1/42:ruṭi dṛśiguṇapratiṣedhaḥ |*
2/42:ruṭi dṛśiguṇaḥ prāpnoti |
3/42:adṛśran asya ketavaḥ iti |
4/42:tasya pratiṣedhaḥ vaktavyaḥ |
5/42:parasmin iti kṅiti ca iti pratiṣedhaḥ bhaviṣyati |
6/42:evam api adṛśram asya ketavaḥ iti atra prāpnoti |
7/42:evam tarhi pūrvāntaḥ kariṣyate |
8/42:pūrvānte śīṅaḥ guṇavidhiḥ pūrvānte śīṅaḥ guṇaḥ vidheyaḥ : śerate |*
9/42:sūtram ca bhidyate |
10/42:yathānyāsam eva astu |
11/42:nanu ca uktam ruṭi dṛśiguṇapratiṣedhaḥ iti |
12/42:pūrvānte api eṣaḥ doṣaḥ |
13/42:katham |
14/42:ayam dṛśiguṇaḥ pratiṣedhaviṣaye ārabhyate saḥ yathā eva kṅiti ca iti etam pratiṣedham bādhate evam anupadhāyāḥ api prasajyeta |
15/42:tasmāt ubhābhyām dṛśeḥ akpratyayāntaram vaktavyam pitaram ca dṛśeyam mātaram ca dṛśeyam iti evam artham |
16/42:jhādeśāt āṭ leṭi jhādeśāt āṭ leṭi bhavati vipratiṣedhena |*
17/42:jhādeśasya avakāśaḥ |
18/42:lunate lunatām alunata |
19/42:āṭaḥ avakāśaḥ |
20/42:patāti didyut |
21/42:udadhim cyāvayāti |
22/42:iha ubhayam prāpnoti |
23/42:api naḥ śvaḥ vijaniṣyamāṇāḥ patibhiḥ saha śayāntai |
24/42:āṭ leṭi bhavati vipratiṣedhena |
25/42:saḥ tarhi pūrvavipratiṣedhaḥ vaktavyaḥ |
26/42:na vā nityatvāt āṭaḥ |*
27/42:na vā vaktavyaḥ |
28/42:kim kāraṇam |
29/42:nityatvāt āṭaḥ |
30/42:nitaḥ āḍāgamaḥ |
31/42:saḥ katham nityaḥ |
32/42:yadi anakārāntagrahaṇam jhakāraviśeṣaṇam |
33/42:atha hi pratyayaviśeṣaṇam jhādeśaḥ api nityaḥ |
34/42:antaraṅgalakṣaṇatvāt ca |*
35/42:antaraṅgaḥ khalu api āḍāgamaḥ |
36/42:katham antaraṅgaḥ |
37/42:yadi prāk lādeśāt dhātvadhikāraḥ |
38/42:atha hi lādeśe dhātvadhikāraḥ anuvartate ubhayam samānāśrayam |
39/42:yadi eva anakārāntagrahaṇam pratyayaviśeṣaṇam atha api lādeśe dhātvadhikāraḥ anuvartate ubhayathā api pūrvavipratiṣedhena na arthaḥ |
40/42:katham |
41/42:bahulam chandasi iti evam atra śapaḥ luk na bhaviṣyati |
42/42:tatra anataḥ iti pratiṣedhaḥ bhaviṣyati |

śīṅo 'ṅgāduttarasya jhādeśasya ataḥ ruḍāgamo bhavati. śerate. śeratām. aśerata. ruḍayaṃ parādiḥ kriyate. sa yadi jhakārasya eva syādadādeśo na syādityata eva ayam ādeśasya āgamo vidhīyate. sānubandhagrahaṇam āṅlugartham. tena iha na bhavati, vyatiśeśyate.

śīṅo ruṭ 7.1.6 śīṅo 'ṅgāduttarasya jhādeśasya ataḥ ruḍāgamo bhavati. śerate. śeratām. aśerata. ruḍayaṃ parādiḥ kriyate. sa yadi jhakārasya eva syādadādeśo na syādityata eva ayam ādeśasya āgamo vidhīyate. sānubandhagrahaṇam āṅlugartham. tena iha na bhavati, vyatiśeśyate.

śīṅo ruṭ?. , 7.1.6 "jhādeśasyāto ruḍāgamo bhavati" iti. nanu na cehādgrahaṇamasti, yadapi prakṛtaṃ tadapi prathamāntam(), ṣaṣṭhīnirdeśena cehārthaḥ, tat? kathaṃ jhādeśasyāto ruḍāgamo bhavatīti śakyaṃ vijñātum()? naitadasti; "tasmādityuttarasya" 1.1.66 iti śīṅa ityeṣā pañcamī adityasyāḥ prathamāyāḥ ṣaṣṭhītvaṃ parikalapayiṣyatītyadoṣaḥ. "śerate" iti. "śūṅaḥ sārvadhātuke guṇaḥ" 7.4.21. nanu cātra ruṭā vyavahitaṃ sārvadhātukam(), tatkuto guṇaḥ, na hrayaṃ sārvadhātukabhaktastat? kathaṃ vyavadhāyako na syāt(), acachabdasya sārvadhātukāvayavasyāyamavayava iti tadgrahaṇena gṛhrate, na sārvadhātukagrahaṇena; avayavāvayavasya samudāyānavayavatvāt(); tathā hi--"che ca" (6.1.73) ityatroktam()--"nāvayavāvayavaḥ samudāyāvayavo bhavati" iti? naiṣa doṣaḥ; avayavāvayavo'pi samudāyāvayavo bhavatyeva. tathā hi--devadatto'laṃktiyatāmityukte devadattasya ye'vayavā hastapādāyastavayavāścaṅgulyādayo'laṃkriyante. tasmāt? sārvadhātukāvayavasyācchabdasya yo'vayavo ruḍāgayaḥ, so'pi sārvadhātukāvayava iti tadgrahaṇena gṛhrate, ato nāsti vyavadhānam(). yatpunaḥ "che ca" 6.1.71 ityatroktam()--nāvayavāvayavaḥ samudāyāvayavo bhavatīti, tat? tatsūtravihitameva tugāgamamabhipretyoktam(), sa tugavayavāvayavo'pi samudāyagrahaṇena na gṛhrata iti kṛtvā. kasmāt? punarna gṛhrate? hyasvānukarṣaṇasāmathryāt(). tatra hi cakāreṇa hyasvo'nukṛṣyate--hyasvamātrasyāgamitvaṃ yathā syāt(), hyasvantasya mā bhūditi. yadi hyasvāntasyāgamitvaṃ syāt, cicchidatuḥ, cicchidurityatra tuko'bhyāsagrahaṇena grahaṇāddhalādiśeṣeṇa nivṛttiḥ syāt(). yadi ca tatsūtravihitastugavayavāvayavaḥ samudāyagrahaṇena na gṛhrate, tadā hyasvamātrasyāyamitve halādiśeṣeṇa nivṛttiḥ syādeva; hyasvavayavasya tuko'bhyāsagrahaṇena grahaṇāt(). tataśca hyasvānukarṣaṇamanarthakaṃ syāt(). atha kimarthamadādeśasya ruṅ? vidhīyate, na jhakārasya vidhīyatām(), tatrāyamarthaḥ--ata #iti ṣaṣṭhī prakalpayitavyā na bhavati; jha ityasya ṣaṣṭha()ntasya prakṛtatvāt()? ata āha--"ruḍayam()" ityādi. yadi kakāramanubandhamāsanya pūrvāntaḥ kriyata, tadā śerata ityatra guṇo na syāt(); anigantatvāt(). tasmānmā bhūdeṣa doṣa iti ruḍayaṃ parādiḥ kriyate; parādirapi kriyamāṇo yadi jhakārasyaiva syāt? kimaniṣṭaṃ syāt()? ityāha--"yadi" ityādi. jhakārasyaiva ruṭ? syāt? tadā'dādeśo na syāt(). tato yathā śayāntai--ityatrāṭā vyavahitatvādadādeśo na bhavati; tathā śerate ityatrāpi na syāt(); ruṭā vyavahitatvāt(). tasmādasya doṣasya parihārārtham()--ata eva ruḍāgamo vidhīyate, na jhakārasyeti kecidvyācakṣate, etaccāsamyak(); jhakārasya kriyamāṇo ruṭ? tasyaiva bhakto bhavati, tatkathaṃ tena vyavadhānaṃ bhavet()! na hi svāvayavena vyavadadhātyeva. tasmādasadvyākhyanametadityanyathā vyākhyāyate--adādeśo na syādityatra jhakārasyetyetadapekṣate, tadayamartho bhavati--yadi ruḍāgamo jhakārasyaiva syāt? tadādādeśastasyaiva na syāt(). kasya tarhi syāt()? tasyaiva ruṭaḥ syāt(); "ādeḥ parasya" 1.1.53 iti vacanāt(). anekāltve'pi sarvādeśo na bhavati; ruṭa ānarthakyaprasaṅgāt(). ruṭo vidhānasāmathryānna bhaviṣyatīti cet()? naitadasti; uttarārtha ruṅavidhānaṃsyāt(). "bahulaṃ chandasi" 7.1.8 ityatra rujāgamo yathā syāt(). na hradṛśrannityataṭā sidhyati. tasmājtākaśravaṇaṃ ruṅ()vidheḥ prayojanam(). tadetasya doṣasya nirāsāyādādeśasya ruṅvidhīyate; na jhakārsaya. "śīṅaḥ" ityanubandhena nirdeśe yaṅlugnivṛttyarthaḥ--vyatiśesyata iti॥

śīṅo ruṭ 587, 7.1.6 śīḍaḥ parasya jhādeśasyāto ruḍāgamaḥ syāt. śerate. śeṣe. śayāthe. śedhve. śaye. śevahe. śemahe. śiśye. śiśyāte. śiśyire. śayitā. śayiṣyate. śetām. śayātām. aśeta. aśayātām. aśerata. śayīta. śayīyātām. śayīran. śayiṣīṣṭa. aśayiṣṭa. aśayiṣyata॥ iṅ adhyayane॥ 20॥ iṅikāvadhyupasargato na vyabhicārataḥ. adhīte. adhīyāte. adhīyate॥

śīṅo ruṭ. `jho'ntaḥ' ityato jha ityanuvartate. `adabhyastā' dityato'dityanuvṛttaṃ ṣaṣṭha\ufffdā vipariṇamyate. tadāha–śīṅaḥ parasyeti. ruṭi ukāra uccāraṇārthaḥ. ṭittvādādyavayavaḥ. śedhve iti. `ṣīdhvaṃluṅliṭā'mityukterna ḍhaḥ. śiśye iti. śiśyiṣe. śiśyiḍhve–śiśyidhve. śayiteti. śayiṣyate. śetām śayātām śeratām. seṣva śayāthām śedhvam. śayai śayāvahai śayāmahai. aśeta aśayātām aśerata. aśethāḥ aśayāthām.aśedhvam. aśayi aśevahi aśemahi. śayīta. śayiṣīṣṭa. aśayiṣṭeti. aśayiṣyatetyapi jñeyam. stautyantā iti. `ṣṭuñ stutā'vityataḥ prāktanā ityarthaḥ. ūrṇustūbhayapadīti. ñittvāditi bhāvaḥ. yu miśraṇe'miśraṇe ceti. amiśraṇaṃ pṛthagbhāvaḥ. seḍayam.

śīṅo ruṭ 273, 7.1.6 śīṅo ruṭ. "jho'ntaḥ" ityato jha ityanuvartate. "adabhyastā" dityato'dityanuvṛttaṃ ṣaṣṭha()ā vipariṇamyate. tadāha--śīṅaḥ parasyeti. ruṭi ukāra uccāraṇārthaḥ. ṭittvādādyavayavaḥ. śedhve iti. "ṣīdhvaṃluṅliṭā"mityukterna ḍhaḥ. śiśye iti. śiśyiṣe. śiśyiḍhve--śiśyidhve. śayiteti. śayiṣyate. śetām śayātām śeratām. seṣva śayāthām śedhvam. śayai śayāvahai śayāmahai. aśeta aśayātām aśerata. aśethāḥ aśayāthām.aśedhvam. aśayi aśevahi aśemahi. śayīta. śayiṣīṣṭa. aśayiṣṭeti. aśayiṣyatetyapi jñeyam. stautyantā iti. "ṣṭuñ stutā"vityataḥ prāktanā ityarthaḥ. ūrṇustūbhayapadīti. ñittvāditi bhāvaḥ. yu miśraṇe'miśraṇe ceti. amiśraṇaṃ pṛthagbhāvaḥ. seḍayam.

śīṅo ruṭ. `jho'ntaḥ' ityato `jha' ityanuvartate. `adabhyastā'dityato'diti ca. tathā ceṣṭānurodhenā'diti prathamāntasya ṣaṣṭha\ufffdntatvamāśritya vyācaṣṭe jhādeśasyā'ta iti. jhasyaiva ruḍāgame tu adādeśo durlabha ityadityasyāpyanuvṛttiḥ kṛtā. śiśye iti. `eranekācaḥ' iti yaṇ. śetām. śayātām. śeratām. śedhvam.

śīṅo ruṭ 239, 7.1.6 śīṅo ruṭ. "jho'ntaḥ" ityato "jha" ityanuvartate. "adabhyastā"dityato'diti ca. tathā ceṣṭānurodhenā'diti prathamāntasya ṣaṣṭha()ntatvamāśritya vyācaṣṭe jhādeśasyā'ta iti. jhasyaiva ruḍāgame tu adādeśo durlabha ityadityasyāpyanuvṛttiḥ kṛtā. śiśye iti. "eranekācaḥ" iti yaṇ. śetām. śayātām. śeratām. śedhvam.