyasaṃmatatayā bahuvrīhivattvātideśe satyapi sarvanāmatvaṃ nirbādhamiti bhāvaḥ. sūtramate'pīti. `upasarjanatvādeva bahuvrīhau sarvanāmatvaniṣedhesiddhe ` nabahuvrīhau' iti bahuvrīhrarthake alaukikavigrahavākye eva samāsātprāksarvanāmatvaṃ niṣidhyata iti prāgevoktam. tasmādiha bahuvrīhratideśaprayuktasarvanāmakāryā'bhāvaśaṅkaiva nāstītyarthaḥ. ekaikasmai dehīti. iha dvayorapi suporluki punaḥ sarvādipaṭhitaikaśabdāntatayā sarvanāmatvātsamaibhāva iti bhāvaḥ.

ekaṃ bahuvrīhivat , 8.1.9 ekaṃ bahuvrīhivat. dvirukta iti. dvirvacanaṃ prāpta ityarthaḥ. etacca prakaraṇāllabhyate, "vīpsāmātraviṣayamida"miti bhāṣyācca. teneti. bahuvrīhivattvena sublopapuṃvadbhāvau sidhyata ityarthaḥ. tatra sublopamudāharati-ekaikamiti. iheti. "ekaika"mityatra ekamityasya dvirvacane sati, ekamekamiti sthite supo luki, samudāyātsubityanvayaḥ. nanu "yatra saṅghāte pūrvo bhāgaḥ padaṃ tasya cedbhavati tarhi samāsasyaive"ti niyamena samudāyasya prātipadikatvā'bhāvātkathamiha supo luk, kathaṃ vā samudāyātsubityata āha--bahuvrīhivadbhāvādeva prātipadikatvāditi. etacca "suporlukī"tyatra, "samudāyātsu"bityatra ca madhyamaṇinyāyenānveti. atha puṃvattve'pyudāharati--ekaikayā'‌'hutyeti. "ekaye"tyasya dvirvacane sati ekayā--ekayeti sthite, "bahuvrīhivattvena samudāyasya prātipadikatvātsuporluki, pūrvakhaṇḍasya puṃvattve kṛte, samudāyātpunastṛtīyotpattau, ekaikayeti rūpam. bahuvrīhivattvā'bhāve tu iha samudāyasya prātipadikatvā.ñabhāvātsuporluk, pūrvakhaṇḍasya puṃvattvaṃ ca na syāt, uttarapadaparakatvā'bhāvāt, samāsacaramāvayavasyaiva uttarapadatvāditi bhāvaḥ. "eka#aikā"mityatra uttarakhaṇḍasya "sarvanāmno vṛttimātre" iti puṃvattvaṃ bahuvrīhivattve satyapi na pravṛttimarhati, pūrvasyaivedaṃ "bhastraiṣādve" ti liṅgādityuktatvāditi. bodhyam. nanu suporluki pūrvakhaṇḍasya ekāśabdasya puṃvattve satyasati vā vṛddhau ekaikayeti sidhyatyevetyata āha--iha pūrvabhāge iti. avagrahe iti. samastapadasya dvidhā karaṇe pūrvakhaṇḍo'vagrahaḥ. "tasya pūrvo'vagrahaḥ" iti prātiśākhyam. "ekaikayetyeka-ekayā" itīṣyate pūrvakhaṇḍasya puvattvam. bahuvrīhivattvā'bhāve tu ekaikayetyekā-ekayeti syāditi bhāvaḥ. taittirīyāstu "ekaikayetyekā ekayā" ityevā'vagṛhṇanti. "ekaṃ samāsava"dityeva siddhe bahuvrīhigrahaṇaṃ "bahuvrīhau prakṛtyāpūrvapada"miti svarārtham. nanu bahuvrīhivattve sati "na bahivrīhau" iti sarvanāmatvaniṣedhādekaikasyaidehītyādau kathaṃ sarvanāmakāryamityartha āha--na bahuvrīhāvityatreti. "vibhāṣā diksamāse bahuvrīhau" ityato bahuvrīhigrahaṇānuvṛttyaiva siddhe na bahuvrīhau" ityatra punarbahuvrīhigrahaṇaṃ mukhyabahuvrīhilābhārtham. ato bahuvrīhivadityatidiṣṭabahuvrīhau sarvanāmatvaniṣedho netyarthaḥ. tadāha--ta#eneti. tadevaṃ prācīnoktaṃ parihāramuktvā siddhāntimatenāha--vastutastviti. etaditi. "na bahuvrīhau" iti sūtramityarthaḥ. evaṃ ca bahuvrīhāvapi sarvaṃnāmatvasya bhāṣyasaṃmatatayā bahuvrīhivattvātideśe satyapi sarvanāmatvaṃ nirbādhamiti bhāvaḥ. sūtramate'pīti. "upasarjanatvādeva bahuvrīhau sarvanāmatvaniṣedhesiddhe " nabahuvrīhau" iti bahuvrīhrarthake alaukikavigrahavākye eva samāsātprāksarvanāmatvaṃ niṣidhyata iti prāgevoktam. tasmādiha bahuvrīhratideśaprayuktasarvanāmakāryā'bhāvaśaṅkaiva nāstītyarthaḥ. ekaikasmai dehīti. iha dvayorapi suporluki punaḥ sarvādipaṭhitaikaśabdāntatayā sarvanāmatvātsamaibhāva iti bhāvaḥ.

ekaṃ bahuvrīhivat. dve ityanuvartate. taccānuvādyasamarpakaṃ, tadāha—dvirukta iti. teneti. yadyapyetau bahuvrīhau viśiṣya na vihitau , tathāpi tatra dṛṣṭavityetāvataivātidiśyete iti bhāvaḥ. sublopapuṃvadbhāvāviti. pūrvapadaprakṛtisvaraśca bodhyaḥ. samudāyātsubiti. taccaikavacanameveti, antaraṅgaikasaṅkhyāvaruddho dviruktārthaḥ saṅkhyāntare nirākāṅkṣa itiprāgevoktatvāt. pūrvabhāga iti. natūttarabhāge'pi. tathāhi dvidhā'tra puṃvadbhāvaḥ `sarvanāmno vṛttimātre'iti vā, `striyāḥ puṃva'diti vā. tatrādyaḥ pūrvabhāgasyaiva, `bhastraiṣe'ti jñāpakādityuktam. dvitīyastu samānādhikaraṇe pare vidhīyate, na cottarabāgasya samānādikaraṇaparatvamastīti bhāvaḥ. avagrahe viśeṣaiti. `ekaikayetyekaekaye'ti bhavatītyarthaḥ. ekaikasmai iti. nanu sublopapuṃvadbhāvāviva bahuvrīhau sarvanāmasaṃjñā'bhāvo'pi dṛṣṭa ityayamapi bahuvrīhivadbhāvenātidiśyatām, tathāca smāyādeśo'tra durlabha iti cet. atrāhuḥ—-sublopapuṃvadbhāvāviva sarvanāmasaṃjñā'bhāvaḥ śāstreṇa na dṛṣṭa. kiṃ tu bahuvrīhergauṇatvātsarvavācakatvaṃ na saṃbhavatīti tadabhāvo dṛṣṭa iti nāyamatidiśyate. `na bahuvrīhau'iti śāstra#ṃ tvalaukikavākye niṣedhakaṃ , natu bahuvrīhāvityuktatvāditi.

ekaṃ bahuvrīhivat 1594, 8.1.9 ekaṃ bahuvrīhivat. dve ityanuvartate. taccānuvādyasamarpakaṃ, tadāha---dvirukta iti. teneti. yadyapyetau bahuvrīhau viśiṣya na vihitau , tathāpi tatra dṛṣṭavityetāvataivātidiśyete iti bhāvaḥ. sublopapuṃvadbhāvāviti. pūrvapadaprakṛtisvaraśca bodhyaḥ. samudāyātsubiti. taccaikavacanameveti, antaraṅgaikasaṅkhyāvaruddho dviruktārthaḥ saṅkhyāntare nirākāṅkṣa itiprāgevoktatvāt. pūrvabhāga iti. natūttarabhāge'pi. tathāhi dvidhā'tra puṃvadbhāvaḥ "sarvanāmno vṛttimātre"iti vā, "striyāḥ puṃva"diti vā. tatrādyaḥ pūrvabhāgasyaiva, "bhastraiṣe"ti jñāpakādityuktam. dvitīyastu samānādhikaraṇe pare vidhīyate, na cottarabāgasya samānādikaraṇaparatvamastīti bhāvaḥ. avagrahe viśeṣaiti. "ekaikayetyekaekaye"ti bhavatītyarthaḥ. ekaikasmai iti. nanu sublopapuṃvadbhāvāviva bahuvrīhau sarvanāmasaṃjñā'bhāvo'pi dṛṣṭa ityayamapi bahuvrīhivadbhāvenātidiśyatām, tathāca smāyādeśo'tra durlabha iti cet. atrāhuḥ----sublopapuṃvadbhāvāviva sarvanāmasaṃjñā'bhāvaḥ śāstreṇa na dṛṣṭa. kiṃ tu bahuvrīhergauṇatvātsarvavācakatvaṃ na saṃbhavatīti tadabhāvo dṛṣṭa iti nāyamatidiśyate. "na bahuvrīhau"iti śāstra#ṃ tvalaukikavākye niṣedhakaṃ , natu bahuvrīhāvityuktatvāditi.