asarvanāmasthānārtham ārambhaḥ. striyāṃ ca kroṣtuśabdasya tṛjvad bhavati. kroṣṭrī. kroṣṭrībhyām. kroṣṭrībhiḥ. kroṣṭuśabdaṃ kecid gaurādiṣu paṭhanti, te ṅīṣi pratyaye tṛjvadbhāvaṃ kurvanti. teṣāṃ pañcabhiḥ kroṣṭrībhiḥ krītaiḥ pañcakroṣṭṛbhī rathaiḥ iti strīśabdasya luki kṛte na sidhyati, tatra pratividheyam. ye tu gaurādiṣu na paṭhanti, teṣāṃ striyām ityarthanirdeśaḥ, striyāṃ vartamānaḥ kroṣṭuśabdaḥ tṛjvad bhavati. kṛte 'tideśe ṛnnebhyo ṅīp 4-1-5) iti ṅīppratyayaḥ. tatra udāttayaṇo halpūrvāt (*6,1.174 ityantodātta eva kroṣṭrīśabdo bhavati.

striyāṃ ca 7.1.96 asarvanāmasthānārtham ārambhaḥ. striyāṃ ca kroṣtuśabdasya tṛjvad bhavati. kroṣṭrī. kroṣṭrībhyām. kroṣṭrībhiḥ. kroṣṭuśabdaṃ kecid gaurādiṣu paṭhanti, te ṅīṣi pratyaye tṛjvadbhāvaṃ kurvanti. teṣāṃ pañcabhiḥ kroṣṭrībhiḥ krītaiḥ pañcakroṣṭṛbhī rathaiḥ iti strīśabdasya luki kṛte na sidhyati, tatra pratividheyam. ye tu gaurādiṣu na paṭhanti, teṣāṃ striyām ityarthanirdeśaḥ, striyāṃ vartamānaḥ kroṣṭuśabdaḥ tṛjvad bhavati. kṛte 'tideśe ṛnnebhyo ṅīp 4.1.5 iti ṅīppratyayaḥ. tatra udāttayaṇo halpūrvāt 6.1.168 ityantodātta eva kroṣṭrīśabdo bhavati.

striyāñca. , 7.1.96 "krīṣṭrībhiḥ" iti. tṛjvadbhāve kṛte yaṇādeśaḥ. kena punaḥ kroṣṭuśabdādīkāraḥ, tṛjvadbhāve kṛte "ṛnnebhyo ṅīp()" (4.1.5) ityaneneti cet()? na; anudāttatvaprasaṅgādityata āha--"kroṣṭuśabdaṃ kecit()" ityādi. "pañcabhiḥ kroṣṭrībhiḥ krītaiḥ" iti. "taddhitārthottarapadasamāhāre ca" 2.1.50 iti samāsaḥ. "ārhādagopuccha" 5.1.19 ityādinā ṭhak(), tasya "adhyadrdhapūrva" 5.1.28 ityādinā lak(), "luktaddhitaluki" 1.2.49 iti strīpratyayasya luk(), ta()smallupte ye ṅīṣpratyaye kṛte tṛjvadbhāvaṃ kurvanti teṣāṃ tṛjavadbhāvo na bhavati, tasmāt? "prativiṣeyam()" iti. pratividhānaṃ katrtavyamityarthaḥ. tatredaṃ pratividhānam()--cakāro'tra kriyate, sa cānuktasamuccayārthaḥ, tena lupte'pi strīpratyaye bhaviṣyati. ye tarhi gaurādiṣu na paṭhanti teṣāmīkāraḥ katham()? ityāha--"gaurādiṣu" ityādi. teṣāṃ pañcakroṣṭubhirityatra na kiñcit? pratividheyam(); parasya strīpratyayasya nimittatvenānāśritatvāt(). nanu ca teṣāmapi strīpratyayasya luptatvādasasyāmaṅgasaṃjñāyāmaṅgasyocyamānastṛṇvadbhāvo na prāpnotīti pratividheyameva? naitadasti; lupte hi strīpratyaye pratyayalakṣaṇenāṅgasaṃjñā bhavatyeva. "na lumatāṅgasya" 1.1.62 iti yaḥ pratiṣedhaḥ so'ṅgādhikāra vihitasyaiva kāryasya. na cāṅgasaṃjñā'ṅgādhikāre vihitā. "kṛte'tideśe" ityādi. "iko'ci vibhaktau 7.1.73 ityanuvṛttervibhaktāvutpannāyāṃ tadāśrayāyāñcāṅgasaṃjñāyāṃ striyāṃ vatrtamānasya kroṣṭuśabdasyātideśaḥ kriyate. tasmin? kṛte ṛkārāntatvāt? "ṛnnebhyo ṅīp()" 4.1.5 iti ṅībbhavati. nanu ca ṅīppratyaye kṛte'ntodāttaḥ kroṣṭrīśabdo na sidhyati? ityāha--"tatra" ityādi. kroṣṭrīśabdo'ntodātto'tidiśyata iti tṛsambandhina ṛkārasya sthāne yaṇādeśo bhavannudāttayaṇ? bhavati, tataśca "śaturanumo nadyajādī" 6.1.167 ityanuvatrtamāne "udāttayaṇo halpūrvāt()" 6.1.168 ityantodātto bhavati kroṣṭrīśabdaḥ॥

atha kroṣṭuśabdasya striyāṃ viśeṣamāha–striyāṃ ca. `tṛjvatkroṣṭuḥ' ityanuvartate. rūpātideśo'yamityuktam. tadāha–strīvācītyādinā. tathāca striyāmudantaḥ kroṣṭuśabdo nāstyeva. kintu kroṣṭṛ iti ṛdanta eveti phalitam.

striyāṃ ca 303, 7.1.96 atha kroṣṭuśabdasya striyāṃ viśeṣamāha--striyāṃ ca. "tṛjvatkroṣṭuḥ" ityanuvartate. rūpātideśo'yamityuktam. tadāha--strīvācītyādinā. tathāca striyāmudantaḥ kroṣṭuśabdo nāstyeva. kintu kroṣṭṛ iti ṛdanta eveti phalitam.