1/17:bhāvakarmaṇoḥ iti katham idam vijñāyate |
2/17:bhāvakarmaṇoḥ ye syādayaḥ iti , āhosvit bhāvakarmavācini parataḥ ye syādayaḥ iti |
3/17:kim ca ataḥ |
4/17:yadi vijñāyate bhāvakarmaṇoḥ ye syādayaḥ iti sīyuṭ viśeṣitaḥ syasictāsayaḥ aviśeṣitāḥ |
5/17:atha vijñāyate bhāvakarmavācini parataḥ ye syādayaḥ iti syasictāsayaḥ viśeṣitāḥ sīyuṭ aviśeṣitaḥ |
6/17:yathā icchasi tathā astu |
7/17:astu tāvat bhāvakarmaṇoḥ ye syādayaḥ iti |
8/17:syasictāsayaḥ ca viśeṣitāḥ |
9/17:nanu ca uktam sīyuṭ viśeṣitaḥ syasictāsayaḥ aviśeṣitāḥ iti |
10/17:syasictāsayaḥ ca viśeṣitāḥ |
11/17:katham |
12/17:bhāvakarmaṇoḥ yak bhavati iti atra syādayaḥ api anuvartiṣyante |
13/17:atha vā punaḥ astu bhāvakarmavācini parataḥ ye syādayaḥ iti |
14/17:nanu ca uktam syasictāsayaḥ viśeṣitāḥ sīyuṭ aviśeṣitaḥ iti |
15/17:sīyuṭ ca viśeṣitaḥ |
16/17:katham |
17/17:bhāvakarmavācini parataḥ sīyuṭ na asti iti kṛtva bhāvakarmavācini sīyuṭi kāryam vijñāsyate |

1/40:atha iṭ ca iti ucyate |
2/40:kasya ayam iṭ bhavati |
3/40:aṅgasya iti vartate |
4/40:yadi evam āditaḥ iṭ prāpnoti aḍāḍvat |
5/40:tat yathā aḍāṭau ṭittvāt āditaḥ bhavataḥ tadvat |
6/40:evam tarhi syādīnām eva bhaviṣyanti |
7/40:evam api ṣaṣṭhyabhāvāt na prāpnoti |
8/40:nanu ca bhāvakarmaṇoḥ iti eṣā ṣaṣṭhī |
9/40:na eṣā ṣaṣṭhī |
10/40:kim tarhi arthinirdeśe eṣā saptamī : bhāve ca arthe karmaṇi ca iti |
11/40:evam tarhi bhāvakarmaṇoḥ iti eṣā saptamī syādiṣu iti saptamyāḥ ṣaṣṭhīm prakalpayiṣyati tasmin iti nirdiṣṭe pūrvasya iti |
12/40:evam api na sidhyati |
13/40:kim kāraṇam |
14/40:na hi arthena paurvāparyam asti |
15/40:arthe asambhavāt tadvācini śabde kāryam vijñāsyate |
16/40:evam api sīyuṭaḥ na prāpnoti |
17/40:evam tarhi saptame yogavibhāgaḥ kariṣyate |
18/40:ārdhadhātukasya iṭ |
19/40:yāvān iṭ nāma saḥ sarvaḥ ārdhadhātukasya iṭ bhavati |
20/40:tataḥ valādeḥ |
21/40:valādeḥ ārdhadhātukasya iṭ bhavati iti |
22/40:yadi evam syasicsīyuṭtāsiṣu iṭ bhavati ciṇvadbhāvaḥ aviśeṣitaḥ bhavati |
23/40:tatra kaḥ doṣaḥ |
24/40:syasicsīyuṭtāsiṣu iṭ bhavati ajjhanagrahadṛśām vā ciṇvat iti kva cit eva ciṇvadbhāvaḥ syāt |
25/40:evam tarhi syādīn apekṣiṣyāmahe |
26/40:syasicsīyuṭtāsiṣu iṭ bhavati ajjhanagrahadṛśām vā ciṇvat syādiṣu iti |
27/40:atha ke punaḥ imam iṭam prayojayanti |
28/40:ye anudāttāḥ |
29/40:atha ye udāttāḥ teṣām katham |
30/40:siddham tena eva paratvāt |
31/40:udāttebhyaḥ api vā anena eva iṭ eṣitavyaḥ |
32/40:kim prayojanam |
33/40:kārayateḥ kāriṣyate , hārayateḥ hāriṣyate |
34/40:iṭaḥ asiddhatvāt aniṭi iti ṇilopaḥ yathā syāt |
35/40:katham punaḥ icchatā api bhavatā udāttebhyaḥ anena eva iṭ labhyaḥ na punaḥ anena astu tena vā iti tena eva syāt vipratiṣedhena |
36/40:nanu ca nityaḥ ayam kṛte api tasmin prāpnoti akṛte api prāpnoti |
37/40:na tu asmin kṛte api saḥ prāpnoti |
38/40:kim kāraṇam |
39/40:avalāditvāt |
40/40:tasmāt anena eva bhaviṣyati iṭ |

1/16:kāni punaḥ asya yogasya prayojanāni |
2/16:vṛddhiḥ ciṇvat yuk ca hanteḥ ca ghatvam dīrghaḥ ca uktaḥ yaḥ mitām vā ciṇi iti |*
3/16:vṛddhiḥ prayojanam |
4/16:ceṣyate cāyiṣyate |
5/16:yuk ca prayojanam |
6/16:glāsyate , glāyiṣyate |
7/16:hanteḥ ca ghatvam prayojanam |
8/16:haniṣyate ghāniṣyate |
9/16:dīrghaḥ ca uktaḥ yaḥ mitām vā ciṇi iti saḥ ca prayojanam |
10/16:śamiṣyate śāmiṣyate tamiṣyate tāmiṣyate |
11/16:iṭ ca asiddhaḥ tena me lupyate ṇiḥ nityaḥ ca ayam valnimittaḥ vighātī |*
12/16:iṭaḥ asiddhatvāt ṇeḥ aniṭi iti ṇilopaḥ yathā syāt |
13/16:katham punaḥ ayam nityaḥ |
14/16:kṛtākṛtaprasaṅgitvāt |
15/16:kṛte api tasmin iṭi sāptamike ārdhadhātukasya iṭ valādeḥ iti punaḥ ayam bhavati |
16/16:asmin tu vihite valāditvasya nimittasya vihatatvāt sāptamikaḥ na bhavati

1/6:atha upadeśagrahaṇam kimartham |
2/6:ciṇvadbhāve upadeśavacanam ṛkāraguṇabalīyastvāt |*
3/6:ciṇvadbhāve upadeśavacanam kriyate ṛkāraguṇasya balīyastvāt |
4/6:kāriṣyate |
5/6:paratvāt guṇe kṛte raparatve ca anajantatvāt ciṇvadbhāvaḥ na prāpnoti |
6/6:upadeśagrahaṇāt bhaviṣyati |

1/14:vadhibhāvāt sīyuṭi ciṇvadbhāvaḥ vipratiṣedhena |*
2/14:vadhibhāvāt sīyuṭi ciṇvadbhāvaḥ bhavati vipratiṣedhena |
3/14:vadhibhāvasya avakāśaḥ : vadhyāt , vadhyāstām , vadhyāsuḥ |
4/14:ciṇvadbhāvasya avakāśaḥ : ghāniṣyate , aghāniṣyata |
5/14:iha ubhayam prāpnoti : ghāniṣīṣṭa ghāniṣīyāstām ghāniṣīran |
6/14:ciṇvadbhāvaḥ bhavati vipratiṣedhena |
7/14:atha idānīm ciṇvadbhāve kṛte punaḥprasaṅgavijñānāt vadhibhāvaḥ kasmāt na bhavati |
8/14:sakṛdgatau vipratiṣedhe yat bādhitam tat bādhitam eva iti |
9/14:haniṇiṅādeśapratiṣedhaḥ ca |
10/14:haniṇiṅādeśānām ca pratiṣedhaḥ vaktavyaḥ |
11/14:haniṣyate , ghāniṣyate , eṣyate , āyiṣyate , adhyeṣyate , adhyāyiṣyate |
12/14:luṅi iti haniṇiṅādeśāḥ prāpnuvanti |
13/14:aṅgasya iti tu prakaraṇāt aṅgaśāstrātideśāt siddham |*
14/14:āṅgam yat kāryam tat pratinirdiśyate na ca haniṇiṅādeśāḥ āṅgāḥ |bhavanti iti |

sva sic sīyuṭ tāsi ityeteṣu bhāvakarmaviṣayeṣu parata upadeśe ajantānām aṅgānāṃ han graḥ dṛśityeteṣāṃ ca ciṇvat kāryaṃ bhavati vā. yadā ciṇvat tadā iḍāgamo bhavati. kasya? syasicsīyuṭtāsīnām eva iti veditavyam. te hi prakṛtāḥ. aṅgasya tu lakṣyavirodhāt na kriyate. kāni punarasya yogasya prayojanāni? ciṇvadvṛddhir yuk ca hanteśca ghatvaṃ dīrghaśca ukto yo mitāṃ vā ciṇīti. iṭ ca asiddhas tena me lupyate ṇirnityaśca ayaṃ valnimitto vighātī. ajantānāṃ tāvat cāyiṣyate, ceṣyate. acāyiṣyata, aceṣyata. dāyiṣyate, dāsyate. adāyiṣyata, adāsyata. śāmiṣyate, śamiśyate, śamayisyate. aśāmiṣyata, aśamiṣyata aśamayiṣyata. han ghāniṣyate, haniṣyate. aghāniṣyata, ahaniṣyata. graḥ grāhiṣyate, grahīṣyate. agrāhiṣyata, agrahīṣyata. graho 'liṭi dīrghaḥ 7-2-37 iti prakṛtasya iṭo dīrghatvam. dṛś darśiṣyate, drakṣyate. adarśiṣyata, adrakṣyata. sici ajantānām acāyiṣātām, aceṣātām. adāyiṣātām, adiṣātām. aśāmiṣātam, aśamiṣātam, aśamayiṣātām. han aghāniṣātām, avadhiṣātām, ahasātām. graḥ agrāhiṣātām, agrahīṣātām. dṛś adarśiṣātām, adṛkṣātām. sīyuṭi ajantānām cāyiṣīṣta, ceṣīṣṭa. dāyiṣīṣṭa, dāsīṣṭa. śāmiṣīṣṭa, śamiṣīṣṭa, śamayiṣīṣṭa. han ghāniṣīṣṭa, vadhiṣīṣṭa. graḥ grāhiṣīṣṭa, grahīṣīṣṭa. dṛś darśiṣīṣṭa, dṛkṣīṣṭa. tāsāvajantānām cāyitā, cetā. dāyitā, dātā. śāmitā, śamitā, śamayita. han ghānitā, hantā. graḥ grāhitā, grahītā. dṛś darśitā, draṣṭā. syasicsīyuṭtāsiṣu iti kim? cetavyam. dātavyam. bhāvakarmaṇoḥ iti kim? ceṣyati. dāsyati. upadeśe iti kim? kāriṣyate iti guṇe kṛte raparatve ca na prāpnoti, upadeśagrahaṇād bhavati. ajjhanagrahadṛśām iti kim? paṭhiṣyate. aṅgādhikāravihitaṃ kāryam iha atidiśyate, tena haniṇiṅāmādeśā na bhavanti. haniṣyate, ghāniṣyate. eṣyate, āyiṣyate. adhyeṣyate, adhyāyiṣyate. hano vadha liṅi 2-4-42, luṅi ca 2-4-43), iṇo gā luṅi (*2,4.45), vibhāṣā luṅlṛṅoḥ (*2,4.50 ityete vidhayo na bhavanti.

syasicsīyuṭtāsiṣu bhāvakarmaṇorupadeśe 'jjhanagrahadṛśāṃ vā ciṇvadiṭ ca 6.4.62 sva sic sīyuṭ tāsi ityeteṣu bhāvakarmaviṣayeṣu parata upadeśe ajantānām aṅgānāṃ han graḥ dṛśityeteṣāṃ ca ciṇvat kāryaṃ bhavati vā. yadā ciṇvat tadā iḍāgamo bhavati. kasya? syasicsīyuṭtāsīnām eva iti veditavyam. te hi prakṛtāḥ. aṅgasya tu lakṣyavirodhāt na kriyate. kāni punarasya yogasya prayojanāni? ciṇvadvṛddhir yuk ca hanteśca ghatvaṃ dīrghaśca ukto yo mitāṃ vā ciṇīti. iṭ ca asiddhas tena me lupyate ṇirnityaśca ayaṃ valnimitto vighātī. ajantānāṃ tāvat cāyiṣyate, ceṣyate. acāyiṣyata, aceṣyata. dāyiṣyate, dāsyate. adāyiṣyata, adāsyata. śāmiṣyate, śamiśyate, śamayisyate. aśāmiṣyata, aśamiṣyata aśamayiṣyata. han ghāniṣyate, haniṣyate. aghāniṣyata, ahaniṣyata. graḥ grāhiṣyate, grahīṣyate. agrāhiṣyata, agrahīṣyata. graho 'liṭi dīrghaḥ 7.2.37 iti prakṛtasya iṭo dīrghatvam. dṛś darśiṣyate, drakṣyate. adarśiṣyata, adrakṣyata. sici ajantānām acāyiṣātām, aceṣātām. adāyiṣātām, adiṣātām. aśāmiṣātam, aśamiṣātam, aśamayiṣātām. han aghāniṣātām, avadhiṣātām, ahasātām. graḥ agrāhiṣātām, agrahīṣātām. dṛś adarśiṣātām, adṛkṣātām. sīyuṭi ajantānām cāyiṣīṣta, ceṣīṣṭa. dāyiṣīṣṭa, dāsīṣṭa. śāmiṣīṣṭa, śamiṣīṣṭa, śamayiṣīṣṭa. han ghāniṣīṣṭa, vadhiṣīṣṭa. graḥ grāhiṣīṣṭa, grahīṣīṣṭa. dṛś darśiṣīṣṭa, dṛkṣīṣṭa. tāsāvajantānām cāyitā, cetā. dāyitā, dātā. śāmitā, śamitā, śamayita. han ghānitā, hantā. graḥ grāhitā, grahītā. dṛś darśitā, draṣṭā. syasicsīyuṭtāsiṣu iti kim? cetavyam. dātavyam. bhāvakarmaṇoḥ iti kim? ceṣyati. dāsyati. upadeśe iti kim? kāriṣyate iti guṇe kṛte raparatve ca na prāpnoti, upadeśagrahaṇād bhavati. ajjhanagrahadṛśām iti kim? paṭhiṣyate. aṅgādhikāravihitaṃ kāryam iha atidiśyate, tena haniṇiṅāmādeśā na bhavanti. haniṣyate, ghāniṣyate. eṣyate, āyiṣyate. adhyeṣyate, adhyāyiṣyate. hano vadha liṅi 2.4.42, luṅi ca 2.4.43, iṇo gā luṅi 2.4.45, vibhāṣā luṅlṛṅoḥ 2.4.50 ityete vidhayo na bhavanti.

syasicsīyudtāsiṣu bhāvakarmaṇorupadeśe'jjhanagrahadṛśāṃ vā ciṇvadiṭ? ca. , 6.4.62 "syasicsīyuṭtāsiṣu" iti saptamyā pratiyogino nirdeśācciṇīva ciṇvaditi saptamīsamarthādvatirvijñāyate, yathā--mathurāvat? pāṭaliputre prakāra iti. "bhāvakarmaviṣayeṣu" iti. anena "bhāvakarmaṇoḥ ityasya viṣayasaptamītvaṃ darśayati. bhāvakarmaṇī viṣayau yeṣānte tathoktāḥ ke punaḥ syādayo bhāvakarmaviṣayāḥ? ye syādayo lādeśena bhāvakarmaṇorvivakṣitayorbhavatanti. cakāro'tra sanniyogārthaḥ kriyate. tena yadā ciṇvadbhāvo ityādi. "kasya" iti. ṣaṣṭhīnirdiṣṭasya hrāgamā bhavanti, syādayaśceha saptamyā nirdiṣṭāḥ; na cānya āgamīśrūyata iti praśnaḥ. yadyapi te saptamyā nirdiṣṭāḥ, na cānya āgamī śrūyata iti praśnaḥ. yadyapi te saptamyā nirdiṣṭāḥ, tathāpi yathā "hanaśca vadhaḥ" (3.3.76) iti pañcamī nirdiṣṭo'pi hantiḥ pratyayamutpādyadeśena sambandhamanubhavan? ṣaṣṭha()ntatāṃ pratipadyate tathā syādayo'pi yadāgamena sambandhamanubhavanti tadā ṣaṣṭha()ntatāṃ pratipadyanta ityabhiprāyeṇāha--"syasic()" ityādi. atraiva hetamāha--"te hi prakṛtāḥ" ityādi. iḍayamāgamaliṅgaḥ, tasyāvaśyamāgaminā bhavitavyam(), tat? kimaśrutānāmāgamitvaṃ parikalpya, tasyaiva vidhīyatāmuta prakṛtānāmeva syādīnāma#iti? yuktaṃ yat? prakṛtānāmeva vidhīyate; aśrutaprakalpanāyā garīyastvāt(). nanu cāṅgamapi prakṛtam(), tasya kasmānna kriyate? ityata āha--"aṅgasya" ityādi. aṅgasya na kriyate, lakṣyavirodhāt(). yadyaṅgasya syāt(), tadeṭi kṛte lakṣyāvaradhādaniṣṭaṃ syāt(). na hranaṇṭārthā śāstre praklṛptirayuktā. tasmānmā bhūllakṣyavirodha iti yadyapyaṅgamapi prakṛtam(), tathāpi syādīnāmeva kriyate, nāṅgasya. iha dvau pakṣau sambhavataḥ--ciṇnimittaṃ yatkāryaṃ, yadāhatya ciṇi vidhīyate tadvātidiśyate. yadvā ciṇiyaddṛṣṭaṃ ciṇṇimattamaciṇṇimittñca tat? sāmānyena. tatra yadi parvakaḥ pakṣa āśrīyeta, tadā "āto yuk? ciṇkṛtoḥ" 7.3.33 iti yugāgamaḥ. "viṇṇamulordorgho'nyatarasyām()" 6.4.93 iti dīrghatvañca--ete dve evāṅgakārye'tiviśye syātām(). nānyāt? vṛddhyādikam(), na hi tadāhatya ciṇi vidhīyate. āhatya=uccāryetyarthaḥ. yaddhi sākṣācciṇaṃ nimittamupādāya vidhīyate tacciṇyāhatya vidhīyate, na caivaṃ vṛddhyādikaṃ vidhīyate. atha dvitīyastato na bhavatyeṣa doṣaprasaṅgaḥ; vṛddhyādīnāmapi ciṇi dṛṣṭatvāt(). yadi ciṇi yaddṛṣṭaṃ tadatidiśyate, tarhi haniṇiṅāmādeśā api prāpnuvanti, teṣāmapi tatra dṛṣṭatvāditi? anenābhiprāyeṇāha--"kāni punaḥ" ityādi. dvitīye pakṣe yo doṣastamuttaratra parihariṣyāmīti cetasi kṛtvā ciṇi yaddṛṣṭaṃ kāryaṃ tannimittamitaradvā tadiha sāmānyena nirdiśyata iti darśayannasya yogasya yāni prayojanāni teṣāṃ saṃgrahaślokasamāha--"vṛddhiściṇvat()" ityādi. "cāyiṣyate" ityatra vṛddhiḥ prayojanam(). cinoterluṭ(), syapragatayayaḥ. "bhāvakarmaṇoḥ" 1.3.13 ityātmanepadam(), atredānīṃ ciṇvadbhāvād? vṛddhirbhavati yathā--ciṇi "aco ñṇiti" 7.2.115 iti vṛddhirbhavatya cāyīti, evamuttaratrāpi ciṇvadityetasya pratyekamabhisambandhaṃ kṛtvā yathāyogamatideśo yojanīyaḥ. "acāyiṣyate" iti. luṅaḥ, śeṣaṃ pūrvavat(). yuk? ca prayojanam()--"dāyiṣyate" ityatra. dīrghaścokto yo mitāṃ vā ciṇoti sa ca. prayojanaṃ śamiṣyate, śāmiṣyata ityatra. śameḥ "janijṛṣknasurañjo'mantāśca" (dhā.pā.817) iti mitsaṃjñā, sa ca ṇyantaḥ "sanādyantā dhātavaḥ" 3.1.32 ityatropadiṣṭa ityupadeśe'janto bhavati. yattu hanteḥ "ho hanteñcinneṣu" 7.3.54 iti kutvaṃ vidhāsyate, tacca prayojanaṃ "ghāniṣyate" ityatra. haniṣyata ityatra tu "ṛddhanoḥ sye" 7.1.70 itīṭ(). santyetāni prayojanāni, kintvaneneṭi kṛte śamiṣyate, śamiṣyata ityatra "ṇeraniṭi" 6.4.51 iti ṇilopo na siddhyatiḥ seṭtvāt(). ata āha--"iṭ? cāsiddhaḥ" ityādi. "asiddhavadatrā bhāt()" 6.4.22 ityasiddhe'yaṃ ciṇvadiṭ(), tena ṇilopo bhaviṣyati. syādetat()--ye'nudāttopadeśāścinotyādayastebhyaḥ pareṣāṃ syādīnāmaneneṅvidhīyata iti yuktamasiddhatvam(), ye tūdāttopadeśāḥ śamiprabhṛtayastemyaḥ paratvāt? "ārdhadhātukasyeṅvalādeḥ" 7.2.35 iti valnimitteneṭā bhavitavyam(), sa ca siddha eva; ta()smastu tadavastha eva doṣaḥ? ityata āha--"nityaścāyam()" ityādi. kṛtākṛtaprasaṅgī yo vidhiḥ sa nityaḥ--ityetadāśrityāyaṃ ciṇvadiṇnityaḥ. kṛte'pi hi valāditvasya vihitatvāt(). "valnimitto vidhātī" iti. val? nimittaṃ kāraṇaṃ yasya sa tathoktaḥ. vighāto'syāstīti vighātī. vighātaḥ=nimittābhāvādapravṛttiḥ. tadevaṃ nityatvādudāttebhyo'pyanenaiva ciṇvadiṭā bhavitavyam(), ayañcāsiddha iti na bhavati ṇilopābhāvaprasaṅgaḥ. "grāhiṣyate" iti. "ata upadhāyāḥ" 7.2.116 iti vṛddhiḥ prayojanam(). atheha "graho'liṭi dīrghaḥ" (7.2.37) iti dīrghaḥ kasmānna bhavati? ityāha--"graho'liṭi" ityādi. valādilakṣaṇastatreṭ? prakṛta iti tasyaiva dīrgho vijñāyate, nānyasya. "drakṣyate" iti. "sṛjidṛśorjhalyamakiti 6.1.57 ityamāgamaḥ, vraścādinā (8.2.36) ṣatvam? "ṣaṅoḥ kaḥ si" (8.2.41) iti katvam? "iṇkoḥ 8.3.57 iti ṣatvam(). "darśiṣyate" iti. "pugantalaghūpadhasya" 7.3.86 ityanenātra guṇaḥ siddhyatyeva. iḍarthastu ciṇvadbhāvo vidhīyate. "aceṣātām()" iti. ātām(), sici rūpam(). "adiṣātām()" iti. "sthādhvoricca" 1.2.17 itīttvam(), sicaśca kitvam(). "avadhiṣātām()" iti. "ātmanepadeṣvanyatarasyām()" 2.4.44 iti vadhādeśaḥ. "adṛkṣātām()" iti. "liṅasicāvātmanepadeṣu" 1.2.11 iti kittvam(). tenāmāgamaguṇau na bhavataḥ, ṣatvādi pūrvavat(). "cetā" iti. luṭ(), tāsiḥ, "luṭaḥ prathamasya ḍāraurasaḥ" 2.4.85 iti ḍādeśaḥ, ṭilopaḥ. "draṣṭā" iti. pūrvavadamādiḥ. "cetavyam()" iti. karmaṇi tavyaḥ. "ceṣyati" iti. atra karturlādeśena vivakṣitvāt? kartṛviṣayaḥ syapratyayaḥ. "guṇe kṛte raparatve ca na prāpnoti" iti. kṛ ṣyata iti sthite guṇaḥ prāpnoti, ciṇvadbhāvaśca; tatra paratvādguṇaḥ, tatra kṛte raparatvam(). yadyupadeśagrahaṇaṃ na kriyeta tato'najantatvādiha na syāt(). upadeśagrahaṇādbhavati. yadyapi karotiruttarakālamanajantaḥ, upadeśe tvajanta eva. yadi ciṇi yaddṛṣṭaṃ kāryaṃ tadatidiṣṭaṃ haniṇiṅādeśā api prāpnuvanti. teṣāmapi tanna dṛṣṭatvāt()? ityata āha--"aṅgādhikāravihitam()" ityādi. "aṅgasya" ityadhikāre sati pratyasatteraṅgādhikāre vihitaṃ kāryaṃ yacciṇi dṛśyate sāmānyena tadatidiśyate, na tu yadviprakṛṣṭaṃ prakaraṇāntaravihitam(). na ca haniṇiṅāmādeśā aṅgādhikāre vihitāḥ, api tu prakaraṇāntare. tasmān te'tidiśyanta iti na bhavanti tatra. "dhāniṣyate" ityatra "luṅi ca" 2.4.43 ityanena vihito vadhādeśo na bhavati. "āyiṣyate" iti. "iṇo gā luṅi" 2.4.45 ityanena vihito gādeśaḥ. "adhyāyiṣyate" iti. atra "vibhāṣā luṅlṛṅoḥ" 2.4.50 ityanena vihitau gāṅādeśaḥ. evamapi syādibhyaḥ parasya pratyayasaya luk? prāpnoti; aṅgādhikāre ciṇa uttarasaya pratyayasya "ciṇoluk()" (6.4.104) iti lugvidhānāt()? naiṣa doṣaḥ; iha hi saptamīsamarthādvihitasya vaterāśrayaṇam(). tena ciṇi yaddṛṣṭaṃ kāryaṃ pūrvasya sambhavati tadatidiśyate, na tūttarasya yat? kāryaṃ tadapi॥

upadeśe yo'c tadantānāṃ hanādīnāṃ ca ciṇīvāṅgakāryaṃ vā syātsyādiṣu bhāvakarmaṇorgamyamānayoḥ syādīnāmiḍāgamaśca. ciṇvadbhāvapakṣe'yamiṭ. ciṇvadbhāvād vṛddhiḥ. bhāvitā, bhavitā. bhāviṣyate, bhaviṣyate. bhūyatām. abhūyata. bhāviṣīṣṭa, bhaviṣīṣṭa..

syasicsīyuṭtāsiṣu bhāvakarmaṇorupadeśe'jjhanagrahadṛśāṃ vā ciṇvadiṭ ca 756, 6.4.62 upadeśe yo'c tadantānāṃ hanādīnāṃ ca ciṇīvāṅgakāryaṃ vā syātsyādiṣu bhāvakarmaṇorgamyamānayoḥ syādīnāmiḍāgamaśca. ciṇvadbhāvapakṣe'yamiṭ. ciṇvadbhāvād vṛddhiḥ. bhāvitā, bhavitā. bhāviṣyate, bhaviṣyate. bhūyatām. abhūyata. bhāviṣīṣṭa, bhaviṣīṣṭa॥

syasic. ac hana graha dṛś eṣāṃ dvandvātṣaṣṭhī. upadeśa itca eva viśeṣaṇam, netareṣām, avyabhicārāt. tadāha— upadeśe yo'jiti. `a' jityasyaṃ upadeśānvayitve'pi sautraḥ samāsaḥ. `a'jiti luptaṣaṣṭhīkaṃ vā. `ciṇva'diti saptamyantādvanatiḥ, `syasicsīyuṭtāsiṣvi'tyupameyataḥ saptamīdarśanāt. tadāha- - ciṇīveti. aṅgakāryamiti. aṅgasyetyadhikṛtatvāditi bhāvaḥ. `bhāvakarmavāciṣu syādiṣvi' ti nārthaḥ,sīyuṭo liṅāgamatayā bhāvakarmavācitve'pi syasictāsīnāṃ bhāvakarmavācitvā'bhāvāt. nāpi `bhāvakarmavācini pratyaye pare ye syādayasteṣvi'tyarthaḥ, syasictāsīnāṃ bhāvakarmavācipratyayaparatvasaṃbhave'pi sīyuṭastadasaṃbhavāt. sīyuḍāgamaviśiṣṭasyaiva liṅo bhāvakarmavācitayā kevalasīyuṭo na bhāvakarmavācipratyayaparakatvamasti. ato viṣayasaptamīti matvā''ha- - syādīnāmiḍāgamaśceti. atra ajjhanagrahadṛśāṃ, syādīnāṃ ca na yathāsaṅkhyaṃ, vyākhyānāt. `syādiṣu pareṣu aṅgasya i' ḍiti nārthaḥ, `ādrdhadhātukasyeḍvalāde' rityatra `ādrdhadhātuke' iti yogaṃ vibhajya `yāvāniṭ sa ādrdhadhātukasyaive'ti bhāṣye uktatvāt. ciṇi yadaṅgādhikāravihitaṃ kāryaṃ tasyaivātrātideśo, na tu ciṇi dṛṣṭamātrasya. tena `ghāniṣyate' ityatra `hano vadha liṅi, luṅi ce'ti ciṇi dṛṣṭo vadhādeśaściṇvaditi nātidiśyate, tasya dvaitīyīkatvena aṅgādhikāravihitatvā'bhāvāt. tathā āyiṣyate ityatra iṇo gādeśo na. `adhyāyiṣyate' ityatra iṅo gāṅādeśo na , dvaitīyīkatvāt. ciṇvattvā'bhāve ayamiṇnetyāha– ayamiḍiti. seṭkasya valāditvalakṣaṇa iṭ tu syādeveti bhāvaḥ. nanu bhūyeteti vidhiliṅi cimvatvam iṭ ca syātāmityata āha– ihādrdhadhātuke iti. netareṣāmiti. syasictāsīnāṃ na viśeṣaṇamityarthaḥ. avyabhicārāditi. syasictāsīnāṃ sarvatrā''drdhadhātukatvaniyamāditi bhāvaḥ. atra vārtikam– `ciṇvadvṛddhiryukca hanteśca ghtavaṃ dīrghaścokto yo mitāṃ vā ciṇīti. iṭvā'siddhastena me lupyate ṇirnityaścāyaṃ valnimitto vighātī॥' iti. syasicsīyuḍiti sūtrasya vṛddhyādi prayojanamityarthaḥ. tatra vṛdiṃ?dha darśayati– ciṇvadbhāvādvṛddhiriti. luṭi bhū tā iti sthite ciṇvattvāt `aco'ñṇitī'ti vṛddhirityarthaḥ. iḍāgamaścetyapi bodhyam. tatphalaṃ tu vakṣyate. tathā dādhātorluṭi `āto yuk ciṇkṛto' riti yuk. tathā lṛṭi `ghāniṣyate' ityatra `hohanterñṇinneṣu' iti ghatvam. śamerhetumaṇṇynatālluṭi–śāmitā śamitetyatra `ciṇṇamulo'riti vā dīrghaḥ. tathā anenaivā'tra iṭi kṛte tasya ābhīyatvenā'siddhatvādaniṭīti niṣedhā'bhāvāṇṇilopaḥ. tathā `bhāviṣyate' ityatra bhū-sya iti sthite paramapi valādilakṣaṇaṃ iṭaṃ bādhitvā nityatvādanena iṭ, valnimitte iṭi kṛte'kṛte ca ciṇvadiṭaḥ pravṛttyā kṛtā'kṛtaprasaṅgitvāt. valādilakṣaṇastviṇna nityaḥ, ciṇvadiṭi kṛte valāditvasya vihatatvena valādilakṣamasya iṭo'pravṛtteḥ. nityaścāyamityasya `ciṇvadi'ḍiti śeṣaḥ. `valnimitta ityanantaram `iḍanitya ita śeṣaḥ. anityatve hetuḥ– `vighātīti. ciṇvadiṭo valādinimittavighātakatvādityarthaḥ. evaṃ ca seṭkatve'pyanenaiva iṭ. etadabhāvapakṣe tu seṭkatve valādilakṣaṇa iḍiti bodhyam. tadāha– bhaviteti. ciṇvadiḍabhāvapakṣe valādilakṣaṇa iḍiti bhāvaḥ.

syasicsīyuṭtāsiṣu bhāvakarmaṇorupadeśe'jjhanagrahadṛśāṃ vā ciṇvadiṭ ca 582, 6.4.62 syasic. ac hana graha dṛś eṣāṃ dvandvātṣaṣṭhī. upadeśa itca eva viśeṣaṇam, netareṣām, avyabhicārāt. tadāha--- upadeśe yo'jiti. "a" jityasyaṃ upadeśānvayitve'pi sautraḥ samāsaḥ. "a"jiti luptaṣaṣṭhīkaṃ vā. "ciṇva"diti saptamyantādvanatiḥ, "syasicsīyuṭtāsiṣvi"tyupameyataḥ saptamīdarśanāt. tadāha-- ciṇīveti. aṅgakāryamiti. aṅgasyetyadhikṛtatvāditi bhāvaḥ. "bhāvakarmavāciṣu syādiṣvi" ti nārthaḥ,sīyuṭo liṅāgamatayā bhāvakarmavācitve'pi syasictāsīnāṃ bhāvakarmavācitvā'bhāvāt. nāpi "bhāvakarmavācini pratyaye pare ye syādayasteṣvi"tyarthaḥ, syasictāsīnāṃ bhāvakarmavācipratyayaparatvasaṃbhave'pi sīyuṭastadasaṃbhavāt. sīyuḍāgamaviśiṣṭasyaiva liṅo bhāvakarmavācitayā kevalasīyuṭo na bhāvakarmavācipratyayaparakatvamasti. ato viṣayasaptamīti matvā'‌'ha-- syādīnāmiḍāgamaśceti. atra ajjhanagrahadṛśāṃ, syādīnāṃ ca na yathāsaṅkhyaṃ, vyākhyānāt. "syādiṣu pareṣu aṅgasya i" ḍiti nārthaḥ, "ādrdhadhātukasyeḍvalāde" rityatra "ādrdhadhātuke" iti yogaṃ vibhajya "yāvāniṭ sa ādrdhadhātukasyaive"ti bhāṣye uktatvāt. ciṇi yadaṅgādhikāravihitaṃ kāryaṃ tasyaivātrātideśo, na tu ciṇi dṛṣṭamātrasya. tena "ghāniṣyate" ityatra "hano vadha liṅi, luṅi ce"ti ciṇi dṛṣṭo vadhādeśaściṇvaditi nātidiśyate, tasya dvaitīyīkatvena aṅgādhikāravihitatvā'bhāvāt. tathā āyiṣyate ityatra iṇo gādeśo na. "adhyāyiṣyate" ityatra iṅo gāṅādeśo na , dvaitīyīkatvāt. ciṇvattvā'bhāve ayamiṇnetyāha-- ayamiḍiti. seṭkasya valāditvalakṣaṇa iṭ tu syādeveti bhāvaḥ. nanu bhūyeteti vidhiliṅi cimvatvam iṭ ca syātāmityata āha-- ihādrdhadhātuke iti. netareṣāmiti. syasictāsīnāṃ na viśeṣaṇamityarthaḥ. avyabhicārāditi. syasictāsīnāṃ sarvatrā'‌'drdhadhātukatvaniyamāditi bhāvaḥ. atra vārtikam-- "ciṇvadvṛddhiryukca hanteśca ghtavaṃ dīrghaścokto yo mitāṃ vā ciṇīti. iṭvā'siddhastena me lupyate ṇirnityaścāyaṃ valnimitto vighātī॥" iti. syasicsīyuḍiti sūtrasya vṛddhyādi prayojanamityarthaḥ. tatra vṛdiṃ()dha darśayati-- ciṇvadbhāvādvṛddhiriti. luṭi bhū tā iti sthite ciṇvattvāt "aco'ñṇitī"ti vṛddhirityarthaḥ. iḍāgamaścetyapi bodhyam. tatphalaṃ tu vakṣyate. tathā dādhātorluṭi "āto yuk ciṇkṛto" riti yuk. tathā lṛṭi "ghāniṣyate" ityatra "hohanterñṇinneṣu" iti ghatvam. śamerhetumaṇṇynatālluṭi--śāmitā śamitetyatra "ciṇṇamulo"riti vā dīrghaḥ. tathā anenaivā'tra iṭi kṛte tasya ābhīyatvenā'siddhatvādaniṭīti niṣedhā'bhāvāṇṇilopaḥ. tathā "bhāviṣyate" ityatra bhū-sya iti sthite paramapi valādilakṣaṇaṃ iṭaṃ bādhitvā nityatvādanena iṭ, valnimitte iṭi kṛte'kṛte ca ciṇvadiṭaḥ pravṛttyā kṛtā'kṛtaprasaṅgitvāt. valādilakṣaṇastviṇna nityaḥ, ciṇvadiṭi kṛte valāditvasya vihatatvena valādilakṣamasya iṭo'pravṛtteḥ. nityaścāyamityasya "ciṇvadi"ḍiti śeṣaḥ. "valnimitta ityanantaram "iḍanitya ita śeṣaḥ. anityatve hetuḥ-- "vighātīti. ciṇvadiṭo valādinimittavighātakatvādityarthaḥ. evaṃ ca seṭkatve'pyanenaiva iṭ. etadabhāvapakṣe tu seṭkatve valādilakṣaṇa iḍiti bodhyam. tadāha-- bhaviteti. ciṇvadiḍabhāvapakṣe valādilakṣaṇa iḍiti bhāvaḥ.

syasic?sīyuṭ?tāsiṣu. yadyapyajādayo dvandvena nirdiṣṭāstathāpyupadeśa ityaca eva viśeṣaṇaṃ na hanādīnām, avyabhicārāttadāha–upadeśeyo'jiti. `upadeśe ajantānā'miti na vyākhyātam. tathāhi sati ṇijantasya na syāt, tasyopadeśā'bhāvāt. upadeśo hi sākṣāduccāraṇ. na ca ṇyantasya tadasti. ciṇvaditi saptamyantādvatiḥ,

syasic?sīyuṭtāsiṣu bhāvakarmaṇorupadeśe'jjhanagarhadṛśāṃ vā ciṇvadiṭ ca 478, 6.4.62 syasic()sīyuṭ()tāsiṣu. yadyapyajādayo dvandvena nirdiṣṭāstathāpyupadeśa ityaca eva viśeṣaṇaṃ na hanādīnām, avyabhicārāttadāha--upadeśeyo'jiti. "upadeśe ajantānā"miti na vyākhyātam. tathāhi sati ṇijantasya na syāt, tasyopadeśā'bhāvāt. upadeśo hi sākṣāduccāraṇ. na ca ṇyantasya tadasti. ciṇvaditi saptamyantādvatiḥ, "syasic sīyuṭ tāsiṣu"iti pratiyoginisaptamīnirdeśādato vyācaṣṭe---ciṇīveti. nanu ca ciṇi dṛṣṭamātrasya vṛddhyādikāryasyā'tideśe ghāniṣyate āyiṣyate adhyāyiṣyate ityatra hanovadhādeśaḥ,iṇo gādeśaḥ,iṅo gāṅādeśo'pisyāditi cet. maivam. aṅgādhikārabalena āṅgasyaiva kāryasyātideśāt. na caite haniṇiṅādeśā āṅgāḥ, tadetadāha--aṅgakāryaṃ vā syāditi. sīyuṭa iti. tathā ca sīyuṭ śabdena tadviśiṣṭaṃ lakṣyata iti bhāvaḥ. ādrdhātukaṃ ityanena vyāvarttyastu vidhiliṅ. tena bhūyetetyatra na bhavati. na cā'tra "liṅaḥ salopaḥ" iti salopādvalāditvaṃ nāstīti vācyaṃ, tasyehānapekṣaṇāt. yadāhuḥ-- "ciṇvadvṛddhiryukca hanteśca ghatvaṃ dīrghaścokto yo mitāṃ vā ciṇīti. iṭ cā'siddhastena me lupyate ṇirnityaścāyaṃ valnimitto vighātī." iti. asyārthaḥ-- "ciṇva" dityatideśasya vṛddhyādikaṃ prayojanam. tathā hi "bhāvitā" "bhāviṣyate" ityādau vṛddhiḥ. "dāyitā" "dāyiṣīṣṭe" ityādau yuk, "ghānitā" ghāniṣyate" ityādau ghatvam. hetumaṇṇyantātkarmaṇila lakāre "śāmitā" "śamitā" "śāmiṣyate" "śamiṣyate" ityādau ciṇṇamuloriti, mitāmupadhāyā vā dīrghaḥ. atraiva śa#āmitetyādau "syasic()sīyu"ḍityanena kṛta iṭ ābhīyatvenā'siddhaḥ, tenā'niṭīti niṣedho na pravartata iti ṇerlopo bhavati. "bhāviṣyate" ityādau bhū--sya iti sthite paramapi valādilakṣaṇamiṭaṃ bādhitvā ciṇvadiḍeva bhavati. yato'yaṃ nityaḥ. vilnamito vighātī tvanityaḥ. sāptamike tasminkṛte'yaṃ ciṇvadiḍbhavati. asminkṛte tu sa na bhavati. valādinimittasya vihitatvāt. evaṃ ca nityatvātseḍbhayo'pyapayameveḍbhavati. etadabhāvapakṣe tu seḍbhayo valādilakṣaṇa iḍbhavatīti bodhyam.