1/12:sarveṣāṅgrahaṇam kimartham |
2/12:catvāriṃśatprabhṛtau sarveṣām vibhāṣā yathā syāt , dvyaṣṭanoḥ ca treḥ ca |
3/12:na etat asti prayojanam |
4/12:prakṛtam dvyaṣṭangrahaṇamanuvartiṣyate |
5/12:yadi tat anuvartate treḥ trayaḥ dvyaṣṭanoḥ ca iti dvyaṣṭanoḥ api dtrayaḥ ādeśaḥ prāpnoti |
6/12:na eṣaḥ doṣaḥ |
7/12:maṇḍūkagatayaḥ adhikārāḥ |
8/12:yathā maṇḍūkāḥ utplutya utplutya gacchanti tadvat adhikārāḥ |
9/12:atha vā ekayogaḥ kariṣyate |
10/12:dvyaṣṭanaḥ saṅkhyayām abahuvrīhyaśītyoḥ treḥ trayaḥ |
11/12:tataḥ vibhāṣā catvāriṃśatprabhṛtau sarveṣām iti |
12/12:atha vā ubhayam nivṛttam tat apekṣiṣyāmahe |

tri ityetasya trayasityayam ādeśo bhavati saṅkhyāyām abahuvrīhyaśītyoḥ. trayodaśa. trayoviṃśatiḥ. trayastriṃśata. saṅkhyāyām ityeva, traimāturaḥ. abahuvrīhyaśītyoḥ ityeva, tridaśāḥ. tryaśītiḥ. prākśatātityeva, triśatam. trisahasram.

tres trayaḥ 6.3.48 tri ityetasya trayasityayam ādeśo bhavati saṅkhyāyām abahuvrīhyaśītyoḥ. trayodaśa. trayoviṃśatiḥ. trayastriṃśata. saṅkhyāyām ityeva, traimāturaḥ. abahuvrīhyaśītyoḥ ityeva, tridaśāḥ. tryaśītiḥ. prākśatātityeva, triśatam. trisahasram.

trestrayaḥ. , 6.3.47 "trayaḥ" iti. sakārānto'yamādeśaḥ. kuta etat()? sandhivelādiṣu trayodaśīśabdapāṭhāt(). akārānte hi sati trayadaśīti pāṭhaḥ syāt(). "trayodaśa, trayorviśatiḥ" iti. "sasajuṣo ruḥ" (8.2.66) iti rutvam? "haśi ca" 6.1.110 ityattvam(), "ādguṇaḥ" (6.1.87) trirdaśa iti pūrvavat? sujarthe bahuvrīhiḥ, ḍac? samāsāntaḥ॥

trestrayaḥ. sandhivelādiṣu trayodaśīti pāṭhātsakārānto'yamādeśa ityāha– trayassyāditi. pūrva viṣaye iti. prāk?śatātsaṅkhyāśabde uttarapade parato, na tu bahuvrīhraśītyorityarthaḥ. trayodaśeti. trayaśca daśa ceti, tryadhikā daśeti vā vigrahaḥ. subluki triśabdasya trayas, rutvam, utvam, ādguṇaḥ. evaṃ trayoviṃśatirityapi. tridaśā iti. trirāvṛttā daśetyarthaḥ. `bahuvrīhau sahkhyeye ḍac' iti ḍac. nanvatra trirityasya `saṅkhyāyāḥ kriyābhyāvṛttigaṇane kutvasuc' `dvitricatubhryaḥ suc' iti sujantatvātsamāse'pi sucaḥ śravaṇāpattirityata āha– sujarthe bahuvrīhiriti. sujarthe kriyābhyāvṛttau lakṣaṇayā vidyamānasya triśabdasyaivātra `saṅkhyayāvyaye'ti bahuvrīhirna tu sujantasyetyarthaḥ. tryaśītiriti. trayaścā'śītiśceti samāhāradvandvaḥ. strītvaṃ lokāt. tryadhikā'śītiriti vā. triśatamiti. tryaśca śataṃ ceti samāhāradvandvaḥ. strītvaṃ lokāt. tryadhikā'sītiriti vā. triśatamiti. trayaśca śataṃ ceti samāhāradvandvaḥ, tryadhikaṃ śatimiti vā. evaṃ trisaharuāmityapi.

trestrayaḥ 799, 6.3.47 trestrayaḥ. sandhivelādiṣu trayodaśīti pāṭhātsakārānto'yamādeśa ityāha--trayassyāditi. pūrva viṣaye iti. prāk()śatātsaṅkhyāśabde uttarapade parato, na tu bahuvrīhraśītyorityarthaḥ. trayodaśeti. trayaśca daśa ceti, tryadhikā daśeti vā vigrahaḥ. subluki triśabdasya trayas, rutvam, utvam, ādguṇaḥ. evaṃ trayoviṃśatirityapi. tridaśā iti. trirāvṛttā daśetyarthaḥ. "bahuvrīhau sahkhyeye ḍac" iti ḍac. nanvatra trirityasya "saṅkhyāyāḥ kriyābhyāvṛttigaṇane kutvasuc" "dvitricatubhryaḥ suc" iti sujantatvātsamāse'pi sucaḥ śravaṇāpattirityata āha--sujarthe bahuvrīhiriti. sujarthe kriyābhyāvṛttau lakṣaṇayā vidyamānasya triśabdasyaivātra "saṅkhyayāvyaye"ti bahuvrīhirna tu sujantasyetyarthaḥ. tryaśītiriti. trayaścā'śītiśceti samāhāradvandvaḥ. strītvaṃ lokāt. tryadhikā'śītiriti vā. triśatamiti. tryaśca śataṃ ceti samāhāradvandvaḥ. strītvaṃ lokāt. tryadhikā'sītiriti vā. triśatamiti. trayaśca śataṃ ceti samāhāradvandvaḥ, tryadhikaṃ śatimiti vā. evaṃ trisaharuāmityapi.

trestrayaḥ. sandhivelādiṣu trayodaśīti pāṭhātsānto'yamādeśaḥ iti dhvanayannāha– -trayassyāditi. sujarthe bahuvrīhiriti. `saṃṅkhyāyāvyaye'tyādine ti śeṣaḥ. ṣoḍanniti. ṣaḍ dantā asya ṣoḍan. `vayasi dantasye'ti datrādeśaḥ.

trestrayaḥ 704, 6.3.47 trestrayaḥ. sandhivelādiṣu trayodaśīti pāṭhātsānto'yamādeśaḥ iti dhvanayannāha---trayassyāditi. sujarthe bahuvrīhiriti. "saṃṅkhyāyāvyaye"tyādine ti śeṣaḥ.ṣaṣa utvaṃ datṛdaśadhāsūttarapadāde[#ḥ]ṣṭutvaṃ ca, dhāsu veti vācyam. ṣoḍanniti. ṣaḍ dantā asya ṣoḍan. "vayasi dantasye"ti datrādeśaḥ.