1/11:devatādvandve ubhayatra vāyoḥ pratiṣedhaḥ |*
2/11:devatādvandve ubhayatra vāyoḥ pratiṣedhaḥ vaktavyaḥ |
3/11:vāyvagnī , agnivāyū |
4/11:brahmaprajāpatyādīnām ca |*
5/11:brahmaprajāpatyādīnām ca pratiṣedhaḥ vaktavyaḥ |
6/11:brahmaprajāpatī , śivavaiśravaṇau , skandviśākhau |
7/11:saḥ tarhi pratiṣedhaḥ vaktavyaḥ |
8/11:na vaktavyaḥ |
9/11:dvandve iti vartamāne punaḥ dvandragrahaṇasya etat prayojanam lokavedayoḥ yaḥ dvandvaḥ tatra yathā syāt |
10/11:kaḥ ca lokavedayoḥ dvandvaḥ |
11/11:vede ye sahanirvāpanirdiṣṭāḥ na ca ete sahanirvāpanirdiṣṭāḥ |

devatāvācināṃ yo dvandvaḥ tatra uttarapade pūrvapadasya ānaṅādeśo bhavati. indrāvaruṇau. indrāsomau. indrābṛhaspatī. dvandve iti vartamāne punar dvandvagrahaṇaṃ prasiddhasahācaryārtham. atyantasahacarite lokavijñāte dvandvam ityetat nipātyate. tatra ye loke prasiddhasāhacaryā vede ca ye sahavāpanirdiṣṭās teṣām iha grahaṇaṃ bhavati. tena brahamaprajāpatī, śivavaiśravaṇau ityevam ādau na bhavati. ubhyatra vāyoḥ pratiṣedho vaktavyaḥ. agnivāyū. vāyvagnī.

devatādvandve ca 6.3.26 devatāvācināṃ yo dvandvaḥ tatra uttarapade pūrvapadasya ānaṅādeśo bhavati. indrāvaruṇau. indrāsomau. indrābṛhaspatī. dvandve iti vartamāne punar dvandvagrahaṇaṃ prasiddhasahācaryārtham. atyantasahacarite lokavijñāte dvandvam ityetat nipātyate. tatra ye loke prasiddhasāhacaryā vede ca ye sahavāpanirdiṣṭās teṣām iha grahaṇaṃ bhavati. tena brahamaprajāpatī, śivavaiśravaṇau ityevam ādau na bhavati. ubhyatra vāyoḥ pratiṣedho vaktavyaḥ. agnivāyū. vāyvagnī.

devatādvandve ca. , 6.3.25 anukārārthamavidyāyonisambandhārtha ca vacanam(). nanu ca "ānaṅṛto dvandve" 6.3.24 ityato dvandvagarahaṇamanuvatrtata eva, tat? kimarthamiha punadrvandvagrahaṇam()? ityāha--"dvandva ityanuvatrtamāne" ityādi. pūrvakaṃ hi dvandvagrahaṇaṃ samāsaviśeṣapratipattyartham(), idaṃ tu prasiddhasāhacaryārtham()--yeṣāṃ loke vede ca prasiddhaṃ sāhacaryameṣāṃ punaḥ--parigraho yatā syādityevamartham(). atha kriyamāṇe'pi punadrvandvagrahaṇe kathamayamartho labhyate? ityāha--"atyantasahacarite" ityādi. "dvandvaṃ rahasyamaryādāvacanavyutkramaṇa" 8.1.15 ityatredamucyate. "atyantasahacarite lokavijñāte dvandvamityetannipātyate" iti. tenāyamartho labhyata iti darśayati. "vede ca ye sahavāpanirdiṣṭāḥ" iti. sahavāpaḥ=sahadānam(), tatra nirdiṣṭāḥ sahavāpanirdiṣṭāḥ ke punarekahavisambandhinaḥ? ya ekaṃ hūyamānaṃ haviḥ prati sampradānatvena nirdiṣṭā ekatra mantre--indrāvaruṇābhyāṃ chāgaṃ havirnirvapāmītyādau, te veditavyāḥ. "ubhayatri" ityādi. pūrvapadatva uttarapadatve ca sati vāyorānaṅādeśasya pratiṣedho vaktavyo vyākhyeyaḥ. tatredaṃ vyākhyānam()--"vibhāṣā svasṛpatyoḥ" 6.3.23 ityato vibhāṣāgrahaṇamanuvatrtate, sā ca vyavasthitavibhāṣā. tena vāyoruttarapadatve pūrvapadatve ca sati na bhaviṣyatīti॥

devatādvandve ca. mitrāvaruṇāviti. iha ṛdantatvā'bhāvātpūrveṇā'prāpte vidhirayam. satyānaṅaḥ pratiṣedho vaktavya ityarthaḥ. nanu pūrvasūtrāddvandvagrahaṇe'nuvartamāne punadrvandvagrahaṇaṃ vyarthamityata āha-punariti. nirvāpādau prasiddhasāhityakadevatāvācakaśabdagrahaṇārthaḥ. teneti. prasiddhasāhacaryagrahaṇenetyarthaḥ. etaditi. etat=brāhṛprajāpatiyugalaṃ havirbhāgitvena na vede prasiddhamityarthaḥ. nāpi loke iti. prauḍhivādamātramevedam, `vede ye sahanirvāpanirdiṣṭāḥ' ityeva bhāṣye darśanāt, lokaprasiddhasāhacaryagrahaṇe pārvatīparame\ufffdārāvityādāvatiprasaṅgācca.

devatādvandve ca 912, 6.3.25 devatādvandve ca. mitrāvaruṇāviti. iha ṛdantatvā'bhāvātpūrveṇā'prāpte vidhirayam. vāyuśabdeti. vāyuśabdasya pūrvapadatvenottarapadatvena vā prayoge satyānaṅaḥ pratiṣedho vaktavya ityarthaḥ. nanu pūrvasūtrāddvandvagrahaṇe'nuvartamāne punadrvandvagrahaṇaṃ vyarthamityata āha-punariti. nirvāpādau prasiddhasāhityakadevatāvācakaśabdagrahaṇārthaḥ. teneti. prasiddhasāhacaryagrahaṇenetyarthaḥ. etaditi. etat=brāhṛprajāpatiyugalaṃ havirbhāgitvena na vede prasiddhamityarthaḥ. nāpi loke iti. prauḍhivādamātramevedam, "vede ye sahanirvāpanirdiṣṭāḥ" ityeva bhāṣye darśanāt, lokaprasiddhasāhacaryagrahaṇe pārvatīparame()ārāvityādāvatiprasaṅgācca.

devatādvandve ca 788, 6.3.25 devatā. anṛkārāntārthamavidyāyonisambandhārthaṃ ca vacanam.