1/54:atha ṇigrahaṇam kimartham na caṅi upadhāyāḥ hrasvaḥ iti eva ucyeta |
2/54:caṅi upadhāyāḥ hrasvaḥ iti iyati ucyamāne , alīlavat , apīpavat , ūkārasya eva hrasvatvam prasajyeta |
3/54:na etat asti prayojanam |
4/54:vṛddhiḥ atra bādhikā bhaviṣyati |
5/54:vṛddhau tarhi kṛtāyām aukārasya eva hrasvatvam prasajyeta |
6/54:na etat asti |
7/54:antaraṅgatvāt atra āvādeśaḥ bhaviṣyati |
8/54:na hi idānīm hrasvabhāvinī upadhā bhavati |
9/54:tasmāt ṇigrahaṇam kartavyam |
10/54:atha caṅgrahaṇam kimartham na ṇau upadhāyāḥ iti eva siddham |
11/54:ṇau upadhāyāḥ hrasvaḥ iti iyati ucyamāne , kārayati , hārayati iti atra api prasajyeta |
12/54:na etat asti prayojanam |
13/54:ācāryapravṛttiḥ jñāpayati na ṇau eva hrasvatvam bhavati iti yat ayam mitām hrasvatvam śāsti |
14/54:iha api tarhi na prāpnoti |
15/54:acīkarat , ajīharat |
16/54:vacanāt bhaviṣyati |
17/54:iha api tarhi vacanāt prāpnoti |
18/54:kārayati , hārayati |
19/54:tasmāt caṅgrahaṇam kartavyam |
20/54:atha upadhāgrahaṇam kimartham |
21/54:ṇau caṅi upadhāgrahaṇam antyapratiṣedhārtham |*
22/54:ṇau caṅi upadhāgrahaṇam kriyate antyasya hrastvatvam mā bhūt |
23/54:ṇau caṅi hrasvaḥ iti iyati ucyamāne , alīlavat , apīpavat , antyasya eva hrasvatvam prasajyeta |
24/54:na etat asti prayojanam |
25/54:antaraṅgatvāt atra āvādeśaḥ bhavati |
26/54:na hi idānīm hrasvabhāvī antyaḥ asti |
27/54:antyaḥ hrasvabhāvī na asti iti kṛtvā vacanāt anantyasya bhaviṣyati |
28/54:iha api vacanāt prāpnoti |
29/54:acakāṅkṣat , avavāñchat |
30/54:yena na avyavadhānam tena vyavahite api vacanaprāmāṇyāt |
31/54:kena ca na avyavadhānam |
32/54:varṇena |
33/54:etena punaḥ saṅghatena vayvadhānam bhavati na bhavati ca |
34/54:uttarārtham tarhi upadhāgrahaṇam kartavyam |
35/54:lopaḥ pibateḥ ī ca abhyāsasya upadhāyāḥ yathā syāt |
36/54:apīpyat , apīpyatām , apīpyan |
37/54:atha iha katham bhavitavyam |
38/54:mā bhavān aṭiṭat iti |
39/54:āhosvit mā bhavān āṭiṭat iti |
40/54:mā bhavān āṭiṭat iti bhavitavyam |
41/54:hrasvatvam kasmāt na bhavati |
42/54:dvirvacane kṛte pareṇa rūpeṇa vyavahitam iti kṛtvā |
43/54:idam iha sampradhāryam |
44/54:dvirvacanam kriyatām hrasvatvam iti kim atra kartavyam |
45/54:paratvāt hrasvatvam |
46/54:nityam dvirvacanam |
47/54:kṛte hrasvatve prāpnoti akṛte api |
48/54:evam tarhi ācāryapravṛttiḥ jñāpayati dvirvacanāt hrasvatvam balīyaḥ iti yat ayam oṇim ṛditam karoti |
49/54:katham kṛtvā jñāpakam |
50/54:ṛditkaraṇe etat prayojanam ṛditām na iti pratiṣedhaḥ yathā syāt |
51/54:yadi ca atra pūrvam dvirvacanam syāt ṛditkaraṇam anarthakam syāt |
52/54:dvirvacane kṛte pareṇa vyavahitatvāt hrasvatvam na bhaviṣyati |
53/54:paśyati tu ācāryaḥ dvirvacanāt hrasvatvam balīyaḥ iti tataḥ oṇim ṛditam karoti |
54/54:tasmāt mā bhavān aṭiṭat iti eva bhavitavyam

1/29:upadhāhrasvatve ṇeḥ ṇici upasaṅkhyānāt |*
2/29:upadhāhrasvatve ṇeḥ ṇici upasaṅkhyānam kartavyam : vāditavantam prayojitavān avīvadadvīṇām parivādakena |
3/29:kim punaḥ kāraṇam na sidhyati |
4/29:ṇicā vyavahitatvāt |
5/29:ṇilope kṛte na asti vyavadhānam |
6/29:sthānivadbhāvāt vyavadhānam eva |
7/29:pratiṣidhyate atra sthānivadbhāvaḥ caṅparanirhrāse na sthānivat iti |
8/29:evam api aglopinām na iti pratiṣedhaḥ prāpnoti |
9/29:vṛddhau kṛtāyām lopaḥ tat na aglopai aṅgam bhavati |
10/29:idam iha sampradhāryam |
11/29:vṛddhiḥ kriyatām lopaḥ iti kim atra kartavyam |
12/29:paratvāt vṛddhiḥ |
13/29:nityaḥ lopaḥ |
14/29:kṛtāyām api vṛddhau prāpnoti akṛtāyām api |
15/29:anityaḥ lopaḥ |
16/29:anyasya kṛtāyām vṛddhau prāpnoti anyasya akṛtāyām śabdāntarasya ca prāpnuvan vidhiḥ anityaḥ bhavati |
17/29:ubhayoḥ anityayoḥ paratvāt vṛddhiḥ |
18/29:vṛddhau kṛtāyām lopaḥ tat na aglopi aṅgam bhavati |
19/29:evam tarhi ācāryapravṛttiḥ jñāpayati vṛddheḥ lopaḥ balīyān iti yat ayam aglopinām na iti pratiṣedham śāsti |
20/29:na etat asti jñāpakam |
21/29:asti anyat etasya vacane prayojanam |
22/29:kim |
23/29:yatra vṛddhau api kṛtāyām eva lupyate |
24/29:atyararājat |
25/29:yat tarhi pratyāhāragrahaṇam karoti |
26/29:itarathā hi alopinām na iti brūyāt |
27/29:evam vā vṛddheḥ lopaḥ balīyān iti |
28/29:atha vā ārabhyate pūrvavipratiṣedhaḥ ṇyallopāviyaṅyaṇguṇavṛddhidīrghatvebhyaḥ pūrvavipratiṣiddham iti |
29/29:tasmāt upasaṅkhyānam kartavyam iti

aṅgasya iti vartate. caṅpare ṇau yadaṅgam, tasya upadhāyā hrasvo bhavati. acīkarat. ajīharat. alīlavat. apīpavat. atra dvirvacanopadhāhrasvatvayoḥ prāptayoḥ paratvādupadhāhrasvatvam, tatra kṛte dvirvacanam. iha tu mā bhavānaṭiṭatiti nityatvād dvitīyasya dvirvacanaṃ prāpnoti, tathā sati hrasvabhāvino 'ṅgasya akārasya upadhātvaṃ vihitam iti hrasvo na syāt? naiṣa doṣaḥ. oṇeḥ ṛdit karaṇaṃ jñāpakaṃ nityam api dvirvacanam upadhāhrasvatvena bādhyate iti. ṇau iti kim? caṅyupadhāyā hrasvaḥ ityucyamāne alīlavatityatra vacanasāmarthyātantaraṅgām api vṛddhim ādeśaṃ ca bādhitvā hrasvaḥ syāt. adīdapatityatra hrasvatvena puko bādhaḥ syāt. apīpacatityevam ādautu naiva syāt. caṅi iti kim? kārayati. hārayati. upadhāyā iti kim? acakāṅkṣat. avavāñchat. tadedadupadhāgrahaṇam uttarārtham avaśyaṃ kartavyaṃ tadiha api hrasvatvaṃ nivartayati ityevam arthaṃ yena na avyavadhānam ityetannāśrayitavyam iti. upadhāhrasvatve ṇerṇicyupasaṅkhyānam. vaditvantaṃ prayojitavānavīvadat vīṇāṃ parivādakena. yo 'sau ṇau ṇilopastasya sthānivadbhāvena aglopitvātaṅgasya hrasvo na prāpnoti. ṇyākṛtinirdeśāt siddham.

ṇau caṅyupadhāyā hrasvaḥ 7.4.1 aṅgasya iti vartate. caṅpare ṇau yadaṅgam, tasya upadhāyā hrasvo bhavati. acīkarat. ajīharat. alīlavat. apīpavat. atra dvirvacanopadhāhrasvatvayoḥ prāptayoḥ paratvādupadhāhrasvatvam, tatra kṛte dvirvacanam. iha tu mā bhavānaṭiṭatiti nityatvād dvitīyasya dvirvacanaṃ prāpnoti, tathā sati hrasvabhāvino 'ṅgasya akārasya upadhātvaṃ vihitam iti hrasvo na syāt? naiṣa doṣaḥ. oṇeḥ ṛdit karaṇaṃ jñāpakaṃ nityam api dvirvacanam upadhāhrasvatvena bādhyate iti. ṇau iti kim? caṅyupadhāyā hrasvaḥ ityucyamāne alīlavatityatra vacanasāmarthyātantaraṅgām api vṛddhim ādeśaṃ ca bādhitvā hrasvaḥ syāt. adīdapatityatra hrasvatvena puko bādhaḥ syāt. apīpacatityevam ādautu naiva syāt. caṅi iti kim? kārayati. hārayati. upadhāyā iti kim? acakāṅkṣat. avavāñchat. tadedadupadhāgrahaṇam uttarārtham avaśyaṃ kartavyaṃ tadiha api hrasvatvaṃ nivartayati ityevam arthaṃ yena na avyavadhānam ityetannāśrayitavyam iti. upadhāhrasvatve ṇerṇicyupasaṅkhyānam. vaditvantaṃ prayojitavānavīvadat vīṇāṃ parivādakena. yo 'sau ṇau ṇilopastasya sthānivadbhāvena aglopitvātaṅgasya hrasvo na prāpnoti. ṇyākṛtinirdeśāt siddham.

ṇau caḍa�upadhāyā hvasvaḥ. , 7.4.1 "caṅpare ṇau parataḥ" iti. caṅ? paro yasmāṇṇeriti sa tathoktaḥ. "acīkarat()" ityādi. kṛñ(), hmañ, lūñ(), pañityetebhyo hetumaṇṇic(), tato luṅ(), cliḥ,"ṇiśri" 3.1.48 ityādinā cleścaṅ(), "ṇeraniṭi" 6.4.51 iti ṇilopaḥ. atra dvirvacanopadhāhyasvatvayoḥ prāptayoḥ paratvādupadhāhyasvatvam(), tato dvirvacanam(), tataśca ṇau kṛtaṃ sathānivadbhavatīti kṛ, hma--ityādikamavikṛtadhāturūpameva dvirucyate. atra kṛ, hma--ityetayorabhyāsasya "urat()" 7.4.66 ityattve kṛte raparatve halādiśeṣe ca tataśca "sabvalladhuni" 7.4.93 ityādinā sanvadbhāvādittvam(). pū, lū--ityetayorapi hyasvatve kṛte "oḥ puyaṇjyapare" 7.4.80 itīttvam(). sarvatra "dīrgho laghoḥ" 7.4.94 iti dīrghatvam(). "atra dvirvacanopadhāhyasvatvayoḥ prāptayoḥ" ityādi. acīkaravityādiṣūdāharaṇeṣu kṛtākṛtaprasaṅgitvād()dvirvacanaṃ nityamupadhāhyasvatvamapi, tayorubhayoḥ paratvādupadhāhyasvatvaṃ bhavati, tatra kṛte dvirvacanam()--ityeṣa kāryāṇāṃ pravṛttikramaḥ. mā bhavānaṭiṭadityatra tu dvirvacanameva nityam(), na hyasvatvaṃ tu dvitīyasyai kāco dvirvacane kṛte na prāpnoti; pareṇa ṭiśabdarūpeṇa vyavadhānāt(). tasmānmā bhavānaṭiṭadityatra nityatvād()dvitīyasyaikāco dvirvacanaṃ prapnoti. dvirvacane hi sati ko doṣaḥ syāt()? ityata āha--"tathā ca sati" ityādi. evañca dvirvacane kṛte caṅpare ṇau yadaṅgaṃ tasya hyasvabhāvyākāra upadhā bhavati. asati ca hyasvatve mā bhavānaṭiṭaditi rūpaṃ na sidhyati. māyoga āṇnivṛttyarthaḥ. āṭi tu sati nāsti viśeṣaḥ. satyasati vā hyasvatve "āṭaśca" 6.1.87 iti vṛddhyā bhavitavyamiti. bhavacchabdaḥ sandehanirāsārthaḥ. "naiṣa doṣaḥ" iti. yo'nantaroktaḥ sa kathaṃ labhyate? ityāha--"oṇeṝditkaraṇam()" ityādi. "oṇṛ apanayane" (dhā.pā.454) ityetasya ṛditkaraṇasyaitatprayojanam()--ṛdittvānnāglopi 7.4.2 ityādinā hyasvapratiṣedho yathā syāditi. yadi ca nityamapi dvirvacanamupadhāhyasvatvena na bādhyate, tadauṇaiṝditkaraṇamanarthakaṃ syāt(). dvirvacane hi kṛte pareṇa ṇiśabdarūpeṇa vyavadhānādeva hyasvo na bhaviṣyati, kimoṇeṝditkaraṇeneti? ācāryapravṛttijrñāpayati--nityamapi dvirvacanamupadhāhyasvatvena bādhyata iti; yata oṇeṝdatkaraṇaṃ karoti. "ṇāviti kim()" iti. evaṃ manyate--ṇigrahaṇe cākṛte luṅcaṅādeśayoḥ kṛtayorṇilope cākṛte vṛddhyāvādeśayoścākṛtayoḥ, alū i+at? iti sthita ūkarasya hyasvo mā bhūdatyevamarthaṃ vā ṇigrahaṇaṃ kriyate? ūkārasya vṛddhau kṛtāyāmaukārasaya hyasvo mā bhūdityevamarthaṃ vā? etaccobhayamaprayojanam(); atrāntaraṅgatvādvṛddhyāvādeśābhyāmeva bhavitavyam(). antaraṅgatvaṃ punastayorṇijmātrāśrayatvāt(); hyasvasya ca bahiraṅgatvaṃ caṅāśrayatvāditi. "caṅyupadhāyā hyasva ityucyamāne" ityādi. etāvatyucyamāne'sati ṇigrahaṇe caṅpare yadaṅgaṃ tasyopadhāyā hyasvo bhavatītyevamarthaḥ syāt(). tathā cānavakāśo hyasvo'līlavadityatrāntaraṅgāmapi vṛdiṃ()dha bādhitvā vacanasāmathryādṛkārasyaiva syāt(). athāpi kathañcid? vṛddhirna bādhyate; evamapi vṛddhau kṛtāyāmantaraṅgamapyāvādeśaṃ bādhitvaukārasyaiva prasajyeta; anyathā hi vacanamidamanarthakaṃ syāt(). "adīdapat()" iti. atra dadāterṇici luṅi caṅi ca kṛte a dā i+at? iti sthite vacanaprāmāṇyādanavakāśo hyasvo'ntaraṅgamapi pukaṃ bādhitvā prasajyeta, tasamiṃśca sati pug()vihatanimittatvānna syāt(). "apīpacadityādau tu naiva hyasvaḥ syāt()" iti. caṅi parata#o yadaṅgaṃ pāciprabhṛti tadīyāyā upadhāyāścākārāderahyasvabhāvinītvāt(). ādiśabdo'pīpaṭhadityādiparigrahārthaḥ. tasmāṇṇāviti vaktavyam(). "caṅīti kim()" iti. eṣo'bhiprāyaḥ--kevale ṇau hyasvo mā bhūdityevamarthaṃ caṅītyucyate; naitaccaṅagrahaṇasya prayojanamupapadyate; yasmādācāryapravṛttijrñāpayati--ṇāveva kevale hyasvatvaṃ na bhavatīti, yadayam? "mitāṃ hyasvaḥ" 6.4.92 iti hyasvatvaṃ śāsti. tataḥ kārayati, hārayatītyādau na bhaviṣyatītyabhiprāyaḥ. yadyetasmājjñāpakāt? kārayatītyādau hyasvo na bhavati, tadā'cīkaradityatrāpi na syāt(). athātra vacanasāmathryādbhaviṣyati? evamapi kārayatītyādau syādeva. na hi "mitāṃ hyasvaḥ" 6.4.92 ityucayamāne satyacīkaradityādau na bhavatītyeva viṣayavibhāgaḥ śakyate vijñātum(). tasmāt? caṅgrahaṇaṃ katrtavyam(). "upadhāgrahaṇaṃ kim()" iti. evaṃ manyate--alo'ntyasya mā bhūdityevamarthamupadhāgrahaṇaṃ kriyate, etaccāprayojanam(); caṅpare ṇau yadaṅgaṃ tasyācīkaradityādāvapi ṇāvantaraṅgatvād? vṛddhyādiṣu kṛteṣu hyasvabhāvyajantyo na sambhavati yatrājantāṇṇijutpadyate, kiṃ punarapapaṭhavityādau yatra halantāṇṇijutpadyate! tasmādajantyo hyasvabhāvo nāstītyantareṇāpyupadhāgrahaṇaṃ vacanādanavtyasyaivopadhābhūtasya hyasvo bhaviṣyatīti. "acakāṅkṣat(), avavāñchat()" iti. "krākṣi vākṣi mākṣi kāṅkṣāyām()" (dhā.pā.667,668,669). yadyapyajanto hyasvabhāvī nāsti, tathāpi vacanādanantyasyācokaradityādau yathā bhavati, tathā acakāṅkṣadityādāvapi syāt(). tasmānmā bhūdeṣa doṣa ityupadhāgrahaṇaṃ kriyata ityabhiprāyaḥ. nanu cāṅgasya yo'c? tasya caṅpare ṇau hyasvo vidhīyate, tatra yadyapyanantaro'j? na sambhavati, tathāpi "yena nāvyavadhānaṃ tena vyavahite'pi vacanaprāmāṇyāt()" (vyā.pa.46) ityekena varṇeneti yena nāvyavadhānam(), api tu sarvadā vyavadhānameva; tena vyavahite'pi vacanaprāmāṇyādbhavitavyam(). ekenaiva varṇena vyavadhānaṃ sarvatra sambhavati. saṅghātena tu vyavadhānaṃ sambhavati, na sambhavati ca. ihācakāṅkṣadityādau saṅghātenaiva vyavadhānam(), ato nāstyeva hyasvaprasaṅga iti kimudhāgrahaṇena? ityāha--"tadetat()" ityādi. upadhāgrahaṇamavaśyamuttarārthaṃ katrtavyam(). iha tu kriyamāṇe satyacakāṅkṣadityevamartham? "yena nāvyavadhānam()" (vyā.pa.46) ityeṣā paribhāṣā nāśrayitavyā bhavati. upadhāgraṇenaivātra hyasvasya nivarttitatvādityeṣa guṇo labhyate. tenehaiva kṛtam(), notraratra. "upadhāhyasvatve ṇerṇicayupasaṃkhyānam()" iti. caṅpare ṇau parato yo ṇistasmin? parato'ṅgasyopadhāpā hyasvaḥ upasaṃkhyeyaḥ. "avīvadat()" iti. vadeḥ "hetumati ca" 3.1.26 iti ṇic(), tadantādvāditavantaṃ prayojitavāniti punaḥ "hetumati ca" 3.1.26 iti ṇic, tato luṅādiḥ,"ṇeraniṭi" 6.4.51 iti ṇilopaḥ. kiṃ punaḥ kāraṇa na sidhyati, yāvatā ṇilope kṛte caṅpare ṇāvaṅgasyākāro hyasvabhāvinyupadhā bhavatyeva? ityāha--"yo'so" ityādi. "acaḥ parasmin? pūrvavidhau" (1.1.57) api ṇilopasya hyasvatve katrtavye sthānivadbhāvāṇṇijavyavadhānād? hyasvo na prāpnoti. tena vā ṇilopenāglopyaṅgametadbhavati--tadetasmāddhetorna harasavatvaṃ prāpnoti. aglopītyādinānantaravakṣyamaṇipratiṣedhāt? (7.4.4) "ṇyākṛtinidaśāt? siddham()" ityupasaṃkhyānaṃ pratyācaṣṭe--"ṇau iti. ṇyākṛtiriti ṇijātirnirdeśayate, na tu ṇivyaktiḥ. tena vyaktau vyavadhānaṃ na bhavati, na hi jātau; ekatvāṇṇijāteḥ. na hi tayaiva tasyā vyavadhānamupapadyate. nanu cottarayā ṇyākṛtyā jātyādhārabhūtayā ṇivyaktyā ṇijātyāśraye'pi vyavadhānamupapadyata eva? naitat(); tasyāmapi vyaktau jāteḥ samavāyāt(). evaṃ tādadvyavadhāna#ṃ ṇyākṛtyāśraye nāsti. aglopitvamapi nāstyeva; na hratra ṇijātivyatirekeṇā'nyo'gvidyate, yasya lopenāglopyaṅgaṃ syāt(). na ca ṇyākṛterlopaśca; tasyāḥ śrūyamāṇatvāt. na hi śrūyamāṇāyā lope lapapadyate; "adarśanaṃ lopa" 1.1.59 iti vacanāt(). nanu ca jātivyatirekeṇāpi tadāśrayabhūtā vyakatiragvidyata eva; na jātivyaktyorananyatvamiti sāṃkhyoyasiddhāntasyehāśrayaṇāt(). atha vā--ṇyākṛtinirdeśe satyupadhāhyasvatvasya ṇyākṛtanimittatvenā śroyate. tena gobalīvaradanyāyena tasyā ṇyākṛternimittatvenopāttāyā anyasyāko lopaḥ pratiṣedhanimittatvena vijñāyate, sa ceha nāsti. tasmāṇṇyākṛtinirdeśāt? siddham()॥

ṇau caṅi. aṅgādhikārādāha– yadaṅgamiti. upadhāyāḥ kim ?. acakāṅkṣat. caṅi kim ?. kārayati. ṇau kim ?. `cahrupadhāyā hyasva'ityucyamāne adīdapadityatra dādhātoṇryantālluṅi caṅi dā i a t iti sthite ākārasya hyasve sati puṅna syāt. ṇāvityuktau tu ākārasya ṇau parata upadhātvā'bhāvān hyasvaḥ. `dvirvacane'cī'ti niṣedhastu na śaṅkyaḥ, dvitvanimittacaṅa upadhayā vyavahitatvāt. tathā ca prakṛte kam a ta iti sthitam. caṅi. `ekāco dve prathamasye'ti `ajāderdvitīyasye'ti cādhikṛtam. `liṭi dhātoranabhyāsasye'ti sūtraṃ liṭīti varjamanuvartate. tadāha–caṅi para ityādinā. tathā ca kamityasya dvitve halādiśeṣe ka kam a ta iti sthitam.

ṇau caṅyupadhāyā hyasvaḥ 155, 7.4.1 ṇau caṅi. aṅgādhikārādāha-- yadaṅgamiti. upadhāyāḥ kim?. acakāṅkṣat. caṅi kim?. kārayati. ṇau kim?. "cahrupadhāyā hyasva"ityucyamāne adīdapadityatra dādhātoṇryantālluṅi caṅi dā i a t iti sthite ākārasya hyasve sati puṅna syāt. ṇāvityuktau tu ākārasya ṇau parata upadhātvā'bhāvān hyasvaḥ. "dvirvacane'cī"ti niṣedhastu na śaṅkyaḥ, dvitvanimittacaṅa upadhayā vyavahitatvāt. tathā ca prakṛte kam a ta iti sthitam. caṅi. "ekāco dve prathamasye"ti "ajāderdvitīyasye"ti cādhikṛtam. "liṭi dhātoranabhyāsasye"ti sūtraṃ liṭīti varjamanuvartate. tadāha--caṅi para ityādinā. tathā ca kamityasya dvitve halādiśeṣe ka kam a ta iti sthitam.