1/25:iha avadigye , avadigyāte , avadigyare digyādeśe kṛte dvirvacanam prāpnoti tatra sābhyāsasya iti vaktavyam |
2/25:nanu ca dvirvacane kṛte sābhyāsasya digyādeśaḥ bhaviṣyati |
3/25:na sidhyati |
4/25:kim kāraṇam |
5/25:digyādeśasya paratvāt sābhyāsasya ādeśavacanam |*
6/25:digyādeśaḥ kriyatām dvirvacanam iti paratvāt digyādeśena bhavitavyam |
7/25:tatra sābhyāsasya iti vaktavyam |
8/25:evam tarhi digyādeśaḥ dvirvacanam bādhiṣyate |
9/25:punaḥprasaṅgavijñānāt dvirvacanam prāpnoti |
10/25:punaḥprasaṅgaḥ iti cet amādibhiḥ tulyam |
11/25:punaḥprasaṅgaḥ iti cet amādibhiḥ tulyam etat bhavati |
12/25:tat yathā |
13/25:amādiṣu kṛteṣu punaḥprasaṅgāt śiśīlugnumaḥ na bhavanti |
14/25:evam digyādeśe kṛte punaḥprasaṅgāt dvirvacanam na bhaviṣyati |
15/25:atha vā vipratiṣedhe punaḥprasaṅgaḥ iti ucyate vipratiṣedhaḥ ca dvayoḥ sāvakaśayoḥ |
16/25:iha punaḥ anavakāśaḥ digyādeśaḥ dvirvacanam bādhiṣyate |
17/25:yadi tarhi anavakāśāḥ vidhayaḥ bādhakāḥ bhavanti , babhūva , bhūbhāvaḥ dvirvacanam bādheta |
18/25:sāvakāśaḥ bhūbhāvaḥ |
19/25:kaḥ avakāśaḥ |
20/25:bhavitā , bhavitum |
21/25:iha tarhi cakṣiṅaḥ khyāñ vā liṭi iti khyāñ dvirvacanam bādheta |
22/25:iha ca api babhūva iti yadi tāvat sthāne dvirvacanam bhūbhāvaḥ sarvādeśaḥ prāpnoti atha dviḥprayogaḥ dvirvacanam parasya bhūbhāve kṛte pūrvasya śravaṇam prāpnoti |
23/25:na eṣaḥ doṣaḥ |
24/25:ārdhadhātukīyāḥ sāmānyena bhavanti anavasthiteṣu pratyayeṣu |
25/25:tatra ārdhadhātukasāmānye bhūbhāve kṛte yaḥ yataḥ pratyayaḥ prāpnoti saḥ tataḥ bhaviṣyati

dayateraṅgasya liṭi parato digi ityayam ādeśo bhavati. avdigye, avadigyāte, avadigyire. dayateḥ iti dīṅo grahaṇaṃ na tu daya dāne ityasya. tasya hi liti ām vihitaḥ. digyādeśena dvirvacanasya bādhanam iṣyate.

dayater digi liṭi 7.4.9 dayateraṅgasya liṭi parato digi ityayam ādeśo bhavati. avdigye, avadigyāte, avadigyire. dayateḥ iti dīṅo grahaṇaṃ na tu daya dāne ityasya. tasya hi liti ām vihitaḥ. digyādeśena dvirvacanasya bādhanam iṣyate.

dayaterdigi liṭi. , 7.4.9 "avadigye" ityādi. "deṅ? rakṣaṇe" (dhā.pā.962), liṭ(), ṅittvādātmanepadam(), prathapuruṣaḥ, "liṭastajhayoreśirec()" 3.4.81 ityeśirecau, eranekācaḥ" 6.4.82 ityādinā yaṇādeśaḥ. "dayateriti deṅo grahaṇam(), na tu daya dāna ityasya" iti. nanu ca "daya dānagatirakṣaṇahiṃsādāneṣu" (dhā.pā.481) ityetasya grahaṇaṃ kasmānna bhavati? ityata āha--"tasya hi" ityādi. liṭītyucyate, na ca "daya dāne" (dhā.pā.481)--ityetasyānantaro liḍasti; yasmāt? tasya "dayāyāsaśca" (3.1.37) ityanenām? vihitaḥ. nanu ca "amantre" iti tatrānuvatrtate, tato mantra āmo'bhāvāt? syādevānantaryam()? evaṃ manyate--yathādṛṣṭānuvidhiśchandasīti. na ca "daya dāne" (dhā.pā.481) ityetasya mantre digyādeśo dṛśyata ityabhiprāyaḥ. ihāvadigye--ityanavakāśātvād? digyādese kṛte paścād? dvirvacanena bhavitavyam(), yathā cakhyāvityatra "cakṣiṅaḥ khyāñ()" (2.4.54) iti khyāñādeśasyānavakāśatvāt? tatra kṛte paścād()dvirvacanam(), tathāvadigye ityatrāpi digyādeśe kṛte paścād? dvirvacana kena bādhyeta? iti yaścodayet()--taṃ pratyāha--"digyādeśena dvirvacanasya bādhanamiṣyate" iti. kathaṃ punariṣyamāṇamapi labhyate? nityagrahaṇānuvṛtteḥ. iha pūrvasūtrānnityagrahaṇamanuvatrtate, na cātra vibhāṣā prāpnoti, yannivṛttyartha nityagrahaṇaṃ vijñāyate. tasmādanyalliṭi yat? kāryaṃ prāpnoti, tannivṛttyarthaṃ nityagrahaṇaṃ vijñāyate; tenaivamabhisambandhaḥ kariṣyate--"liṭi prāpnuvatāṃ kāryāṇāṃ digyādeśa eva nityaṃ bhavati, nānyatkāryam()". ityevaṃ dvirvacananivatrtanaṃ bhavati. yaṇādeśastu liṭityucyāyaṃ na vidhīyata iti "eranekācaḥ" 6.4.42 ityaci bhavati॥

dayaterdigi. `digī'ti luptaprathamākam.deṅdhātordigītyādeśaḥ syālliṭītyarthaḥ. nanu liṭa eśādau digyādeśe kṛte dvitve sati didagye ityādi syādityata āha–digyādeśeneti. etacca spaṣṭam. vṛttiriti. bhāṣyasyāpyupalakṣaṇam. krādiniyamādiṭ. digyiṣe digyāthe digyidhve. digye digyivahe digyimahe. dātā. dāsyate. dayatām. adayata. dayeta. dāsīṣṭa.

dayaterdigi liṭi 225, 7.4.9 dayaterdigi. "digī"ti luptaprathamākam.deṅdhātordigītyādeśaḥ syālliṭītyarthaḥ. nanu liṭa eśādau digyādeśe kṛte dvitve sati didagye ityādi syādityata āha--digyādeśeneti. etacca spaṣṭam. vṛttiriti. bhāṣyasyāpyupalakṣaṇam. krādiniyamādiṭ. digyiṣe digyāthe digyidhve. digye digyivahe digyimahe. dātā. dāsyate. dayatām. adayata. dayeta. dāsīṣṭa.

digyādeśeneti. dayaterliṭi pare dvitvaṃ prāptaṃ, digyādeśaśca, tatra viśeṣavihitena digyādeśena dvitvaśāstrasya bādhaḥ, na caivaṃ `pyāyaḥ pī', `cakṣiṅaḥ khyā'ñiti pīkhyāñorapi viśeṣavihitatvāttābhyāṃ dvitvabādhaḥ syāditi vācyaṃ, viṣayasaptamīmāśritya liḍutpatteḥ prāgeva tayoḥ pravṛttatvāt. digyādeśavidhau tu liṭīti parasaptamyeva, na tu viṣayasaptamī, lakṣyānurodhāt. tadetsūcayati– iṣyata iti. `dayaterliṭi dvitve prāpte tadbādhitvā paratvāddigyādeśa'iti tu noktam. parasparalabdhāvakāśayoreva parasya balīyastvāt. digyādesaṃ vinā dvitvasya sāvakāśatve'pi dvitvaṃ vinā digyādeśasya tadabhāvāditi dik.

dayaterdigi liṭi 197, 7.4.9 digyādeśeneti. dayaterliṭi pare dvitvaṃ prāptaṃ, digyādeśaśca, tatra viśeṣavihitena digyādeśena dvitvaśāstrasya bādhaḥ, na caivaṃ "pyāyaḥ pī", "cakṣiṅaḥ khyā"ñiti pīkhyāñorapi viśeṣavihitatvāttābhyāṃ dvitvabādhaḥ syāditi vācyaṃ, viṣayasaptamīmāśritya liḍutpatteḥ prāgeva tayoḥ pravṛttatvāt. digyādeśavidhau tu liṭīti parasaptamyeva, na tu viṣayasaptamī, lakṣyānurodhāt. tadetsūcayati-- iṣyata iti. "dayaterliṭi dvitve prāpte tadbādhitvā paratvāddigyādeśa"iti tu noktam. parasparalabdhāvakāśayoreva parasya balīyastvāt. digyādesaṃ vinā dvitvasya sāvakāśatve'pi dvitvaṃ vinā digyādeśasya tadabhāvāditi dik.