Kāśikāvṛttī1:
prītau gamayamānāyāṃ sukha priya ityetayoḥ uttapadayoḥ tatpuruṣe samāse pūrvapad
See More
prītau gamayamānāyāṃ sukha priya ityetayoḥ uttapadayoḥ tatpuruṣe samāse pūrvapadaṃ
prakṛtisvaraṃ bhavati. brāhmaṇasukhaṃ pāyasam. chātrapriyo 'nadhyāyaḥ. kanyapriyo
mṛdaṅgaḥ. sukhapriyayoḥ prītyavyabhicārādiha prītigrahaṇaṃ tadatiśayapratipattyartham.
brāhmaṇachātraśabdau pratyayasvareṇa antodātau. kanyāśabdaḥ svaritāntaḥ. prītau iti
kim? rājasukham. rājapriyam.
Kāśikāvṛttī2:
prītau ca 6.2.16 prītau gamayamānāyāṃ sukha priya ityetayoḥ uttapadayoḥ tatpuru
See More
prītau ca 6.2.16 prītau gamayamānāyāṃ sukha priya ityetayoḥ uttapadayoḥ tatpuruṣe samāse pūrvapadaṃ prakṛtisvaraṃ bhavati. brāhmaṇasukhaṃ pāyasam. chātrapriyo 'nadhyāyaḥ. kanyapriyo mṛdaṅgaḥ. sukhapriyayoḥ prītyavyabhicārādiha prītigrahaṇaṃ tadatiśayapratipattyartham. brāhmaṇachātraśabdau pratyayasvareṇa antodātau. kanyāśabdaḥ svaritāntaḥ. prītau iti kim? rājasukham. rājapriyam.
Nyāsa2:
prītau ca. , 6.2.16 atha prītau cetīdaṃ grahaṇaṃ kimartham(), yāvatā sukhapriyay
See More
prītau ca. , 6.2.16 atha prītau cetīdaṃ grahaṇaṃ kimartham(), yāvatā sukhapriyayoḥ prītyavyabhicārāt(). evaṃ prītau gamyamānāyāṃ bhaviṣyati? ityata āha--"sukhapriyayoḥ prīti" [prītyetyādi--mudritaḥ pāṭhaḥ] ityādi. prītigrahaṇamantareṇāpi siddhe sukhapriyayoḥ prītyavyabhicārādyadiha prītigrahaṇaṃ kriyate, tadatiśayitā yā prītistasyā yathā syādityevamartham(). "brāāhṛṇacchātraśabdau pratyayasvareṇāntodāttau" iti. brāāhṛṇaśabdo'ṇantaḥ. chātraśabdaḥ "chattrādibhyo ṇaḥ" 4.4.62 iti ṇapratyayāntaḥ. "kanyāśabdaḥ svaritāntaḥ" iti. adhnyādiṣu (da.u.8.14) tathā bhūtasyaiva pāṭhāt().
"rājasukhaṃ rājaprīyam()" iti. atra yadyapi sukhapriyayoḥ prītyavyabhicāritvāt? prītirgamyate, tathāpyatiśayena yā prītiḥ sā na gamyata iti bhavati pratyudāharaṇam()॥
1.Source: Arsha Vidya Gurukulam
2.Source: Sanskrit Documents