1/15:idam bahulam chandasi iti dviḥ kriyate |
2/15:ekam śakyam akartum |
3/15:katham |
4/15:yadi tāvat pūrvam kriyate param na kariṣyate |
5/15:ataḥ bhisaḥ ais iti atra bahulam chandasi iti etat anuvartiṣyate |
6/15:atha param kriyate pūrvam na kariṣyate |
7/15:bahulam chandasi iti atra ruṭ api anuvartiṣyate |
8/15:aparaḥ āha : ubhe bahulagrahaṇe ekam chandograhaṇam śakyam akartum |
9/15:katham |
10/15:idam asti |
11/15:vetteḥ vibhāṣā |
12/15:tataḥ chandasi |
13/15:chandasi ca vibhāṣā |
14/15:tataḥ ataḥ bhisaḥ ais bhavati |
15/15:chandasi vibhāṣā iti |

vetteraṅgāduttarasya jhādeśasya ato vibhāṣā ruḍhāgamo bhavati. saṃvidate, saṃvidrate. saṃvidatām, saṃvidratām. samavidata, samavidrata. vetteḥ iti lugvikaraṇasya grahaṇaṃ kim? iha mā bhūt, vinte, vindāte, vindate iti.

vetter vibhāṣā 7.1.7 vetteraṅgāduttarasya jhādeśasya ato vibhāṣā ruḍhāgamo bhavati. saṃvidate, saṃvidrate. saṃvidatām, saṃvidratām. samavidata, samavidrata. vetteḥ iti lugvikaraṇasya grahaṇaṃ kim? iha mā bhūt, vinte, vindāte, vindate iti.

vettervibhāṣā. , 7.1.7 "saṃvidrate, saṃvidate" iti. "vida jñāne" (dhā.pā.1064). "samobhyṛcchi" 1.3.29 ityādinā'tmanepadam(), adāditvācchapo luk(). "saṃvidratām(), saṃvidatām()" iti. loṭ(). derettve kṛte "āmetaḥ" 3.4.90 ityām(). "vetteriti lugvikaraṇasya grahaṇaṃ kim()" iti. evaṃ manyate--vidheriti sāmānyanirdeśena sarvavidīnāṃ grahaṇamastu, laghu hrevaṃ sūtraṃ bhavati, satyapi sarvavidhīnāṃ grahaṇe lugvikaraṇādeva bhaviṣyati, nānyataḥ, vikaraṇena vyavadhānāt(). yadyaviśeṣeṇa vidīnāṃ grahaṇa syāt? "vida vicāraṇe" (dhā.pā.1450) ityasmādapi raudhādikāt? syāt(), na hratra vikaraṇo vyavadhāyakaḥ; dhātvantaḥpātitvāt()? ityata āha--"iha" ityādi. "vinte, vindāte, vindate" iti. anudāttettvādātmanepadam(), "śnasorallopaḥ" 6.4.111. atra tu "vindate" iti bahuvacanāntaṃ pratyudāharaṇam(). ekavacanadvivacanayorupanyāso vidervicāraṇārthasya rūpamiti pradarśanārthaḥ; anyathā "vindate" ityetācatyucyamāne lābhārvasya viderekavacanāntamidaṃ rūpamiti kasyacidbhrāntiḥ syāt(). śtipā nirdeśādyaṅluki na bhavati--saṃvevidate, vyativevidate॥ "aduhya" iti. svarirettvādātmanepadam(). nanu ca vibhāṣāgrahaṇānuvṛtterevāduhyatetyādi siddham(), kiṃ bahulavacaneneti yaścodayet? taṃ pratyāha--"bahulavacanāt()" ityādi. vibhāṣānuvṛttyā hi vikalpamātraṃ labhyate, na tvanyatrāpi bhavati. bahulavacanādanyatrāpi bhavati. tena vibhāṣāyāṃ prakṛtāyāṃ bahulavacanamiti bhāvaḥ. "adṛśran()" iti. dṛśerluṅ(), jherantādeśaḥ, "irito vāṭa 3.1.57 iti cleraṅ, tasya ruṭ? "itaśca" 3.4.100 itīkāralopaḥ, "saṃyogantasya" 8.2.23 iti takārasya ca, "ato guṇe" 6.1.94 pararūpatvam(). athātra "ṛvṛśoraṅi" (7.4.16) iti guṇa kasmānna bhavati? "kṅiti ca" (1.1.5) iti pratiṣedhāditi cet()? na; tasaya ṅityeva vidhānāt(). sārvadhatukasya ṅitamāśritya pratiṣedhaḥ prāpnotīti cet()? na; ekādeśaḥ pūrvavidhau sthānivadbhavatīti yaścodayet(), taṃ pratyāha--"ṛdṛśo'ṅi guṇaḥ" iti॥

vettervibhāṣā. `jho'ntaḥ' ityato jha ityanuvartate. `adabhyastā'dityata ādityanuvṛttaṃ ṣaṣṭha\ufffdā vipariṇamyate. `śīṅo ru'ḍityato ruḍiti ca. tadāha- - vetteḥ parasyetyādinā. artiśrudṛśibhya iti. `saṃpūrvebhyasta'ṅiti śeṣaḥ. dvayoriti. bhauvādikasya, iyarteścetyarthaḥ. aṅvidhau tviti. `sartiśāstyartibhyaśca' ityatretyarthaḥ. mā samṛteti. `uśce'ti sicaḥ kittvānna guṇaḥ. `hyasvādaṅgā'diti sico lopaḥ. māṅyoge mā samṛtetyādi. māṅyogā'bhāve tu samārtetyādi ityevaṃ bhauvādikasya ṛdhāto rūpamityarthaḥ. māṅyogādāḍabhāvaḥ. atha māṅyogā'bhāve āḍāgame udāharati– samārteti. sam ā ṛ s ta iti sthite `uśce'ti kittvādguṇaniṣedhe `āṭaśca' iti vṛdiṃ?dha bādhitvā paratvāt `hyasvādaṅgā'diti sico lope `āṭaśce'ti ṛkārasya vṛddhau raparatve rūpam. na ca sijlopasyā'siddhatvāt āṭaśceti vṛddhau kṛtāyāṃ hyasvādaṅgāditi sijlopasyā'pravṛttyā samārṣṭetyevocitamiti vācyam, `sijlopa ekādeśe siddho vācyaḥ' iti vacanena pūrvaṃ sijlope paścādāṭaśceti vṛddheḥ pravṛttisaṃbhavādityalam. iyartestviti. śluvikaraṇaṛdhātorityarthaḥ. mā samarateti. sartiśa#āstyarti' ityaṅ, tatra iyartegrrahaṇāditi bhāvaḥ. `ṛdṛśo'ṅi' iti guṇaḥ. samārateti. `āṭaśca' iti vṛddhiḥ. iti ceti. iyarte rūpamatyanvayaḥ. tadevamartiśrudṛśibhya ityatra artiprapañcamuktvā śrudātorudāharati – saṃśṛṇute iti. dṛśerudāharati— saṃpaśyate iti. akarmakādityeveti. `samo gamyṛcchibhyā'mityatra akramakādityanuvṛtterabhyupagatatvena tatropasaṃkhyātavārtike'smaṃstadanuvṛtteryuktatvāditi bhāvaḥ. ata eveti. `pramādika ityāhu'rityatrānvayaḥ, sakarmakatvenātmanepadā'saṃbhavāditi bhāvaḥ. adhyāhāro veti. `iti kathayadbhyaṭa ityadhyāhāro vetyanvayaḥ. tathā ca rakṣāṃsīti kathayadbhyaḥ purā saṃśṛṇumahe ityatra kathana eva rakṣasāmanvitatvāt śruvo'karmakatvādātmanepadaṃ nirbādhamiti bhāvaḥ. dhātoriti. dhātorarthāntare vṛtteriti, dhātvarthenopasaṃgrahāditi, prasiddheriti, avivakṣāta iti catvāri vākyāni. akarmikā kriyeti sarvatrānveti. `karmaṇa' iti tu dvitīyādiṣu vākyeṣvanveti. vahati bhāramiti. prāpayatītyarthaḥ. atra sakarmakatvamiti bhāvaḥ. asyā'rthāntare kvacidakarmakatvamudāharati– nadī vahatīti. syandate iti. praruāvatītyarthaḥ. dhātvarthopasaṅgrahe udāharati– jīvatīti. nṛtyatīti. jīveḥ prāṇadhāraṇamarthaḥ. nṛtestvaṅgavikṣepaḥ. ubhayatrāpi karmaṇo dhātvarthāntarbhāvānna sakarmakatvamiti `supa ātmanaḥ' iti sūtre bhāṣye spaṣṭam. megho varṣatīti. varṣakarmaṇo jalasya prasiddhatvādakarmakatvam. hitānna ya iti. hitātpuruṣādyo na saṃśṛṇute = svarahitaṃ na manyate sa kiṃprabhuḥ, kutsita ityarthaḥ. atra svahitasya vastutaḥ karmatve'pi tadavivakṣayā akarmakatvamiti bhāvaḥ. evaṃ cāsminnakarmakādhikāre hanigamyādīnāṃ sato'pi karmaṇo'vivakṣayā akarmakatvaṃ siddhamiti bodhyam. akarmakatvanirṇayo'yaṃ `laḥ karmaṇi' ityādau upayujyate. upasargādasyatyūhrorveti. `āt?manepada'miti śeṣaḥ. nivṛttamiti. sopasargayorasyatyūhyoḥ sakarmakatvaniyamāditi bhāvaḥ.

vettervibhāṣā 525, 7.1.7 vettervibhāṣā. "jho'ntaḥ" ityato jha ityanuvartate. "adabhyastā"dityata ādityanuvṛttaṃ ṣaṣṭha()ā vipariṇamyate. "śīṅo ru"ḍityato ruḍiti ca. tadāha-- vetteḥ parasyetyādinā. artiśrudṛśibhya iti. "saṃpūrvebhyasta"ṅiti śeṣaḥ. dvayoriti. bhauvādikasya, iyarteścetyarthaḥ. aṅvidhau tviti. "sartiśāstyartibhyaśca" ityatretyarthaḥ. mā samṛteti. "uśce"ti sicaḥ kittvānna guṇaḥ. "hyasvādaṅgā"diti sico lopaḥ. māṅyoge mā samṛtetyādi. māṅyogā'bhāve tu samārtetyādi ityevaṃ bhauvādikasya ṛdhāto rūpamityarthaḥ. māṅyogādāḍabhāvaḥ. atha māṅyogā'bhāve āḍāgame udāharati-- samārteti. sam ā ṛ s ta iti sthite "uśce"ti kittvādguṇaniṣedhe "āṭaśca" iti vṛdiṃ()dha bādhitvā paratvāt "hyasvādaṅgā"diti sico lope "āṭaśce"ti ṛkārasya vṛddhau raparatve rūpam. na ca sijlopasyā'siddhatvāt āṭaśceti vṛddhau kṛtāyāṃ hyasvādaṅgāditi sijlopasyā'pravṛttyā samārṣṭetyevocitamiti vācyam, "sijlopa ekādeśe siddho vācyaḥ" iti vacanena pūrvaṃ sijlope paścādāṭaśceti vṛddheḥ pravṛttisaṃbhavādityalam. iyartestviti. śluvikaraṇaṛdhātorityarthaḥ. mā samarateti. sartiśa#āstyarti" ityaṅ, tatra iyartegrrahaṇāditi bhāvaḥ. "ṛdṛśo'ṅi" iti guṇaḥ. samārateti. "āṭaśca" iti vṛddhiḥ. iti ceti. iyarte rūpamatyanvayaḥ. tadevamartiśrudṛśibhya ityatra artiprapañcamuktvā śrudātorudāharati -- saṃśṛṇute iti. dṛśerudāharati--- saṃpaśyate iti. akarmakādityeveti. "samo gamyṛcchibhyā"mityatra akramakādityanuvṛtterabhyupagatatvena tatropasaṃkhyātavārtike'smaṃstadanuvṛtteryuktatvāditi bhāvaḥ. ata eveti. "pramādika ityāhu"rityatrānvayaḥ, sakarmakatvenātmanepadā'saṃbhavāditi bhāvaḥ. adhyāhāro veti. "iti kathayadbhyaṭa ityadhyāhāro vetyanvayaḥ. tathā ca rakṣāṃsīti kathayadbhyaḥ purā saṃśṛṇumahe ityatra kathana eva rakṣasāmanvitatvāt śruvo'karmakatvādātmanepadaṃ nirbādhamiti bhāvaḥ. dhātoriti. dhātorarthāntare vṛtteriti, dhātvarthenopasaṃgrahāditi, prasiddheriti, avivakṣāta iti catvāri vākyāni. akarmikā kriyeti sarvatrānveti. "karmaṇa" iti tu dvitīyādiṣu vākyeṣvanveti. vahati bhāramiti. prāpayatītyarthaḥ. atra sakarmakatvamiti bhāvaḥ. asyā'rthāntare kvacidakarmakatvamudāharati-- nadī vahatīti. syandate iti. praruāvatītyarthaḥ. dhātvarthopasaṅgrahe udāharati-- jīvatīti. nṛtyatīti. jīveḥ prāṇadhāraṇamarthaḥ. nṛtestvaṅgavikṣepaḥ. ubhayatrāpi karmaṇo dhātvarthāntarbhāvānna sakarmakatvamiti "supa ātmanaḥ" iti sūtre bhāṣye spaṣṭam. megho varṣatīti. varṣakarmaṇo jalasya prasiddhatvādakarmakatvam. hitānna ya iti. hitātpuruṣādyo na saṃśṛṇute = svarahitaṃ na manyate sa kiṃprabhuḥ, kutsita ityarthaḥ. atra svahitasya vastutaḥ karmatve'pi tadavivakṣayā akarmakatvamiti bhāvaḥ. evaṃ cāsminnakarmakādhikāre hanigamyādīnāṃ sato'pi karmaṇo'vivakṣayā akarmakatvaṃ siddhamiti bodhyam. akarmakatvanirṇayo'yaṃ "laḥ karmaṇi" ityādau upayujyate. upasargādasyatyūhrorveti. "āt()manepada"miti śeṣaḥ. nivṛttamiti. sopasargayorasyatyūhyoḥ sakarmakatvaniyamāditi bhāvaḥ.

vettervibhāṣā. `śīṅo ru'ḍityato ruḍanuvartate, `adabhyastā' dityato'dityanuvarttya ṣaṣṭha\ufffdntatvena vipariṇamyata ityāha– ato ruḍāgama iti. `sartiśāstyartī'ti luptavikaraṇena śāsinā sāhacaryāditi bhāvaḥ. mā samṛteti. `uśce' ti kittvam. māṅ?yogādaḍabhāvapaḥ. samārteti. nanu sijlopasyā'siddhatvāt `āṭaśce'ti vṛddhau kṛtāyāṃ `hyasvādaṅgā'diti sijlopā'pravṛttyā samārṣṭeti rūpaṃ syāt. na ca hyasvādvihitasyeti vyākhyānadiṣṭasiddhiriti vācyaṃ, vihitaviśeṣaṇe mānā'bhāvāt. udāyata āhatetyādyasiddhyāpatteśca. atra kecit- - `sijlopa ekādeśe siddho vācyaḥ' ityanena pūrvaṃ sijlope paścādvṛddhirbhavati, `ekādeśe' iti viṣayasaptamyāśrayaṇāt. na caivamadhyaiṣṭeti na sidhyet, tatrāpyuktarītyā pūrvaṃ sijlope vṛddhau satyāmadhyaiteti rūpaprasaṅgāditi vācyam, `vārṇādāṅgaṃ balīyaḥ' iti pūrvameva guṇe kṛte sijlopo na pravartate iti `āṭaśce'ti vṛddhau kṛtāyāmadhyaiṣṭeti rūpasya nirbādhatvāt. samārtetyatra tu `uśce' ti kittvena guṇā'pravṛttyā pūrvameva sijlope paścāt `āṭaśce'ti vṛddhiriti vaiṣamyamityāhuḥ. anye tu– sijlopānantaraṃ yatraikadeśaḥ prasajyate tatraiva sijlopaḥ siddho, yathā agrahīditi. na cātra tādṛśo viṣayo'sti. kiṃ ca `vārṇādāṅgaṃ balīyaḥ' iti pūrvameva guṇe kṛte ityādi yaduktaṃ, tadasat. samānāśraye hi vārṇādāṅgaṃ balīyaḥ. anyathā dyaurivācarati dyavatītyatra yaṇna syāt. kiṃ tu `pugante'ti guṇa eva syāt. tathā ca samārṣṭetyeva vaktavye samārteti lekhakapramāda ityāhuḥ.

vettervibhāṣā 448, 7.1.7 vettervibhāṣā. "śīṅo ru"ḍityato ruḍanuvartate, "adabhyastā" dityato'dityanuvarttya ṣaṣṭha()ntatvena vipariṇamyata ityāha-- ato ruḍāgama iti.* artiśrudṛśibhyaśceti vaktavyam. aṅvidhau tviti. "sartiśāstyartī"ti luptavikaraṇena śāsinā sāhacaryāditi bhāvaḥ. mā samṛteti. "uśce" ti kittvam. māṅ()yogādaḍabhāvapaḥ. samārteti. nanu sijlopasyā'siddhatvāt "āṭaśce"ti vṛddhau kṛtāyāṃ "hyasvādaṅgā"diti sijlopā'pravṛttyā samārṣṭeti rūpaṃ syāt. na ca hyasvādvihitasyeti vyākhyānadiṣṭasiddhiriti vācyaṃ, vihitaviśeṣaṇe mānā'bhāvāt. udāyata āhatetyādyasiddhyāpatteśca. atra kecit-- "sijlopa ekādeśe siddho vācyaḥ" ityanena pūrvaṃ sijlope paścādvṛddhirbhavati, "ekādeśe" iti viṣayasaptamyāśrayaṇāt. na caivamadhyaiṣṭeti na sidhyet, tatrāpyuktarītyā pūrvaṃ sijlope vṛddhau satyāmadhyaiteti rūpaprasaṅgāditi vācyam, "vārṇādāṅgaṃ balīyaḥ" iti pūrvameva guṇe kṛte sijlopo na pravartate iti "āṭaśce"ti vṛddhau kṛtāyāmadhyaiṣṭeti rūpasya nirbādhatvāt. samārtetyatra tu "uśce" ti kittvena guṇā'pravṛttyā pūrvameva sijlope paścāt "āṭaśce"ti vṛddhiriti vaiṣamyamityāhuḥ. anye tu-- sijlopānantaraṃ yatraikadeśaḥ prasajyate tatraiva sijlopaḥ siddho, yathā agrahīditi. na cātra tādṛśo viṣayo'sti. kiṃ ca "vārṇādāṅgaṃ balīyaḥ" iti pūrvameva guṇe kṛte ityādi yaduktaṃ, tadasat. samānāśraye hi vārṇādāṅgaṃ balīyaḥ. anyathā dyaurivācarati dyavatītyatra yaṇna syāt. kiṃ tu "pugante"ti guṇa eva syāt. tathā ca samārṣṭetyeva vaktavye samārteti lekhakapramāda ityāhuḥ.