1/37:svamoḥ luk tyadādibhyaḥ ca svamoḥ luk tyadādibhyaḥ ca iti vaktavyam |*
2/37:iha api yathā syāt |
3/37:tat brāhmaṇakulam iti |
4/37:kṛte hi atve na luk bhavet |*
5/37:atve kṛte luk na prāpnoti |
6/37:idam iha sampradhāryam : atvam kriyatām luk iti kim atra kartavyam |
7/37:paratvāt atvam |
8/37:nityaḥ luk |
9/37:kṛte api atve prāpnoti akṛte api |
10/37:anityaḥ luk na hi kṛte atve prāpnoti |
11/37:ataḥ am iti ambhāvena bhavitavyam |
12/37:tasmāt tyadādibhyaḥ ca iti vaktavyam |
13/37:idam vicāryate : śiśīlugnumvidhiṣu napuṃsakagrahaṇam śabdagrahaṇam vā syāt arthagrahaṇam vā iti |
14/37:kaḥ ca atra viśeṣaḥ |
15/37:śiśīlugnumvidhiṣu napuṃsakagrahaṇam śabdagrahaṇam cet anyapadārthe pratiṣedhaḥ |*
16/37:śiśīlugnumvidhiṣu napuṃsakagrahaṇam śabdagrahaṇam cet anyapadārthe pratiṣedhaḥ vaktavyaḥ |
17/37:bahutrapuḥ bahutrapū bahutrapavaḥ iti |
18/37:astu tarhi arthagrahaṇam |
19/37:yadi arthagrahaṇam priyasakthnā brāhmaṇena iti anaṅ na prāpnoti |
20/37:astu tarhi śabdagrahaṇam eva |
21/37:nanu ca uktam śiśīlugnumbidhiṣu napuṃsakagrahaṇam cet anyapadārthe pratiṣedhaḥ iti |
22/37:siddham tu prakṛtārthaviśeṣaṇatvāt |*
23/37:siddham etat |
24/37:katham |
25/37:prakṛtasya arthaḥ viśeṣyate |
26/37:kim ca prakṛtam |
27/37:aṅgam |
28/37:aṅgasya śiśīlugnumaḥ bhavanti napuṃsake vartamānasya |
29/37:katham priyasakthnā brāhmaṇena |
30/37:asthyādiṣu śabdagrahaṇam |*
31/37:asthyādiṣu napuṃsakagrahaṇam śabdagrahaṇam draṣṭavyam |
32/37:yuktam punaḥ idam vicārayitum |
33/37:nanu anena asandigdhena arthagrahaṇena bhavitavyam na hi napuṃsakam nāma śabdaḥ asti |
34/37:kim tarhi ucyate asthyādiṣu śabdagrahaṇam iti |
35/37:atra api arthagrahaṇam eva |
36/37:atra etāvān sandehaḥ kva prakṛtasya arthaḥ viśeṣyate kva gṛhyamāṇasya iti |
37/37:śiśīlugnumvidhiṣu prakṛtasya arthaḥ viśeṣyate asthyādiṣu gṛhyamāṇasya |

su am ityetayoḥ napuṃsakāduttarayoḥ lug bhavati. dadhi tiṣṭhati. dadhi paśya. madhu tiṣṭhati. madhu paśya. trapu. jatu. tadbrāhmaṇakulam ityatra lukā tyadādyatvaṃ 7-2-102 bādhyate, pūrvavipratiṣedhena nityatvād vā. luko hi nimittam 'ato 'm' 7-1-24 iti lakṣaṇāntareṇa vihanyate, na punastyadādyatvena eva. 'yasya ca lakṣaṇāntareṇa nimittaṃ vihanyate na tadanityaṃ bhavati' (pari. 47).

svamor napuṃsakāt 7.1.23 su am ityetayoḥ napuṃsakāduttarayoḥ lug bhavati. dadhi tiṣṭhati. dadhi paśya. madhu tiṣṭhati. madhu paśya. trapu. jatu. tadbrāhmaṇakulam ityatra lukā tyadādyatvaṃ bādhyate, pūrvavipratiṣedhena nityatvād vā. luko hi nimittam ato 'm 7.1.24 iti lakṣaṇāntareṇa vihanyate, na punastyadādyatvena eva. yasya ca lakṣaṇāntareṇa nimittaṃ vihanyate na tadanityaṃ bhavati.

svamornapuṃsakāt?. , 7.1.23 "su" iti yadyapi saptamībahuvacanamasti, tathāpyamā dvitīyaikavacanena sahacaryātprathamaikavacanameva gṛhrate. tadabrāāhṛṇakulamityatra paratvāt? tyadādayatvenaiva bhavitavyam(), tyadādyatve kṛte lugna prāpnoti; "ato'm(), 7.1.24 ityambhāvaprasaṅgāt(), tasmāttyadādyatvātprāg? lugvaktavyaḥ? ityāha--"tadbrāāhṛṇakulamityatra" ityādi. luko'vakāśaḥ--dadhi, madhvityatra, tyadādyatvasyāvakāśaḥ--brāāhṛṇa iti; ihobhayaṃ prāpnoti--tadabrāāhṛṇakulamiti, lugbhavati pūrvavipratiṣedhena. na ca pūrvavipratiṣedho vaktavyaḥ; iṣṭavācitvātparaśabdasya. "nityatvādvā" iti. vāśabdaḥ samuccaye. yadyapi luk(), tyadādyatvañcobhayaṃ prāpnoti, tathāpi luka eva nityatvaṃ vijñāyate. kutaḥ? sāmarthāt(). "lukā tyadādyatve bādhyate" ityatra hīdaṃ hetvantaramuktam(). evañcedamatrārthe hetvantaraṃ sambhavati yadi luko nityatvaṃ bhavati, nānyathā, nityatvaṃ punaḥ kṛtākṛtaprasaṅgitvāt(). tyadādyatvaṃ hi vibhaktāvucyamānaṃ kṛte luki vibhaktyabhāvānna prāpnoti. pratyayalakṣaṇena cāsya prāptinaṃ yuktā; "na lumatāṅgasya" 1.1.62 iti pratiṣedhāt(). lukpunaḥ kṛte tyadādyatve prāpnotyakṛte'pi. nanu ca kṛte tyadādyatve lukaḥ prāptireva nāsti; "ato'm()" 7.1.24 ityapavādavidhānāt(). tasmātso'pyanitya eva? ityāha--"luko hi" ityādi. asati "ato'm()" 7.1.24 iti lakṣaṇe'kārāntamapyaṅgaṃ luko nimittamāsīt(), tadanena lakṣaṇenopajāyamānenāpavādavidhānāllukaṃ pratyanimittabhāvamāpadyate. lugnimittābhāvāpādanameva vighātaḥ. "na punastyadādyatvena" iti. luko nimittabhāvo vihanyata iti sambandhanīyam(). yadi "ato'm()" 7.1.24 ityapavādavidhāyi lakṣaṇāntaraṃ na syāt(), kṛte tyadādyatve syādevākārāntamaṅgaṃ luko nimittam(). tacca "ato'm()" 7.1.24 ityapavādenaiva luko nimittaṃ vyāhanyate, na punastyadādyatvena. yadyevam? tatkimityanityo lugna bhavati? ityāha--"yasya ca" ityādi. lakṣaṇāntaratvaṃ lakṣaṇāntaratvaṃ punarambhāvaśāstrasya tyadādyatvaśāstrāpekṣayā veditavyam()॥

atha vāriśabdaprakriyāṃ darśiyitumāha–svamornapuṃsakāt. `ṣaḍbhyo luk' ityato lugityanuvartate. ityāha–klīvādityādinā. vārīti. soramaśca luki rūpam. naca `ādeḥ parasye'tyamo'kārasyaiva luk syānna tu makārasyāpīti śaṅkyaṃ, pratyayasya lopa eva hi lugityucyate. am iti samudāya eveha pratyayo natu tadekadeśabhūtamakāramātram. ato lugamaḥ sarvādeśa eva bhavati.

svamornapuṃsakāt 317, 7.1.23 atha vāriśabdaprakriyāṃ darśiyitumāha--svamornapuṃsakāt. "ṣaḍbhyo luk" ityato lugityanuvartate. ityāha--klīvādityādinā. vārīti. soramaśca luki rūpam. naca "ādeḥ parasye"tyamo'kārasyaiva luk syānna tu makārasyāpīti śaṅkyaṃ, pratyayasya lopa eva hi lugityucyate. am iti samudāya eveha pratyayo natu tadekadeśabhūtamakāramātram. ato lugamaḥ sarvādeśa eva bhavati.

svamornapuṃsakāt.ayaṃ luk pūrvavipratiṣedhena tyadādyatvasya, kimaḥ kādeśasya ca bādhakaḥ. paratvāddhi tyadādyatve `tadoḥ–'iti sorambhāve ca `saṃ kula'miti syāt. iṣyate tu `tatkula'miti.

svamornapuṃsakāt 279, 7.1.23 svamornapuṃsakāt.ayaṃ luk pūrvavipratiṣedhena tyadādyatvasya, kimaḥ kādeśasya ca bādhakaḥ. paratvāddhi tyadādyatve "tadoḥ--"iti sorambhāve ca "saṃ kula"miti syāt. iṣyate tu "tatkula"miti.