kumāraśabdaḥ pūrvapadaṃ karmadhāraye samāse prakṛtisvaram bhavati. kumāraśramaṇā. kumārakulaṭā. kumāratāpasī. kumāraśabdo 'ntodāttaḥ. atra kecit lakṣaṇapratipadokayoḥ pratipadoktasya eva grahaṇam it paribhāṣayā kumāraḥ śramaṇādibhiḥ 2-1-70 ityatra eva samāse svaram etam icchanti. kecit punaraviśeṣeṇa sarvatra eva karmadhāraye.

kumāraś ca 6.2.26 kumāraśabdaḥ pūrvapadaṃ karmadhāraye samāse prakṛtisvaram bhavati. kumāraśramaṇā. kumārakulaṭā. kumāratāpasī. kumāraśabdo 'ntodāttaḥ. atra kecit lakṣaṇapratipadokayoḥ pratipadoktasya eva grahaṇam it paribhāṣayā kumāraḥ śramaṇādibhiḥ 2.1.69 ityatra eva samāse svaram etam icchanti. kecit punaraviśeṣeṇa sarvatra eva karmadhāraye.

kumāraśca. , 6.2.26 "kumāraśramaṇā" iti. "prātapadikagrahaṇe liṅgaviśiṣṭasyāpi grahaṇam()" (vyā.pā.21) iti kumārīśabdo'tra samasyate. evaṃ hi śramaṇaśabdena strīliṅgena sāmānādikaraṇyamupapadyate; nānyathā. "kumāraśabdo'ntodāttaḥ" iti. "kumāra krīḍāyām()" (dhā.pā.1877) ityasmāt? pacādyaci vyutpāditatvāt(). "kecit? punaḥ" ityādi. kathaṃ punarlakṣaṇapratipadoktaparibhāṣāyāṃ (vyā.pa.3) satyāmaviśeṣeṇeti labhyate? evaṃ manyate--cakāro'tra kriyate. sa cāsyaiva vidheḥ samuccayārthaḥ. tena sarvatrāviśeṣeṇa bhavati. evaṃ hi samuccayo bhavati, nānyatheti. ye tu "kumāraḥ śramaṇādibhiḥ" 2.1.69 ityatraiva samāsamicchanti, te pūrvavidhyapekṣayā cakāramiha samuccayārthaṃ varṇayanti॥