1/29:aśaḥ ekādiṣṭāt smāyādīnām upasaṅkhyānam aśaḥ ekādiṣṭāt smāyādīnām upasaṅkhyānam kartavyam |*
2/29:atha u atra asmai |
3/29:atha u atra asmāt |
4/29:atha u atra asmin iti |
5/29:ekādeśe kṛte ataḥ iti smāyādayaḥ na prāpnuvanti |
6/29:kim punaḥ kāraṇam ekādeśaḥ tāvat bhavati na punaḥ smāyādayaḥ |
7/29:na paratvāt smāyādibhiḥ bhavitavyam |
8/29:na bhavitavyam |
9/29:kim kāraṇam |
10/29:nityatvāt ekādeśaḥ |
11/29:nityaḥ ekādeśaḥ |
12/29:kṛteṣu api smāyādiṣu prāpnoti akṛteṣu api |
13/29:nityatvāt ekādeśe kṛte ataḥ iti smāyādayaḥ na prāpnuvanti |
14/29:kim ucyate aśaḥ iti na iha api kartavyam |
15/29:atra asmai |
16/29:atra asmāt |
17/29:atra asmin iti |
18/29:ekādeśe kṛte ataḥ iti smāyādayaḥ na prāpnuvanti |
19/29:ānupūrvyā siddham etat |
20/29:na atra akṛteṣu smāyādiṣu halādiḥ vibhaktiḥ asti halādau cet rūpalopaḥ na ca akṛtae idrūpalope ekādeśaḥ prāpnoti |
21/29:tat ānupūryā siddham |
22/29:tat tarhi upasaṅkhyānam kartavyam |
23/29:na vā bahiraṅgalakṣaṇatvāt |*
24/29:na vā kartavyam |
25/29:kim kāraṇam |
26/29:bahiraṅgalakṣaṇatvāt |
27/29:bahiraṅgalakṣaṇaḥ ekādeśaḥ |
28/29:antaraṅgāḥ smāyādayaḥ |
29/29:asiddham bahiraṅgam antaraṅge |

akārāntāt sarvanāmnaḥ uttarasya ṅeḥ smai ityayam ādeśo bhavati. sarvasmai. viśvasmai. yasmai. tasmai. kasmai. ataḥ ityeva, bhavate. atho 'tra asmai ityanvādeśe 'śādeśe ekādeśaḥ prāpnoti? tatra antaraṅgatvādekādeśāt pūrvaṃ smaibhāvaḥ kriyate paścādekādeśaḥ iti.

sarvanāmnaḥ smai 7.1.14 akārāntāt sarvanāmnaḥ uttarasya ṅeḥ smai ityayam ādeśo bhavati. sarvasmai. viśvasmai. yasmai. tasmai. kasmai. ataḥ ityeva, bhavate. atho 'tra asmai ityanvādeśe 'śādeśe ekādeśaḥ prāpnoti? tatra antaraṅgatvādekādeśāt pūrvaṃ smaibhāvaḥ kriyate paścādekādeśaḥ iti.

sarvanāmnaḥ smai. , 7.1.14 "bhavate" iti. tyadādyatvaṃ na bhavati. "dviparyantāstyadādayaḥ" (vā.7.2.102) iti bhavacchabdasya tyadāditvābhāvādakārāntatā na bhavati. "atho atra" ityādi codyam(). atra idam? e iti sthite "idamo'nvādeśe" 2.4.32 ityaśādeśe kṛte paramapi smaibhāvaṃ bādhitvā nityatvādekādeśo'kaḥ savarṇe dīrghatvaṃ 6.1.97 prāpnoti. nityatvaṃ punarasya kṛtākṛtaprasaṅgitvāt(). ekādeśe ca kṛte'nakārāntatvāt? smaibāvo na prāpnoti. "tatra" ityādi parīhāraḥ. tatraikādeśe prāpte'ntaraṅgatvāt? pūrvaṃ smaibhāvo vidhīyate, paścādekādeśaḥ. antaraṅgatvaṃ tu smaibhāvasyaikapadāśrayatvāt(). ekādeśasya dvipadāśrayatvāt? bahiraṅgatvam()॥

sarvaśabdāccaturthyekavacane `ṅeryaḥ' iti prāpte–sarvanāmnaḥ smai. `ato bhisa' ityasmādata ityanuvaratte. `ṅerya' ityato `ṅe'riti ca. tadāha–ataḥ sarvetyādinā.

sarvanāmnaḥ smai 213, 7.1.14 sarvaśabdāccaturthyekavacane "ṅeryaḥ" iti prāpte--sarvanāmnaḥ smai. "ato bhisa" ityasmādata ityanuvaratte. "ṅerya" ityato "ṅe"riti ca. tadāha--ataḥ sarvetyādinā.