1/9:iha kasmāt na bhavati : ālabhyate |
2/9:astu |
3/9:aniditām halaḥ upadhāyāḥ kṅiti iti lopaḥ bhaviṣyati |
4/9:iha tarhi ālambhyā gauḥ poḥ adupadhāt iti yati avasthite num |
5/9:tatra kaḥ doṣaḥ |
6/9:ālambhyā* eṣaḥ svaraḥ prasajyeta |
7/9:ālambhyā* iti ca iṣyate |
8/9:na eṣaḥ doṣaḥ |
9/9:uktam etat dhātugrahaṇasāmarthyāt upadeśe numvidhānam iti

āṅaḥ uttarasya labheḥ yakārādiprayayaviṣaye numāgamo bhavati. ālambhyā gauḥ. ālambhyā vaḍavā. prāk pratyayotpatteḥ numi kṛte vihitamadupadhatvam iti ṛhalor ṇyat 3-1-124 iti ṇyatpratyayaḥ, tatra kṛduttarapadaprakṛtisvaratvena antasvaritatvaṃ bhavati. yati tu punaruttarapadādyudāttatvaṃ syāt. āṅaḥ iti kim? labhyam. katham agniṣṭoma ālabhyaḥ iti? sarve vidhayaś chandasi vikalpyante. atha vā ālabhyaḥ ityatra numi kṛte 'nuṣaṅgalopaḥ kriyate.

āṅo yi 7.1.65 āṅaḥ uttarasya labheḥ yakārādiprayayaviṣaye numāgamo bhavati. ālambhyā gauḥ. ālambhyā vaḍavā. prāk pratyayotpatteḥ numi kṛte vihitamadupadhatvam iti ṛhalor ṇyat 3.1.124 iti ṇyatpratyayaḥ, tatra kṛduttarapadaprakṛtisvaratvena antasvaritatvaṃ bhavati. yati tu punaruttarapadādyudāttatvaṃ syāt. āṅaḥ iti kim? labhyam. katham agniṣṭoma ālabhyaḥ iti? sarve vidhayaś chandasi vikalpyante. atha vā ālabhyaḥ ityatra numi kṛte 'nuṣaṅgalopaḥ kriyate.

āṅo yi. , 7.1.65 "yakārādau pratyaya" iti. anena "yi" ityasyāḥ saptamyā viṣayasaptamītvaṃ darśayan? yakārādau pratyaye vavayabhūte'nutpanna eva num? bhavatīti darśayati. "prāk()" ityādinā viṣayasaptamyāṃ satyāṃ yadiṣṭaṃ sampadyate tadācaṣṭe. parasaptamyāṃ hi pūrvaṃ pratyayena bhavitavyam(), paścānnumā, tataśca "adupadhāt()" (3.1.98) iti yat? prasajyeta. viṣayasaptamyāṃ tu prāgutpannena numā'dupadhatvasya vihatatvāt? "ṛhaloṇryat()" 3.1.124 ita ṇyadeva bhavati. kaḥ punaṇryati yata vā viśeṣaḥ; yāvatobhayatrāpi tadeva rūpamiti, vyatpratyaye'pi vṛddhyā na bhavitavyam(), tathā ca prāguktam()--"parāpi satī vṛddhirnityatvābhumā bādhyate" iti? ata āha--"tatra" ityādi. tatra ṇyati sati titsvaritatvāt? "gatikārakopapadāt? kṛt()" 6.2.138 iti prakṛtisvaraḥ; tenālambhya ityudāharaṇamantyasvaritaṃ bhavati. yati tu "yato'nāvaḥ" 6.1.207 ityādyudāttatve sati prakṛtivadbhāvenāpyudāttatvamityasti viśeṣaḥ. "labhyam()" iti. yadantametat(). "evamālabhya" ityetadapi. ālabhyata iti bhāve karmaṇi vā lakāraḥ. "anuṣaṅgalopaḥ kriyate" iti. "anidatām()" 6.4.24 ityādinā॥

āṅo yi. `idito num dhāto'rityato numiti, `labheśce'tyato labheriti cā'nuvartate. tadāha– āṅaḥ parasyeti. vivakṣite iti. `yī' iti viṣayasaptamīti bhāṣye spaṣṭam. `vivakṣite' ityasya prayojanamāha–numi kṛte iti. yatpratyaye vivakṣite tatpravṛtteḥ prāgeva numi kṛte adupadhatvā'bhāvādyatpratyayasyā'pravṛtteṇryadevetyarthaḥ. `yati pare nu'mityarthe tu adupadhatvādyadeva syānnatu ṇyaditi bhāvaḥ. ālambhyo gauriti. yadyapi yaṇṇyatorna rūpabhedastathāpi ṇyati kṛte `titsvarita'miti svaritatvam, yati tu `yato'nāvaḥ' ityādyudāttatvamiti svarabhedaḥ phalam.

āṅo yi 666, 7.1.65 āṅo yi. "idito num dhāto"rityato numiti, "labheśce"tyato labheriti cā'nuvartate. tadāha-- āṅaḥ parasyeti. vivakṣite iti. "yī" iti viṣayasaptamīti bhāṣye spaṣṭam. "vivakṣite" ityasya prayojanamāha--numi kṛte iti. yatpratyaye vivakṣite tatpravṛtteḥ prāgeva numi kṛte adupadhatvā'bhāvādyatpratyayasyā'pravṛtteṇryadevetyarthaḥ. "yati pare nu"mityarthe tu adupadhatvādyadeva syānnatu ṇyaditi bhāvaḥ. ālambhyo gauriti. yadyapi yaṇṇyatorna rūpabhedastathāpi ṇyati kṛte "titsvarita"miti svaritatvam, yati tu "yato'nāvaḥ" ityādyudāttatvamiti svarabhedaḥ phalam.