1/14:pūrvagrahaṇam kimartham na tasmin iti nirdiṣṭe pūrvasya iti pūrvasya eva bhaviṣyati |
2/14:na sidhyati |
3/14:na hi ḍhralopena ānantaryam |
4/14:iha kasmāt na bhavati karaṇīyam , haraṇīyam |
5/14:na evam vijñāyate ḍhroḥ lopaḥ ḍhralopaḥ , ḍhralope iti |
6/14:katham tarhi |
7/14:ḍhroḥ lopaḥ asmin saḥ ayam ḍhralopaḥ , ḍhralope iti |
8/14:yadi evam na arthaḥ pūrvagrahaṇena |
9/14:bhavati hi ḍhralopena ānantaryam |
10/14:idam tarhi prayojanam |
11/14:uttarapade iti vartate |
12/14:tena ānantaryamātre yathā syāt |
13/14:audumbariḥ rājā |
14/14:punaḥ rūpāṇi kalpayet |

ḍhakārarephayoḥ lopaḥ yasmin sa ḍhralopaḥ, tatra pūrvasya aṇaḥ dīrgho bhavati. līḍham. mīḍham. upagūḍham. mūḍhaḥ. ralope nīraktam. agnīrathaḥ. indūrathaḥ. punā raktaṃ vāsaḥ. prātā rājakrayaḥ. pūrvagrahaṇam anuttarapade 'pi pūrvamātrasya dīrghārtham. aṇaḥ iti kim? ātṛḍham. āvṛḍham.

ḍhralope pūrvasya dīrgho 'ṇaḥ 6.3.111 ḍhakārarephayoḥ lopaḥ yasmin sa ḍhralopaḥ, tatra pūrvasya aṇaḥ dīrgho bhavati. līḍham. mīḍham. upagūḍham. mūḍhaḥ. ralope nīraktam. agnīrathaḥ. indūrathaḥ. punā raktaṃ vāsaḥ. prātā rājakrayaḥ. pūrvagrahaṇam anuttarapade 'pi pūrvamātrasya dīrghārtham. aṇaḥ iti kim? ātṛḍham. āvṛḍham.

ḍhralope pūrvasya dīrgho'ṇaḥ. , 6.3.110 "ḍhralope" iti tatpuruṣo'yaṃ vā syāt(), bahuvrīhirvā? tatra yadi tatpuruṣaḥ syāt()--ḍhrayorlopo ḍhralopa iti, tadāṇaḥ pūrvatvaṃ nopapadyate; lopasyābhāvarūpatvāt(), abhāve ca paurvāparyāsambhavāt(). athāpi sthānidvārakaṃ porvāparyamāśritya pūrvatvamucyate, karaṇīyaḥ--ityatrāpayanīyaro rephasya lope kṛte pūrvasya dīrghatvaṃ syāditīmaṃ doṣaṃ dṛṣṭvā bahuvrīhirayamiti darśayannāha--"ḍhakārarephayorlopo yasmin()" ityādi. gamakatvādvaiyadhikaraṇye'pi bahuvrīhirbhavatyeva, yathā--kāṇṭhekāla iti. "līḍham()" iti. "liha āsvādane", (dhā.pā.1066) "niṣṭhā, "ho ḍhaḥ" 8.2.31 "jhaṣastathordo'dhaḥ" 8.2.40 ṣṭunā ṣṭuḥ" 8.4.40 "ḍhoḍhe lopaḥ" 8.3.13--ityeto vidhayaḥ katrtavyāḥ. "mīḍham()" iti. "miha secane" (dhā.pā.992). "upagūḍham()" iti. "guhū saṃvaraṇe (dhā.pā.896). "mūḍhaḥ" iti. "muha vaicitye" (dhā.pā.1198). "nīraktam()" iti. "kugatiprādayaḥ" 2.2.18 iti samāsaḥ, "ro ri" 8.3.14 iti rephasya lopaḥ. atha pūrvagrahaṇaṃ kimartham(), yāvatā "ḍhralope" iti. saptamyā nirdeśaḥ, tatrāntareṇāpi pūrvagrahaṃ "tasminniti nirdiṣṭe pūrvasya" (1.1.66) iti pūrvasyaiva bhaviṣyati? ityata āha--"pūrvagrahaṇam()" ityādi. asati pūrvagrahaṇe, uttarapadādhikārāduttarapada eva syāt()--"nīraktam()" ityādau, anuttarapade na syāt()--"līḍham()" ityādau. yadyapi ḍhalopasyottarapade'sambhavādanuttarapade'pi vacanaprāmaṇyāddīrghatvaṃ syāt(), ralope tvanuttarapade na prāpnoti; uttarapade ralopasya sambhavāt(). tasmādanuttarapade'pi pūrvamātrasyāṇo dīrgho yathā syāditi pūrvagrahaṇam(). "ātṛḍham()" iti. "tṛhū tṛnhū hiṃsārthau" (dhā.pā.1348,1350). "ādṛḍham()" iti kvacit pāṭhaḥ. "dṛha dṛhi dṛhi vṛddhau" (dhā.pā.733-736) ityasya niṣṭhāyāṃ kiledaṃ rūpam(), etattu nopapadyate; dṛheḥ seṭtvāt? tasyeṭā bhavitavyam(). athāpi kathañcinna syāt(), evamapi "dāderdhātorghaḥ" 8.2.32 iti ghatvena bhavitavyam(). sthūlabalavadvivakṣāyāṃ "dṛḍhaḥ sthūlabalayoḥ" (7.2.20) iti nirdeśādubhayaṃ na bhaviṣyatīti cet()? dīrghatvamapyata eva tarhi na syāt(). kecidatrānityatvādāgamaśāsanasyābhāvamiṭo varṇayanti. "vā druha" (8.2.33) ityādau sūtre "vā" iti yogavibhāgāt? pakṣe ghatvasyābhāvaḥ. "āvṛḍham()" iti. vṛhū udyamanas (dhā.pā.1347)॥

ḍharephayorlopanimittayoḥ pūrvasyāṇo dīrghaḥ. punā ramate. harī ramyaḥ. śambhū rājate. aṇaḥ kim? tṛḍhaḥ. vṛḍhaḥ. manas ratha ityatra rutve kṛte haśi cetyutve rorīti lope ca prāpte..

ḍhralope pūrvasya dīrgho'ṇaḥ 112, 6.3.110 ḍharephayorlopanimittayoḥ pūrvasyāṇo dīrghaḥ. punā ramate. harī ramyaḥ. śambhū rājate. aṇaḥ kim? tṛḍhaḥ. vṛḍhaḥ. manas ratha ityatra rutve kṛte haśi cetyutve rorīti lope ca prāpte॥

ḍhralope. ḍhac rephaśca ḍhrau, tau lopayatīti-ḍhralopaḥ. ṇyantātkarmaṇyupapade aṇ, upapadasamāsaḥ. ḍhalopanimittaṃ rephalopanimittañca vivakṣitam. tacca ḍhakārarephātmakameva, ḍho ḍhe lopaḥ, ro rīti tayoreva ḍhralopanimittatvāt. tathāca ḍhalopanimitte ḍhakāre, rephalopanimitte rephe ca parataḥ pūrvasyāṇo dīrgha ityarthaḥ phalati. tadāha–ḍharephāviti. `ḍhalope rephalope ca pūrvasyāṇo dīrgha' iti tu na vyākhyātaṃ, tathā sati cayanīyamityanīyaprratyayānte `tasya lopa' iti rephalope yakārādakārasya, cakāra cacāretyādau abhyāse akārasya ca halādiśeṣeṇa rephalope dīrghāpatteḥ. punā ramata iti. `punar-ramate' iti sthite `ro rī' ti rephalopaḥ. tannimitte rephe pare nakārādakārasya dīrghaḥ. harī ramya iti. haris–ramya iti sthite rutve rephalope cā'nena dīrghaḥ. śambhū rājata iti. śambus-rājate iti sthite rutve rephalope'nena dīrghaḥ. trayāṇāmudāharaṇātpūrveṇaiva ṇakāreṇātrāṇ gṛhrata iti sūcitam. iti. atra ṛkārasya dīrghanivṛttyarthamaṇgrahaṇam. ṛkāraścātra aṇgrahaṇe na gṛhrate. pūrveṇaiva ṇakāreṇa pratyāhārāśrayaṇāt, anyathā dīrghaśrutyā `aca' ityupasthitau kimaṇgrahaṇeneti bhāvaḥ. nanu tṛḍho vṛḍha ityatra ḍhralopasyaivā'bhāvāddīrghā'prasakteraṇgrahaṇaṃ vyarthamityāśaṅkya tatra ḍhalopaṃ darśayitumāha–tṛhū hiṃsāyām. vṛhū udyamana iti. ābhyāṃ ktapratyaye `ho ḍhaḥ' iti ḍhatve `jhaṣastathoḥ' iti takārasya dhatve, tasya ṣṭutvena ḍhakāre, ḍho ḍhe lopa iti pūrvasya ḍhakārasya lope, tṛḍho vṛḍha iti rūpe. atra ḍhalopanimitte ḍhakāre pare ṛkārasya dīrghanivṛttyarthamaṇgrahaṇamiti bhāvaḥ. nanu `tasminniti nirdiṣṭe pūrvasya'tyeva siddhau pūrvasyeti kimarthamityata āha–pūrvagrahaṇamiti. `ḍhralopa' iti sūtrasya `aluguttarapade' ityuttarapadādhikārasthatvāduttarapadasthayoreva ḍhralopanibhittabhūtaḍharephayoḥ parataḥ pūrvapadasthatvābhāvācca. iṣyate ca līḍho guḍha iti. ataḥ pūrvagrahaṇam. kṛte tu pūrvagrahaṇe tatsāmathryādanuttarapadasthayorapi ḍharephayoḥ parato'pūrvapadasthasyāpi pūrvasyā.ñaṇo dīrghaḥ sidhyatītyarthaḥ. tathā uttarapada ityasyānuvṛttau ajarghā ityatrāpi dīrgho na syāt. `gṛdhu abhikāṅkṣāyām'. yaṅluk, dvitvam, halādiḥ śeṣaḥ, abyāsasya ruk, kuhoścuḥ, jaśtvam , laṅ sip, śap, luk, laghūpadhaguṇaḥ, raparatvam, itaśceti ikāralopaḥ, halṅyādinā sulopaḥ, jar gar dh iti sthite `ekāco baśa' iti gakārasya bhaṣbhāvo ghakāraḥ, jaśtvaṃ dakāraḥ, daśceti ruḥ, aḍāgamaḥ, ajarghar r iti sthite ro rīti rephalopaḥ, ḍhralopa iti dīrghaḥ, visargaḥ. ajarghā iti rūpam. atrāpi rephalopanimittarephasya uttarapadasthatvābhāvāttasmin parato'kārasya dīrgho na syāt. ata uttarapadānuvṛttinivṛttaye pūrvagrahaṇam. yadyapi ḍhralope ityatra ḍhalopanimittaḍhakāraviṣaye uttarapada ityasyānuvṛttisaṃbhavādeva na sambhavati, tathāpi `ajarghā' ityatra rephalopanimittarephaviṣaye uttarapada ityasyānuvṛttinivṛttaye pūrvagrahaṇam. tadanuvṛttau hi nīraktam, dūraktamityādāveva syāt. `ajarghā' ityatra na syāt. punā ramata ityādāvasamāse.ñapi na syāt. uttarapadaśabdasya samāsacaramāvayava eva rūḍhatvādityalam. nanu manoratha ityatra manas-ratha iti sthite, sasya rutve, tasya rephasya `haśi ce'tyutvaṃ ro rī'ti lopaścetyubhayaṃ prasaktaṃ, tatra kataradbādhyamityatra nirdhārayati–manas ratha ityatreti. manas-rathaityatra rutve kṛte, haśi cetyutve, ro rīti rephalope ca prāpte utvamevetyanvayaḥ.

ḍhralope pūrvasya dīrgho'ṇaḥ 173, 6.3.110 ḍhralope. ḍhac rephaśca ḍhrau, tau lopayatīti-ḍhralopaḥ. ṇyantātkarmaṇyupapade aṇ, upapadasamāsaḥ. ḍhalopanimittaṃ rephalopanimittañca vivakṣitam. tacca ḍhakārarephātmakameva, ḍho ḍhe lopaḥ, ro rīti tayoreva ḍhralopanimittatvāt. tathāca ḍhalopanimitte ḍhakāre, rephalopanimitte rephe ca parataḥ pūrvasyāṇo dīrgha ityarthaḥ phalati. tadāha--ḍharephāviti. "ḍhalope rephalope ca pūrvasyāṇo dīrgha" iti tu na vyākhyātaṃ, tathā sati cayanīyamityanīyaprratyayānte "tasya lopa" iti rephalope yakārādakārasya, cakāra cacāretyādau abhyāse akārasya ca halādiśeṣeṇa rephalope dīrghāpatteḥ. punā ramata iti. "punar-ramate" iti sthite "ro rī" ti rephalopaḥ. tannimitte rephe pare nakārādakārasya dīrghaḥ. harī ramya iti. haris--ramya iti sthite rutve rephalope cā'nena dīrghaḥ. śambhū rājata iti. śambus-rājate iti sthite rutve rephalope'nena dīrghaḥ. trayāṇāmudāharaṇātpūrveṇaiva ṇakāreṇātrāṇ gṛhrata iti sūcitam. tṛḍho vṛḍha iti. atra ṛkārasya dīrghanivṛttyarthamaṇgrahaṇam. ṛkāraścātra aṇgrahaṇe na gṛhrate. pūrveṇaiva ṇakāreṇa pratyāhārāśrayaṇāt, anyathā dīrghaśrutyā "aca" ityupasthitau kimaṇgrahaṇeneti bhāvaḥ. nanu tṛḍho vṛḍha ityatra ḍhralopasyaivā'bhāvāddīrghā'prasakteraṇgrahaṇaṃ vyarthamityāśaṅkya tatra ḍhalopaṃ darśayitumāha--tṛhū hiṃsāyām. vṛhū udyamana iti. ābhyāṃ ktapratyaye "ho ḍhaḥ" iti ḍhatve "jhaṣastathoḥ" iti takārasya dhatve, tasya ṣṭutvena ḍhakāre, ḍho ḍhe lopa iti pūrvasya ḍhakārasya lope, tṛḍho vṛḍha iti rūpe. atra ḍhalopanimitte ḍhakāre pare ṛkārasya dīrghanivṛttyarthamaṇgrahaṇamiti bhāvaḥ. nanu "tasminniti nirdiṣṭe pūrvasya"tyeva siddhau pūrvasyeti kimarthamityata āha--pūrvagrahaṇamiti. "ḍhralopa" iti sūtrasya "aluguttarapade" ityuttarapadādhikārasthatvāduttarapadasthayoreva ḍhralopanibhittabhūtaḍharephayoḥ parataḥ pūrvapadasthatvābhāvācca. iṣyate ca līḍho guḍha iti. ataḥ pūrvagrahaṇam. kṛte tu pūrvagrahaṇe tatsāmathryādanuttarapadasthayorapi ḍharephayoḥ parato'pūrvapadasthasyāpi pūrvasyā.ñaṇo dīrghaḥ sidhyatītyarthaḥ. tathā uttarapada ityasyānuvṛttau ajarghā ityatrāpi dīrgho na syāt. "gṛdhu abhikāṅkṣāyām". yaṅluk, dvitvam, halādiḥ śeṣaḥ, abyāsasya ruk, kuhoścuḥ, jaśtvam , laṅ sip, śap, luk, laghūpadhaguṇaḥ, raparatvam, itaśceti ikāralopaḥ, halṅyādinā sulopaḥ, jar gar dh iti sthite "ekāco baśa" iti gakārasya bhaṣbhāvo ghakāraḥ, jaśtvaṃ dakāraḥ, daśceti ruḥ, aḍāgamaḥ, ajarghar r iti sthite ro rīti rephalopaḥ, ḍhralopa iti dīrghaḥ, visargaḥ. ajarghā iti rūpam. atrāpi rephalopanimittarephasya uttarapadasthatvābhāvāttasmin parato'kārasya dīrgho na syāt. ata uttarapadānuvṛttinivṛttaye pūrvagrahaṇam. yadyapi ḍhralope ityatra ḍhalopanimittaḍhakāraviṣaye uttarapada ityasyānuvṛttisaṃbhavādeva na sambhavati, tathāpi "ajarghā" ityatra rephalopanimittarephaviṣaye uttarapada ityasyānuvṛttinivṛttaye pūrvagrahaṇam. tadanuvṛttau hi nīraktam, dūraktamityādāveva syāt. "ajarghā" ityatra na syāt. punā ramata ityādāvasamāse.ñapi na syāt. uttarapadaśabdasya samāsacaramāvayava eva rūḍhatvādityalam. nanu manoratha ityatra manas-ratha iti sthite, sasya rutve, tasya rephasya "haśi ce"tyutvaṃ ro rī"ti lopaścetyubhayaṃ prasaktaṃ, tatra kataradbādhyamityatra nirdhārayati--manas ratha ityatreti. manas-rathaityatra rutve kṛte, haśi cetyutve, ro rīti rephalope ca prāpte utvamevetyanvayaḥ.

ḍhralope. `re'tyakāra uccāraṇārthaḥ. ḍhaśca raśca ḍhrau, tau lopayatīti ḍhralopaḥ. ṇijantātkarmaṇyaṇyupapadasamāsaḥ. tṛḍho vṛḍha iti. ūdittvena veṭ?katvādyasya vibhāṣeti niṣṭhāyāṃ neṭ. ḍhatvadhatvaṣṭutvaḍhalopāḥ. prācā tu `dṛḍha' iti pratyudāhmataṃ, tadasat, tatra ḍhalopasyaivā'bhāvāt. `dṛḍhaḥ sthūlabalayo'riti ghatvena bādhāt. na ceḍabhāvo ḍhatvaṃ nalopaśca nipātyatāṃ, dhatvaṣṭutvaḍhalopāstu bhaviṣyantyeveti vācyam, tathā sati `paridraḍhayye'tyatra `lyapi laghupūrvā'diti ṇerayādeśo na syāt. [tathā] `pārivṛḍhī kanye'tyatra `ito manuṣyajāte'riti ṅīṣaṃ bādhitvā `aṇiño'riti ṣyaṅ syāt, ḍhalopasyā'siddhatvena gurūpottamatvādityākare sthitam. nanu `paridraḍhayye'tyatra lyabādeśaḥ kathaṃ bhavedyāvatā paridṛḍhamācaṇṭe iti ṇici kṛte kttvāpratyaye ca kttvānta eva parerantarbhāvātsamāsā'bhāva iti cedatra kaiyaṭaḥ-saṅgrāmayatereva sopasargātpratyayotpattirnānyasmāditi niyamātpariśabdaṃ pṛthakkṛtya dṛḍhaśabdādeva ṇickriyate. ṇijantasya dhātutvātkttvāpratyaye kṛte pareḥ kttvāntena kṛdantena samāsa iti siddho lyabādeśaḥ. ṇāviṣṭhavadbhāvādrabhāva iti. nanu `pūrvasye'ti vyarthaṃ, saptamīnirdeśādeva tallābhādata āha- pūrvagrahaṇamityādi. `ḍhralope pūrvasye'ti sūtrasyottarapadādhikārasthatvāduttarapadasthayoreva ḍharephayoḥ parato dīrghaḥ syānna tu `līḍhaḥ' `ajarghāḥ' ityatreti bhāvaḥ. yadyapyasaṃbhavādevānuttarapadasthe ḍhakāre dīrgho bhanettathāpyajarghā ityatra dīrgho na syāditi jñeyam. vastutastūttarapadasya samāsacaramāvayave rūḍhatvātpunā ramata ityādāvapi na syāt, kiṃtu `nīraktaṃ' `dūrakta'mityādāveva syāditi tattvam. līḍha iti. `liha āsvādane' ktaḥ. ḍhatvadhatvaṣṭutvaḍhalopāḥ. iha ḍhalopaṃ prati ṣṭutvaṃ nāsiddhaṃ, ḍhakāre parato lopavidhisāmathryāt. ataeva `ḍho ḍhe lopaḥ' ityasya padādhikārasthatve'pyapadāntasya ḍhasya lopo bhavati. ajarghā iti. `gṛdhu abhikāṅkṣāyāṃ' yaṅluki dvitve abhyāsasya ruk. laṅaḥ sipi śabluki sipa īḍabhāvapakṣe laghūpadhaguṇo raparaḥ. `itaśce'tīkāralope halṅyādilopaḥ. bhaṣbhāvaḥ. jaśtvaṃ. `daśce'ti rutvapakṣe `ajarghar r' iti sthite `rorī'ti rephalope'nena dīrghaḥ. atreyaṃ sugamā vyākhyā-ḍhralope pūrvasya dīrgho'ṇaḥ. līḍhaḥ. nīraktaṃ. dūraktam. aṇaḥ kim ?. tṛḍhaḥ vṛḍhaḥ. pūrvagrahaṇamanuttarapade'pa#ipūrvamātrasya dīrghārtham. ajarghāḥ. punā ramate. harī ramyaḥ. śambhū rājate' iti.

ḍhralope pūrvasya dīrgho'ṇaḥ 143, 6.3.110 ḍhralope. "re"tyakāra uccāraṇārthaḥ. ḍhaśca raśca ḍhrau, tau lopayatīti ḍhralopaḥ. ṇijantātkarmaṇyaṇyupapadasamāsaḥ. tṛḍho vṛḍha iti. ūdittvena veṭ()katvādyasya vibhāṣeti niṣṭhāyāṃ neṭ. ḍhatvadhatvaṣṭutvaḍhalopāḥ. prācā tu "dṛḍha" iti pratyudāhmataṃ, tadasat, tatra ḍhalopasyaivā'bhāvāt. "dṛḍhaḥ sthūlabalayo"riti ghatvena bādhāt. na ceḍabhāvo ḍhatvaṃ nalopaśca nipātyatāṃ, dhatvaṣṭutvaḍhalopāstu bhaviṣyantyeveti vācyam, tathā sati "paridraḍhayye"tyatra "lyapi laghupūrvā"diti ṇerayādeśo na syāt. [tathā] "pārivṛḍhī kanye"tyatra "ito manuṣyajāte"riti ṅīṣaṃ bādhitvā "aṇiño"riti ṣyaṅ syāt, ḍhalopasyā'siddhatvena gurūpottamatvādityākare sthitam. nanu "paridraḍhayye"tyatra lyabādeśaḥ kathaṃ bhavedyāvatā paridṛḍhamācaṇṭe iti ṇici kṛte kttvāpratyaye ca kttvānta eva parerantarbhāvātsamāsā'bhāva iti cedatra kaiyaṭaḥ-saṅgrāmayatereva sopasargātpratyayotpattirnānyasmāditi niyamātpariśabdaṃ pṛthakkṛtya dṛḍhaśabdādeva ṇickriyate. ṇijantasya dhātutvātkttvāpratyaye kṛte pareḥ kttvāntena kṛdantena samāsa iti siddho lyabādeśaḥ. ṇāviṣṭhavadbhāvādrabhāva iti. nanu "pūrvasye"ti vyarthaṃ, saptamīnirdeśādeva tallābhādata āha-pūrvagrahaṇamityādi. "ḍhralope pūrvasye"ti sūtrasyottarapadādhikārasthatvāduttarapadasthayoreva ḍharephayoḥ parato dīrghaḥ syānna tu "līḍhaḥ" "ajarghāḥ" ityatreti bhāvaḥ. yadyapyasaṃbhavādevānuttarapadasthe ḍhakāre dīrgho bhanettathāpyajarghā ityatra dīrgho na syāditi jñeyam. vastutastūttarapadasya samāsacaramāvayave rūḍhatvātpunā ramata ityādāvapi na syāt, kiṃtu "nīraktaṃ" "dūrakta"mityādāveva syāditi tattvam. līḍha iti. "liha āsvādane" ktaḥ. ḍhatvadhatvaṣṭutvaḍhalopāḥ. iha ḍhalopaṃ prati ṣṭutvaṃ nāsiddhaṃ, ḍhakāre parato lopavidhisāmathryāt. ataeva "ḍho ḍhe lopaḥ" ityasya padādhikārasthatve'pyapadāntasya ḍhasya lopo bhavati. ajarghā iti. "gṛdhu abhikāṅkṣāyāṃ" yaṅluki dvitve abhyāsasya ruk. laṅaḥ sipi śabluki sipa īḍabhāvapakṣe laghūpadhaguṇo raparaḥ. "itaśce"tīkāralope halṅyādilopaḥ. bhaṣbhāvaḥ. jaśtvaṃ. "daśce"ti rutvapakṣe "ajarghar r" iti sthite "rorī"ti rephalope'nena dīrghaḥ. atreyaṃ sugamā vyākhyā-ḍhralope pūrvasya dīrgho'ṇaḥ. līḍhaḥ. nīraktaṃ. dūraktam. aṇaḥ kim?. tṛḍhaḥ vṛḍhaḥ. pūrvagrahaṇamanuttarapade'pa#ipūrvamātrasya dīrghārtham. ajarghāḥ. punā ramate. harī ramyaḥ. śambhū rājate" iti.