pravṛddhādīnāṃ ca ktāntam uttarapadam antodāttaṃ bhavati. pravṛddhaṃ yānam. pravṛddho vṛṣalaḥ. prayuktāḥ saktavaḥ ākarṣe avahitaḥ. avahito bhogesu. khaṭvārūḍhaḥ. kaviśastaḥ. yānadīnām atra gaṇe pāṭhaḥ prāyovṛttipradarśanārthaḥ, na viṣayaniyamārthaḥ. yānādibhyo 'nyatra api teṣām antodāttatvam bhavatyeva. viṣayaniyamārtha eva ityeke. asaṃjñārtho 'yam ārambhaḥ. ākṛtigaṇaśca pravṛddhādir draṣtavyaḥ. tena punarutsyūtaṃ vāso deyam, punarniṣkṛto rathaḥ ityevam ādi siddhaṃ bhavati.

pravṛddhādīnāṃ ca 6.2.147 pravṛddhādīnāṃ ca ktāntam uttarapadam antodāttaṃ bhavati. pravṛddhaṃ yānam. pravṛddho vṛṣalaḥ. prayuktāḥ saktavaḥ ākarṣe avahitaḥ. avahito bhogesu. khaṭvārūḍhaḥ. kaviśastaḥ. yānadīnām atra gaṇe pāṭhaḥ prāyovṛttipradarśanārthaḥ, na viṣayaniyamārthaḥ. yānādibhyo 'nyatra api teṣām antodāttatvam bhavatyeva. viṣayaniyamārtha eva ityeke. asaṃjñārtho 'yam ārambhaḥ. ākṛtigaṇaśca pravṛddhādir draṣtavyaḥ. tena punarutsyūtaṃ vāso deyam, punarniṣkṛto rathaḥ ityevam ādi siddhaṃ bhavati.

pravṛddhādīnāṃ ca. , 6.2.146 gatisvare prāpta idaṃ vacanam(). "pravṛddham()" iti "vṛdhu vṛddhau" (dhā.pā.759) "prayutā" [prayuṃktāḥ--kāśikā] iti. "yumiśraṇe" (dhā.pā.1033)--"avahitam()" iti. pūrvavaddadhāterhirādeśaḥ. "khaṭvārūḍhaḥ" iti. "ruha bījajanmani" (dhā.pā.859), "jhaṣastatordho'dhaḥ" 8.2.40, "ḍho ḍhe lopaḥ" 8.3.13 "ḍhralope pūrvasya dorgho'ṇaḥ" 6.3.110, "khaṭvā kṣepe" 2.1.25 iti samāsaḥ. asaya "ahīne dvitīyā" 6.2.47 iti pūrvapadaprakṛtisvare prāpta iha pāṭhaḥ. "kaviśastaḥ" iti. "śasu hiṃsāyām()" (dhā.pā.727), "kartṛkaraṇe kṛtā bahulam()" 2.1.31 iti samāsaḥ. asyāpi "tṛtīyā karmaṇi" 6.2.48 iti pūrvapadaprakṛtisvara eva. "yānādīnām()" iti. ādiśabdena vṛṣādīnāṃ grahaṇam(). yānādīnāmarthānāṃ ya iha pāṭhaḥ, sa pravṛddhādīnāṃyānādiṣvarteṣu prāyo bāhulyena yā vṛttistasyāḥ pradarśanārtham(). na tu pravṛddhasya yānavṛṣalayoravārthayorantodāttatvaṃ bhavati. prayuktaśabdasya saktuṣvevatītyevamādiṣu viṣayiyamārthaḥ. tena kiṃ bhaviṣyati? ityāha--"yānādibhyo'nyatrāpi" ityādi. "viṣayaniyamārtha ityeke" iti. teṣāmanena yānādibhyo'nyatra na bhavitavyam(). "asaṃjñārtho'yamārambhaḥ" iti. saṃjñāyāṃ pūrveṇaiva siddhatvāt(). "ākṛtigaṇaśca pravṛddhādidrraṣṭavyaḥ" iti. kuta et()? akṛtigaṇatāṃ tasya sūcayitumanuktasamuccayārthasya cakārasyeha karaṇāt(); ākṛtigaṇatve yat? siddhaṃ bhavati, taddarśayitumāha--"punarutsyūtaṃ vāsaḥ" ityādi. "ṣivu tantusantāne" (dhā.pā.1108) "cachvoḥ śūḍanunāsike ca" 6.4.19 ityūṭh(), yaṇādeśaḥ. "punarniṣkṛtaḥ" iti. "idudupadhasya cāpratyasya" 8.3.41 iti visarjanīyasya ṣatvam()॥