1/31:anaḍuhaḥ sau āmpratiṣedhaḥ numaḥ anavakāśatvāt |*
2/31:anaḍuhaḥ sau āmpratiṣedhaḥ prāpnoti |
3/31:kim kāraṇam |
4/31:numaḥ anavakāśatvāt |
5/31:anavakāśaḥ num āmam bādhate |
6/31:na vā avarṇopadhasya numvacanāt |*
7/31:na vā eṣaḥ doṣaḥ |
8/31:kim kāraṇam |
9/31:avarṇopadhasya numvacanāt |
10/31:avarṇopadhasya numam vakṣyāmi |
11/31:tadarthagrahaṇam kartavyam |
12/31:na kartavyam |
13/31:prakṛtam anuvartate |
14/31:kva prakṛtam |
15/31:āt śīnadyoḥ num iti |
16/31:yadi tat anuvartate anaḍuhi yāvanti avarṇāni sarvebhyaḥ paraḥ num prāpnoti |
17/31:na eṣaḥ doṣaḥ |
18/31:mit acaḥ antyāt paraḥ iti anena yat sarvāntyam avarṇam tasmāt paraḥ bhaviṣyati |
19/31:punaḥprasaṅgavijñānāt vā siddham |*
20/31:atha vā punaḥprsaṅgāt numi kṛte ām bhaviṣyati |
21/31:yathāttvādiṣu dvirvacanam |*
22/31:tat yathā jagle , mamle , ījatuḥ , ījuḥ iti āttvādiṣu kṛteṣu punaḥprasaṅgāt dvirvacanam bhavati evam atra api numi kṛte ām bhaviṣyati |
23/31:na eṣaḥ yuktaḥ parihāraḥ |
24/31:vipratiṣedhe punaḥprasaṅgaḥ vipratiṣedhaḥ ca dvayoḥ sāvakāśayoḥ bhavati |
25/31:iha punaḥ anavakāśaḥ num āmam bādhate |
26/31:evam tarhi vṛttāntāt eṣaḥ parihāraḥ prasthitaḥ |
27/31:kasmāt vṛttāntāt |
28/31:idam ayam codyaḥ bhavati anaḍuhaḥ sau āmpratiṣedhaḥ numaḥ anavakāśatvāt iti |
29/31:tasya parihāraḥ na vā avarṇopadhasya numvacanāt iti |
30/31:tataḥ ayam codyaḥ bhavati yatra tarhi avarṇaprakaraṇam na asti tatra taḥ āmā numaḥ bādhanam prāpnoti bahvanḍvāṃhi brāhmaṇakulāni iti |
31/31:tataḥ uttarakālam idam paṭhitam punaḥprasaṅgavijñānāt vā siddham iti

sau parataḥ anaḍuho 'ṅgasya numāgamo bhavati. anaḍvān. he anaḍvan. atra kecitātityadhikārādāmamoḥ kṛtayoḥ numaṃ kurvanti. tena numā āmamau na bādhyete, ā'mambhyāṃ ca num iti. apare tu satyapi sāmānyaviśeṣatve āmamoḥ numaśca samāveśam icchanti, na bādhyabādhakabhāvam, yathā cicīṣatyādiṣu dīrghatvadvirvacanayoḥ iti.

sāvanaḍuha 7.1.82 sau parataḥ anaḍuho 'ṅgasya numāgamo bhavati. anaḍvān. he anaḍvan. atra kecitātityadhikārādāmamoḥ kṛtayoḥ numaṃ kurvanti. tena numā āmamau na bādhyete, ā'mambhyāṃ ca num iti. apare tu satyapi sāmānyaviśeṣatve āmamoḥ numaśca samāveśam icchanti, na bādhyabādhakabhāvam, yathā cicīṣatyādiṣu dīrghatvadvirvacanayoḥ iti.

sāvanaḍuhaḥ. asyeti. anuḍuhśabdasyetyarthaḥ. num syāditi. `ācchīnadyornuṃ'mityato numityanuvṛtteriti bhāvaḥ. numi makāra it. ukāra uccāraṇārthaḥ. mittvādantyādacaḥ paraḥ. anaḍvān h s iti sthitam. nanu āmnumau etau mittvādantyādaca ukārātparau prāptau. tatra `caturanaḍuhoḥ' ityām sarvanāmasthānanimittakaḥ sāmānyavihitaḥ. `sāvanaḍuhaḥ' iti num tu sarvanāmasthānaviśeṣe sau vihitatvādviśeṣavihitaḥ. sa ca niravakāśatvātsāmānyavihitamāmaṃ bādheta, soranyatrā''mbidheścaritārthatvāt. tathā ca `anaḍun' iti syāt. `anaḍvān' iti na syāt. kiṃca sambuddhau he anaḍuh siti sthite `am sambuddhau' ityamāgama āmapavādo'nupadameva vakṣyate. tatra `sāvanaḍuhaḥ' iti numapi prāptaḥ, saca sambuddhāvasambuddhau ca vihitatvātsāmānyavihitaḥ. `amsambuddhau' ityam tu sambuddhāveva vihitatvādviśeṣavihitaḥ. saca niravakāśatvātsāmānyaṃ numaṃ bādheta, asambuddhau sau numvidheścaritārthatvāt. tataśca he anaḍvanniti na syāt. `ho ḍhaḥ' iti ḍhatve he anaḍvaṭ iti syādityāśaṅkyāha–ādityadhikārādityādi, numna bādhyata ityantam. `sāvanaḍuhaḥ' iti numvidhau tāvat `ācchīnadyoḥ' ityata āditi pañcamyantamanuvartate. ato'naḍuho'varṇāt paro numiti lābhādviśeṣavihitenāpi `sāvanaḍuha' iti numā `caturanaḍuho'riti sāmānyavihita āmna bādhyate, avarṇātparatvena vidhīyamānaṃ numaṃ prati āma upajīvyatvāt, upajīvyopajīvakayorvirodhā'bhāvena bādhyabādhakabhāvavirahāt, pratyuta āmabhāve numaḥ pravṛttyasambhavāt. tathā `amsaṃbuddhau' ityamā ca viśeṣavihibhāvena bādhyabādhakabhāvavirahāt, pratyuta āmabhāve numaḥ pravṛttyasaṃbhavādityarthaḥ. nanu `sāvanahuḍaḥ' iti numvidhau ādityanu vartatāṃ nāma, tathāpi āmupajīvakatvaṃ numo na labhyate, anaḍuhi numo nakārā'kārātparatve'pi ādityanuvṛtteravirodhāditi cet, maivaṃ-`sāvanaḍuhaḥ' iti numvidhau mittvādantyādaca ityupasthitam. tatra ca ādityanuvṛttamanveti. tatascānaḍuhi yo'ntyarūpo'varṇaḥ tasmātparo numiti labhyate. nakārākārastu naivaṃvidha ityāmupajīvakatvaṃ numo nirbādhameva. evaṃ saṃbuddhau amupajīvakatvamapi jñeyam. kvacitpustake `āmā ca num na bādhyate' iti paṭha\ufffdte. tatreyaṃ yojanā–nanu `bahvanaḍvāṃhi kulānī'tyatra `napuṃsakasya jhalacaḥ' iti numapekṣayā paratvādām syāt. kṛte tvāmi punarnumna bhavati, `vipratiṣeṣena yadbādhitaṃ tadbādhitameve'ti nyāyādityata āha–`āmā ca numna bādhyata' iti. `punaḥ prasaṅgavijñānātsiddham' iti kvacidvipratiṣedhena bādhitasya punarunmeṣādāmi kṛte'pi `napuṃsakasya jhalacaḥ' iti numnirbādha iti bhāvaḥ. sorlopa iti. `anaḍvavān h s ityatra halṅyādine'ti śeṣaḥ. nanu kṛte sulope hakārasya saṃyogāntalope numo nakārasya padāntatvāt `vasuruāṃsudhvaṃsvanaḍuhāṃ daḥ' iti datvaṃ kuto na syādityata āha–numvidhīti. yadi hratra numo nasya datvaṃ syāttarhi anaḍvāhityatra numabhāve'pi hasya datvenaiva anaḍvāditi siddhernumvidhiranarthakaḥ syāt. ato numo nasya datvaṃ neti vijñāyata iti bhāvaḥ.

sāvanaḍuhaḥ , 7.1.82 sāvanaḍuhaḥ. asyeti. anuḍuhśabdasyetyarthaḥ. num syāditi. "ācchīnadyornuṃ"mityato numityanuvṛtteriti bhāvaḥ. numi makāra it. ukāra uccāraṇārthaḥ. mittvādantyādacaḥ paraḥ. anaḍvān h s iti sthitam. nanu āmnumau etau mittvādantyādaca ukārātparau prāptau. tatra "caturanaḍuhoḥ" ityām sarvanāmasthānanimittakaḥ sāmānyavihitaḥ. "sāvanaḍuhaḥ" iti num tu sarvanāmasthānaviśeṣe sau vihitatvādviśeṣavihitaḥ. sa ca niravakāśatvātsāmānyavihitamāmaṃ bādheta, soranyatrā'‌'mbidheścaritārthatvāt. tathā ca "anaḍun" iti syāt. "anaḍvān" iti na syāt. kiṃca sambuddhau he anaḍuh siti sthite "am sambuddhau" ityamāgama āmapavādo'nupadameva vakṣyate. tatra "sāvanaḍuhaḥ" iti numapi prāptaḥ, saca sambuddhāvasambuddhau ca vihitatvātsāmānyavihitaḥ. "amsambuddhau" ityam tu sambuddhāveva vihitatvādviśeṣavihitaḥ. saca niravakāśatvātsāmānyaṃ numaṃ bādheta, asambuddhau sau numvidheścaritārthatvāt. tataśca he anaḍvanniti na syāt. "ho ḍhaḥ" iti ḍhatve he anaḍvaṭ iti syādityāśaṅkyāha--ādityadhikārādityādi, numna bādhyata ityantam. "sāvanaḍuhaḥ" iti numvidhau tāvat "ācchīnadyoḥ" ityata āditi pañcamyantamanuvartate. ato'naḍuho'varṇāt paro numiti lābhādviśeṣavihitenāpi "sāvanaḍuha" iti numā "caturanaḍuho"riti sāmānyavihita āmna bādhyate, avarṇātparatvena vidhīyamānaṃ numaṃ prati āma upajīvyatvāt, upajīvyopajīvakayorvirodhā'bhāvena bādhyabādhakabhāvavirahāt, pratyuta āmabhāve numaḥ pravṛttyasambhavāt. tathā "amsaṃbuddhau" ityamā ca viśeṣavihibhāvena bādhyabādhakabhāvavirahāt, pratyuta āmabhāve numaḥ pravṛttyasaṃbhavādityarthaḥ. nanu "sāvanahuḍaḥ" iti numvidhau ādityanu vartatāṃ nāma, tathāpi āmupajīvakatvaṃ numo na labhyate, anaḍuhi numo nakārā'kārātparatve'pi ādityanuvṛtteravirodhāditi cet, maivaṃ-"sāvanaḍuhaḥ" iti numvidhau mittvādantyādaca ityupasthitam. tatra ca ādityanuvṛttamanveti. tatascānaḍuhi yo'ntyarūpo'varṇaḥ tasmātparo numiti labhyate. nakārākārastu naivaṃvidha ityāmupajīvakatvaṃ numo nirbādhameva. evaṃ saṃbuddhau amupajīvakatvamapi jñeyam. kvacitpustake "āmā ca num na bādhyate" iti paṭha()te. tatreyaṃ yojanā--nanu "bahvanaḍvāṃhi kulānī"tyatra "napuṃsakasya jhalacaḥ" iti numapekṣayā paratvādām syāt. kṛte tvāmi punarnumna bhavati, "vipratiṣeṣena yadbādhitaṃ tadbādhitameve"ti nyāyādityata āha--"āmā ca numna bādhyata" iti. "punaḥ prasaṅgavijñānātsiddham" iti kvacidvipratiṣedhena bādhitasya punarunmeṣādāmi kṛte'pi "napuṃsakasya jhalacaḥ" iti numnirbādha iti bhāvaḥ. sorlopa iti. "anaḍvavān h s ityatra halṅyādine"ti śeṣaḥ. nanu kṛte sulope hakārasya saṃyogāntalope numo nakārasya padāntatvāt "vasuruāṃsudhvaṃsvanaḍuhāṃ daḥ" iti datvaṃ kuto na syādityata āha--numvidhīti. yadi hratra numo nasya datvaṃ syāttarhi anaḍvāhityatra numabhāve'pi hasya datvenaiva anaḍvāditi siddhernumvidhiranarthakaḥ syāt. ato numo nasya datvaṃ neti vijñāyata iti bhāvaḥ.