1/66:kasya ayam pratiṣedhaḥ |
2/66:āṭaḥ prāpnoti |
3/66:aṭaḥ api iṣyate |
4/66:tat tarhi aṭaḥ grahaṇam kartavyam |
5/66:na kartavyam |
6/66:prakṛtam anuvartate |
7/66:kva prakṛtam |
8/66:luṅlaṅlṅkṣu aṭ udāttaḥ iti |
9/66:yadi tat anuvartate āṭ ajādīnām aṭ ca iti aṭ api prāpnoti |
10/66:astu |
11/66:aṭi kṛte punaḥ āṭi bhaviṣyati |
12/66:iha api tarhi aṭi kṛte punaḥ āṭ prāpnoti : akārṣīt , ahārṣīt |
13/66:aḍvacanāt na bhaviṣyati |
14/66:iha api tarhi aḍvacanāt na syāt : aihiṣṭa , aikṣiṣta |
15/66:āḍvacanāt bhaviṣyati |
16/66:iha api tarhi āḍvacanāt prāpnoti : akārṣīt , ahārṣīt |
17/66:akṛte aṭi yaḥ ajādiḥ iti evam etat vijñāsyate |
18/66:kim vaktavyam etat |
19/66:na hi |
20/66:katham anucyamānam gaṃsyate |
21/66:ajvacanasāmarthyāt |
22/66:yadi kṛte aṭi yaḥ ajādiḥ tatra syāt ajgrahaṇam anarthakam syāt |
23/66:atha vā upadeśe iti vartate |
24/66:atha vā ārdhadhātuke iti vartate |
25/66:atha vā luṅlaṅlṅkṣu aṭ iti dvilakārakaḥ nirdeśaḥ : luṅādiṣu lakārādiṣu yaḥ ajādiḥ iti |
26/66:sarvathā , aijyata , aupyata iti etat na sidhyati |
27/66:evam tarhi ajādīnām aṭā siddham |*
28/66:ajādīnām aṭā eva siddham |
29/66:na arthaḥ āṭā |
30/66:evam tarhi vṛddhyartham āṭ vaktavyaḥ |
31/66:vṛddhyartham iti cet aṭaḥ |*
32/66:aṭaḥ vṛddhim vakṣyāmi |
33/66:yadi tarhi aṭaḥ vṛddhiḥ ucyate asvavaḥ hasati iti atra | vṛddhiḥ prapnoti roḥ utve kṛte |*
34/66:dhātau vṛddhim aṭaḥ smaret | dhātau aṭaḥ vṛddhim vakṣyāmi |*
35/66:tat tarhi dhātugrahaṇam kartavyam |
36/66:na kartavyam |
37/66:yogavibhāgaḥ kariṣyate |
38/66:aṭaḥ aci vṛddhiḥ bhavati |
39/66:tataḥ upasargāt ṛti vṛddhiḥ bhavati |
40/66:tataḥ dhātau |
41/66:dhātau iti ubhayoḥ śeṣaḥ |
42/66:iha tarhi : āṭīt , āśīt iti ataḥ guṇe iti pararūpatvam prāpnoti |
43/66:pararūpam guṇe na aṭaḥ |*
44/66:pararūpam guṇe aṭaḥ na iti vakṣyāmi |
45/66:omāṅoḥ usi tat samam |*
46/66:yadi api etat ucyate atha vā etarhi usi omāṅkṣu āṭaḥ pararūpapratiṣedhaḥ coditaḥ sa na vaktavyaḥ bhavati |
47/66:chandortham tarhi āṭ vaktavyaḥ |
48/66:araik u kṛṣṇāḥ |
49/66:tritaḥ enam āyunak |
50/66:surucaḥ ven āvaḥ |
51/66:chandortham bahulam dīrgham |*
52/66:bahulam chandasi dīrghatvam dṛśyate |
53/66:tat yathā : pūruṣaḥ , nārakaḥ iti |
54/66:evam tarhi āyan , āsan |
55/66:iṇastyoḥ yaṇlopayoḥ kṛtayoḥ anajāditvāt vṛddhiḥ na prāpnoti |
56/66:iṇastyoḥ antaraṅgataḥ |*
57/66:antaraṅgatvāt vṛddhiḥ bhaviṣyati |
58/66:tasmāt na arthaḥ āḍgrahaṇena |
59/66:ajādīnām aṭā siddham |*
60/66:vṛddhyartham iti cet aṭaḥ |*
61/66:asvavaḥ hasati iti atra |*
62/66:dhātau vṛddhim aṭaḥ smaret |*
63/66:pararūpam guṇe na aṭaḥ |*
64/66:omāṅoḥ usi tat samam |*
65/66:chandortham bahulam dīrgham |*
66/66:iṇastyoḥ antaraṅgataḥ |*

māṅyoge luṅlaṅlṛṅkṣu yaduktaṃ tan na bhavati. mā bhavān kārṣīt. mā bhavān hārṣīt. mā sma karot. mā sma harat. mā bhavānīhiṣṭa. mā bhavānīkṣiṣṭa. mā sma bhavānīhata. mā sma bhavānīkṣata.

na māṅyoge 6.4.74 māṅyoge luṅlaṅlṛṅkṣu yaduktaṃ tan na bhavati. mā bhavān kārṣīt. mā bhavān hārṣīt. mā sma karot. mā sma harat. mā bhavānīhiṣṭa. mā bhavānīkṣiṣṭa. mā sma bhavānīhata. mā sma bhavānīkṣata.

na māṅyoge. , 6.4.74 "anantarasya vā vidhirvā bhavati pratiṣedho vā" (vyā.pa.19) ityāṭa evāyaṃ pratiṣedha iti kasyacid()bhrāntiḥ syāt(), atastāṃ nirākarttumāha--"māṅyoge luṅalaṅalṛṅakṣu parato yaduktaṃ tanna bhavati" iti. etonobhayorapyaḍāṭoḥ pratiṣedha iti darśayati. ubhāvapi tau lṛṅlaṅ()lṛṅkṣūktau. kathaṃ punadrvayorapi pratiṣedho labhyate? āṭāpyatrānuvṛtteḥ. na ca tasminnanuvartamāne satyajādīnāmaṣyaṭ? prāpnotītyeṣa doṣaḥ prasajyate; maṇḍūkapalutinyāyenātrāṭo'nuvṛtteḥ. yogavibhāgādvā, ayamaṭo'pi pratiṣedha ityavasīyate; yadi hrāṭa eva pratiṣedho'bhimataḥ syāt? tadā "āḍajādīnāṃ na māṅyoge" ityekameva yogaṃ kuryāta. atha vā--"luṅlaṅlṛṅkṣu" 6.4.71 ityetāvanmātramanuvartate, tena luḍādiṣu yaduktaṃ tasya sarvasya pratiṣedho na vijñāyate. na caivamatiprasaṅga; yataḥ pratyāganterasminneva luṅalaṅlṛṅprakaraṇe yat? kāryaṃ vihitaṃ tasyaiva pratiṣedho labhyate, na sarvasya prakaraṇāntaravihitasya. atra tu prakaraṇe'ḍāṭāveva vihitau, atastayoreva pratiṣedhaḥ. "mā bhavān? kārṣīt()" iti. "māṅi luṅa", 3.3.175 iti luṅaḥ. "mā sma karot()" iti. "smottare laṅaḥ ca" 3.3.176 iti laṅaḥ. "māṅ()" iti ṅkārānubandhavata upādānam()--asmādādeśī yo māśabdastasya grahaṇaṃ mā bhūdityevamartham(); anyathā "bhavān? sukhinaṃ mātrākārṣīṃt()" ityatrāpi pratiṣedhaḥ syāditi kecit(). lākṣaṇikatvādevāsmadādeśasyāgrahaṇamityayuktametat(). nipāta eva tvanayo'ṅinmāśabdo'sti--"mā bālipathamanvagāḥ". "mā bhavatu tasya pāpam()" iti tu yasya prayogastadyoge pratiṣedho mā bhūdityevamarthaṃ ṅidviśiṣṭasya grahaṇam(). yogagrahaṇantu--yogamātre pratiṣedho yathā syāditi, tena vyavahite'pi bhavati॥ "amāṅyoge'pi na bhavataḥ" ityādinā māṅyoge'pītyasyārthamācaṣṭe. atra ca vākyadvaye'pi "bahulaṃ chandasi" ityetatsambadhyate. "bahulaṃ chandasi" ityetāvataiva siddhe'māṅyoge'pīti vacanaṃ vispaṣṭārtham(). anucyamāne hresmin? māṅyogasaya prakṛtatvāt? tatraiva chandasi bahulamaḍāṭau na bhavata ityāśaṃkyeta. "janiṣṭhāḥ" iti. janerluṅ, thāsa, iṭ(), ṣatvam? ṣṭutvañca. "ūnayīt(), ardayīt()" iti. "ūna parihāṇe" (dhā.pā.1888) "adrda hiṃsāyām()" (dhā.pā.1828) curādī. "hrantakṣaṇa" 7.2.5 ityādinā vṛddhipratiṣedhaḥ. "iṭa īṭi" 8.2.28 iti sico lopaḥ, guṇāyādeśau. "avāpsuḥ" iti. "āplu vyāptau" (dhā.pā.1260) avapūrvaḥ. "sijabhyastavidibhyaśca" 3.4.109 iti jherjusādeśaḥ. "mā abhitthāḥ" iti. bhidesthās(), "jhalo jhali" 8.2.26 iti sico lopaḥ. "mā'‌'vaḥ" iti. pūrvameva vyutpāditam()॥