1/24:atha kimartham śnamaḥ saśakārasya grahaṇam kriyate na nāt nalopaḥ iti eva ucyeta |
2/24:nāt nalopaḥ iti iyati ucyamāne nanditā nandakaḥ iti atra api prasajyeta |
3/24:evam tarhi evam vakṣyāmi nāt nalopaḥ aniditām |
4/24:tataḥ halaḥ upadhāyāḥ kṅiti |
5/24:aniditām iti |
6/24:na evam śakyam |
7/24:iha na syāt : hinasti |
8/24:tasmāt na evam śakyam |
9/24:na cet evam nanditā nandakaḥ iti prāpnoti |
10/24:evam tarhi kṅiti iti vartate |
11/24:evam api hinasti iti atra na prāpnoti |
12/24:na eṣā parasaptamī |
13/24:kā tarhi |
14/24:satsaptamī |
15/24:kṅiti sati |
16/24:evam tarhi naśabdaḥ eva atra kṅittvena viśeṣyate kṅit cet naśabdaḥ bhavati iti |
17/24:evam api yajñānām , yatnānām iti atra na prāpnoti |
18/24:dīrghatvam atra bādhakam bhaviṣyati |
19/24:idam iha sampradhāryam |
20/24:dīrghatvam kriyatām nalopaḥ iti kim atra kartavyam |
21/24:paratvāt nalopaḥ |
22/24:tasmāt saśakārasya grahaṇam kartavyam |
23/24:atha kriyamāṇe api saśakāragrahaṇe iha kasmāt na bhavati viśnānām , praśnānām iti |
24/24:lakṣaṇapratipadoktayoḥ pratipadoktasya eva iti evam na bhaviṣyati |

śnātiti śnamayamutsṛṣṭamakāro gṛhyate. tata uttarasya nakārasya lopo bhavati. anakti. bhanakti. hinasti. śakāravato grahaṇam kim? yajñānām. yatnānām. supi ca 7-3-102 iti paratvāt kṛte 'pi dīrghatve sthānivadbhavāt nalopaḥ syādeva. viśnānām, praśnānām ityatra lakṣaṇapratipadoktayoḥ pratipadoktasya eva ityevaṃ na bhavati.

śnān nalopaḥ 6.4.23 śnātiti śnamayamutsṛṣṭamakāro gṛhyate. tata uttarasya nakārasya lopo bhavati. anakti. bhanakti. hinasti. śakāravato grahaṇam kim? yajñānām. yatnānām. supi ca 7.3.102 iti paratvāt kṛte 'pi dīrghatve sthānivadbhavāt nalopaḥ syādeva. viśnānām, praśnānām ityatra lakṣaṇapratipadoktayoḥ pratipadoktasya eva ityevaṃ na bhavati.

śnānnalopaḥ. , 6.4.23 anyasya śnaśabdasyāsambhavādasatyapi śnamo makārasya śravaṇe sāmathryāt? śnama eva grahaṇaṃ vijñāyate, ityata āha--"śnamayamutsṛṣṭamukāraḥ" iti. utsṛṣṭaḥ=parityakto makāro yasya sa tathoktaḥ. "anakti" ityādi. "añjū vyaktimrakṣaṇakāntigatiṣu" (dhā.pā.1458) "bhanjo āmardane" (dhā.pā.1453) "hisi hiṃsāyām()", (dhā.pā.1456) asyodittvānnum(), rudhāditvāt? śnam(). śakāravatograhaṇametadarthaṃ kriyate--"nanditā, nandakaḥ" ityatra mā bhūditi, etaccāprayojanam(); "pratyayāpratayayayoḥ pratyayasyaiva grahaṇam()" (vyā.pa.72) ityanayā paribhāṣayā'tra na bhaviṣyati. jñāpakācca, yadayaṃ nandinandanaśabdau kṣubhnādiṣu paṭhati, tajjñāpayati--nandernakāralopo na bhavatīti. sāmānyāpekṣañca jñāpakam(), tena "nanditā, nandakaḥ" ityatrāpi na bhaviṣyati. tasmāt? "nānna lopaḥ" ityevaṃ vaktavyamityabhiprāyeṇāha--"śakāravato grahaṇaṃ kim()" iti. "yajñānām(), yatnānām()" iti. "yajayāca" 3.3.90 iti naṅ(), tadantāt? ṣaṣṭhībahuvacanam(), nuṭ(). yadi śakāravato grahaṇaṃ na kriyeta tadā tatra nalopaḥ syādeva. syādetat()--dīrghe kṛte "nāt()" iti vyapadeśābhāvānna bhaviṣyatīti? ata āha--"supi ca" ityādi. "supi ca" 7.3.102 ityartha dīrgho'jādeśaḥ, tasya nakāralopapūrvavidhau katrtavye "acaḥ parasmin? parvavidhau" 1.1.56 iti sthānivadbhāvena tadrūpatāmāpanne parātvāddīrghatve yadi kṛte'pi śakāraviśiṣṭasya grahaṇaṃ na kriyate tadā syādevātra nalopaḥ. kṛtākṛtaprasaṅgitvācca. dīrghatvaṃ tu nakāralope kṛte nimittavihitatvānna prāpnotīti tadanityam(). nanu ca pūrvavidhau sthānivadbhāva uktaḥ, na cāyaṃ pūrvavidhiḥ? naiṣa doṣaḥ; ayamapi pūrvavadhireva. "pūrvasmād? vidhiḥ pūrvavidhiḥ" ityasyāpi samāmasya tatrāśrayaṇāt(). atha kriyamāṇe'pi śakāravato grahaṇe kasmādiha na bhavati--"vi()āānām(), praśnānām()" iti, bhavati hratrāpi śakāravānnakāraḥ? ityāha--"viśnānāṃ praśnānāmityatra" ityādi. iha hi lakṣaṇapratipadokataparibhāṣayā (vyā.pa.3.) pratapadokto yaḥ sākṣānnirdiṣṭaḥ śnaśabdastasya grahaṇam(), na tu lākṣaṇikasya. "viśnānām(), paraśnānām()" ityatra hi "cchvoḥ śūḍanunāsike ca" 6.4.19 iti śakāre kṛte śnaśabdaḥ sampadyate, sa ca lākṣamikaḥ. tasmāt? tataḥ parasya lopo na bhavati. "rāllopaḥ" (6.4.21) ityato maṇḍūkaplutinyāyena lopagrahaṇānuvṛttau satyāṃ siddhāyāṃ yat? punarlopagrahaṇaṃ kriyate tad? yoga vebhāgārtham(). "śnānna" ityeko yogaḥ, atra ca netyavibhaktiko'yaṃ nirdeśaḥ, lopagrahaṇañcānuvartate, tenāyamartho bhavati--śnāduttarasya nakārasya lopo bhavatīti; tataḥ "lopaḥ" iti dvitīyo yogaḥ, tataḥ "śnānna" ityato netyanuvartate--iṣṭe viṣaye nakāralopo yathā syāditi. tena laṅgikampiprabhṛtīnāmupatāpaśarīravikārādiṣu nalopaḥ siddho bhavati॥

śnānnalopaḥ. śnasorallopa iti. tatāca in?dh te iti sthite `jhaṣastatho'riti takārasya dhatve pūrvadhasya jaśtve pariniṣṭitamāha - inddhe iti. yadyapi `aniditā'mityevātra nalopaḥ sidhyati, tathāpi anaktītyādyarthaṃ sūtramihāpi nyāytvādupanyastamiti bodhyam. indhate. inddhve. inddhām. intasva.inddhvam. inadhai iti. śnami uttamasya iṭa etve āṭi vṛddhau ina n dh ai iti sthite śnānnalope āṭaḥ pittvena ṅittvā'bāvāt `śnasorallopaḥ' ityabhāve rupamiti bhāvaḥ. atra nalopārthamapi śnān lopa ityāvaśyakam, āṭaḥ pittvena ṅittvā'bhāvāt `aniditā'mityasyā'pravṛtteḥ. inadhāvahai. lahrāha - ainddheti. ainddhā iti. `jhaṣastatho'riti thasya dhaḥ. indhīta. luhi - aindhiṣṭa. śiṣlṛ.aniṭ. śiśeṣitheti. ajantā'kāravattvā'bhāvātkrādiniyamānnityamiṭ. śinaṣ hīti sthite allope śinṣ hi iti sthite āha – herdhirita. śin ṣ dhīti sthite āha - - jaśtvamiti. `jhalāṃ jaś jhaśī'ti ṣasyaḍa iti bhāvaḥ. ṣṭutvamiti prakriyāpradarśanamātraparaṃ, kramastu na vivakṣitaḥ. jhara iti. jaśtvasaṃpannasya ḍasya lopavikalpa ityarthaḥ. anusvāraparasavarṇāviti. nakārasya `naśce'tyanusvāre sati tasya parasavarṇo ṇakāra ityarthaḥ. `na padānte'ti niṣedhānnā'llopaḥ sthānivat. ḍhasya lopapakṣe udāharati– śiṇḍhīti. ḍhasya lopā'bhāve udāharati - śiṇḍḍhīti. vastutastu sānusvāra eva pāṭha ucitaḥ, `dīrghādācāryāṇā'mityuttaram `anusvārasya yayi parasavarṇaḥ' `vā padāntasya' `torli' `udaḥ sthāstambhoḥ pūrvasya' `jhayo ho'nyatarasyāṃ' `śaścho'raṭī'ti ṣaṭsūtrapāṭhottaraṃ `jhalāṃ jaś jhaśi' `abhyāse carca' `khari ca' `vā'vasāne' `aṇo'pragṛhrasyānunāsikaḥ' iti pañcasūtrīpāṭha iti bhāṣyasaṃmatā'ṣṭādhyāyīpāṭhe parasavarṇadṛṣṭa\ufffdā `jhalāṃ jaś jhaśī'tyasya `jharo jharī'tyasya cā'siddhatvena yayparatvā'bhāve parasavarṇā'prāpteriti śabdenduśekhare sthitam.śiṃṣṭāt. śiṃṣṭam śiṃṣṭa. śinaṣāṇīti. āṭaḥ pittvena ṅittavā'bhāvāt `śnaso'rityallopa neti bhāvaḥ. aśinaḍiti. laṅastipo halṅyādilope ṣasya jaśtvamiti bāvaḥ. aśiṃṣṭām. aśiṃṣan. aśinaṭ. aśiṣṭam. aśiṃṣṭa. aśinaṣam aśiṃṣva aśiṃṣma. bhañjo. bhanaktīti. śnami bha na n j tīti sthite `śnānna lopaḥ' iti nalopa iti bhāvaḥ. bhaṅktaḥ bhañjantītyādyūhram. bhāradvājaniyamātthali veḍiti matvāha – vabañjitha baṅaṅktheti. bhaṅkteti. aniḍiti bhāvaḥ. bhuja pālaneti. `bhujo'navane' iti taṅ vakṣyate. bhuṅkte bhuñjāte ityādi.tṛha hisi.ādya ṛdupadhaḥ. seṭ. śnami kṛte tṛṇah ti iti sthite –

śnānnalopaḥ 374, 6.4.23 śnānnalopaḥ. śnasorallopa iti. tatāca in()dh te iti sthite "jhaṣastatho"riti takārasya dhatve pūrvadhasya jaśtve pariniṣṭitamāha - inddhe iti. yadyapi "aniditā"mityevātra nalopaḥ sidhyati, tathāpi anaktītyādyarthaṃ sūtramihāpi nyāytvādupanyastamiti bodhyam. indhate. inddhve. inddhām. intasva.inddhvam. inadhai iti. śnami uttamasya iṭa etve āṭi vṛddhau ina n dh ai iti sthite śnānnalope āṭaḥ pittvena ṅittvā'bāvāt "śnasorallopaḥ" ityabhāve rupamiti bhāvaḥ. atra nalopārthamapi śnān lopa ityāvaśyakam, āṭaḥ pittvena ṅittvā'bhāvāt "aniditā"mityasyā'pravṛtteḥ. inadhāvahai. lahrāha - ainddheti. ainddhā iti. "jhaṣastatho"riti thasya dhaḥ. indhīta. luhi - aindhiṣṭa. śiṣlṛ.aniṭ. śiśeṣitheti. ajantā'kāravattvā'bhāvātkrādiniyamānnityamiṭ. śinaṣ hīti sthite allope śinṣ hi iti sthite āha -- herdhirita. śin ṣ dhīti sthite āha -- jaśtvamiti. "jhalāṃ jaś jhaśī"ti ṣasyaḍa iti bhāvaḥ. ṣṭutvamiti prakriyāpradarśanamātraparaṃ, kramastu na vivakṣitaḥ. jhara iti. jaśtvasaṃpannasya ḍasya lopavikalpa ityarthaḥ. anusvāraparasavarṇāviti. nakārasya "naśce"tyanusvāre sati tasya parasavarṇo ṇakāra ityarthaḥ. "na padānte"ti niṣedhānnā'llopaḥ sthānivat. ḍhasya lopapakṣe udāharati-- śiṇḍhīti. ḍhasya lopā'bhāve udāharati - śiṇḍḍhīti. vastutastu sānusvāra eva pāṭha ucitaḥ, "dīrghādācāryāṇā"mityuttaram "anusvārasya yayi parasavarṇaḥ" "vā padāntasya" "torli" "udaḥ sthāstambhoḥ pūrvasya" "jhayo ho'nyatarasyāṃ" "śaścho'raṭī"ti ṣaṭsūtrapāṭhottaraṃ "jhalāṃ jaś jhaśi" "abhyāse carca" "khari ca" "vā'vasāne" "aṇo'pragṛhrasyānunāsikaḥ" iti pañcasūtrīpāṭha iti bhāṣyasaṃmatā'ṣṭādhyāyīpāṭhe parasavarṇadṛṣṭa()ā "jhalāṃ jaś jhaśī"tyasya "jharo jharī"tyasya cā'siddhatvena yayparatvā'bhāve parasavarṇā'prāpteriti śabdenduśekhare sthitam.śiṃṣṭāt. śiṃṣṭam śiṃṣṭa. śinaṣāṇīti. āṭaḥ pittvena ṅittavā'bhāvāt "śnaso"rityallopa neti bhāvaḥ. aśinaḍiti. laṅastipo halṅyādilope ṣasya jaśtvamiti bāvaḥ. aśiṃṣṭām. aśiṃṣan. aśinaṭ. aśiṣṭam. aśiṃṣṭa. aśinaṣam aśiṃṣva aśiṃṣma. bhañjo. bhanaktīti. śnami bha na n j tīti sthite "śnānna lopaḥ" iti nalopa iti bhāvaḥ. bhaṅktaḥ bhañjantītyādyūhram. bhāradvājaniyamātthali veḍiti matvāha -- vabañjitha baṅaṅktheti. bhaṅkteti. aniḍiti bhāvaḥ. bhuja pālaneti. "bhujo'navane" iti taṅ vakṣyate. bhuṅkte bhuñjāte ityādi.tṛha hisi.ādya ṛdupadhaḥ. seṭ. śnami kṛte tṛṇah ti iti sthite --

śnānnalopaḥ. asya mukhyodāharaṇam–anakti. bhanakti. śnādityutsṛṣṭamakārānubandhasya śnamo grahaṇamityāha– śnamaḥ parasyeti. evaṃ ca `yajayāce'ti viśnaśabdsayā''mi nuṭi viśnānāmityatra lakṣaṇapratipadokta- - pratyayagrahamaparibhāṣayoḥ pravṛttyā nalopaśaṅkaiva nāstītyāhuḥ. indhe intse. śnamo nakārasyānusvāraparasavarṇau. `aniditā'miti nalopastu na bhavati, allopasya `asiddhavadatre'tyasiddhitvātsathānivattvādvā. bhañjo. āditkaraṇaṃ niṣṭhānatvārtham. bhagnaḥ. bhuja pālanādau. `bhujo'navane' ityātmanepadaṃ vakṣyate. bhuṅkte. bhuñjāte. bhuñjate.

śnānnalopaḥ 328, 6.4.23 śnānnalopaḥ. asya mukhyodāharaṇam--anakti. bhanakti. śnādityutsṛṣṭamakārānubandhasya śnamo grahaṇamityāha-- śnamaḥ parasyeti. evaṃ ca "yajayāce"ti viśnaśabdsayā'‌'mi nuṭi viśnānāmityatra lakṣaṇapratipadokta-- pratyayagrahamaparibhāṣayoḥ pravṛttyā nalopaśaṅkaiva nāstītyāhuḥ. indhe intse. śnamo nakārasyānusvāraparasavarṇau. "aniditā"miti nalopastu na bhavati, allopasya "asiddhavadatre"tyasiddhitvātsathānivattvādvā. bhañjo. āditkaraṇaṃ niṣṭhānatvārtham. bhagnaḥ. bhuja pālanādau. "bhujo'navane" ityātmanepadaṃ vakṣyate. bhuṅkte. bhuñjāte. bhuñjate.