1/31:yuvoḥ anākau iti ucyate kayoḥ yuvoḥ anākau bhavataḥ |
2/31:pratyayayoḥ |
3/31:katham punaḥ aṅgasya iti anuvartamāne pratyayayoḥ syātām |
4/31:yuśabdavuśabdāntam etat vibhaktau aṅgam bhavati |
5/31:yadi yuśabdavuśabdāntasya aṅgasya anākau bhavataḥ sarvādeśau prāpnutaḥ |
6/31:nirdiśyamānasya ādeśāḥ bhavanti iti evam na bhaviṣyataḥ |
7/31:yatra tarhi vibhaktiḥ na asti |
8/31:nandanā kārikā iti |
9/31:atra api pratyayalakṣaṇena vibhaktiḥ |
10/31:yatra tarhi pratyayalakṣaṇam na asti |
11/31:nandanapriyaḥ kārakapriyaḥ iti |
12/31:mā bhūtām yā asau sāmāsikī vibhaktiḥ tasyām yā asau samāsāt vibhaktiḥ tasyām bhaviṣyataḥ |
13/31:na vai tasyām yuśabdavuśabdāntam aṅgam bhavati |
14/31:bhavet yaḥ yuśabdavuśabdābhyām aṅgam viśeṣayet tasya ānantyayoḥ na syātām |
15/31:vayam khalu aṅgena yuśabdavuśabdau viśeṣayiṣyāmaḥ |
16/31:aṅgasya yuvoḥ anākau bhavataḥ yatratatrasthayoḥ iti |
17/31:yatra tarhi samāsāt vibhaktiḥ na asti |
18/31:nandanadadhi kārakadadhi |
19/31:evam tarhi na ca aparam nimittam sañjñā ca pratyayalakṣaṇena |
20/31:na ca iha param nimittam āśrīyate : asmin parataḥ yuvoḥ anākau bhavataḥ iti |
21/31:kim tarhi aṅgasya yuvoḥ anākau bhavataḥ iti |
22/31:aṅgasañjñā ca bhavati pratyayalakṣaṇena |
23/31:atha vā tayoḥ eva yat aṅgam tannimittatvena āśrayiṣyāmaḥ |
24/31:katham |
25/31:aṅgasya iti sambandhasāmānye ṣaṣṭhī vijñāsyate |
26/31:aṅgasya yau yuvū |
27/31:kim ca aṅgasya yuvū |
28/31:nimittam |
29/31:yayoḥ yuvoḥ aṅgam iti etat bhavati |
30/31:kayoḥ ca etat bhavati |
31/31:pratyayayoḥ

1/57:yuvoḥ anākau iti cet dhātupratiṣedhaḥ |*
2/57:yuvoḥ anākau iti cet dhātupratiṣedhaḥ vaktavyaḥ |
3/57:yutvā yutaḥ yutavān yutiḥ |
4/57:bhujyvādīnām ca | bhujyvādīnām ca pratiṣedhaḥ vaktavyaḥ |*
5/57:bhujyuḥ kaṃyuḥ śaṃyuḥ iti | anunāsikaparatvāt siddham | anunāsikaparayoḥ yuvoḥ grahaṇam na ca etau anunāsikaparau |*
6/57:yadi anunāsikaparayoḥ grahaṇam nandanaḥ kārakaḥ atra na prāpnutaḥ na hi etābhyām yuśabdavuśabdābhyām anunāsikam param paśyāmaḥ |
7/57:anunāsikaparatvāt iti na evam vijñāyate anunāsikaḥ paraḥ ābhyām tau imau anunāsikaparau anunāsikaparatvāt iti |
8/57:katham tarhi |
9/57:anunāsikaḥ paraḥ anayoḥ tau imau anunāsikaparau anunāsikaparatvāt iti |
10/57:yadi anunāsikaparayoḥ grahaṇam itsañjñā prāpnoti |
11/57:tatra kaḥ doṣaḥ |
12/57:tatra ṅībnumoḥ pratiṣedhaḥ | ṅībnumaḥ pratiṣedhaḥ vaktavyaḥ |*
13/57:nandanaḥ kārakaḥ |
14/57:nandanā kārikā |
15/57:ugillakṣaṇau ṅībnumau prāpnutaḥ | dhātvantasya ca | dhātvantasya ca pratiṣedhaḥ vaktavyaḥ |*
16/57:divu sivu |
17/57:ṣiṭṭitkaraṇam tu jñāpakam ugitkāryābhāvasya | yat ayam yuśabdavuśabdau ṣiṭṭitau karoti śilpini ṣvun ṭyuṭyulau tuṭ ca iti tat jñāpayati ācāryaḥ na yuvoḥ ugitkāryam bhavati iti |*
18/57:katham kṛtvā jñāpakam ṣiṭṭitkaraṇe etat prayojanam ṣiṭṭitaḥ iti ikāraḥ yathā syāt |
19/57:yadi ca atra ugitkāryam syāt ṣiṭṭitkaraṇam anarthakam syāt |
20/57:paśyati tu ācāryaḥ na yuvoḥ ugitkāryam bhavati iti tataḥ yuśabdavuśabdau ṣiṭṭitau karoti |
21/57:na vā ṣitkaraṇam ṅīṣvidhānārtham | na etat asti jñāpakam |*
22/57:asti hi anyat etasya vacane prayojanam |
23/57:kim |
24/57:ṣitkaraṇam kriyate ṅīṣvidhānārtham |
25/57:ṣitaḥ iti ṅīṣ yathā syāt |
26/57:ṭitkaraṇam anupasarjanārtham |*
27/57:ṭitkaraṇe api anyat prayojanam asti |
28/57:kim |
29/57:anupasarjanāt ṭitaḥ iti īkāraḥ yathā syāt |
30/57:ṭitaḥ anupasarjanāt bhavati ugitaḥ upasarjanāt ca anupasarjanāt ca |
31/57:evam tarhi vipratiṣedhāt tu ṭāpaḥ balīyastvam |*
32/57:vipratiṣedhāt tu ṭāpaḥ balīyastvam bhaviṣyati |
33/57:ṭāpaḥ avakāśaḥ khaṭvā mālā |
34/57:ṅīpaḥ avakāśaḥ gomatī yavamatī |
35/57:iha ubhayam prāpnoti nandanā kārikā |
36/57:ṭāp bhavati vipratiṣedhena |
37/57:na eṣaḥ yuktaḥ vipratiṣedhaḥ |
38/57:vipratiṣedhe param iti ucyate pūrvaḥ ca ṭāp paraḥ ṅīp |
39/57:ṅīpaḥ paraḥ ṭāp kariṣyate |
40/57:sūtraviparyāsaḥ kṛtaḥ bhavati |
41/57:evam tarhi ugitaḥ ṅīp bhavati iti atra api ataḥ ṭāp iti anuvartiṣyate |
42/57:evam api akārāntāt ugitaḥ iha eva syāt nandanā kārikā |
43/57:gomatī yavamatī iti atra na syāt |
44/57:evam tarhi sambandhānuvṛttiḥ kariṣyate |
45/57:ajādyataḥ ṭāp ṛnnebhyaḥ ṅīp ataḥ ṭāp |
46/57:ugitaḥ ca ṅīp bhavati ataḥ ṭāp |
47/57:vanaḥ ra ca vanaḥ ṅīp bhavati ugitaḥ ataḥ ṭāp |
48/57:pādaḥ anyatarasyām ṅīp bhavati ugitaḥ ataḥ ṭāp |
49/57:tataḥ ṛci |
50/57:ṛci ca ṭāp bhavati |
51/57:prakṛtam anuvartate |
52/57:sidhyati evam yadi vārttikakāraḥ paṭhati vipratiṣedhāt tu ṭāpaḥ balīyastvam iti etat asaṅgṛhītam bhavati |
53/57:etat ca saṅgṛhītam bhavati |
54/57:katham |
55/57:iṣṭavācī paraśabdaḥ |
56/57:vipratiṣedhe param yat iṣṭam tat bhavati iti | dhātvantasya ca arthavadgrahaṇāt |*
57/57:arthavatoḥ yuvoḥ grahaṇam na ca dhātvantaḥ arthavān

1/33:numvidhau jhalgrahaṇam |*
2/33:numvidhau jhalgrahaṇam kartavyam |
3/33:jhalantasya ugitaḥ iṣyate : ugidacām sarvanāmasthāne adhātoḥ jhalaḥ iti |
4/33:tat ca avaśyam kartavyam | liṅgaviśiṣṭapratiṣedhārtham | prātipadikagrahaṇe liṅgaviśiṣṭasya api grahaṇam bhavati iti yathā iha bhavati gomān yavamān evam gomatī yavamatī iti atra api syāt | na vā vibhaktau liṅgaviśiṣṭāgrahaṇāt |*
5/33:na vā vaktavyam |
6/33:kim kāraṇam |
7/33:vibhaktau liṅgaviśiṣṭagrahaṇam na iti eṣā paribhāṣā kartavyā |
8/33:kaḥ punaḥ atra viśeṣaḥ eṣā vā paribhāṣā kriyeta jhalgrahaṇam vā iti |
9/33:avaśyam eṣā paribhāṣā kartavyā |
10/33:bahūni etasyāḥ paribhāṣāyāḥ prayojanāni |
11/33:kāni | prayojanam śunaḥ svare | yathā iha bhavati śunā śunaḥ evam śunyā śunyāḥ iti atra api syāt | yūnaḥ samprasāraṇe |*
12/33:yūnaḥ samprasāraṇe prayojanam |
13/33:yathā iha bhavati yūnaḥ paśya iti evam yuvatīḥ paśya iti atra api syāt | ugidacām numvidhau | ugidacām numvidhau prayojanam |*
14/33:yathā iha bhavati gomān yavamān evam gomatī yavamatī iti atra api syāt | anaḍuhaḥ ca āmvidhau |*
15/33:anaḍuhaḥ ca āmvidhau prayojanam |
16/33:yathā iha bhavati anaḍvān iti evam anaḍuhī iti atra api syāt |
17/33:na vā bhavati anaḍvāhī iti |
18/33:bhavati anyena yatnena |
19/33:ām anaḍuhaḥ striyām vā iti |
20/33:liṅgaviśiṣṭagrahaṇāt īkārāntasya prāpnoti | pathimathoḥ āttve | pathimathoḥ āttve prayojanam |*
21/33:yathā iha bhavati panthāḥ manthāḥ evam pathī mathī iti atra api prāpnoti |
22/33:na kevalaḥ pathiśabdaḥ striyām vartate |
23/33:upasamastaḥ tarhi vartate |
24/33:supathī iti | puṃsaḥ asuṅvidhau |*
25/33:puṃsaḥ asuṅvidhau prayojanam |
26/33:yathā iha bhavati pumān evam puṃsī iti atra api syāt |
27/33:na kevalaḥ puṃśabdaḥ striyām vartate |
28/33:upasamastaḥ tarhi vartate |
29/33:supuṃsī iti | sakhyuḥ ṇittvānaṅau | sakhyuḥ ṇittvānaṅau prayojanam |*
30/33:yathā iha bhavati sakhā sakhāyau sakhāyaḥ evam sakhī sakhyau sakhyaḥ iti atra api prāpnoti | bhavadbhagavadaghavatām odbhāve | bhavadbhagavadaghavatām odbhāve prayojanam |*
31/33:yathā iha bhavati bhoḥ bhagoḥ aghoḥ iti evam bhavati bhagavati aghavati iti atra api syāt |
32/33:etāni asyāḥ paribhāṣāyāḥ prayojanāni yadartham eṣā paribhāṣā kartavyā |
33/33:etasyām ca satyām na arthaḥ jhalgrahaṇena

1/28:tat etat ananyārtham jhalgrahaṇam kartavyam numpratiṣedhaḥ vā vaktavyaḥ |
2/28:ubhayam na vaktavyam |
3/28:upariṣṭāt jhalgrahaṇam kriyate tat purastāt apakrakṣyate |
4/28:evam api sūtraviparyāsaḥ kṛtaḥ bhavati |
5/28:evam tarhi yogavibhāgaḥ kariṣyate |
6/28:ugidacām sarvanāmasthāne adhātoḥ |
7/28:yujeḥ asamāse |
8/28:tataḥ napuṃsakasya |
9/28:napuṃsakasya num bhavati |
10/28:jhalaḥ iti ubhayoḥ śeṣaḥ |
11/28:tataḥ acaḥ |
12/28:ajantasya ca napuṃsakaliṅgasya num bhavati |
13/28:yadi api tāvat etat ugitkāryam parihṛtam idam aparam prāpnoti : śātanitarā pātanitarā |
14/28:ugitaḥ nadyāḥ ghādiṣu hrasvaḥ bhavati iti anyatarasyām hrasvatvam prasajyeta nityam ca iṣyate |
15/28:ugitaḥ yā nadī evam etat vijñāyate |
16/28:ugitaḥ eṣā nadī |
17/28:ugitaḥ yā parā |
18/28:atra ca eva doṣaḥ bhavati ugitaḥ hi eṣā parā nadī aiṣumatitarāyām ca prāpnoti |
19/28:ugitaḥ parā yā vihitā |
20/28:ugitaḥ eṣā vihitā |
21/28:ugitaḥ iti evam yā vihitā |
22/28:evam api bhogavatitarāyām doṣaḥ bhavati |
23/28:bhogavatitarā bhogavatītarā |
24/28:tasmāt ugitaḥ yā nadī ugitaḥ yā vihitā iti evam etat vijñāsyate |
25/28:evam vijñāyamāne śātanitarāyām doṣaḥ eva | siddham tu yuvoḥ anunāsikatvāt siddham etat |*
26/28:katham |
27/28:yakāravakārayoḥ eva idam anunāsikayoḥ grahaṇam |
28/28:santi hi yaṇaḥ sānunāsikāḥ niranunāsikāḥ ca |

yu vu ityetayoḥ utsṛṣṭaviśeṣaṇayoḥ anunāsikayaṇoḥ pratyayayor grahaṇam, tayoḥ sthāne yathāsaṅkhyam ana aka ityetāvādeśau bhavataḥ. yoḥ anaḥ, voḥ akaḥ. nandyādibhyo lyuḥ nandanaḥ. ramaṇaḥ. sāyamādibhyaṣṭyuṭyulau tuṭ ca sāyanatanaḥ. cirantanaḥ. ṇvultṛcau kārakaḥ. hārakaḥ. vāsudevārjunābhyāṃ vun 4-3-98 vūsudevakaḥ. arjunakaḥ. anunāsikayaṇoḥ iti kim? ūrṇāyā yus 5-2-123 ūrṇāyuḥ. bhujimṛṅbhyāṃ yuktyukau bhujyuḥ, mṛtyuḥ iti. evam ādīnāṃ hi yaṇo 'nunāsikatvaṃ na pratijñāyate, pratijñānunāsikyāḥ pāṇinīyāḥ. iha yuvoriti nirdeśād dvandvaikavadbhāvapakṣe anityam āgamaśāsanam iti num na kriyate. napuṃsakaliṅgatā vā liṅgamaśiṣyaṃ lokāśrayatvāl liṅgasya iti na bhavati. itaretarapakṣe tu chāndasatvāt varṇalopo draṣṭavyaḥ. yuvośced dvitvanirdeśo dvitve yaṇ tu prasajyate. atha cedekavadbhāvaḥ kathaṃ puṃvad bhavedayam. dvitve vaigamiko lopa ekatve numanityatā. aśiṣyatvād dhi liṅgasya puṃstvaṃ veha samāśritam.

yuvoranākau 7.1.1 yu vu ityetayoḥ utsṛṣṭaviśeṣaṇayoḥ anunāsikayaṇoḥ pratyayayor grahaṇam, tayoḥ sthāne yathāsaṅkhyam ana aka ityetāvādeśau bhavataḥ. yoḥ anaḥ, voḥ akaḥ. nandyādibhyo lyuḥ nandanaḥ. ramaṇaḥ. sāyamādibhyaṣṭyuṭyulau tuṭ ca sāyanatanaḥ. cirantanaḥ. ṇvultṛcau kārakaḥ. hārakaḥ. vāsudevārjunābhyāṃ vun 4.3.98 vūsudevakaḥ. arjunakaḥ. anunāsikayaṇoḥ iti kim? ūrṇāyā yus 5.2.122 ūrṇāyuḥ. bhujimṛṅbhyāṃ yuktyukau bhujyuḥ, mṛtyuḥ iti. evam ādīnāṃ hi yaṇo 'nunāsikatvaṃ na pratijñāyate, pratijñānunāsikyāḥ pāṇinīyāḥ. iha yuvoriti nirdeśād dvandvaikavadbhāvapakṣe anityam āgamaśāsanam iti num na kriyate. napuṃsakaliṅgatā vā liṅgamaśiṣyaṃ lokāśrayatvāl liṅgasya iti na bhavati. itaretarapakṣe tu chāndasatvāt varṇalopo draṣṭavyaḥ. yuvośced dvitvanirdeśo dvitve yaṇ tu prasajyate. atha cedekavadbhāvaḥ kathaṃ puṃvad bhavedayam. dvitve vaigamiko lopa ekatve numanityatā. aśiṣyatvād dhi liṅgasya puṃstvaṃ veha samāśritam.

yuvoranākau. , 7.1.1 śāstrasya lāghavārthamiha, yuvū pratyayāvupadiṣṭau, tayoḥ sthāne'nākāvādeśau vidhīyate. yadi hi yatra yatra yuvorupadeśastatra tatrānākāvādeśo vidhiyeyātām(), tadā śāstrasya gauravaṃ syāt(); tayoḥ prabhūtavarṇasamudāyātmakatvāt(). iha yuvoranunāsikayaṇoḥ pratyayayoridaṃ grahaṇam(), na ca tathāvidhāvananubandhakau yuvū śāstre sambhavataḥ; tatra sāmathryādviśeṣakarānanubandhānutsṛjya sāmānyena tayogrrahaṇaṃ vijñāyate? ityāha---"yuvu--ityetayorutsṛṣṭaviśeṣaṇayoḥ" iti. idaṃ grahaṇamiti vakṣyamāṇena sambandhaḥ. viśeṣaṇaṃ yadyoyogaṃ lakārādi, tadutsṛṣṭaṃ parityaktaṃ yayostau yathoktau. etena "yuvo" iti lyuḍādīnāṃ sāmānyena nirdeśa iti darśayati. yadyatra yuvorityāviśeṣeṇa grahaṇaṃ syāt? tadā "yu miśraṇe" (dhā.pā.1033) ["yu miśraṇe'miśraṇeṃ ca"--dhā.pā.] yutaḥ, yutavān(), yutvā; "diṣu krīḍādau (dhā.pā.1107) dyūtaḥ, dhūtavān(), dhūtvā; "ūrṇāyā yus()" 5.2.122 ūrṇāyurityevamādāvapyanākau syātām(), ato'syātiprasaṅganirāsāyāha--"anunāsikayaṇoḥ" iti. anunāsiko yaṇyayoriti bahuvrīhiḥ. santi hi yaṇaḥ sānunāsikāḥ niranunāsakāśca, tatra hi yayoranunāsiko yaṇ? tayoridaṃ grahaṇam(). anunāsikayaṇau ca yau yuvū tau pratyayāveva, nāpratyayāviti darśayitumāha--"pratyayayoḥ" iti. anye ,tvapratyayanivṛttyarthaṃ pratyayayorityuktamiti varṇayanti, tadayuktam(); anunāsikayaṇorityanenaivāpratyayanivṛtteḥ siddhatvāt(). tana hrapratyayāvanunāsikayaṇau yuvū śāstre staḥ. tasmādanunāsikayaṇau yo yūvū tau pratyayāveva, nāpratyayāviti sambhavapradarśanārthaṃ pratyayayorityuktamiti vijñāyate. anunāsikayaṇośca pratyayogrrahaṇe satyaṅgasyeti sambandhalakṣaṇeyaṃ ṣaṣṭhī vitreyā. ṅgasambandhinoryuvoriti sambandhaḥ. sa punarnimittinimittabhāvalakṣaṇaḥ. pratyayanimitto hraṅgasyātmalābha ityaṅgaṃ nimitti, pratyayo nimittam(). "yorano vorakaḥ" iti. anena yathākramaṃ sthānyādeśasambandhamācaṣṭe". "nandyādibhyo lyuḥ" iti. "nandigrahi" 3.1.134 ityādinā. "nandanaḥ, ramaṇaḥ" iti. "ṭu nadi samuddhau" (dhā.pā.67), "ramu "krīḍāyām()" (dhā.pā.853). hetumati ṇic(), tadantāllayuḥ. "sāyantanaḥ" iti. sāyamādibhyaṣṭa()uṭa()lāditi. "sāyañciram()" 4.3.23 ityādinā. jātādau śaiṣike'rthe taddhitaḥ. "vāsudevakaḥ, arjunakaḥ" iti. vasudevasyāpatyaṃ vāsudevaḥ, vāsudevo bhaktirasayeta#i "vasudevārjunābhyāṃ vun()" 4.3.98 iti vun()--vāsudevakaḥ, arjunakaḥ. ūrṇā asya santītyūrṇāyuḥ, tatrānunāsikayaṇatvābhāvānna bhavati. kiṃ punaḥ kāraṇamevamādīnīṃ yaṇo'nunāsikatvaṃ nāsti? ityāha--"evamādīnām()" ityādi. "pratijñānunāsikyāḥ pāṇinīyāḥ" iti. yatra tairanunāsikatvaṃ pratajñāyate tatraiva bhavati, nānyatra. na ca yusprabhṛtīnāṃ taistat? pratijñāyate, lakṣyānurodhāt(). tena teṣāṃ yaṇo'nunāsikatvaṃ na bhavati. ādiśabdena "ahaṃ śubhamoryus()" 5.2.139 ityevamādayo gṛhrante. nanu ca "ahaṃśubhamoryus()" "kaṃśaṃbhyāṃ vabhayustitutayasaḥ" 5.2.137 ityatara, sitkaraṇādeva na bhaviṣyati, sitkaraṇaṃ hi padasaṃjñāryam(), padasaṃjñā cānusvārārthā--tasyāṃ satyāṃ "mo'nusvāraḥ" 8.3.23 ityanusvāro yathā syāt(). yadi cātrānādeśaḥ syāt? tadā sitkaraṇamanarthakaṃ syāt(), na hranādeśe kṛte'nusvāro bhavati, tadvidhau "hali sarveṣām()" 8.3.22 ityato halītyanuvṛtteḥ. ādeśe kṛte na bhavati; halāditvābhāvāt()? naitadasti; vacanasāmathryādajādāvapyanusvāraḥ syāt(). sitkaraṇasyānyadapi prayojanam()--padasaṃjñā. tatprajanam()--bhasaṃjñābādhaḥ. bhasaṃjñāyāmadhyayānāṃ bhamātre ṭilopaḥ syāt(). avagrahārthe vā sitkaraṇaṃ syāt(), kutasyānarthakyam()! iha yuvoriti nirdeśe samāhāre vā dvandva āśrīyate, itaretarayoge vā; tatra pūrvasmin? pakṣe ṣaṣṭha()ekavacane kṛte "sa napuṃsakam()" (2.4.17) iti napuṃsakatvāt? "iko'ci vibhaktau" 7.1.73 iti numā bhavitavyam(), tataśca "yuvunaḥ" iti nirddeśaḥ syāt(). itara()smastu pakṣa osi parato yaṇādeśe kṛte yuṣvoriti dvitīyavakāraśravaṇamāpadyeta? ityetaccodyanirāsāyāha--"iha yuvoriti nirdeśaḥ" ityādi. "anityamāgamaśāsanam()" iti. āgamānāṃ śāsanam()=vidhānam(), tadanityamiti; kvacit? tadabhāvāt(). atha vā--āgamāḥ śiṣyante vidhīyante yena śāstreṇa tadāgamaśāsanaṃ śāstram(), tadanityam(), avidyamānaṃ nityaṃ kāryamasyeti kṛtvā. anityatā punarāgamaśāsanasya "ghorlopo leṭi vā" 7.3.70 ityatra vāgrahaṇālliṅgādvijñāyate. taddhi dadad(), dadādityatra nityaṃ ghorlopo mā bhūdityevamarthaṃ kriyate. yadi ca nityamāgamaśāsanaṃ syādvāgrahaṇamanarthakaṃ syāt(). bhavatu nityo lopaḥ, satyapi tasmin? "leṭo'ḍāṭau" (3.4.94) ityaṭi kṛte dadad? dadāditi siddhyatyeva. anityatve tvāgamaśāsanasyāḍāgamābhāvānna sidhyati. tato vāvacanamarthavadbhavati. "napuṃsakaliṅgatā vā" ityādi. atha vā napuṃsakaliṅgataivātra nāsti. kiṃ kāraṇam(ityāha--"liṅgamaśiṣyam()" ityādi. liṅgasya hi lokadharmatvālloka evāśrayaḥ. tasmāllokata eva siddhatvāt? tadaśriṣyaṃ na vidhātavyam(). liṅgaśāstramevātra tādathryālliṅgaśabdenocyate. liṅgārtha śāstramaśiṣyaṃ na katrtavyam(), tatsādhyasya liṅgasya lokāśrayatvāt(). tadanena "sa napuṃsakam()" 2.4.17 ityādeḥ pratyākhyānaṃ darśayati. ta()smaśca pratyākhyāte sati taddvāreṇa tasya napuṃsakatvaṃ na bhavatīti kuto numprasaṅgaḥ! "itaretarapakṣe tu cchāndasatvādvarṇalopaḥ" iti. "chandovat? sūtrāṇi bhavanti" iti. chāndasatvam(). tena yatheṣkatrtāramadhvara ityatra niso nakāralopaḥ tathehāpi vakārasyāpi lopo draṣṭavyaḥ॥

yuvoranākau. yuśca vuśca yuvuḥ. samāhāradvandve sautraṃ puṃstvam. tadāha–yu vu etayoriti. `anunāsikayoriṣyate' iti vārtikalabdhametat. anunāsikayoḥ kim ?. ūrṇāyuḥ. glucukāyanīnāmiti. `prācāmavṛddhā'diti glucukaśabdādapatye phin, `ito manuṣyajāteḥ' iti ṅīṣ, samūhe vuñ. akādeśaḥ. ādivṛddhiḥ. `yasyeti ce'tīkāralopaḥ. aukṣakamiti. ukṣṇāṃ samūha iti vigrahaḥ. vuñ. akādeśaḥ. ṭilopaḥ. ādivṛddhiḥ. uṣṭrāṇāṃ samūha iti vigrahaḥ. auṣṭrakam. urabhrāḥ-meṣāḥ, teṣāṃ samūhaḥ, orabhrakam. rājakam-rājanyakam. vātsakam. mānuṣyakam. ājakam. yalope prāpte iti. rājanyaśabdādvuñi akādeśe `āpatyasya ca' iti yakārasya lope prāpte satītyarthaḥ. syuriti vaktavyamityarthaḥ. yūno bhāvo yauvanakam. manojñāditvādvuñ. prakṛtibhāvānna ṭilopaḥ. `vṛddhiryasyācāmādi'riti vṛddhasaṃjñakam, bhāṣye vṛddhaśabdasyaivodāharaṇāt. tadāha– vādrdhakamiti. vṛddhānāṃ samūha iti vigrahaḥ.

yuvoranākau 1229, 7.1.1 yuvoranākau. yuśca vuśca yuvuḥ. samāhāradvandve sautraṃ puṃstvam. tadāha--yu vu etayoriti. "anunāsikayoriṣyate" iti vārtikalabdhametat. anunāsikayoḥ kim?. ūrṇāyuḥ. glucukāyanīnāmiti. "prācāmavṛddhā"diti glucukaśabdādapatye phin, "ito manuṣyajāteḥ" iti ṅīṣ, samūhe vuñ. akādeśaḥ. ādivṛddhiḥ. "yasyeti ce"tīkāralopaḥ. aukṣakamiti. ukṣṇāṃ samūha iti vigrahaḥ. vuñ. akādeśaḥ. ṭilopaḥ. ādivṛddhiḥ. uṣṭrāṇāṃ samūha iti vigrahaḥ. auṣṭrakam. urabhrāḥ-meṣāḥ, teṣāṃ samūhaḥ, orabhrakam. rājakam-rājanyakam. vātsakam. mānuṣyakam. ājakam. yalope prāpte iti. rājanyaśabdādvuñi akādeśe "āpatyasya ca" iti yakārasya lope prāpte satītyarthaḥ.prakṛtyā'ke iti. ake pare rājanya, manuṣya, yuvan-#ete prakṛtyā syuriti vaktavyamityarthaḥ. yūno bhāvo yauvanakam. manojñāditvādvuñ. prakṛtibhāvānna ṭilopaḥ.vṛddhācceti. vṛddhaśabdasvarūpameva gṛhrate, natu "vṛddhiryasyācāmādi"riti vṛddhasaṃjñakam, bhāṣye vṛddhaśabdasyaivodāharaṇāt. tadāha--vādrdhakamiti. vṛddhānāṃ samūha iti vigrahaḥ.

yuvoḥ. samāhāradvandve sautraṃ puṃstvam. ukārastūccāraṇārtho netsaṃjñakaḥ. tena nandanaḥ, kārakaḥ , nandanā, kāriketyatrogillakṣaṇau num?ṅīpau na staḥ. anunāsikayoriti kim?. ūrṇāyuḥ. prakṛtyā'keiti. iha rājanyamanuṣyagrahaṇaṃ vyarthaṃ, rūḍhiśabdatvena `apatyasya ce'ti yalopasya prāptyabhāvāt. ataeva `gotrokṣoṣṭra'ityatra tayogrrahaṇaṃ sārthakam. anyathā gotragrahaṇenaiva siddhe tayogrrahaṇaṃ na kuryādityāhuḥ. yūno bhāvo yovanikā. manojñāditvāṭhṭhañ. vārdhakamiti prayogo'sti, tarhi manojñāditvaṃ yauvanikā. manojñāditvāṭhṭhañ.

yuvoranākau 1004, 7.1.1 yuvoḥ. samāhāradvandve sautraṃ puṃstvam. ukārastūccāraṇārtho netsaṃjñakaḥ. tena nandanaḥ, kārakaḥ , nandanā, kāriketyatrogillakṣaṇau num()ṅīpau na staḥ. anunāsikayoriti kim(). ūrṇāyuḥ.prakṛtyā'ke rājanyamanuṣyayuvānaḥ. prakṛtyā'keiti. iha rājanyamanuṣyagrahaṇaṃ vyarthaṃ, rūḍhiśabdatvena "apatyasya ce"ti yalopasya prāptyabhāvāt. ataeva "gotrokṣoṣṭra"ityatra tayogrrahaṇaṃ sārthakam. anyathā gotragrahaṇenaiva siddhe tayogrrahaṇaṃ na kuryādityāhuḥ. yūno bhāvo yovanikā. manojñāditvāṭhṭhañ.vṛddhācceti vaktavyam. vārdhakamiti. yadi vṛddhatve'pi vārdhakamiti prayogo'sti, tarhi manojñāditvaṃ yauvanikā. manojñāditvāṭhṭhañ.