1/15:[otaḥ śiti] |*
2/15:otaḥ śiti iti vaktavyam |
3/15:kim prayojanam |
4/15:uttaratra śidgrahaṇābhāvāya |*
5/15:tatra ayam api arthaḥ ṣṭhivuklamvācamām śiti iti śidgrahaṇam na kartavyam bhavati |
6/15:nanu ca bhoḥ śyangrahaṇam api tarhi uttarārtham kartavyam |
7/15:śamām aṣṭānām dīrghaḥ śyani iti śyangrahaṇam na kartavyam bhavati |
8/15:atra api astu śiti iti eva |
9/15:yadi śiti iti ucyate anu tvā indraḥ bhramatu madatu atra api prāpnoti |
10/15:śamādibhiḥ atra śitam viśeṣayiṣyāmaḥ |
11/15:śamādīnām yaḥ śit iti |
12/15:kaḥ ca śamādīnām śit |
13/15:śamādibhyaḥ yaḥ vihitaḥ |
14/15:evam api tasyati , yasyati atra prāpnoti |
15/15:aṣṭānām iti vacanāt na bhaviṣyati

okārāntasya aṅgasya śyani parato lopo bhavati. śo niśyati. cho avachyati. dyo avadyati. so avasyati.

otaḥ śyani 7.3.71 okārāntasya aṅgasya śyani parato lopo bhavati. śo niśyati. cho avachyati. dyo avadyati. so avasyati.

otaḥ śyani. , 7.3.71 "niśyati" ityādi. "śo tanūkaraṇe" (dhā.pā.1145), "cho chedane"["nāstyayaṃ dhātuḥ"--mudritagranthe] (dhā.pā.1146) "do avakhaṇḍane" (dhā.pā.1148) "ṣo antakarmaṇi" (dhā.pā.1147). atha kimarthaṃ iyanītyucyate, na "śiti" ityevocyeta, evaṃ hrucyamāne śyanyeva lopo bhaviṣyati, na hrokārāntācchyano'nyacchit? sambhavati, laghu caivaṃ sūtraṃ bhavati, tatrāyamapyarthaḥ--"ṣṭhivuklamucamāṃ śiti" (7.3.75) ityatra śidgrahaṇaṃ na katrtavyaṃ bhavatītyetadeva tatrānuvarttiṣyate? satyaṃ sidhyatyeva, kintu pratipattigauravaṃ syāt(). tasmāt? pratipattigauravaparīhārārthaṃ śyanītyuktam(). "otaḥ" iti. taparakaraṇaṃ mukhasukhārtham(). na hranyadasya nivarttyaṃ vidheyaṃ vā sambhavati॥

yujerasamāse 307, 7.3.71 yujeḥ sarvanāmasthāne num syādasamāse. sulopaḥ. saṃyogāntalopaḥ. kutvena nasya ṅaḥ. yuṅ. anusvāraparasavarṇau. yuñjau. yuñjaḥ. yugbhyām॥

otaḥ śyani. `ghorlopo leṭi ve'tyato lopa ityanuvartate ityabhipretya śeṣaṃ pūrayati– lopaḥ syāditi. śaśāviti. `ādeca' ityāttve ṇala auttvamiti bhāvaḥ. śaśaturiti. śaśitha– śaśātha. śaśiva.śāsyatīti. śyatu. aśyat. śyet. śāyāt. luṅi sici viśeṣamāha–vibhāṣā ghreti. sico lukpakṣe āha–aśāditi. `ātaḥra' iti jusiti matvā āha– aśuriti. sico lugabhāve sagiṭau matvā āha–aśāsīditi. chodāturapi śodhātuvat. ṣo antakarmaṇīti. samāpane vināśane vetyarthaḥ. śodhātuvadrūpāṇi. ṣopadeśo'yam. syatīti. `otaḥ śyanī'ti lopaḥ. abhiṣyatīti. `upasargā'diti ṣatvam. abhyaṣyaditi. `prāksitā'diti ṣatvam. abhisasāviti. `sthādiṣvi'ti niyamānna ṣaḥ. do avakhaṇḍane. praṇidāteti. `nergade'ti ṇatm. deyāditi. āśīrliṅi `erliṅī'tyettvam. adāditi. `gātisthe'ti sico luk. athātmanepadina iti. `vāśṛ śabde' ityantā ityarthaḥ. janī prādurbhāve iti. `\ufffdāīdito niṣṭhāyā'mityādyarthamīdittvam.

otaḥ śyani 339, 7.3.71 otaḥ śyani. "ghorlopo leṭi ve"tyato lopa ityanuvartate ityabhipretya śeṣaṃ pūrayati-- lopaḥ syāditi. śaśāviti. "ādeca" ityāttve ṇala auttvamiti bhāvaḥ. śaśaturiti. śaśitha-- śaśātha. śaśiva.śāsyatīti. śyatu. aśyat. śyet. śāyāt. luṅi sici viśeṣamāha--vibhāṣā ghreti. sico lukpakṣe āha--aśāditi. "ātaḥra" iti jusiti matvā āha-- aśuriti. sico lugabhāve sagiṭau matvā āha--aśāsīditi. chodāturapi śodhātuvat. ṣo antakarmaṇīti. samāpane vināśane vetyarthaḥ. śodhātuvadrūpāṇi. ṣopadeśo'yam. syatīti. "otaḥ śyanī"ti lopaḥ. abhiṣyatīti. "upasargā"diti ṣatvam. abhyaṣyaditi. "prāksitā"diti ṣatvam. abhisasāviti. "sthādiṣvi"ti niyamānna ṣaḥ. do avakhaṇḍane. praṇidāteti. "nergade"ti ṇatm. deyāditi. āśīrliṅi "erliṅī"tyettvam. adāditi. "gātisthe"ti sico luk. athātmanepadina iti. "vāśṛ śabde" ityantā ityarthaḥ. janī prādurbhāve iti. "()āīdito niṣṭhāyā"mityādyarthamīdittvam.

ṣo'nta. antakrama– nāśanam. `rāghava !sya śarairgorairghoraṃ rāvaṇamāhave' iti. rāghaveti saṃbuddhyantam. syeti loṇmadhyamaikavacanam. abhiṣyatīti. `upasargātsunotī'ti ṣatvam. abhyaṣyaditi. `prāksitādaḍvyavāye'pī'ti ṣatvam. abhisasāviti. `sthādiṣu' iti niyamānna ṣatvam. do avakhaṇḍane. avetyupasargaprayogo vaicitryārthaḥ, khaṇḍane ityetāvatyukte'pīṣṭasiddheḥ. praṇidāteti. `nergade'ti ṇatvam. deyāditi. `erliṅī'tyettvam. adāditi. `gātisthe'ti sico luk.

otaḥ śyani 296, 7.3.71 ṣo'nta. antakrama-- nāśanam. "rāghava !sya śarairgorairghoraṃ rāvaṇamāhave" iti. rāghaveti saṃbuddhyantam. syeti loṇmadhyamaikavacanam. abhiṣyatīti. "upasargātsunotī"ti ṣatvam. abhyaṣyaditi. "prāksitādaḍvyavāye'pī"ti ṣatvam. abhisasāviti. "sthādiṣu" iti niyamānna ṣatvam. do avakhaṇḍane. avetyupasargaprayogo vaicitryārthaḥ, khaṇḍane ityetāvatyukte'pīṣṭasiddheḥ. praṇidāteti. "nergade"ti ṇatvam. deyāditi. "erliṅī"tyettvam. adāditi. "gātisthe"ti sico luk.