1/28:taddhite kim udāharaṇam |
2/28:ekatvam , ekatā |
3/28:na etat asti prayojanam |
4/28:puṃvadbhāvena api etat siddham |
5/28:katham puṃvadbhāvaḥ |
6/28:tāsilādiṣu ā kṛtvasucaḥ |
7/28:idam tarhi prayojanam |
8/28:ekasyāḥ āgatam ekarūpyam , ekamayam |
9/28:idam ca api udāharaṇam |
10/28:ekatvam , ekatā |
11/28:nanu ca uktam puṃvadbhāvena api etat siddham iti |
12/28:na sidhyati |
13/28:uktam etat tvataloḥ guṇavacanasya iti |
14/28:atha uttarapade kim udāharaṇam |
15/28:ekaśāṭī |
16/28:na etat asti |
17/28:puṃvadbhāvena api etat siddham |
18/28:katham puṃvadbhāvaḥ |
19/28:samānādhikaraṇalakṣaṇaḥ |
20/28:idam tarhi prayojanam |
21/28:ekasyāḥ kṣīram ekaṣīram |
22/28:idam ca api udāharaṇam |
23/28:ekaśāṭī |
24/28:nanu ca uktam puṃvadbhāvena api etat siddham iti |
25/28:na sidhyati |
26/28:na kopadhāyāḥ iti pratiṣedhaḥ prāpnoti |
27/28:na eṣaḥ doṣaḥ |
28/28:uktam etat kopadhapratiṣedhe taddhitavugrahaṇam iti |

ekaśabdasya taddhite uttarapade hrasvo bhavati. ekasyā āgatam ekarūpyam. ekamayam. ekasya bhāvaḥ ekatvam. ekatā. uttarapade ekasyāḥ kṣīram ekakṣīram. ekadugdham. liṅgaviśiṣṭasya grahaṇam ekaśabdahrasvatvaṃ prayojayati. acā hi gṛhyamāṇam atra viśeṣyate, na punarac gṛhyamāṇena iti.

eka taddhite ca 6.3.62 ekaśabdasya taddhite uttarapade hrasvo bhavati. ekasyā āgatam ekarūpyam. ekamayam. ekasya bhāvaḥ ekatvam. ekatā. uttarapade ekasyāḥ kṣīram ekakṣīram. ekadugdham. liṅgaviśiṣṭasya grahaṇam ekaśabdahrasvatvaṃ prayojayati. acā hi gṛhyamāṇam atra viśeṣyate, na punarac gṛhyamāṇena iti.

eka taddhite ca. , 6.3.61 "ekarūpyam()" iti. "hetumanuṣyabhyo'nyatarasyāṃ rūpyaḥ" 4.3.81 iti rūpyaḥ. "ekamayam()" iti. "mayaṭ? ca" 4.3.82 iti, mayaṭ(). "ekatvam(), ekatā" iti. " tasya bhāvasatvatalau" 5.1.118 iti tvatalau. yadaikaśabdaḥ saṃkhyāparo bhavati tadaitadudāharaṇam(). yadā saṃkhyeyaparo bhavati. tadā "tvalorguṇavacanasya" (vā.730) iti puṃvadbhāvenaiva siddham(). nanu ca guṇamuktavān? guṇavacanaḥ, yaśca guṇamātramabhidhāya tadviśiṣṭaṃ dravyamāha sa guṇavacano bhavati. tadyathā--kṛṣṇaḥ paṭaḥ, śuklaḥ paṭa iti; ayaṃ punarekaśabdo na kvacidapi dravyavyatiriktaṃ guṇamāha, sarvadā saṃkhyeye dravye vartata iti kṛtvā, tat? kuto'saya puṃvadbhāvaḥ? ayuktamidamabhidhīyate; tathā hi--prasiddhamāmāśrityaikādayaḥ saṃkhyeyavacanā ityucyante, na tveṣāṃ saṃkhyāne vṛttirnābhyupeyeti. tathā hi--"dvyekayordvivacanaikavacane" 1.4.22 ityatra tvekaśabdaḥ saṃkhyāyāmeva prayukto na saṃkhyeye dravye. "liṅgaviśiṣṭasya" ityādi. puṃlliṅgo ya ekaśabdaḥ sa svabhāvata eva hyasvānta iti na tadgrahaṇaṃ prayojayati, api tu strīliṃgaviśiṣṭasyaiva. tasyaiva hi hyasvatvaṃ vidhīyamānamarthavadbhavati. nanu naitasyāpyekaśabdasya ya ekārastasya hyasvatvaṃ vidhīyamānamarthavadbhavati, tat? kimucyate liṅgaviśiṣṭasyaikaśabdasya grahaṇaṃ prayojayati? ityāha--"acā gṛhramāṇam()" ityādi. viśeṣaṇaviśeṣyabhāvaṃ prati kāmacāraḥ. tathā hruktam()--viśeṣaṇaviśeṣyabhāvayoryatheṣṭatvāditi. tatra yadi gṛhramāṇenaikaśabdenājviśiṣyate--ekaśabdasya yo'jiti, tadaikasambandhina ekārasya harasvatvaṃ vidhīyamānamarthavadbhavati. puṃlliṅgasyāpyekaśabdasya grahaṇaṃ prayojati. na cātra gṛhramāṇenājviśiṣyate; ekārasya hyasavasyāniṣṭatvāt(). na hraniṣṭārthā śāstre praklṛptiryuktā (bho.pa.sū.107), tasmādācā gṛhramāṇa ekaśabdo'tra viśiṣyate. tena liṅgaviśiṣṭasya grahaṇam(). ekaśabdasya hyasvo bhavati, kiṃ viśiṣṭascācaḥ? ajantasyetyarthaḥ. tatrālo'ntyasyaiva hyasvatvena bhavitavyam(), tacca ṭābantasyaiva sārthakam(), na puṃlliṅgasya; na hi hyasvasyaiva hyasve vidhīyamāne kaścidarthaḥ sidhyati. itikaraṇo hetau. yata eva#ācā gṛhramāṇa ekaśabdo'tra viśiṣyate, tena liṅgaviśiṣṭasya grahaṇamekaśabdasya prayojayati॥

eka taddhite ca. eketi luptaṣaṣṭhīkam. tadāha–ekaśabdasyeti. `strīpratyayāntasye'ti śeṣaḥ, anyathā hyasvavidhivaiyathryāt. uttarapade ceti. cakārāttadanukarṣa iti bhāvaḥ. ekarūpyamiti. `hetumanuṣyebhyo'nyatarasyāṃ rūpyaḥ'. ekakṣīramiti. ekaśyāḥ kṣīramiti vigrahaḥ.

ekataddhite ca 985, 6.3.61 eka taddhite ca. eketi luptaṣaṣṭhīkam. tadāha--ekaśabdasyeti. "strīpratyayāntasye"ti śeṣaḥ, anyathā hyasvavidhivaiyathryāt. uttarapade ceti. cakārāttadanukarṣa iti bhāvaḥ. ekarūpyamiti. "hetumanuṣyebhyo'nyatarasyāṃ rūpyaḥ". ekakṣīramiti. ekaśyāḥ kṣīramiti vigrahaḥ.

eka taddhite ca. `eke'ti luptaṣaṣṭhīkaṃ, tadāha—ekaśabdasyoti. hyasvavidhānamasya ṭābante evopayujyate na tu kevale, svabhāvata eva hyasva tvādato vyācaṣṭe—ekasyā āgatamityādi.

ekataddhite ca 839, 6.3.61 eka taddhite ca. "eke"ti luptaṣaṣṭhīkaṃ, tadāha---ekaśabdasyoti. hyasvavidhānamasya ṭābante evopayujyate na tu kevale, svabhāvata eva hyasva tvādato vyācaṣṭe---ekasyā āgatamityādi.