1/23:gameḥ dīrghatve iṅgrahaṇam | gameḥ dīrghatve iṅgrahaṇam kartavyam |*
2/23:iṅgameḥ iti vaktavyam |
3/23:iha mā bhūt : sañjigaṃsate vatsaḥ mātrā iti |
4/23:agrahaṇe hi anādeśasya api dīrghaprasaṅgaḥ |*
5/23:akriyamāṇe hi iṅgrahaṇe anādeśasya api dīrghatvam prasajyeta |
6/23:sañjigaṃsate vatsaḥ mātrā iti |
7/23:na vā chandasi anādeśasya api dīrghatvadarśanāt iṅgrahaṇānarthakyam |*
8/23:na vā iṅgrahaṇam kartavyam |
9/23:kim kāraṇam |
10/23:chandasi anādeśasya api dīrghatvadarśanāt |
11/23:chandasi anādeśasya api gameḥ dīrghatvam dṛśyate |
12/23:svargam lokam sañjigāṃsat |
13/23:chandasi anādeśasya api dīrghatvadarśanāt iṅgrahaṇam anarthakam |
14/23:yathā eva tarhi chandasi anādeśasya api gameḥ dīrghatvam bhavati evam bhāṣāyām api prāpnoti |
15/23:tasmāt iṅgrahaṇam kartavyam |
16/23:na kartavyam |
17/23:yogavibhāgaḥ kariṣyate |
18/23:acaḥ sani |
19/23:ajantānām sani dīrghaḥ bhavati |
20/23:tataḥ hanigamyoḥ |
21/23:hanigamyoḥ ca sani dīrghaḥ bhavati |
22/23:acaḥ iti eva |
23/23:acaḥ sthāne yau hanigamī |

1/10:atha upadhāgrahaṇam anuvartate uta aho na |
2/10:kim ca ataḥ |
3/10:sani dīrghe upadhādhikāraḥ cet vyañjanapratiṣedhaḥ |*
4/10:sani dīrghe upadhādhikāraḥ cet vyañjanapratiṣedhaḥ vaktavyaḥ , cicīṣati tuṣṭūṣati iti evam artham |
5/10:evam tarhi nivṛttam |
6/10:anadhikāre uktam |*
7/10:kim uktam |
8/10:hanigamidīrgheṣu ajgrahaṇam iti |
9/10:na eṣaḥ doṣaḥ |
10/10:uktam etat hrasvaḥ dīrghaḥ plutaḥ iti yatra brūyāt acaḥ iti etat tatra upasthitam draṣṭavyam iti |

ajantānām aṅgānaṃ hanigamyośca sani jhalādau pare dīrgho bhavati. ajantānām vivīṣati. tuṣṭūṣati. cikīrṣati. jihīrṣati. han jighāṃsati. gam adhijigāṃsate. gameriṅādeśasya iti vaktavyam. iha mā bhūt sañjigaṃsate vatso mātra iti. svargaṃ lokaṃ samajigāṃsatiti chandasi yadaniṅādeśasya api dīrghatvaṃ dṛśyate, tadanyeṣām api dṛśyate 6-3-137 ityanena bhavati. atha vā iha ajgrahaṇaṃ na kartavyam. sani dīrgho bhavati ityetāvadeva sūtraṃ kartavyam. tatrācā gṛhyamāṇasya viśeṣaṇe sati siddham ajantasya dīrghatvam? tat kriyate pravṛttibhedena gamerapi viśeṣaṇārtham, ajantasya aṅgasya dīrgho bhavati, ajādeśasya gameḥ iti. tato na vaktavyam idaṃ gameriṅādeśasya iti.

ajjhanagamāṃ sani 6.4.16 ajantānām aṅgānaṃ hanigamyośca sani jhalādau pare dīrgho bhavati. ajantānām vivīṣati. tuṣṭūṣati. cikīrṣati. jihīrṣati. han jighāṃsati. gam adhijigāṃsate. gameriṅādeśasya iti vaktavyam. iha mā bhūt sañjigaṃsate vatso mātra iti. svargaṃ lokaṃ samajigāṃsatiti chandasi yadaniṅādeśasya api dīrghatvaṃ dṛśyate, tadanyeṣām api dṛśyate 6.3.136 ityanena bhavati. atha vā iha ajgrahaṇaṃ na kartavyam. sani dīrgho bhavati ityetāvadeva sūtraṃ kartavyam. tatrācā gṛhyamāṇasya viśeṣaṇe sati siddham ajantasya dīrghatvam? tat kriyate pravṛttibhedena gamerapi viśeṣaṇārtham, ajantasya aṅgasya dīrgho bhavati, ajādeśasya gameḥ iti. tato na vaktavyam idaṃ gameriṅādeśasya iti.

ajjhanagamāṃ sani. , 6.4.16 "upadhāyāḥ" 6.4.7 iti nivṛttam(), ata eva vṛttau "upadhāyāḥ" iti noktam(). kaḥ punastadanuvṛttau doṣaḥ syāt()? vyañjanasyāpi dīrghatvaṃ prasajyeta. cikīrṣati, tuṣṭūṣatītyatra hi yathā "acaḥ" 1.2.28 iti vacanādaco bhavati, tathā "upadhāyāḥ" iti vacanādanaco'pi syāt(). yadyevam(), hanigamyoracyupadhāyā dīrghatvaṃ na syāt(), kasya tarhi syāt()? "alo'ntyasya" (1.1.52) ityantyasya? naitadasti; atra hi dīrghagrahaṇena yat? "acaḥ" 1.2.28 ityupasthāpitaṃ taddhanigamibhyāṃ viśeṣayiṣyāmaḥ--aco dīrgho bhavati sa ceddhanigamyoriti. yadyevam(), abhyāsasyāpi syāt()? naitat(); kṛtadīrghasyaiva dvirvacanavidhānāt(). kuta etat()? dvirvacanāt? dīrghasya paratvāt(). "tuṣṭūṣati" iti. "śarpūrvāḥ khayaḥ śeṣaḥ" ["śeṣaḥ" iti sūtre nāsti--7.4.61] 7.4.61. "cikīrṣati" iti. "ṛta iddhātoḥ" 7.1.100 itīttvam(), raparatvam(), "hali ca" 8.2.77 iti dīrghaḥ, abhyāsasya "kuhoścuḥ" 7.4.62 iti cutvam(). "jighāṃsati" iti. "abhyāsācca" 7.3.55 iti hanteḥ kutvam()--ghakāraḥ, abhyāsasya pūrvavaccutvam()--jhakāraḥ, tasya "abhyāse carca" 8.4.53 iti jakāraḥ. "adhijighāṃsate" iti. "iṅaśca" 2.4.48 itīṅo gamirādeśaḥ, "pūrvavatsanaḥ" 1.3.62 ityātmanepadam(). "sañjigāṃsate" iti. atrāpi "pūrvavatsanaḥ" 1.3.62 iti taṅa. gamehrrasanantāt? "samo gamyucchi" 1.3.29 ityādinātmanepadaṃ vihitam(). iṅo'pi "anudāttaṅitaḥ" 1.3.12 ityādinā. yadi gameriṅādeśasyeti vacanaṃ, tatkathaṃ chandasyaniṅādeśasyāpi svargaṃ lokaṃ samajigāṃsadityatra dīrghatvaṃ dṛśyate? ityāha--chandasi yadaniṅādeśasyāpi" ityādi. "samajigāṃsat()" iti. gameḥ sanantālluṅa, "gameriṭ? pasmaipadeṣu 7.2.58 itīḍāgamo na bhavati; "na vṛdbhyaścatubhryaḥ" 7.2.59 ityatra neti yogavibhāgāt(). "iha" ityādinā yaduktaṃ "gameriṅādeśasya" (vā.775) iti, tatpratyācaṣṭe. "sani" iti prathamo yogaḥ, hanigamyostu dīrghavidhānāya "hanigamyoḥ" iti dvitīyo yogaḥ kattavya ityabhiprāyaḥ. kathaṃ punaretāvati yoge kriyamāṇe'jantasyaiva dīrghatvaṃ sidhyati? ityata āha--"tatra" ityādi. "gṛhramāṇasya" iti. kṛdyoge karmaṇi ṣaṣṭhī. "viśeṣaṇe"iti. bhāve lyuṭ(). viśeṣaṇamanajanatavyavacchedāya. yatra hyasvadīrghaplutāḥ śiṣyanete tatra "acaśca" 1.2.28 ityetadupatiṣṭate, tatrāṅgasya dīrgho bhavati, kiṃviśiṣṭasyācaḥ? evamacā gṛhramāṇasyāṅgasya viśeṣaṇe vyavacchede sati vinā'pyajgrahaṇenāntasyaiva dīrghatvaṃ siddham(), yathā--"akṛtsārvadhātukayoḥ" 7.4.25 ityatra. tasmādapārthakatvānna katrtavyameva. kimarthaṃ taddhi kriyate? ityāha--"tatkriyate" iti. pravatrtanaṃ pravṛttiḥ=vyāpāraḥ, tasya bhedo nānātvam(). pravṛttibhedaścaikasyāṃ satyāmāvṛtto na sambhavatītyāvṛttirabhyupagantavyā. nanu ca "acaśca" (1.2.28) ityasyopaśtāne sati dve ajgrahaṇe bhavata iti kimityāvṛttirāśrīyate? naitadasti; asati hrajagrahaṇe "acaśca" 1.2.28 ityasyopasthānaṃ bhavati. atrājagrahaṇe tu sati nirdiṣṭasthānikatvāt? "acaśca" 1.2.28 ityetannopatiṣṭate, yathā "aco ñṇiti" 7.2.115 ityatrekparibhāṣā "ajantasyāṅgasya" ityādinā pravṛttibhedenāṅgamacā gamiñca viśeṣayati. "tato na vaktavyamidam()" iti. ajgarahaṇenaivaitatpratipādyasayārthasyāsiddhatvāt(). na hīṅādeśamuktvā'nyo gamiracaḥ sthāne sambhavati॥

ajjhanagamāṃ sani. ac, han, gam– eṣāṃ dvandvaḥ. `nopadhāyāḥ' ityata upadhāyā ityanuvṛttaṃ hanagamoranveti, na tvajante, asaṃbhavāt. aṅgasyetyadhikṛtam. acastadviśeṣaṇatvāttadantavidhiḥ. gamadhāturiha ajādeśa eva vivakṣita iti prakṛtasūtrabhāṣye spaṣṭam. `ḍhralope pūrvasye'tyato dīrgha ityanuvartate. tadāha- - ajantānāmityādinā. jhalādau sanīti. `cchvoḥ śū'ḍiti sūtrabhāṣye `ajjhanagamā'mityatra sanaṃ jhalā viśeṣayiṣyām ityukteriti bhāvaḥ. atha jidhātorabhyāsātparasya kutvavidhiṃ smārayati– sanliṭorjeriti. jigīṣatīti. jigīṣatīti. jerdīrghe abhyāsātparasya kutvam. atha ciñdhātorabhyāsātparasya kutvavikalpaṃ smārayati– vibhāṣā ceriti. cikīṣati- cicīṣatīti. ajantatvāddīrghaḥ. jighāṃsatīti. haneḥ sani `ajjhane'tyakārasya dīrghaḥ, na tvantyasya nakārasya, dīrghaśrutyā `acaṭa ityupasthiteḥ. dvitvam. `abhyāsācce'ti kutvam. `naśce'tyanusvāraḥ.

ajjhanagamāṃ sani 441, 6.4.16 ajjhanagamāṃ sani. ac, han, gam-- eṣāṃ dvandvaḥ. "nopadhāyāḥ" ityata upadhāyā ityanuvṛttaṃ hanagamoranveti, na tvajante, asaṃbhavāt. aṅgasyetyadhikṛtam. acastadviśeṣaṇatvāttadantavidhiḥ. gamadhāturiha ajādeśa eva vivakṣita iti prakṛtasūtrabhāṣye spaṣṭam. "ḍhralope pūrvasye"tyato dīrgha ityanuvartate. tadāha-- ajantānāmityādinā. jhalādau sanīti. "cchvoḥ śū"ḍiti sūtrabhāṣye "ajjhanagamā"mityatra sanaṃ jhalā viśeṣayiṣyām ityukteriti bhāvaḥ. atha jidhātorabhyāsātparasya kutvavidhiṃ smārayati-- sanliṭorjeriti. jigīṣatīti. jigīṣatīti. jerdīrghe abhyāsātparasya kutvam. atha ciñdhātorabhyāsātparasya kutvavikalpaṃ smārayati-- vibhāṣā ceriti. cikīṣati- cicīṣatīti. ajantatvāddīrghaḥ. jighāṃsatīti. haneḥ sani "ajjhane"tyakārasya dīrghaḥ, na tvantyasya nakārasya, dīrghaśrutyā "acaṭa ityupasthiteḥ. dvitvam. "abhyāsācce"ti kutvam. "naśce"tyanusvāraḥ.

ajjhagamām. gamaḥ sāmānyena grahame gamlṛ gatāvityasmātsaṃjigaṃsate ityatrātiprasaṅgaḥ syādataḥ `sani ca', `iṅaśce'ti sūtrābhyāṃ vihitasyeṇiṅorādeśasya, `iṇvadikaḥ'iti ika ādeśasya ca grahaṇamityāśayenāha- - ajādeśagameriti. etacca sūtre'jgrahaṇāllabhyate. tathāhi– iha `sanī'tyeva sūtraṃ kartavyaṃ, dīrghaśrutyopasthitenā'ca ityanenāṅgasya viśeṣaṇādajantāṅgasya dīrghaḥ. cicīṣati. tato `hanigamyo'rityaparaṃ kartavyam. evaṃ cā'jgrahaṇamatirityamānaṃ pravṛttibhedena gamerviśeṣaṇārtham. ajantasya dīrgo bhavati, ajādeśagameśceti. jhalādāviti kim ?. jigamiṣati. `gameriṭ parasmaipadeṣu' iti iṭ.

ajjhanagamāṃ sani 385, 6.4.16 ajjhagamām. gamaḥ sāmānyena grahame gamlṛ gatāvityasmātsaṃjigaṃsate ityatrātiprasaṅgaḥ syādataḥ "sani ca", "iṅaśce"ti sūtrābhyāṃ vihitasyeṇiṅorādeśasya, "iṇvadikaḥ"iti ika ādeśasya ca grahaṇamityāśayenāha-- ajādeśagameriti. etacca sūtre'jgrahaṇāllabhyate. tathāhi-- iha "sanī"tyeva sūtraṃ kartavyaṃ, dīrghaśrutyopasthitenā'ca ityanenāṅgasya viśeṣaṇādajantāṅgasya dīrghaḥ. cicīṣati. tato "hanigamyo"rityaparaṃ kartavyam. evaṃ cā'jgrahaṇamatirityamānaṃ pravṛttibhedena gamerviśeṣaṇārtham. ajantasya dīrgo bhavati, ajādeśagameśceti. jhalādāviti kim?. jigamiṣati. "gameriṭ parasmaipadeṣu" iti iṭ.