1/11:arvaṇas tṛ maghonaḥ ca na śiṣyam chāndasam hi tat |*
2/11:arvaṇas tṛ maghonaḥ ca na śiṣyam |
3/11:kim kāraṇam |
4/11:chāndasam hi tat |
5/11:dṛṣṭānuvidhiḥ chandasi bhavati |
6/11:matubvanyoḥ vidhānāt ca |*
7/11:matubvanī khalu api chandasi vidhīyete |
8/11:chandasi ubhayadarśanāt |*
9/11:ubhayam khalu api chandasi dṛśyate |
10/11:imāni arvaṇaḥ padāni |
11/11:anarvaṇam vṛṣabham mandrajihvam |

arvanityetasya aṅgasya tṛ ityayam ādeśo bhavati, suścet tataḥ paro na bhavati, sa ca naña uttaro na bhavati. arvantau. arvantaḥ. arvantam, arvatau, arvataḥ. arvatā, arvadbhyām, arvadbhiḥ. arvatī. ārvatam. asau iti kim? arvā. anañaḥ iti kim? anarvāṇau. anarvāṇaḥ. anarvāṇaṃ vṛṣabhaṃ mandrajihvam.

arvaṇas trasāvanañaḥ 6.4.127 arvanityetasya aṅgasya tṛ ityayam ādeśo bhavati, suścet tataḥ paro na bhavati, sa ca naña uttaro na bhavati. arvantau. arvantaḥ. arvantam, arvatau, arvataḥ. arvatā, arvadbhyām, arvadbhiḥ. arvatī. ārvatam. asau iti kim? arvā. anañaḥ iti kim? anarvāṇau. anarvāṇaḥ. anarvāṇaṃ vṛṣabhaṃ mandrajihvam.

arvaṇastrasāvanañaḥ. , 6.4.127 "t()" ityayamādeśo bhavati" iti. "nānubandhakṛtamanekāltvam()" (vyā.pa.14) ityantasya bhavati; ekāltvāt(), kārasyānubandhatvāt(). ukārasyānubandhatvāt? prathamaikavacanaṃ suśabdo gṛhrate, tena saptamībahuvacane bhavatyeva--arvatsvita. sa ca naña uttaro na bhavatīti cediti yat? prakṛtaṃ tadihāpi sambadhyate. "arvantau" iti. ṛkārasyogitkāryārthatvāt? "ugidacām()" 7.1.70 iti num(). "arvati" iti. "ugitaśca" 4.1.6 iti ṅīp(). "ārvatam()" iti. apatyārthavivakṣāyāmaṇ(). nanu ca nañivayuktanyāyena (vyā.pa.65) sādṛśyāt? soranyatra vibhaktādeva bhavitavyam()? naitat(); asāviti prasajyapratiṣedho'yam(). ata eva vṛttikṛtoktam()--"suścet? tataḥ paro na bhavati" iti. anyathā soranyo yaḥ sup? sa cet? tataḥ paro bhavatīti brāūyāt(). athāpi paryudāsaḥ? evamapyadoṣaḥ; anityatvānnañivayuktaparibhāṣāyāḥ. anityatvantu tasyāḥ "oṣadheśca vibhaktāvaprathamāyām()" 6.3.131 ityatra vibhaktigrahaṇādvijñāyate. yadi hi sā nityā syāt(), prathamāparyudāsena vibharaktāveva bhaviṣyatīti viktaktigrahaṇaṃ na kuryāt(). kurvannapi tajjñāpayati--anityeyaṃ paribhāṣeti॥

nañā rahitasyārvannityasyāṅgasya tṛ ityantādeśo na tu sau. arvantau. arvantaḥ. arvadbhyāmityādi..

arvaṇastrasāvanañaḥ 294, 6.4.127 nañā rahitasyārvannityasyāṅgasya tṛ ityantādeśo na tu sau. arvantau. arvantaḥ. arvadbhyāmityādi॥

asau iti chedaḥ. na vidyate nañ yasyeti bahuvrīhiḥ. aṅgasyetyadhikṛtam arvaṇā viśeṣyate. tadāha–nañā rahitasyetyādinā. ṛkāra it. `alo'ntyasye'ti nasya taḥ. ugittvānnumiti. `ugidacā'mityaneneti bhāvaḥ. arvantāviti. numo nasya `naścāpadāntasye'ti anusvāraḥ, parasavarṇa iti bhāvaḥ. śasādāvaci asarvanāmasthānatvānnum neti matvāha-arvata iti. arvadbhyāmiti. `svādiṣu' iti padatvājjaśtvamiti bhāvaḥ. ityādīti. arvadbhiḥ. arvate. arvadbhyaḥ. arvataḥ arvatoḥ arvatām. arvati. arvatsu. anañaḥ kimiti. `anañaḥ' ityasya kiṃ prayojanamityarthaḥ. anarvā yajvavaditi. anarvanśabdo yajvavadityarthaḥ. śasādāvaci `na saṃyogādvamantā'dityallopo neti bāvaḥ. pathin, mathin, ṛbhukṣin, ete nakārāntāḥ.

arvaṇastrasāvanañaḥ , 6.4.127 tasya sau rājavadrūpaṃ matvāha--arvā. he arvanniti. arvaṇastrāsāvanañaḥ. tṛ-asau iti chedaḥ. na vidyate nañ yasyeti bahuvrīhiḥ. aṅgasyetyadhikṛtam arvaṇā viśeṣyate. tadāha--nañā rahitasyetyādinā. ṛkāra it. "alo'ntyasye"ti nasya taḥ. ugittvānnumiti. "ugidacā"mityaneneti bhāvaḥ. arvantāviti. numo nasya "naścāpadāntasye"ti anusvāraḥ, parasavarṇa iti bhāvaḥ. śasādāvaci asarvanāmasthānatvānnum neti matvāha-arvata iti. arvadbhyāmiti. "svādiṣu" iti padatvājjaśtvamiti bhāvaḥ. ityādīti. arvadbhiḥ. arvate. arvadbhyaḥ. arvataḥ arvatoḥ arvatām. arvati. arvatsu. anañaḥ kimiti. "anañaḥ" ityasya kiṃ prayojanamityarthaḥ. anarvā yajvavaditi. anarvanśabdo yajvavadityarthaḥ. śasādāvaci "na saṃyogādvamantā"dityallopo neti bāvaḥ. pathin, mathin, ṛbhukṣin, ete nakārāntāḥ.

arvaṇastṛ.`aṅgasye'ti vartate, taccā'rvaṇā viśeṣyate, `anaña'ityanenāpi, tadāha–nañā rahitasyetyādi. `asā'viti parayudāse vibhaktau parata eva syāt, tataścā'rvatītyādau na syādityāśayenāha–na tu sāviti. nacaivamarvapriya ityādāvatiprasaṅgaḥ, aṅgena svanimittasya pratyayasyā''kṣepāllukā luptatvenā'tra pratyayalakṣaṇā'bhāvāt. etena `vāhairalupyata sahastragarvagarvaḥ'iti śrīharṣaprayogo vyākhyātaḥ. nanvevaṃ, `sthānivadādeśaḥ'iti sūtre `dhātvaṅgakṛttaddhitābyayasuptiṅpadādeśāḥ sthānivatsyu'riti prāco granthamanūdya—`ta\ufffdtka parigaṇanudāharaṇamātraṃ ve ti vikalpya,`nāntyaḥ, abyayasyāṅgapadābhyāṃ pṛthaggrahaṇavaiyathryā'diti manoramāyāṃ yaduktaṃ tatkathaṃ saṅgaccheta?, avyayasyoktirītyā'naṅgatvāt. na ca `na lumate'tyanenā'ṅgakāryaniṣedhe'pyaṅgasaṃjñāyā aniṣedhānnoktadoṣa iti vācyam, pratyaye parataḥ pūrvasya yatkāryamāṅgamanāṅgaṃ vā tatsarvaṃ `na lumate'tyanena niṣidhyate ithi `yaṅo'cu ce'ti sūtrasthamanoramāgranthaparyālocanayā lumatāśabdena lupte'ṅgasaṃjñāyā apyasvīkāryatvāt. tasyā api pratyaye parataḥ pūrvasya kāryatvāt. yadi tu lukā lupte'pyaṅgatvaṃ svīkriyate, tadā'yaṃ grantho `yaci bhaṃ'`vṛṣaṇvasva\ufffdāyo'rityatra `vṛṣa varṣukaṃ'vasu dhanaṃ yasya vṛṣaṇvasu, vṛṣā a\ufffdāo yasya vṛṣaṇa\ufffdā'ityudāhmatma bhatvādiha nalopo na bhavati, allopastu anaṅgatvānneṭa'ti mūle vaidikaprakriyāyāṃ vakṣyamāṇa granthena saha virudhyate. naca `allopo'naḥ'ityatrā`'ṅgāvayavo'sarvamānasthānayajādisvādiparo yo''niti vyākhyānādallopasya tatra prāptyabhāvādanāṅgatvāditi samādhānaṃ vyarthamiti bhramitavyam, bhasaṃjñayaiva `yajādisvādiparoyo''niti vyākhyānāvadvasva\ufffdāyoḥ parato yo'niti vyākhyānasyāpi labhāt. tasmātpadātpṛthagityeva vaktavye aṅgapadābhyāmityaṅgagrahaṇaṃ rabhasakṛtameveti cedatrāhuḥ–`na lumate'ti sūtre lumatālupte tannimittāṅgasaṃjñakasya kāryaṃ nasyāditi yadā vyākhyāyate, tadā `arvaṇastṛ'ityadyaṅgakāryā'vṛttāvapyaṅgasaṃjñāyā nirbādhatvādaṅgagrahaṇaṃ tatratyaṃ samyageva. yadātvāṅgamanāṅgaṃ vetyādimanoramāgranthasyānaṅgatvāditi mūlagranthasya ca svārasyaparyālocanayā lāghavādavyayasyāṅgatve phalābhāvācca pratyaye parataḥ pūrvasya kāryaṃ niṣidhyate, tadā tvaviśeṣeṇā'ṅgasaṃjñāyā api niṣedhādaṅgagrahaṃ tatra rabhasakṛtameva. na ca `na lumate'tyanenāṅgasaṃjñāniṣedhe `yuvoranākā'viti sūtrasthabhāṣyakaiyaṭābhyāṃ virodhaḥ syāditi vācyaṃ, tayostatra prauḍhavādena pravṛttatvāt. tathāca `na lumata tasmi'nniti siddhāntaḥ, pratyaye parataḥ pūrvasya kāryaṃ niṣidhyate`iti manoramāgranthaśca svarasataḥ saṅgacchata iti. nanu ṛdhātorvici guṇe ca `a'riti rūpaṃ, tasmānmatupi arvantāvityādi setsyati, `chandasīvanipā'viti vanapi vede `arve'ti setsyati. ṛdhororeva `strāmadipadyatrtī'tyādinā vanipi tu loke'pyarveti setsyati. rūḍhiśabdaścāyaṃ, `vājivāhārvagandharvahayasaindhavasaptayaḥ'ityamarakośāt. tataścārtho'pi na bhidyata iti kimanena sūtreṇeti cedatrāhuḥ–nāntatāntayoḥ sarvatra prayoge prāpte sau pare nañpūrvapade ca nāntasya prayogo bhavatyantra tacu nāntasya prayogo na bhavatīti vyavasthārthamidaṃ, `tṛjvatkroṣṭu'riti trisūtrīvaditi. yattu keściduktam— `arvanmaghavanśabdayorapi bhāṣāyāmasādhutvameva. 'arvaṇastṛ maghonaśca na śipyaṃ dhāndasaṃ hi tat. matubvanyorvidhānācca dhandasyubhayadarśamāt'iti vārtikāditi. tadāpātataḥ, vārtikasya vanibantamadhyodāttaparatvāt. chandasyeva vanibva#idhānāt. tathāca śrīharṣaḥ- –`vāhairalupyata sahastraddagarvagarvaḥ'iti prāyuṅlaḥ. arvantau arvanta iti. vyapadeśivadbhāvenā'rvannantatvāvrādeśaḥ. na ca vyavadeśivadbhāvo'prātipadikeneti vācyaṃ, tasya pratyayavidhiviṣayatvāt.

arvaṇastrasāvanañaḥ 325, 6.4.127 arvaṇastṛ."aṅgasye"ti vartate, taccā'rvaṇā viśeṣyate, "anaña"ityanenāpi, tadāha--nañā rahitasyetyādi. "asā"viti parayudāse vibhaktau parata eva syāt, tataścā'rvatītyādau na syādityāśayenāha--na tu sāviti. nacaivamarvapriya ityādāvatiprasaṅgaḥ, aṅgena svanimittasya pratyayasyā'‌'kṣepāllukā luptatvenā'tra pratyayalakṣaṇā'bhāvāt. etena "vāhairalupyata sahastragarvagarvaḥ"iti śrīharṣaprayogo vyākhyātaḥ. nanvevaṃ, "sthānivadādeśaḥ"iti sūtre "dhātvaṅgakṛttaddhitābyayasuptiṅpadādeśāḥ sthānivatsyu"riti prāco granthamanūdya---"ta()tka parigaṇanudāharaṇamātraṃ ve ti vikalpya,"nāntyaḥ, abyayasyāṅgapadābhyāṃ pṛthaggrahaṇavaiyathryā"diti manoramāyāṃ yaduktaṃ tatkathaṃ saṅgaccheta(), avyayasyoktirītyā'naṅgatvāt. na ca "na lumate"tyanenā'ṅgakāryaniṣedhe'pyaṅgasaṃjñāyā aniṣedhānnoktadoṣa iti vācyam, pratyaye parataḥ pūrvasya yatkāryamāṅgamanāṅgaṃ vā tatsarvaṃ "na lumate"tyanena niṣidhyate ithi "yaṅo'cu ce"ti sūtrasthamanoramāgranthaparyālocanayā lumatāśabdena lupte'ṅgasaṃjñāyā apyasvīkāryatvāt. tasyā api pratyaye parataḥ pūrvasya kāryatvāt. yadi tu lukā lupte'pyaṅgatvaṃ svīkriyate, tadā'yaṃ grantho "yaci bhaṃ""vṛṣaṇvasva()āyo"rityatra "vṛṣa varṣukaṃ"vasu dhanaṃ yasya vṛṣaṇvasu, vṛṣā a()āo yasya vṛṣaṇa()ā"ityudāhmatma bhatvādiha nalopo na bhavati, allopastu anaṅgatvānneṭa"ti mūle vaidikaprakriyāyāṃ vakṣyamāṇa granthena saha virudhyate. naca "allopo'naḥ"ityatrā"'ṅgāvayavo'sarvamānasthānayajādisvādiparo yo'"niti vyākhyānādallopasya tatra prāptyabhāvādanāṅgatvāditi samādhānaṃ vyarthamiti bhramitavyam, bhasaṃjñayaiva "yajādisvādiparoyo'"niti vyākhyānāvadvasva()āyoḥ parato yo'niti vyākhyānasyāpi labhāt. tasmātpadātpṛthagityeva vaktavye aṅgapadābhyāmityaṅgagrahaṇaṃ rabhasakṛtameveti cedatrāhuḥ--"na lumate"ti sūtre lumatālupte tannimittāṅgasaṃjñakasya kāryaṃ nasyāditi yadā vyākhyāyate, tadā "arvaṇastṛ"ityadyaṅgakāryā'vṛttāvapyaṅgasaṃjñāyā nirbādhatvādaṅgagrahaṇaṃ tatratyaṃ samyageva. yadātvāṅgamanāṅgaṃ vetyādimanoramāgranthasyānaṅgatvāditi mūlagranthasya ca svārasyaparyālocanayā lāghavādavyayasyāṅgatve phalābhāvācca pratyaye parataḥ pūrvasya kāryaṃ niṣidhyate, tadā tvaviśeṣeṇā'ṅgasaṃjñāyā api niṣedhādaṅgagrahaṃ tatra rabhasakṛtameva. na ca "na lumate"tyanenāṅgasaṃjñāniṣedhe "yuvoranākā"viti sūtrasthabhāṣyakaiyaṭābhyāṃ virodhaḥ syāditi vācyaṃ, tayostatra prauḍhavādena pravṛttatvāt. tathāca "na lumata tasmi"nniti siddhāntaḥ, pratyaye parataḥ pūrvasya kāryaṃ niṣidhyate"iti manoramāgranthaśca svarasataḥ saṅgacchata iti. nanu ṛdhātorvici guṇe ca "a"riti rūpaṃ, tasmānmatupi arvantāvityādi setsyati, "chandasīvanipā"viti vanapi vede "arve"ti setsyati. ṛdhororeva "strāmadipadyatrtī"tyādinā vanipi tu loke'pyarveti setsyati. rūḍhiśabdaścāyaṃ, "vājivāhārvagandharvahayasaindhavasaptayaḥ"ityamarakośāt. tataścārtho'pi na bhidyata iti kimanena sūtreṇeti cedatrāhuḥ--nāntatāntayoḥ sarvatra prayoge prāpte sau pare nañpūrvapade ca nāntasya prayogo bhavatyantra tacu nāntasya prayogo na bhavatīti vyavasthārthamidaṃ, "tṛjvatkroṣṭu"riti trisūtrīvaditi. yattu keściduktam---"arvanmaghavanśabdayorapi bhāṣāyāmasādhutvameva. "arvaṇastṛ maghonaśca na śipyaṃ dhāndasaṃ hi tat. matubvanyorvidhānācca dhandasyubhayadarśamātiti vārtikāditi. tadāpātataḥ, vārtikasya vanibantamadhyodāttaparatvāt. chandasyeva vanibva#idhānāt. tathāca śrīharṣaḥ---"vāhairalupyata sahastraddagarvagarvaḥ"iti prāyuṅlaḥ. arvantau arvanta iti. vyapadeśivadbhāvenā'rvannantatvāvrādeśaḥ. na ca vyavadeśivadbhāvo'prātipadikeneti vācyaṃ, tasya pratyayavidhiviṣayatvāt.