imaṃ prakāramāpanna itthambhūtaḥ. itthaṃbhūtena kṛtam ityetasminnarthe yaḥ samaso vartate tatra ktāntam uttarapadam antodāttaṃ bhavati. suptapralapitam. unmattapralapitam. pramattagītam. vipannaśrutam. kṛtam iti kriyāsāmānye karotirvartate, nābhūtaprādurbhāva eva. tena pralapitādyapi kṛtaṃ bhavati. tṛtīyā karmaṇi 6-2-48 ityasya ayam apavādaḥ. bhāve tu yadā pralapitādayas tadā thāthādisvareṇa eva siddham antodāttatvaṃ bhavati.

itthaṃbhūtena kṛtam iti ca 6.2.149 imaṃ prakāramāpanna itthambhūtaḥ. itthaṃbhūtena kṛtam ityetasminnarthe yaḥ samaso vartate tatra ktāntam uttarapadam antodāttaṃ bhavati. suptapralapitam. unmattapralapitam. pramattagītam. vipannaśrutam. kṛtam iti kriyāsāmānye karotirvartate, nābhūtaprādurbhāva eva. tena pralapitādyapi kṛtaṃ bhavati. tṛtīyā karmaṇi 6.2.48 ityasya ayam apavādaḥ. bhāve tu yadā pralapitādayas tadā thāthādisvareṇa eva siddham antodāttatvaṃ bhavati.

itthambhūtena kṛtamiti ca. , 6.2.148 itikaraṇo'rthanirdeśārthaḥ. "āpannaḥ" iti. prāpta ityarthaḥ. "suptapralapitam()" iti. "rapa lapa vyaktāyāṃ vāci" (dhā.pā.401,402), atra suptatvaṃ prakāramāpannam(), tena pralapitaṃ kṛtam(), tatra samāso vartate. "unmattapralapitam()" iti. atrāpyunmattatvaṃ prakāramāpannaṃ tena pralapitaṃ kṛtam(). "pramattagītam()" iti. atrāpi pramattatvaṃ prakāramāpannaṃ tena gītaṃ kṛtam(). "kai gai śabde" (dhā.pā.916,917), "ghumāsthā" 6.4.66 ityādisūtreṇettvam(). "vipannaśrutam()" iti. atrāpi vipannatvaṃ prakāramāpannaṃ tena śrutaṃ kṛtam(). sarvatra "karttṛkaraṇe kṛtā bahulam()" 2.1.31 iti samāsaḥ. tatra suptaśabdaḥ pratyayasvareṇāntodāttaḥ. pralapitaśabdo yadi karmaṇi niṣṭhā, tataḥ "gatirantaraḥ" 6.2.49 iti gatisvareṇādyudāttaḥ; atha bhāve, tatasthāthādi 6.2.143 svareṇāntodāttaḥ. evamutpannaprakārā āpannavipannādiśabdā api thāthādisvareṇai6.2.143 vāntodāttāḥ. "gatiranantaraḥ"6.2.49 ityetattviha na pravartate; tatra karmaṇītyanuvṛtteḥ. ihākarmakāddhātoḥ karmaṇi ktapratyasyānupapatteḥ. gītaśrutaśabdau suptaśabdavadantodāttau. atha kathametānyudāharaṇādhyupalabhyante, ya#āvatetyambhūtena kṛtamityetasminnartha etat? kāryamucyate, na cāyamatrārthaḥ sambhavati, pralapitādīnāmakṛtārthatvāt()? prakṛte pralapanādau karoterapravṛtteḥ. abhūtaprādurbhāva eva hi karotirvartate, na pralapanādau. kasmānna pralapanādikṛtam? ityetaccodyamapākarttumāha--"kṛtamiti kriyāsāmānyām()" ityādi. na hi karotirabhūtaprādurbhāva eva vartate? kiṃ tarhi? kriyāsāmānye'pi. tacca kriyāsāmānyaṃ pralapanādapyasti. tena tena pralapanādyapi kṛtaṃ bhavati. "tṛtīyā karmaṇītyasya" iti. pūrvapadaprakṛtisvarabhāva iti. yadītyādinā yadā bhāve niṣṭhā, tadāsyānupayogaṃ darśayati॥