ātmanepadeṣu yastakāraḥ tasya chandasi viṣaye lopo bhavati. devā aduhra. gandharvāpsaraso aduhra. aduhata iti prāpte. duhāmaśvibhyāṃ payo aghnyeyam. dugdhām iti prāpte. dakṣiṇata upaśaye. śete iti prāpte. api ityadhikārān na bhavati, tatra ātmānamanṛtaṃ kurute. ātmanepadeṣu iti kim? vatsaṃ duhanti kalaśaṃ caturbilam.

lopas ta ātmanepadeṣu 7.1.41 ātmanepadeṣu yastakāraḥ tasya chandasi viṣaye lopo bhavati. devā aduhra. gandharvāpsaraso aduhra. aduhata iti prāpte. duhāmaśvibhyāṃ payo aghnyeyam. dugdhām iti prāpte. dakṣiṇata upaśaye. śete iti prāpte. api ityadhikārān na bhavati, tatra ātmānamanṛtaṃ kurute. ātmanepadeṣu iti kim? vatsaṃ duhanti kalaśaṃ caturbilam.

lopasta ātmanepadeṣu. , 7.1.41 "aduhya" iti. duherlaṅa, adāditvācchapo luk(), "ātmanepadeṣvanataḥ" 7.1.5 ityādeśaḥ, "bahulaṃ chandasi" 7.1.8 iti ruṭ(), takāralope kṛte dvayorakārayoḥ "ato guṇe" 6.1.94 parūpatvam(). duhyām()" iti. loṭ(), bahuvacanaṃ jhaḥ, ṭeretvam(), āmādeśaḥ, jhādeśasyāte ruḍāgamaḥ, pūrvacchapo luk(), takāralope kṛte "akaḥ savarṇe dīrghaḥ, 6.1.10. "śaye" iti. laṭ(), ekavacanāntaḥ, "śīṅaḥ sārvadhātuke guṇaḥ" 7.4.21, śapo luk(). "duhām()" iti. loṭ? ekavacanāntaḥ, ṭerettvam(), "āmetaḥ" 3.4.90 ityām(). "dugdhām()" iti. "dāderdhātordhaḥ 8.2.32, "jhaṣastathordho'dhaḥ" 8.2.40 iti dhatvam(), "jhalāṃ jaś? śaśi" 8.4.55 iti dhakārasyā gakāraḥ. "apītyadhikarāt()" ityādi. "ktvādi chandasi" 7.1.38 ityato'pītyanuvatrtate, tatraivamabhisambandhaḥ kriyate--lopo bhavati śravaṇamapīti; tena kuruta ityatra na bhavati. karoterguṇe kṛte "ata utsārvadhātuke" 6.4.110 ityuttvam(). yadi apiśabdānuvṛtteḥ kvacicchravaṇamipa bhavati, ata eva hetoḥ parasmaipadeṣu na bhavatīti kimātmanepadagrahaṇena? evaṃ tarhi vispaṣṭārthamātmanepadagrahaṇam()॥