1/38:kimartham inādeśaḥ ucyate na nādeśaḥ eva ucyeta |
2/38:kā rūpasiddhiḥ : vṛkṣeṇa plakṣeṇa |
3/38:ettve yogavibhāgaḥ kariṣyate |
4/38:katham |
5/38:idam asti |
6/38:bahuvacane jhali et osi ca |
7/38:tataḥ āṅi ca |
8/38:āṅi ca parataḥ ataḥ ettvam bhavati |
9/38:vṛkṣeṇa plakṣeṇa |
10/38:tataḥ āpaḥ sambuddhau ca |
11/38:āpaḥ āṅi ca osi ca iti |
12/38:na evam śakyam |
13/38:iha hi anena iti idrūpalopaḥ prasajyeta |
14/38:jhali lopaḥ kariṣyate |
15/38:na śakyaḥ jhali lopaḥ kartum |
16/38:iha hi doṣaḥ syāt |
17/38:ayā viṣṭā iti |
18/38:evam tarhi anlopāpavādaḥ vijñāsyate |
19/38:katham |
20/38:evam vakṣyāmi |
21/38:an ne ca api ca iti |
22/38:tat nakāragrahaṇam kartavyam |
23/38:na kartavyam |
24/38:kriyate nyāse eva |
25/38:lupanirdiṣṭaḥ nakāraḥ |
26/38:yadi evam na upadhāyāḥ iti dīrghatvam prāpnoti |
27/38:sautraḥ nirdeśaḥ |
28/38:atha vā napuṃsakanirdeśaḥ kariṣyate |
29/38:atha kimartham āt ucyate na at eva ucyeta |
30/38:kā rūpasiddhiḥ vṛkṣāt : plakṣāt |
31/38:savarṇadīrghatvena siddham |
32/38:na sidhyati |
33/38:ataḥ guṇe pararūpam iti pararūpatvam prāpnoti |
34/38:akāroccāraṇasāmarthyāt na bhaviṣyati |
35/38:yadi prāpnuvan vidhiḥ uccāraṇasāmarthyāt bādhyate savarṇadīrghatvam api na prāpnoti |
36/38:na eṣaḥ doṣaḥ |
37/38:yam vidhim prati upadeśaḥ anarthakaḥ saḥ vidhiḥ bādhyate yasya tu vidheḥ nimittam eva na asau bādhyate |
38/38:pararūpam prati akāroccāraṇam anarthakam savarṇadīrghatvasya punaḥ nimittam eva |

akārāntādaṅgāduttareṣām ṭāṅasiṅasām ina āt sya ityete ādeśāḥ bhavanti yathāsaṅkhyam. ṭā ityetasya inādeśo bhavati. vṛkṣeṇa. plakṣeṇa. ṅasi ityetasya āt. vṛkṣāt. plakṣāt. ṅasityetasya syādeśo bhavati. vṛkṣasya. plakṣasya. ataḥ iti kim? sakhyā. patyā. atijarasina, atijarasātiti kecidicchanti. yathā tu bhāṣye tathā na etadiṣyate iti lakṣyate.

ṭāṅasiṅasām inā'tsyāḥ 7.1.12 akārāntādaṅgāduttareṣām ṭāṅasiṅasām ina āt sya ityete ādeśāḥ bhavanti yathāsaṅkhyam. ṭā ityetasya inādeśo bhavati. vṛkṣeṇa. plakṣeṇa. ṅasi ityetasya āt. vṛkṣāt. plakṣāt. ṅasityetasya syādeśo bhavati. vṛkṣasya. plakṣasya. ataḥ iti kim? sakhyā. patyā. atijarasina, atijarasātiti kecidicchanti. yathā tu bhāṣye tathā na etadiṣyate iti lakṣyate.

ṭāṅasiṅasāminātsyāḥ. , 7.1.12 "atijarasinā" ityādi. pūrvavat? samāse kṛte hyasvatve ca jarasādeśaḥ. "kecit()" iti. sūtrakāramatānusāriṇaḥ. yadi hratijarasinetyetat? sūtrakārasya sādhutvenābhimataṃ na syāt(), ṭetyetasya nādeśameva kuryāt(). tatrāpyetve kṛte vṛkṣeṇetyādi sidhyati. kathametatvamiti cet()? evamettvavidhau yogavibhāgaḥ kariṣyate. idamasti--"bahuvacane jhalyet()" 7.3.103, tataḥ "osi ca" 7.3.104, tataḥ "āṅi cāpaḥ" 7.3.105 iti; tatrāṅīti yogavibhāgaḥ katrtavyaḥ--āṅi parato'ta etvaṃ bhavati--vṛkṣeṇa, plakṣeṇa; tataḥ "āpaḥ", "sambuddhau ca" 7.3.106 iti. nanu ca nādeśe satīdama idrūpasya hali lopaḥ prasajyeta, tataścāneneti na sidhyati? naiṣa doṣaḥ; "hali lopaḥ" 7.2.113 ityatra "jarāyā jarasanyatarasyām()" 7.2.101 ityato'nyatarasyāṃgrahaṇamanuvatrtate, sā ca vyavastitavibhāṣā vijñāyate tena nādeśe kṛte satīdrūpasya lopo na bhavati. tadevaṃ nādeśenaiva vṛkṣeṇetyādi. sidhyati. tataḥ sa eva katrtavyaḥ, nenādeśaḥ; kṛtaścāsau, ato'vagamyate--nūnaṃ sūtadrakārasyāti jarasinetyetatsādhutvenābhimatam(), yasya siddhyarthaminādeśaṃ kṛtavānititi. tathā yadyatijarasādityasya sādhutvamabhīṣṭaṃ na syāt? ṅaseradbhāvaṃ vidadhyāt(). tatrāpi akaḥ savarṇe dīrghatvena 6.1.97 vṛkṣādityevamādi siddhyatyeva. nanu cākaḥ savarṇāvapavādaḥ "āto guṇe" 6.1.94 pararūpatvaṃ prāpnoti, tat? kathaṃ siddhyati? naitadasti; akāroccāraṇasāmathryānna bhaviṣyati pararūpam(), anyathā takārameva vidadhyāt(). atra hi "ādeḥ parasya" 1.1.53 ityakārasya takāre vihite saṃyogāntalope vṛkṣādityevamādi sidhyatyeva. atra hi "ādeḥ parasya" 1.1.53 ityakārasya takāre vihite saṃyogāntalope vṛkṣādityevamādi sidhyatyeva. tasmādakāroccaraṇasāmathryāt? pararūpatvaṃ na bhaviṣyatītyadbhāvo vidheyaḥ, kimādbhāveneti? vihitaścādbhāvaḥ, tato'vasīyate--nūnamatijarasādityasya sādhutvaṃ sūtrakārasyābhimataṃ yatsiddhyarthamādbhāvaṃ vihitavāniti. evaṃ sūtrakārasya matamanusarantaḥ kecidatijarasinā, atijarasādityasya sādhutvamicchanti. "yathā tu" ityādi. bhāṣye hi--"atha kimarthaminādeśa ucyate, na nādeśa evocyeta" ityevaṃ granthasandarbheṇenādeśaṃ pratyakhyāya nādeśa eva vyavasthāpitaḥ. "atha kimarthamādipyucyate, na adevocyeta" ityevamādinā granthasandarbheṇa ādādeśaṃ pratyākhyāya adādeśa eva vyavasthāpitaḥ. yadi cātijarasinā, atijarasādityasya sādhutvamiṣṭaṃ syādinādeśamādbhāvaṃ ca bhāṣyakṛnna pratyācakṣīta. na hi prayojane sati pratyākhyānaṃ yuktam(), kṛtañca tayoḥ pratyākhyānam(), tato'vagamyate--"naitadivyate" iti॥

ṭāṅasiṅasām. `aṅgasye'tyadhikṛtaṃ pañcamyā, vipariṇamyate. `ato bhisa' ityasmāt `ata' iti pañcamyantamanuvṛttamaṅgasya viśeṣaṇam. tadantavidhiḥ. tadāha– akārāntādaṅgāditi. `pareṣā'miti śeṣaḥ. `kramā'diti yathāsaṅkhyasūtralabdham. ṭādīnāmiti. ṭā-ṅasi-ṅasāmityarthaḥ. inādaya iti. `ina-āt-sya' ete ityarthaḥ. rāma- ineti sthite ādguṇaḥ. ṇatvamiti. `aṭakupvā'ṅiti nakārasya ṇakāra ityarthaḥ. rāma- bhyām iti sthite `na vibhaktā'viti masya nettvam.

ṭāṅasiṅasāminātsyāḥ 199, 7.1.12 ṭāṅasiṅasām. "aṅgasye"tyadhikṛtaṃ pañcamyā, vipariṇamyate. "ato bhisa" ityasmāt "ata" iti pañcamyantamanuvṛttamaṅgasya viśeṣaṇam. tadantavidhiḥ. tadāha--akārāntādaṅgāditi. "pareṣā"miti śeṣaḥ. "kramā"diti yathāsaṅkhyasūtralabdham. ṭādīnāmiti. ṭā-ṅasi-ṅasāmityarthaḥ. inādaya iti. "ina-āt-sya" ete ityarthaḥ. rāma-ineti sthite ādguṇaḥ. ṇatvamiti. "aṭakupvā"ṅiti nakārasya ṇakāra ityarthaḥ. rāma-bhyām iti sthite "na vibhaktā"viti masya nettvam.

ṭāṅasi. `ato bhisa ai'sityasmādanuvṛttena `ata' ityanena sāmānādhikaraṇyena viśeṣaṇāt `aṅgasye'tyādhikṛtaṃ ṣaṣṭa\ufffdntamapi pañcamyā vipariṇamyate, viśeṣaṇena tadantavidhistadāha–akārāntādaṅgāditi.

ṭāṅasiṅasāminātsyāḥ 167, 7.1.12 ṭāṅasi. "ato bhisa ai"sityasmādanuvṛttena "ata" ityanena sāmānādhikaraṇyena viśeṣaṇāt "aṅgasye"tyādhikṛtaṃ ṣaṣṭa()ntamapi pañcamyā vipariṇamyate, viśeṣaṇena tadantavidhistadāha--akārāntādaṅgāditi.