Pāṇini 8.1.70

PrevNext

Grammatical Sūtra: गतिर्गतौ gatirgatau Chantings of the aṣṭādhyāyī kindly with permision Sai Susarla.
Individual Word Components: gatiḥ gatau
Sūtra with anuvṛtti words: gatiḥ gatau padasya (8.1.16), anudāttam (8.1.18), sarvam (8.1.18), apādādau (8.1.18)
Type of Rule: vidhi
Preceding adhikāra rule:8.1.18 (1anudāttaṃ sarvam apādādau)

Description:

A Gati becomes unaccented, when followed by another Gati. Source: Aṣṭādhyāyī 2.0

An item denoted by the t.t. gá-ti (1.4.60) [becomes ánudātta 67 before 1.1.66] (another) gá-ti. Source: From Aṣṭādhyāyī of Pāṇini In Roman Transliteration translated by Sumitra M. Katre, Copyright © 1987. Courtesy of the University of Texas Press.

Source:Srisa Chandra Vasu's Aṣṭādhyāyī of Pāṇini

Anuvṛtti: 8.1.18

1/39:gatau iti kimartham |
2/39:prapacati prakaroti |
3/39:gateḥ anudāttatve gatigrahaṇānarthakyam tiṅi avadhāraṇāt |*
4/39:gateḥ anudāttatve gatigrahaṇam anarthakam |
5/39:kim kāraṇam |
6/39:tiṅi avadhāraṇāt |
7/39:tiṅica udāttavati iti etat niyamārtham bhaviṣyati |
8/39:tiṅi udāttavati eva gatiḥ anudāttaḥ bhavati na anyatra iti |
9/39:chandortham tarhi gatigrahaṇam kartavyam |
10/39:chandasi gatau parataḥ anudāttatvam yathā syāt mandraśabde mā bhūt |
11/39:a mandraiḥ indra haribhiḥ yāhi mayuraromabhiḥ |
12/39:chandortham iti cet na agatitvāt | chandortham iti cet tat na |*
13/39:kim kāraṇam |
14/39:agatitvāt |
15/39:yatkriyāyuktāḥ tam prati gatyupasargasañjñe bhavataḥ na ca atra āṅaḥ mandraśabdam prati kriyāyogaḥ |
16/39:kim tarhi yāhiśabdam prati |
17/39:iha api tarhi na prāpnoti |
18/39:abhyuddharati upasamādadhāti iti |
19/39:atra api na abheḥ udam prati kriyāyogaḥ |
20/39:kim tarhi haratim prati kriyāyogaḥ |
21/39:na eṣaḥ doṣaḥ |
22/39:udam prati kriyāyogaḥ |
23/39:katham |
24/39:uddharatikriyām viśinaṣṭi |
25/39:udā viśiṣṭām abhiḥ viśinaṣṭi |
26/39:tatra yatkriyāyuktāḥ iti bhavati eva saṅghātam prati kriyāyogaḥ |
27/39:iha api tarhi mandrasādhanā kriyā āṅā vyajyate |
28/39:ā yāhi mandraiḥ iti |
29/39:nanu pūrvam dhātuḥ upasargeṇa yujyate paścāt sādhanena iti |
30/39:na etat sāram |
31/39:pūrvam dhātuḥ sādhanena yujyate paścāt upasargeṇa |
32/39:kim kāraṇam |
33/39:sādhanam hi kriyām nirvartayati tām upasargaḥ viśinaṣṭi abhinirvṛttasya ca arthasya upasargeṇa viśeṣaḥ śakyaḥ vaktum |
34/39:satyam evam etat |
35/39:yaḥ tu asau dhātūpasargayoḥ abhisambandhaḥ tam abhyantare kṛtvā dhātuḥ sādhanena yujyate |
36/39:avaśyam ca etat evam vijñeyam |
37/39:yaḥ hi manyate pūrvam dhātuḥ sādhanena yujyate paścāt upasargeṇa iti āsyate guruṇā iti akarmakaḥ upāsyate guruḥ iti kena sakarmakaḥ syāt |
38/39:gatinā tu viśiṣṭasya gatiḥ eva viśeṣakaḥ |*
39/39:sādhane kena te na syāt bāhyam ābhyantaraḥ hi saḥ |*

Kielhorn/Abhyankar (III,381.1-23) Rohatak (V,344-347)

*Kātyāyana's Vārttikas

Commentaries:

Kāśikāvṛttī¹: gatiḥ gatau parataḥ anudātto bhavati. abhyuddharati. samudānayati. abhisamparyāh See More

Kāśikāvṛttī²: gatir gatau 8.1.70 gatiḥ gatau parataḥ anudātto bhavati. abhyuddharati. samudān See More

Nyāsa²: gatirgatau. , 8.1.70 "abhyuddharati" iti. abhiśabdasya prātipadikasvar See More

gatirgatau. , 8.1.70 "abhyuddharati" iti. abhiśabdasya prātipadikasvareṇāntodāttatve prāpta ucchabde gatau parato'nudāttatvaṃ bhavati. "samudānayati" iti. atrāpi "nipātā ādyudāttāḥ" (phi.sū.4.80), "upasargāścābhivarjam()" (phi.sū.4.81) iti sama ādyudāttatve prāpte'nudāttatvaṃ bhavati. kathaṃ punaratrāha--samaśca gatisaṃjñeti yatkriyāyuktāḥ prādayastaṃ pratyeva gatyupasargasajñe bhavata ityuktam? (jai.pa.vṛ.99), na cocchabdasya kriyāvācitvam()? naiṣa doṣaḥ; kriyāviśeṣavācino hi prādayaḥ. kriyāviśeṣaśca kriyaiva. kārakāṇāṃ pravṛttiviśeṣaḥ kriyetyuktam(). upasaga'pi kārakapravṛttiviśiṣyata eva. na [na hruddharatīti()] hruttaratīti haratyartha eva kevalaṃ karttṛvyāpāraṃ vyavacchinati. kiṃ tarhi? upasargārtho'pi. atha vā haraṇādarthāntaramevoddharaṇam(), tasyābhirviśeṣaṇamiti nānupapannā gatisaṃjñā. "devadattaḥ prapacati" iti. devairdāsīṣṭeti "kticktau ca saṃjñāyām()" 3.3.174 iti ktaḥ; "do dad()dhoḥ" 7.4.46 iti dadādeśaḥ. "tṛtīyā karmaṇi" 6.2.48 ityādyudāttatve prāpte "kārakāddattaśrutayorevāśiṣi" 6.2.147 iti devadattaśabdo'ntodāttaḥ. "āmandraiḥ" ityādi. atra sarvamasti, na tu mandrogatiriti. tasmin? parata āṅo'nudāttatvaṃ na bhavati. asati canudāttatve "nipātā ādyudāttāḥ" (phi.sū.4.80) "upasargaścābhivarjam()" (phi sū 4.81) ityādyudāttatvameva bhavati. kathaṃ punarāṅo gatisaṃjñā, kriyāyoge hi sati vihitā sā, na cātrāsti kriyāyogaḥ, mandaraśabdasyākriyāvācitvāt()? ityata āha--"yāhītyetat? prati kriyāyogādāṅitveṣa gatiḥ" iti. satyapi vyavadhāne vyavahitāśca 1.4.81 iti gatisaṃjñāvidhānāditi bhavāḥ. syādetat(), yadyapi yāhītyetat? pratyāṅo gatitvam(), tathāpi mandraśabdaṃ prati nāsyeva tasya gatisaṃjñā, tena yadyapi gatāvityetannocyeta, tathāpi naivehānudāttatvaṃ prāpnoti? ityata āha--"tasya" ityādi. atrāsyānudāttatvaṃ syādeveti. asya "anāśritapanimittakam()" ityanena heturuktaḥ. tasyānāśritaparanimittakasyāpi gatāvityasminnasatyenena gatigrahaṇasyābhāvo heturabhihitaḥ. yadi gatāvityennocyeta, tato'nāśritaparanimittamevānudāttatvamuktaṃ syāt(). na hrasati saptamīnirdiṣṭe gatigrahaṇe paranimittatāśrīyate. tataśca gatirityetāvatyucyamāne yadyapi mandraśabdo gatirna bhavati, tathāpi tasyāṅāśritaparanimittamanudāttatvamiha syādeva. gatāvitya()smastu sati na bhavatyeṣa doṣaḥ; gateḥ paranimittasyāśrayaṇāt? tasya cehābhāvāt()॥