1/39:kim idam gotaḥ parasya sarvanāmasthānasya ṅittvam ucyate āhosvit sarvanāmasthāne parataḥ ṅitkāryam atidiśyate |
2/39:kaḥ ca atra viśeṣaḥ |
3/39:gotaḥ sarvanāmasthāne ṅitkāryātideśaḥ |*
4/39:gotaḥ sarvanāmasthāne ṅitkāryam atidiśyate |
5/39:sarvanāmasthāne ṇittvavacane hi asampratyayaḥ ṣaṣṭhyanirdeśāt |*
6/39:sarvanāmasthānasya ṇidvacane hi asampratyayaḥ syāt |
7/39:kim kāraṇam |
8/39:ṣaṣṭhyabhāvāt |
9/39:ṣaṣṭhīnirdiṣṭasya ādeśāḥ ucyante na ca atra ṣaṣṭhīm paśyāmaḥ |
10/39:evam tarhi vatinirdeśaḥ ayam : gotaḥ ṅidvat bhavati iti |
11/39:saḥ tarhi vatinirdeśaḥ kartavyaḥ na hi antareṇa vatim atideśaḥ gamyate |
12/39:antareṇa api vatim atideśaḥ gamyate |
13/39:tat yathā : eṣaḥ brahmadattaḥ |
14/39:abrahmadattam brahmadattaḥ iti āha |
15/39:te manyāmahe : brahmadattavat ayam bhavati iti |
16/39:evam iha api aṇitam ṇit iti āha ṇidvat iti gamyate |
17/39:atha vā punaḥ astu gotaḥ parasya sarvanāmasthānasya ṇittvam |
18/39:nanu ca uktam sarvanāmasthāne ṇittvavacane hi asampratyayaḥ ṣaṣṭhyanirdeśāt iti |
19/39:na eṣaḥ doṣaḥ |
20/39:gotaḥ iti eṣā pañcamī sarvanāmasthāne iti saptamyāḥ ṣaṣṭhīm prakalpayiṣyati tasmāt iti uttarasya iti |
21/39:atha taparakaraṇam kimartham |
22/39:iha mā bhūt |
23/39:citraguḥ śabalaguḥ iti |
24/39:na etat asti |
25/39:hrasvatve kṛte na bhaviṣyati |
26/39:sthānivadbhāvāt prāpnoti |
27/39:ataḥ uttaram paṭhati |
28/39:taparakaraṇam anarthakam sthānivatpratiṣedhāt |*
29/39:taparakarṇam anarthakam |
30/39:kim kāraṇam |
31/39:sthānivatpratiṣedhāt |
32/39:pratiṣidhyate atra sthānivadbhāvaḥ goḥ pūrvaṇittvātvasvareṣu sthānivadbhāvaḥ na bhavati iti |
33/39:saḥ ca avaśyam pratiṣedhaḥ āśrayitavyaḥ |
34/39:itarathā hi sambuddhijasoḥ pratiṣedhaḥ |*
35/39:yaḥ hi manyate taparakaraṇasāmarthyāt atra na bhaviṣyati iti sambuddhijasoḥ tena pratiṣedhaḥ vaktavyaḥ syāt : he citrago citragavaḥ iti |
36/39:atha idānīm sati api sthānivadbhāvapratiṣedha guṇe kṛte kasmāt eva atra na bhavati |
37/39:lakṣaṇapratipadoktayoḥ pratipadoktasya eva iti |
38/39:nanu ca idānīm asati api sthānivadbhāvapratiṣedhe etayā paribhāṣayā śakyam upasthātum |
39/39:na iti āha na hi idānīm kva cit api sthānivat syāt

gośadāt paraṃ sarvanāmasthānaṃ ṇit bhavati. ṇitkāryaṃ tatra bhavati ityarthaḥ. gauḥ, gāvau, gāvaḥ. taparakaraṇaṃ kim? citraguḥ. śabalaguḥ. kathaṃ he citrago, he śabalagava iti? aṅgavṛtte punarvṛttāvavidhirniṣṭhitasya iti sambuddhijasorgune kṛte ṇittvaṃ na bhavati. atha vā gotaḥ iti sambadhalakṣaṇā ṣaṣṭhī, gotaḥ sambandhi yat sarvanāmasthānam iti. yac ca tadarthasyaikatvādiṣu sarvanāmasthānaṃ tad goḥ sarvanāmasthānam ityucyate. citraguśabdāt tu sarvanāmasthānaṃ tadanyapadārthasaikatvādināha. taparakaraṇaṃ tu nirdeśartham eva. kecitoto ṇititi paṭhanti, dyośabdādapi yat sarvanāmasthānaṃ vidyate tadartham. dyauḥ, dyāvau, dyāvaḥ. gotaḥ ityetadeva taparakaraṇanirdeśātokārāntopalakṣaṇaṃ draṣṭavyam. varṇanirdeśeṣu hi taparakaraṇaṃ prasiddham.

goto ṇit 7.1.90 gośadāt paraṃ sarvanāmasthānaṃ ṇit bhavati. ṇitkāryaṃ tatra bhavati ityarthaḥ. gauḥ, gāvau, gāvaḥ. taparakaraṇaṃ kim? citraguḥ. śabalaguḥ. kathaṃ he citrago, he śabalagava iti? aṅgavṛtte punarvṛttāvavidhirniṣṭhitasya iti sambuddhijasorgune kṛte ṇittvaṃ na bhavati. atha vā gotaḥ iti sambadhalakṣaṇā ṣaṣṭhī, gotaḥ sambandhi yat sarvanāmasthānam iti. yac ca tadarthasyaikatvādiṣu sarvanāmasthānaṃ tad goḥ sarvanāmasthānam ityucyate. citraguśabdāt tu sarvanāmasthānaṃ tadanyapadārthasaikatvādināha. taparakaraṇaṃ tu nirdeśartham eva. kecitoto ṇititi paṭhanti, dyośabdādapi yat sarvanāmasthānaṃ vidyate tadartham. dyauḥ, dyāvau, dyāvaḥ. gotaḥ ityetadeva taparakaraṇanirdeśātokārāntopalakṣaṇaṃ draṣṭavyam. varṇanirdeśeṣu hi taparakaraṇaṃ prasiddham.

goto ṇit?. , 7.1.90 ṇiditi saṃjñā vā'nena kriyate--gotaḥ paraṃ sarvanāmasthānaṃ ṇidbhavati, ṇitsaṃjñaṃ bhavatītyarthaḥ; atha vā--gotaḥ parasya sarvanāmasthadhānasya ṇakāra itsaṃjñako bhāvyate, tena gotaḥ parasakya sarvanāmasthānasya ṇakāra itsaṃjñako bhavatīti; ādeśo vā vidhīyate--gotaḥ parasya sarvanāmasthānasya ṇiṇakārānubandhavānādeśo bhavati; atideśo kriyate--gotaḥ ṇidbhavati, ṇidvadbhavatītyarthaḥ, vināpi vatinā vatyartho gamyate, yathā--gāṅakuṭādisūtre 1.2.1. tatrādye paśe saṃjñoccāritā saṃjñinaṃ pratyāyayatīti ṇitpradeśeṣu kṛtrimatvādasyaiva sarvanāmasthānasya grahaṇaṃ prāpnoti, na ṇvulādīnām(). dvitīye tu ṇakāra itsaṃjñakaḥ sarvanāmasthānasya prasajyeta. tṛtīye tu punarṇit? sarvanāmasthānaṃ na kvaciddṛṣṭamiti. ya evaite ṣvulādayasya evādeśāḥ prasajyerannityete doṣā ādyeṣu triṣu pakṣeṣu yathākramaṃ pratividheyāḥ. tatpratividhāne pratipattigauravaṃ syāt(), atideśapakṣe tu na kiñcit? pratividheyam(), ataḥ sa eva sādhuriti. tamevāśrityāha--"gośabdāt()" ityādi. "ṇitkāryam()" ityādinā ṇidbhavatītyasyārthaṃ vyācakṣaṇaḥ kāryātideśo'yamityācaṣṭe. gauriti vṛddhirṇitkāryam(). "citraguḥ" iti. yatra bahuvrīhau kṛte "gostriyorupasarjanasya " 1.2.48 iti hyasvaḥ. tatrāsati taparakaraṇe "aṅgādhikāre tasya taduttarapadasya" (pu.pa.vṛ.85) iti vacanāttadantavidhimabhyupagamya sthānivadbhāvena gośabdāntametadaṅgaṃ bhavatīti ṇidbhāvaḥ prāpnoti. tapakaraṇe tu tatakālaniyame sati na bhavati; bhinnakālatvāt(). "taparastatkālasya" 1.1.69 ityatrāṇgrahaṇasya nivṛttatvādanaṇo'pi tatkālaniyamo bhavatyeva. "katham()" ityādi. satyapi taparakaraṇaṃ "hyasvasya guṇaḥ" 7.3.108, "jasi ca" 7.3.109 iti sambuddhijasorguṇe kṛte he citrago, he citragava ityatra prāpnoti. tatkālatvādityabhiprāyaḥ. nanu ca lakṣamapratipadoktaparibhāṣayā (vyā.pa.3) na bhaviṣyati? naitadasti; yatra hi sthānivadbhāvastatraivā nopatiṣṭhate; adhyayā hi sthānivadbhāvo'narthakaḥ syāt(). "aṅgavṛtte puna" ityādi parīhāraḥ. eṣa tu he citragavityatra parīhāraḥ, na tu citragava ityatra; aniṣṭhitatvāt(). avādeśe hi kṛte niṣṭhitatvamatra bhaviṣyati, na ca guṇamātre; aprayogārhatvāt(). ata evāvyāpakatvādasya parīhārasyāparituṣyan? parihārāntaramāha--"atha vā" ityādi. syādetat()--atrāpi goḥ sambandhi sarvanāmasthānamānantaryalakṣaṇena bhavati sambandheneti/ ata āha--"yacca" ityādi. yadyānantaryalakṣaṇena goḥ sambandhi sarvanāmasthānaṃ gṛhrate tadā ṣaṣṭha()āśrayaṇāmanarthakaṃ syāt(), pañcamyevāśrayitavyeti; kramavyatikrame prayojanābhāvāt(). tasmāt? ṣaṣṭha()āśrayaṇasāmathryādgośabdasyārthasya ya ekātvādayasteṣu yatsarvanāmasthānaṃ tadgoḥ sarvanāmasthānamityucyate. tat? punargośabdasyaikatvādīnāṃ veditavyam(). ādiśabdena dvitvādipari grāhaḥ. tatraitat? syāt()--citraguśabdādapi yat? sarvanāmasthānaṃ tadgośabdasyārthasyaikatvādiṣu vatrtate? ityāha--"citraguśabdāt()" ityādi. yadi yadgoḥ sambandhi sarvanāmasthānaṃ tasya ṇidbhāvo vidhīyate, tadā taparakaraṇamanarthakaṃ syāt(), taddhi citragurityādau mā bhūdityevamarthaṃ kriyate. na cātra prāptiḥ, na hratra goḥ sambandhi sarvanāmasthānam(), kiṃ tarhi? anyapadārthasyetyāha--"taparakaraṇaṃ" tu ityādi. "kecit()" ityādi. kimarthaṃ punasta evaṃ paṭhanti? ityāha--"dyośabdo'pi" ityādi. ya tvedaṃ na paṭhanti "gotaḥ" iti, teṣāṃ dyośabdāt? parasya sarvanāmasthānasya ṇidbhāvo na sidhyatītyāha--"gota ityetadeva" ityādi. kathaṃ punaretadokārāntopalakṣaṇārthaṃ śakyaṃ vijñātum()? ityāha--"varṇanirdeśeṣu" ityādi. yathā "vṛddhirādaic()" 1.1.1, "adeṅguṇaḥ" 1.1.2 ityavamādiṣu yogeṣu varṇastaparo nirdiśyata iti taparakaraṇaṃ varṇanirdeśeṣu hi prasiddham(). tasmādihāpi taparanirdeśāt? "gotaḥ" ityetadokārāntopalakṣaṇaṃ draṣṭavyamiti. ato vacanāt? taparakaraṇaṃ varṇanirdeśārtha mevetyasyaivaukārāntopalakṣaṇārthaṃ vijñāyate॥

goto ṇit. `gota' iti taparakaraṇam. `ito'tsarvanāmasthāne' ityataḥ `sarvanāmasthāne' ityataḥ `sarvanāmasthāne' ityanuvṛttaṃ prathamayā vipariṇamyate. tadāha– ghośabdādityādinā. ṇidvatsyāditi. ṇiti pare yatkāryaṃ tatkāryakārītyarthaḥ. gauriti. ṇidvattve `aco ñṇitī'ti vṛddhiraukāraḥ. rutvavisargāviti bhāvaḥ. gāvau gāva iti. ṇidvattve vṛddhirāvādeśaśceti bhāvaḥ. he gauḥ. vṛddhau eṅaḥ paratvā'bhāvānnasaṃbuddhilopaḥ. ami go am iti sthite ṇidvattvādvṛddho prāptāyām-.

goto ṇit 282, 7.1.90 goto ṇit. "gota" iti taparakaraṇam. "ito'tsarvanāmasthāne" ityataḥ "sarvanāmasthāne" ityataḥ "sarvanāmasthāne" ityanuvṛttaṃ prathamayā vipariṇamyate. tadāha--ghośabdādityādinā. ṇidvatsyāditi. ṇiti pare yatkāryaṃ tatkāryakārītyarthaḥ. gauriti. ṇidvattve "aco ñṇitī"ti vṛddhiraukāraḥ. rutvavisargāviti bhāvaḥ. gāvau gāva iti. ṇidvattve vṛddhirāvādeśaśceti bhāvaḥ. he gauḥ. vṛddhau eṅaḥ paratvā'bhāvānnasaṃbuddhilopaḥ. ami go am iti sthite ṇidvattvādvṛddho prāptāyām-.

goto ṇit. `ito'tsarvamābhasthāne'ityato'nuvṛttaṃ saptamyantaṃ sarvanāmasthānagrahaṇaṃ prathamayā vipariṇamyate, `ṇi'dityanena samānādhikaraṇyāttadāha— sarvanāmasthānamiti. ṇitkāryakṛtsyāditi. ṇiti pare pūrvasya yatkāryaṃ tatkārotītyarthaḥ.

oto ṇit 244, 7.1.90 goto ṇit. "ito'tsarvamābhasthāne"ityato'nuvṛttaṃ saptamyantaṃ sarvanāmasthānagrahaṇaṃ prathamayā vipariṇamyate, "ṇi"dityanena samānādhikaraṇyāttadāha---sarvanāmasthānamiti. ṇitkāryakṛtsyāditi. ṇiti pare pūrvasya yatkāryaṃ tatkārotītyarthaḥ.