nabhrāṭ napāt navedāḥ nāsatyāḥ namuci nakula nakha napuṃsaka nakṣatra nakra nāka ityeteṣu nañ prakṛtyā bhavati. na bhrājate iti nabhrāṭ. bhrājateḥ kvibantasya nañsamāsaḥ. napāti iti napāt. pātiḥ śatrantaḥ. navetti iti navedāḥ. vittirasunpratyayāntaḥ. nāsatyāḥ satsu sādhavaḥ satyāḥ, na satyāḥ asatyāḥ, na asatyāḥ nāsatyāḥ. na muñcati iti namuciḥ. mucerauṇādikaḥ kipratyayaḥ. na asya kulam asti nakulaḥ. nakha na asya kham asti iti nakham. napuṃsaka na strī na pumān napuṃsakam. strīpuṃsayoḥ puṃsakabhāvo nipātyate. nakṣatra na kṣarate kṣīyate iti vā najñātram. kṣiyaḥ kṣaratervā kṣatram iti nipātyate. nakra na krāmati iti nakraḥ. kramerḍapratyayo nipātanāt. nāka na asminakamasti nākam.

nabhrāṇnapānnavedānāsatyānamucinakulanakhanapuṃsakanakṣatranakranākeṣu prakṛtyā 6.3.75 nabhrāṭ napāt navedāḥ nāsatyāḥ namuci nakula nakha napuṃsaka nakṣatra nakra nāka ityeteṣu nañ prakṛtyā bhavati. na bhrājate iti nabhrāṭ. bhrājateḥ kvibantasya nañsamāsaḥ. napāti iti napāt. pātiḥ śatrantaḥ. navetti iti navedāḥ. vittirasunpratyayāntaḥ. nāsatyāḥ satsu sādhavaḥ satyāḥ, na satyāḥ asatyāḥ, na asatyāḥ nāsatyāḥ. na muñcati iti namuciḥ. mucerauṇādikaḥ kipratyayaḥ. na asya kulam asti nakulaḥ. nakha na asya kham asti iti nakham. napuṃsaka na strī na pumān napuṃsakam. strīpuṃsayoḥ puṃsakabhāvo nipātyate. nakṣatra na kṣarate kṣīyate iti vā najñātram. kṣiyaḥ kṣaratervā kṣatram iti nipātyate. nakra na krāmati iti nakraḥ. kramerḍapratyayo nipātanāt. nāka na asminakamasti nākam.

nabhraṇnapānnavedānāsatyānamucinakulanakhanapuṃsakanakṣatranakranākeṣu prakṛtyā. , 6.3.74 "nabhrāṭ()" iti. "bhrājṛ dīptau" (dhā.pā.181) asmāt? "bhrājabhrāsa" 3.2.177 ityādinā kvip(), jakārasya "vraśca" 8.2.36 ityādinā ṣakāraḥ, tasya jaśatvam()--ḍakāraḥ, tasyāpi catrvam()--ṭakāraḥ. "napāt()" iti. napuṃsakatvādasatyāṃ sarvanāmasthānasaṃjñāyāmugillakṣaṇo num? na bhavati. "navedāḥ" iti. "atvasantasya cādhātoḥ" 6.4.14 iti dīrghaḥ. "satsu sādhavaḥ satyāḥ" iti. anena "tatra sādhuḥ" (4.4.98) iti sacchabdāt? prāgghitīyaṃ yataṃ darśayati. "auṇādikaḥ kipratyayaḥ" iti. "igupadhāt? kit()" (da.u.1.48) iti kipratyayaḥ. "kṣiyaḥ" iti. "kṣiṣ? hiṃsāyām()" (dhā.pā.1506), ["kṣīṣ()"--dhā.pā.] "kṣi nivāsagatyoḥ" (dhā.pā.1407) iti. "kṣaratervā" iti. "kṣara saṃñcalane" (dhā.pā.851). nakṣatramiti nipātyate. kimatra nipātyate? yadi kṣiyaḥ, tadā trapratyaya ikārasyāttvam(); yada kṣaratestadāpi trapratyayo rephalopaśca. "nāsminnakamastīti nākam()" iti. kamiti sukhamucyate. na kam()=duḥkham(). nāsminnakamasti iti nākaḥ=svargaḥ. rūḍhiśabdā hrate yathākathañcit? vyutpādyante॥

nabhrāṇnapānnavedā nāsatyā namucinakulanakhanapuṃsakanakṣatranakranākeṣu prakṛtyā 749, 6.3.74 nabhrāṇnapāt. sugamam. anuvartamāna iti. "samāsavidhayo vakṣyante" iti śeṣaḥ.

nabhrāṭ. satsu sādhavaḥ satyāḥ. `tatra sādhuḥ'iti yat. na satyā asatyāḥ. na asatyā nāsatyāḥ. iha bahuvacanamavivakṣitam. tena `nāsatyāva\ufffdiānau dasnau'iti siddham. namuciriti. `sarvadhātubya in'. `igupadhātkidi'ti kittvānna guṇaḥ. kṣarateḥ kṣīyaterveti. `kṣara sañcalane'bhvādiḥ. `kṣi nivāsagatyoḥ'tudādiḥ.

nabhrāṇnapānnavedā nāsatyā namucinakulavakhanapuṃsakanakṣatranakranākeṣu prakṛtyā 663, 6.3.74 nabhrāṭ. satsu sādhavaḥ satyāḥ. "tatra sādhuḥ"iti yat. na satyā asatyāḥ. na asatyā nāsatyāḥ. iha bahuvacanamavivakṣitam. tena "nāsatyāva()iānau dasnau"iti siddham. namuciriti. "sarvadhātubya in". "igupadhātkidi"ti kittvānna guṇaḥ. kṣarateḥ kṣīyaterveti. "kṣara sañcalane"bhvādiḥ. "kṣi nivāsagatyoḥ"tudādiḥ.