1/14:kim ayam bhyamśabdaḥ āhosvit abhyamśabdaḥ |
2/14:kutaḥ sandehaḥ |
3/14:samānaḥ nirdeśaḥ |
4/14:kim ca ataḥ |
5/14:yadi tāvat bhyamśabdaḥ śeṣe lopaḥ ca antyasya etvam prāpnoti |
6/14:atha abhyamśabdaḥ śeṣe lopaḥ ca ṭilopaḥ udāttnivṛttisvaraḥ prāpnoti |
7/14:yathā icchasi tathā astu |
8/14:astu tāvat abhyamśabdaḥ śeṣe lopaḥ ca antyasya |
9/14:nanu ca uktam ettvam prāpnoti iti |
10/14:na eṣaḥ doṣaḥ |
11/14:aṅgavṛtte punaḥ vṛttau avidhiḥ niṣṭhitasya iti na bhaviṣyati |
12/14:atha vā punaḥ astu abhamśabdaḥ śeṣe lopaḥ ca ṭilopaḥ |
13/14:nanu ca uktam udāttanivṛttisvaraḥ prāpnoti iti |
14/14:na eṣaḥ doṣaḥ uktam etat ādau siddham iti

yuṣmadasmadbhyām uttarasya bhyasaḥ bhyam ityayam ādeśo bhavati. yuṣmabhyaṃ dīyate. asmabhyaṃ dīyate. bhyamādeśe kṛte śeṣelope ca bahuvacane jhalyet 7-3-103 iti etvaṃ prāpnoti, tataṅgavṛtte punarvṛttāvavidhirniṣṭhitasya iti na bhavati. kecit punarabhyamādeśametvanivṛttyarthaṃ kurvanti. yeṣāṃ tu śeṣelopaḥ ṭilopaḥ, teṣām abhyamādeśa eva. udāttanivṛttisvaraścādereva bhavati.

bhyaso bhyam 7.1.30 yuṣmadasmadbhyām uttarasya bhyasaḥ bhyam ityayam ādeśo bhavati. yuṣmabhyaṃ dīyate. asmabhyaṃ dīyate. bhyamādeśe kṛte śeṣelope ca bahuvacane jhalyet 7.3.103 iti etvaṃ prāpnoti, tataṅgavṛtte punarvṛttāvavidhirniṣṭhitasya iti na bhavati. kecit punarabhyamādeśametvanivṛttyarthaṃ kurvanti. yeṣāṃ tu śeṣelopaḥ ṭilopaḥ, teṣām abhyamādeśa eva. udāttanivṛttisvaraścādereva bhavati.

bhyaso bhyam?. , 7.1.30 "yuṣmabhyam(), asmabhyam()" iti. "śeṣe lopaḥ" 7.2.90 ityantalopaḥ. yadi bhyamādeśo'yam(), evaṃ sati tatra vihite śeṣelope ca "bahuvacane jhalyet()" 7.3.103 ityettvaṃ prāpnoti, tataścāniṣṭarūpamāpadyeta? ityata āha--"bhyamādeśe kṛte" ityādi. vatrtanaṃ vṛttam(), aṅge vṛttaṃ yasya tadaṅgavṛttaṃ kāryam(), tasminnaṅgavṛtte kārye punarattarakālamaṅgavṛttāvaparasya kāryasya prāptau tasya kāryasyādidhiḥ;=avidhānam(). niṣṭhitasyetyanena yatsamambandhinaḥ kāryasyāvidhirbhavati tadaṅgaṃ viśiṣyate. niṣṭhitam()=parisamāptam(), prayogārhamaṅgam. tatsambandhinaḥ kāryasyāvidhirbhavati, nānyasambandhina ityarthaḥ. "kecit()" ityādi. teṣāmantyalope kṛte "ato guṇe" 6.1.94 pararūpatvaṃ bhavati. "yeṣāṃ tu" ityādi. yaiḥ "śeṣe lopaḥ" 7.2.90 ityantalopaḥ kriyate, teṣāṃ matabhedaḥ--te hi kecidbhyamādeśamicchanti, kecidabhyamādeśam(). yeṣāṃ tu śeṣelopaṣṭilopaḥ teṣāṃ matenāyamabhyamādeśa eva, na bhyamādeśaḥ; anyathā yuṣmabyamiti na sidhyevitayabhiprāyaḥ. yadi tarhi śeṣelopaṣṭilopaḥ, evaṃ sati "anudāttasya yatrodāttalopaḥ" (6.1.101) ityanenābhyam()śabdasyān()todāttatvaṃ syāt()? ityata āha--"udāttanivṛttisvaraśca" ityādi. pūrvapakṣavādinodāttanivṛttisvaravidhau "karṣātvato ghaño'nta udāttaḥ" 6.1.153 ityato'ntagrahaṇamanuvatrtata iti manyamānena coditan(). uttarapakṣavādinā tu "antagrahaṇaṃ tatra nivṛttamuccāraṇakramapratayāsattyā cāderevodāttatvena bhavituṃ yuktam()" iti. manyamānena parihmatam()॥

bhyasobhyam. bhyam abhyamiti vā chedaḥ. tadāda-bhyasa iti. `yuṣmadasmadbhyāṃ parasye'ti śeṣaḥ, `yuṣmadasmadbhyāṃ ṅaso'ś' ityatastadanuvṛtteḥ. nanu byamādeśapakṣe `śeṣe lopaḥ' ityado lope yuṣmabhyamasmabhyamiti makārādakāro na śrūyetetyata āha–ādya iti. lakṣyānurodhādihā'ntyalopapakṣa evāśrayaṇīyaḥ. nanvantyalopapakṣe dakārasya lope sati `bahuvacane jhalyet' ityettvaṃ syādityata āha–tatrāṅgavṛtteti. `aṅgavṛtteḥ punarvṛttāvavidhi'riti paribhāṣayetyarthaḥ. aṅgevṛttaṃ vartanaṃ yasya tat-aṅgavṛttaṃ, tasmin kārye pravṛtte sati anyasya aṅgakāryasya vṛttau pravṛttiviṣaye avidhiḥ=vidirnāstītyarthaḥ. prakṛte ca śeṣalope aṅgakārye pravṛtte sati, anyat aṅgakāryamettvaṃ na bhavatīti bhāvaḥ. abhyam tviti. abyamādeśastu ṭilopapakṣe antyalopapakṣe ca anukūla ityarthaḥ. tatra antyalopapakṣe abhyamo jhalāditvā'bhāvāttasmin pare ettvaṃ na. kintu pararūpe sati yuṣmabhyam asmabhyam iti sidhyati. ṭilopapakṣe tu aṅgasya adantatvā'bhāvādapi ettvaṃ na.

bhyaso'bhyam , 7.1.30 bhyasobhyam. bhyam abhyamiti vā chedaḥ. tadāda-bhyasa iti. "yuṣmadasmadbhyāṃ parasye"ti śeṣaḥ, "yuṣmadasmadbhyāṃ ṅaso'ś" ityatastadanuvṛtteḥ. nanu byamādeśapakṣe "śeṣe lopaḥ" ityado lope yuṣmabhyamasmabhyamiti makārādakāro na śrūyetetyata āha--ādya iti. lakṣyānurodhādihā'ntyalopapakṣa evāśrayaṇīyaḥ. nanvantyalopapakṣe dakārasya lope sati "bahuvacane jhalyet" ityettvaṃ syādityata āha--tatrāṅgavṛtteti. "aṅgavṛtteḥ punarvṛttāvavidhi"riti paribhāṣayetyarthaḥ. aṅgevṛttaṃ vartanaṃ yasya tat-aṅgavṛttaṃ, tasmin kārye pravṛtte sati anyasya aṅgakāryasya vṛttau pravṛttiviṣaye avidhiḥ=vidirnāstītyarthaḥ. prakṛte ca śeṣalope aṅgakārye pravṛtte sati, anyat aṅgakāryamettvaṃ na bhavatīti bhāvaḥ. abhyam tviti. abyamādeśastu ṭilopapakṣe antyalopapakṣe ca anukūla ityarthaḥ. tatra antyalopapakṣe abhyamo jhalāditvā'bhāvāttasmin pare ettvaṃ na. kintu pararūpe sati yuṣmabhyam asmabhyam iti sidhyati. ṭilopapakṣe tu aṅgasya adantatvā'bhāvādapi ettvaṃ na.

pakṣadvaye'pi sādhuriti. nanvantyalopapakṣe pararūpaṃ bādhitvā savarṇagadīrghaḥ syādakāroccāraṇasāmathryājiti cedatrāhuḥ, bahuvacane jhalye'dityettvanivṛtyā'kārotaccāraṇasya caritārthatvāditi. yadyapyaṅgavṛttaparibhāṣayā etvaṃ suparuharaṃ, tathāpi tasyā anityatve idamapyakāroccāraṇaṃ jñāpakamiti tattvam.

bhyaso'bhyam 351, 7.1.30 pakṣadvaye'pi sādhuriti. nanvantyalopapakṣe pararūpaṃ bādhitvā savarṇagadīrghaḥ syādakāroccāraṇasāmathryājiti cedatrāhuḥ, bahuvacane jhalye"dityettvanivṛtyā'kārotaccāraṇasya caritārthatvāditi. yadyapyaṅgavṛttaparibhāṣayā etvaṃ suparuharaṃ, tathāpi tasyā anityatve idamapyakāroccāraṇaṃ jñāpakamiti tattvam.