akārāntānnapuṃsakāduttarayoḥ svamoḥ am ityayam ādeśo bhavati. kuṇḍaṃ tiṣṭhati. kuṇḍaṃ paśya. pīṭham. makāraḥ kasmān na kriyate? dhīrghatvaṃ prāpnoti.

ato 'm 7.1.24 akārāntān napuṃsakāduttarayoḥ svamoḥ am ityayam ādeśo bhavati. kuṇḍaṃ tiṣṭhati. kuṇḍaṃ paśya. pīṭham. makāraḥ kasmān na kriyate? dhīrghatvaṃ prāpnoti.

ato'm?. , 7.1.24 pūrveṇa prāpatasaya luko'yamapavādaḥ. taparakaraṇaṃ mukhasukhārtham(); na tu dīrghanivṛttyartham(). dīrghasyābhāvāt(). abhāvastu "hyasvo napuṃsake prātipadikasya" 1.2.47 iti hyasvavidhānāt(). atha kimarthamambhāva ucyate, na makārādeśa evocyeta? na caivam(); "ādeḥ parasya" 1.1.53 iti dvitīyaikavacanākārasya makāre kṛte dvayormakārayoḥ śralaṇaṃ prāpnoti; ekasya saṃyogāntalopenāpahmatatvāt(). nāpi "supi ca" 7.3.102 iti yañādau supi vidhīyamānaṃ dīrghatvaṃ prāpnoti; "sannipātalakṣaṇo vidhiranimittaṃ tadvighātasya" (vyā.pa.12) iti vacanāt(). akārāntasannipāte hi makāravidhiḥ, sa kathamakāravighātasya nimittaṃ syāt()? evaṃ tarhi makārādeśe vighātavye'mā deśaṃ kurvannetajjñāpayati--nityaiṣā paribhāṣeti. tenātijarasāt(), atijarasairiti jarasādeśaḥ siddho bhavati॥

ato'm 235, 7.1.24 ato'ṅgāt klībātsvamoram. ami pūrvaḥ. jñānam. eṅhrasvāditi hallopaḥ. he jñāna॥

jñānaśabdātsuḥ `svamornapuṃsakā'diti tasya luki prāpte–ato'm. `ata' iti pañcamī. `aṅgasye'tyadhikṛtaṃ pañcamyā vipariṇamyate, `ata' ityanena viśeṣyate. tena tadantavidhiḥ. `svamornapuṃsakā'dityanuvartate. tadāha–ato'ṅgāditi. adantādaṅgādityarthaḥ. jñānamiti. sorami kṛte ami pūrvarūpamiti bhāvaḥ. amo'mvidhānaṃ tu `svamornapuṃsakā'diti luṅnivṛttyartham. nanu `ato-m' ityevacchedo'stu. sormakārādeśe jñānamiti siddheḥ. ami ca `ādeḥ parasye'tyakārasya makāre'ntyasya makārasya saṃyogāntalopenaiva jñānamiti siddheriti cet, maivam-evaṃ sati jñānamityatra `supi ce'ti dīrghāpatteḥ. na ca adantasaṃnipātamāśritya pravṛttasya mādeśasya tadvighātakadīrghanimittatvaṃ na saṃbhavati, saṃnipātaparibhāṣāvirodhāditi vācyaṃ, `supi ce'ti dīrghe kartavye saṃnipātaparibhāṣāyā apravṛtterityuktatvādityalam. jñāneti. he jñānas iti sthite sorami kṛte pūrvarūpe `eṅhyasvā'diti makāralope he jñāneti rūpam. nanveṅhyasvādityatra saṃbuddhyākṣiptasya saṃbuddhayaivānvaya ucitaḥ, tataśca eṅantādhyasvāntāccāṅgāt parā yā saṃbuddhistadavayavasya halo lopa iti labhyate. tataśca prakṛte pūrvarūpe kṛte tasya pūrvāntatvāśrayaṇe jñānetyadantamaṅgam. tataḥ parā saṃbuddhirnāsti, makāramātrasyā'saṃbuddhitvāt, susthānikasyāma eva saṃbuddhitvāt, adrdhavikāreṇa ekadeśavikṛtanyāyānavatārācca. na ca pūrvarūpātprāk `eṅhyasvā'dityasya pravṛttiḥ kiṃ na syāditi vācyaṃ, paratvātpūrvarūpasyaiva pūrvaṃ pravṛtteḥ. na ca pūrvāntatvātpūrvarūpasyā'ṅgantarbhāvājjñānetyadantamaṅgam, parāditvācca am ityasya saṃbuddhitvaṃ cetyāśritya tadavayavahalo makāramātrasya `eṅhyasvā'diti lopo nirbādha iti vācyam, `ubhayata āśrayaṇe nāntādiva'diti niṣedhādityata āha– eṅhyasvāditi halmātralopa iti. pūrvarūpe kṛte saṃbuddhermakāramātraṃ yat pariśiṣṭaṃ tasya `eṅhyasvā'diti lopa ityarthaḥ. lakṣyānurodhātsaṃbuddhyākṣiptamaṅgaṃ saṃbuddhau nānveti, kiṃtu saṃba#uddhyavayavahalyevānveti. tataśca eṅantāddhrasvāntāccāṅgātparo yaḥ saṃbuddhyavayavahal tasya lopa iti labhyate. prakṛte ca pūrvarūpe kṛte'pi hyasvāntādaṅgātparatvaṃ saṃbuddhyavayavasya makāramātrasya astyeveti tasya `ehhyasvā'diti lopo nirbādha ityanyatra vistaraḥ.

ato'm 307, 7.1.24 jñānaśabdātsuḥ "svamornapuṃsakā"diti tasya luki prāpte--ato'm. "ata" iti pañcamī. "aṅgasye"tyadhikṛtaṃ pañcamyā vipariṇamyate, "ata" ityanena viśeṣyate. tena tadantavidhiḥ. "svamornapuṃsakā"dityanuvartate. tadāha--ato'ṅgāditi. adantādaṅgādityarthaḥ. jñānamiti. sorami kṛte ami pūrvarūpamiti bhāvaḥ. amo'mvidhānaṃ tu "svamornapuṃsakā"diti luṅnivṛttyartham. nanu "ato-m" ityevacchedo'stu. sormakārādeśe jñānamiti siddheḥ. ami ca "ādeḥ parasye"tyakārasya makāre'ntyasya makārasya saṃyogāntalopenaiva jñānamiti siddheriti cet, maivam-evaṃ sati jñānamityatra "supi ce"ti dīrghāpatteḥ. na ca adantasaṃnipātamāśritya pravṛttasya mādeśasya tadvighātakadīrghanimittatvaṃ na saṃbhavati, saṃnipātaparibhāṣāvirodhāditi vācyaṃ, "supi ce"ti dīrghe kartavye saṃnipātaparibhāṣāyā apravṛtterityuktatvādityalam.he jñāneti. he jñānas iti sthite sorami kṛte pūrvarūpe "eṅhyasvā"diti makāralope he jñāneti rūpam. nanveṅhyasvādityatra saṃbuddhyākṣiptasya saṃbuddhayaivānvaya ucitaḥ, tataśca eṅantādhyasvāntāccāṅgāt parā yā saṃbuddhistadavayavasya halo lopa iti labhyate. tataśca prakṛte pūrvarūpe kṛte tasya pūrvāntatvāśrayaṇe jñānetyadantamaṅgam. tataḥ parā saṃbuddhirnāsti, makāramātrasyā'saṃbuddhitvāt, susthānikasyāma eva saṃbuddhitvāt, adrdhavikāreṇa ekadeśavikṛtanyāyānavatārācca. na ca pūrvarūpātprāk "eṅhyasvā"dityasya pravṛttiḥ kiṃ na syāditi vācyaṃ, paratvātpūrvarūpasyaiva pūrvaṃ pravṛtteḥ. na ca pūrvāntatvātpūrvarūpasyā'ṅgantarbhāvājjñānetyadantamaṅgam, parāditvācca am ityasya saṃbuddhitvaṃ cetyāśritya tadavayavahalo makāramātrasya "eṅhyasvā"diti lopo nirbādha iti vācyam, "ubhayata āśrayaṇe nāntādiva"diti niṣedhādityata āha--eṅhyasvāditi halmātralopa iti. pūrvarūpe kṛte saṃbuddhermakāramātraṃ yat pariśiṣṭaṃ tasya "eṅhyasvā"diti lopa ityarthaḥ. lakṣyānurodhātsaṃbuddhyākṣiptamaṅgaṃ saṃbuddhau nānveti, kiṃtu saṃba#uddhyavayavahalyevānveti. tataśca eṅantāddhrasvāntāccāṅgātparo yaḥ saṃbuddhyavayavahal tasya lopa iti labhyate. prakṛte ca pūrvarūpe kṛte'pi hyasvāntādaṅgātparatvaṃ saṃbuddhyavayavasya makāramātrasya astyeveti tasya "ehhyasvā"diti lopo nirbādha ityanyatra vistaraḥ.

athājantā napuṃsakaliṅgāḥ. ato'm. `ata'ityetadadhikṛtasyā'ṅgasya viśeṣaṇaṃ, `svamornapuṃsakā'–diti cānuvartata ityāśayenāha—ato'ṅgādityādi. adantādaṅgadityarthaḥ. svamoriti. amo'mvidhānaṃ `svamornapuṃsakā'diti prāptasya luko bādhānārtham. amsyāditi. yadyapi `m' ityevacchittvā sorme kṛte saṃnipātaparibhāṣayā `supi ce'ti dīrghatvā'prasaktyā `jñāna'miti rūpaṃ sidhyiti. dvitīyaikavacane tu `ādeḥ parasye'tyakārasya makāre kṛte'ntyasya masya saṃyogāntalope siddhamiṣṭam, tathāpi `saṃyogāntalopo jhalaḥ'ityabhiprāyeṇedaṃ vyākhyātam. tadrabhasāt. sorami kṛte saṃnipātaparibhāṣayā jarasādeśasyā'pravṛttyā `atijara'miti rūpasyaiveṣyamāṇatvāt. dvitīyaikavacane tu `ato''miti bādhitvā paratvājjarasi kṛte saṃnipātaparibhāṣayā liko'pravṛttāvatijarasamiti rūpasiddheśceti dik. jñānamiti. jñaptijrñānam. lyuṭ. `yuvoranākau'.`kṛttāddhite'ti prātapadikatvātsvādyutpattiḥ. halmātreti. `he jñāna su'iti sthite saṃbuddhilopātparatvādamādeśe kṛte ami pūrvatve ca tasyā'ntavadbhāvādbhasvāntamaṅgaṃ bhavatīti tataḥ saṃbuddhisaṃbandhino makārasya lopa ityarthaḥ.

ato'm 269, 7.1.24 athājantā napuṃsakaliṅgāḥ. ato'm. "ata"ityetadadhikṛtasyā'ṅgasya viśeṣaṇaṃ, "svamornapuṃsakā"--diti cānuvartata ityāśayenāha---ato'ṅgādityādi. adantādaṅgadityarthaḥ. svamoriti. amo'mvidhānaṃ "svamornapuṃsakā"diti prāptasya luko bādhānārtham. amsyāditi. yadyapi "m" ityevacchittvā sorme kṛte saṃnipātaparibhāṣayā "supi ce"ti dīrghatvā'prasaktyā "jñāna"miti rūpaṃ sidhyiti. dvitīyaikavacane tu "ādeḥ parasye"tyakārasya makāre kṛte'ntyasya masya saṃyogāntalope siddhamiṣṭam, tathāpi "saṃyogāntalopo jhalaḥ"ityabhiprāyeṇedaṃ vyākhyātam.yattvāhuḥ--"a"miti padacchedā'karaṇe "atijirasa"miti na sidhyaditi, tadrabhasāt. sorami kṛte saṃnipātaparibhāṣayā jarasādeśasyā'pravṛttyā "atijara"miti rūpasyaiveṣyamāṇatvāt. dvitīyaikavacane tu "ato'"miti bādhitvā paratvājjarasi kṛte saṃnipātaparibhāṣayā liko'pravṛttāvatijarasamiti rūpasiddheśceti dik. jñānamiti. jñaptijrñānam. lyuṭ. "yuvoranākau"."kṛttāddhite"ti prātapadikatvātsvādyutpattiḥ. halmātreti. "he jñāna su"iti sthite saṃbuddhilopātparatvādamādeśe kṛte ami pūrvatve ca tasyā'ntavadbhāvādbhasvāntamaṅgaṃ bhavatīti tataḥ saṃbuddhisaṃbandhino makārasya lopa ityarthaḥ.