1/36:akitaḥ iti kimartham |
2/36:yaṃyamyate , raṃramyate |
3/36:akitaḥ iti śakyam akartum |
4/36:kasmāt na bhavati yaṃyamyate , raṃramyate iti |
5/36:nuki kṛte anajantatvāt |
6/36:ataḥ uttaram paṭhati |
7/36:akidvacanam anyatra kidantasya alaḥ antyanivṛttyartham |*
8/36:akidvacanam kriyate jñāpakārtham |
9/36:kim jñāpyam |
10/36:etat jñāpayati ācāryaḥ anyatra kidantasya abhyāsasya alontyavidhiḥ na bhavati iti |
11/36:kim etasya jñāpane prayojanam |
12/36:prayojanam hrasvatvāttvettvaguṇeṣu |*
13/36:hrasvatvam |
14/36:avacacchatuḥ , avacacchuḥ |
15/36:attvam |
16/36:cacchṛdatuḥ , cacchṛduḥ |
17/36:ittvam |
18/36:cicchādayiṣati , cicchardayiṣati |
19/36:guṇaḥ |
20/36:cecchidyate , cocchuṣyate |
21/36:tuki kṛte anantyatvāt ete vidhayaḥ na prāpnuvanti |
22/36:vipratiṣedhāt siddham |*
23/36:na etāni santi prayojanāni |
24/36:vipratiṣedhena api etāni siddhāni |
25/36:tuk kriyatām ete vidhayaḥ iti kim atra kartavyam |
26/36:paratvāt ete vidhayaḥ iti |
27/36:tadantāgrahaṇāt vā |*
28/36:atha vā na evam vijñāyate abhyāsasya ajantasya ṛkārāntasya akārāntasya igantasya iti |
29/36:katham tarhi |
30/36:abhyāse yaḥ ac abhyāse yaḥ ṛkāraḥ abhyāse yaḥ akāraḥ abhyāse yaḥ ic iti |
31/36:evam ca kṛtvā dīrghatvam prāpnoti |
32/36:evam tarhi idam iha vyapadeśyam sat ācāryaḥ na vyapadiśati |
33/36:kim apavādaḥ nuk dīrghatvasya iti |
34/36:evam tarhi siddhe sati yat akitaḥ iti pratiṣedham śāsti tat jñāpayati ācāryaḥ bhavati eṣā paribhāṣā abhyāsavikāreṣu bādhakāḥ na bādhante iti |
35/36:kim etasya jñāpane prayojanam |
36/36:aicoḥ yaṅi dīrghaprasaṅgaḥ hrasvāt hi param dīrghatvam iti uktam saḥ na doṣaḥ bhavati

akito 'bhyāsasya dīrgho bhavati yagi yaṅluki ca. pāpacyate. pāpacīti. yāyjyate. yāyajīti. akitaḥ iti kim? yaṃyamyate. yaṃyamīti. raṃramyate. raṃramīti. nanu cātra apavādatvān nuki kṛte abhyāsasya anajantatvādeva dīrghatvaṃ na bhaviṣyati? evaṃ tarhi akitaḥ ityanena etaj jñāpyate, abhyāsavikāreṣvapavādā na utsargān vidhīn bādhante iti. kim etasya jñāpane prayojanam? ḍoḍhaukyate ityatra dīrgho 'kitaḥ ityanena sandhyakṣarahrasvo na bādhyate, acīkaratityatra dīrgho laghoḥ 7-4-94 ityanena sanvaditvaṃ na bādhyate, mānprabhṛtīnāṃ dīrgheṇa sanītvaṃ na bādhyate mīmāṃsate, ī ca gaṇaḥ 7-4-97 itītvena halādiśeṣo na bādhyate ajīgaṇat.

dīrgho 'kitaḥ 7.4.83 akito 'bhyāsasya dīrgho bhavati yagi yaṅluki ca. pāpacyate. pāpacīti. yāyjyate. yāyajīti. akitaḥ iti kim? yaṃyamyate. yaṃyamīti. raṃramyate. raṃramīti. nanu cātra apavādatvān nuki kṛte abhyāsasya anajantatvādeva dīrghatvaṃ na bhaviṣyati? evaṃ tarhi akitaḥ ityanena etaj jñāpyate, abhyāsavikāreṣvapavādā na utsargān vidhīn bādhante iti. kim etasya jñāpane prayojanam? ḍoḍhaukyate ityatra dīrgho 'kitaḥ ityanena sandhyakṣarahrasvo na bādhyate, acīkaratityatra dīrgho laghoḥ 7.4.94 ityanena sanvaditvaṃ na bādhyate, mānprabhṛtīnāṃ dīrgheṇa sanītvaṃ na bādhyate mīmāṃsate, ī ca gaṇaḥ 7.4.97 itītvena halādiśeṣo na bādhyate ajīgaṇat.

dīrgho'kitaḥ. , 7.4.83 "yaṃyamyate" iti. "yama uparame" (dhā.pā.984), "nugato'nunāsikāntasya" 7.4.85 iti nuk(). "nanu ca" ityādinā'kita ityetatpratyācaṣṭe. yaṃyamyata ityatra mā bhūdityevamarthaṃ "akitaḥ" ityucyate. atra hrapavādatvānnuki kṛte'najantatvādeva dīrgho na bhaviṣyatīti nārtho'kita ityanena. "evaṃ tarhi" ityādinā "abhyāsavikāreṣvapavādā notsargān? vidhīn? bādhante" (vyā.pa.23) ityetāṃ paribhāṣāṃ jñāpayituṃ "akitaḥ" ityetaducyata iti darśayati. "ḍoḍhaukyate" iti. "ḍhaukṛ gatau" (dhā.pā.98) ityasya yaṅi kṛte halādiśeṣe ca "hyasvaḥ" 7.4.59 iti hyasvatvam(), pūrvasūtreṇa guṇaḥ. tatrāsatyasmin? jñāpake pipāsatītyevamādau sāvakāśaṃ hyasvatvaṃ "dīrgho'kitaḥ" 7.4.83 ityenena sandhyakṣare dīrghatvena bādhyeta. dīrghasya dīrghavidhāne prayojanābhāvāddīrgho na bhaviṣyatīti cet()? naitat(); asti hi dīrghasya dīrghavidhāne prayojanam(), kiṃ tat()? hyasvo mā bhūditi. evaṃ cāsatyasmin? jñāpake "acīkarat()" ityatrāpyacikṣaṇadityādau sāvakāśamittvam? "dorgho laghoḥ" 7.4.94 iti dīrghatvena bādhyeta. "mīmāṃsate" ityādāvasatyasmin? jñāpake pipakṣatītyādau sāvakāśaṃ "sanyataḥ" 7.4.79 itīttvaṃ mānbadhādisūtreṇa 3.1.6 vihitena dīrghatvena bādhyate. "ajīgaṇat()" ityatrāpyasatyāsmen? jñāpake papāṭhetyādau sāvakāśo halādiśeṣaḥ "ī ca gaṇaḥ" 7.4.97 itīttvena bādhyate. a()smastu sati tarvametanna bādhyate. nanu cāsati prayojane jñāpakaṃ bhavati; asti cāsya prayojanam(), kiṃ tat()? dhātukittvamapekṣya jahātermā bhūt()--jāhāti, jāhetīti? naitadasti; yadi hretat? prayojanaṃ syāt(), tadā "ahākaḥ" iti pratiṣedhaṃ kuryāt(). kiñca "akitaḥ" ityabhyāsasya viśeṣaṇaṃ bhavitumarhati, yadyabhyāsāvasthāyāṃ kittvamupajāyate. na ca jahāteḥ kittvamabhyāsamapekṣate, pūrvameva hi tadabhyāsādbhavati. tasmājjahāteḥ--jāhāti, jāhetīti rūpeṇa bhavitavyam(). tataśca "akitaḥ" iti vacanaṃ jñāpakameva. kitkaraṇaṃ tu jahāteḥ "haśca vrīhikālayoḥ" 3.1.148 ityatra sāmānyagrahaṇāvighātārtham(). atha dīrghagrahaṇaṃ kimartham(); ādityeva no()yeta/ naivaṃ śakyam(), "akitaḥ" ityasya jñāpakatā nopapadyate. sati hi dīrghagrahaṇe nuki kṛte'najantatvādeva hi dīrghasya prāptirnāstīti "akitaḥ" iti pratiṣedhasya jñāpakatvamupapadyate. ākārastu vidhīyamāno'jantasyābhyāsasya syāditi "akitaḥ" ityasya jñāpakatvaṃ na syāt(). tasmāddīrghagrahaṇaṃ katrtavyam()॥

dīrgho'kitaḥ 717, 7.4.83 akito'bhyāsasya dīrgho yaṅyaṅlukoḥ. kuṭilaṃ vrajati vāvrajyate॥

dīrgho'kitaḥ. akitaḥ kim ?. yaṃyamyate. raṃramyate. nanu dīrghaśrutyopasthitenā'cā `atra lopo'bhyāsasye'tyato'nuvṛttamabhyāsasyetyetadviśiṣyeta. tataścā'jantābhyāsasya dīrgho bhavatītyarthāt pāpacyata ityādāveva dīrgho bhavenna tu yaṃyamyate jaṅghanītityādau. tatra hi paratvānnuki kṛte'bhyāsasyā'jantatvā'bhāvāddīrghasya prasaktireva nāstīti kimanenā'kita ityanena. na cābhyāsāvayavasyā'co dīrgha iti vaiyadhikaraṇyānvaye svīkṛte'kidgrahaṇaṃ prayojanavaditi vācyaṃ, saṃbhavati sāmānādhikaraṇe vaiyadhikaraṇyasyā'nyāyyatvāt. yena nāprāptinyāyena nuko dīrghāpavādatvasvīkārācca. tasmādakita iti vyarthamiti cet. atrāhuḥ– ḍoḍhaukyate ityatrābhyāsahyasvaṃ bādhitvā paratvāt `dīrgho'kitaḥ' iti dīrghe kṛte ḍoḍhaukyata iti syāt. tasmādabhyāsavikāreṣu utsargavidhīnbādhakā na bādhanta iti jñāpanāyā'kita iti grahaṇaṃ kartavyamiti. ratathācoktajñāpakanirvāhāya `dīrgho'kitaḥ' ityatrā'bhyāsasyā'ca iti vaiyakaramyapakṣasyāśrayaṇādyaṃyamyata ityādau dīrghātprāgeva nuki kṛte'pi dīrghaḥ syāt, tadvāraṇārthamakita ityāvaśyakamiti dik. aṭāṭa\ufffdta iti. iha ṭa\ufffdśabdasya dvitvam.

dīrgho'kitaḥ 399, 7.4.83 dīrgho'kitaḥ. akitaḥ kim?. yaṃyamyate. raṃramyate. nanu dīrghaśrutyopasthitenā'cā "atra lopo'bhyāsasye"tyato'nuvṛttamabhyāsasyetyetadviśiṣyeta. tataścā'jantābhyāsasya dīrgho bhavatītyarthāt pāpacyata ityādāveva dīrgho bhavenna tu yaṃyamyate jaṅghanītityādau. tatra hi paratvānnuki kṛte'bhyāsasyā'jantatvā'bhāvāddīrghasya prasaktireva nāstīti kimanenā'kita ityanena. na cābhyāsāvayavasyā'co dīrgha iti vaiyadhikaraṇyānvaye svīkṛte'kidgrahaṇaṃ prayojanavaditi vācyaṃ, saṃbhavati sāmānādhikaraṇe vaiyadhikaraṇyasyā'nyāyyatvāt. yena nāprāptinyāyena nuko dīrghāpavādatvasvīkārācca. tasmādakita iti vyarthamiti cet. atrāhuḥ-- ḍoḍhaukyate ityatrābhyāsahyasvaṃ bādhitvā paratvāt "dīrgho'kitaḥ" iti dīrghe kṛte ḍoḍhaukyata iti syāt. tasmādabhyāsavikāreṣu utsargavidhīnbādhakā na bādhanta iti jñāpanāyā'kita iti grahaṇaṃ kartavyamiti. ratathācoktajñāpakanirvāhāya "dīrgho'kitaḥ" ityatrā'bhyāsasyā'ca iti vaiyakaramyapakṣasyāśrayaṇādyaṃyamyata ityādau dīrghātprāgeva nuki kṛte'pi dīrghaḥ syāt, tadvāraṇārthamakita ityāvaśyakamiti dik. aṭāṭa()ta iti. iha ṭa()śabdasya dvitvam.