yuktavācini ca samāse pūrvapadam ādyudāttam bhavati. goballavaḥ. aśvaballavaḥ. gomaṇindaḥ. aśvamaṇinadaḥ. gosaṅkhyaḥ. aśvasaṅkhyaḥ. yuktaḥ iti samāhitaḥ, kartavye tatparo yaḥ sa ucyate.

yukte ca 6.2.66 yuktavācini ca samāse pūrvapadam ādyudāttam bhavati. goballavaḥ. aśvaballavaḥ. gomaṇindaḥ. aśvamaṇinadaḥ. gosaṅkhyaḥ. aśvasaṅkhyaḥ. yuktaḥ iti samāhitaḥ, kartavye tatparo yaḥ sa ucyate.

yukte ca. , 6.2.66 yuktaḥ=samāhitaḥ, kārye tatpara ityucyate. "goballavaḥ" iti. adhikāranāma, so'syāstīti "vaprakaraṇe'nyebhyo'pi dṛśyate (vā.580) iti vapratyayaḥ, gavāṃ ballava iti ṣaṣṭhīsamāsaḥ. atrāpi samāsasvara eva prāpte pūrvapadādyudāttatvaṃ vidhīyate. "gomaṇindaḥ" iti. maṇiṃ dadātīti "āto'nupasarge kaḥ" 3.2.3, "tatpuruṣe kṛti bahulam()" 6.3.13 iti vibhkteraluk(), tato gavāṃ maṇinda iti ṣaṣṭhīsamāsaḥ. atrāpi samāsasvara eva prāpte'yaṃ vidhiḥ. "gosaṃkhyaḥ" iti. gāṃ sañcaṣṭa iti "sami khyaḥ" 3.2.7 iti kaḥ, upapadasamāsaḥ "gatikārakopapadāt()" (6.2.139) iti kṛtsvare prāpte pūrvapadasyodāttārthamihāpi vacanam()! nanu ca paratvāt? thāthādisvaraḥ 6.2.143 prāpnoti, tasmādgoballavādau kathamidaṃ vacanamiti, yuktasvaraṃ kṛtsavara eva bādheta? evaṃ tarhi pūrvavipratiṣedho vaktavyaḥ; paraśabdasyeṣṭavācitvāt(). goballava ityevamādayaḥ samāsāḥ sarve yuktavācina iti darśayannāha--"yukta iti samāhitaḥ" ityādi. anena "yuja samādhau" (dhā.pa.1177) ityasya niṣṭhāyāṃ yukta ityetaddarśayati॥