1/15:kimartham añcatinahyādiṣu kvibgrahaṇam kriyate |
2/15:iha mā bhūt |
3/15:samañcanam , upanahanam |
4/15:na etat asti prayojanam |
5/15:uttarapade iti vartate na ca antareṇa kvipam añcatinahyādayaḥ uttarapadāni bhavanti |
6/15:tatra antareṇa kvibgrahaṇam kvibante eva bhaviṣyati |
7/15:tadādividhinā prāpnoti |
8/15:ataḥ uttaram paṭhati añcatinahyādiṣu kvibgrahaṇanārthakyam yasmin vidhiḥ tadādau algrahaṇe |*
9/15:añcatinahyādiṣu kvibgrahaṇam anarthakam |
10/15:kim kāraṇam |
11/15:yasmin vidhiḥ tadādau algrahaṇe |
12/15:algrahaṇeṣu etat bhavati na ca idam algrahaṇam |
13/15:evam tarhi siddhe sati yat kvibgrahaṇam karoti tat jñāpayati ācāryaḥ anyatra dhātugrahaṇe tadādividhiḥ bhavati iti |
14/15:kim etasya jñāpane prayojanam |
15/15:ataḥ kṛkami iti atra , ayaskṛt ayaskāra iti api siddham bhavati |

sam ityetasya sami ityayam ādeśo bhavati añcatau vapratyayante uttarapade. samyak, samyañcau, samyañcaḥ.

samaḥ sami 6.3.93 sam ityetasya sami ityayam ādeśo bhavati añcatau vapratyayante uttarapade. samyak, samyañcau, samyañcaḥ.

samaḥ sami 340, 6.3.92 vapratyayānte'ñcatau. samyaṅ. samyañcau. samīcaḥ. samyagbhyām॥ ,

samaḥ sami. `samī'ti luptaprathamākam. `añcatāvapratyaye' ityanuvartate. tadabhipretya śeṣapūraṇena sūtre vyācaṣṭe–apratyayeti. samīca iti. `acaḥ' iti lope `cau' iti dīrghaḥ.

samaḥ sami , 6.3.92 samaḥ sami. "samī"ti luptaprathamākam. "añcatāvapratyaye" ityanuvartate. tadabhipretya śeṣapūraṇena sūtre vyācaṣṭe--apratyayeti. samīca iti. "acaḥ" iti lope "cau" iti dīrghaḥ.

samaḥ sami. `samī'tyavibhaktito nirdeśaḥ. evaṃ `tirasastirī'tyapi. saṅgatamañcatīti– samyaṅ. samīca iti. allope `cau' ithi dīrghaḥ. saha añcatīti.

viṣvagdevayośca ṭeradyañcatāvapratyaye 370, 6.3.92 viṣvagdevāyośca. cakāreṇa "ā sarvanāmnaḥ"ityataḥ "sarvanāmnā"labhyate, ityāha--anayoḥ sarvanāmnaśceti. apratyayānte'ñcatāviti. avidyamānaḥ pratyayo'pratyayaḥ---kvinkvibādiḥ. "añcatau vapratyaye"iti pāṭhe tu "vapratyayānte'ñcatau"iti vyākhyeyam. viṣvagdevayostūdāharaṇaṃ--viṣvagañcatīti viṣvadyaṅ. devānañcatīti devadyaṅṅiti bodhyam.