naña uttare jaramaramitramṛtā bahuvrīhau samāse ādyudāttā bhavanti. ajaraḥ. amaraḥ. amitraḥ. amṛtaḥ. nañaḥ iti kim? brāhmaṇamitraḥ. jarādayaḥ iti kim? aśatruḥ, nañsubhyam 6-2-172 iti uttarapadāntodāttatvam eva atra bhavati.

naño jaramaramitramṛtāḥ 6.2.116 naña uttare jaramaramitramṛtā bahuvrīhau samāse ādyudāttā bhavanti. ajaraḥ. amaraḥ. amitraḥ. amṛtaḥ. nañaḥ iti kim? brāhmaṇamitraḥ. jarādayaḥ iti kim? aśatruḥ, nañsubhyam 6.2.171 iti uttarapadāntodāttatvam eva atra bhavati.

naño jaramaramittramṛtāḥ. , 6.2.115 "ajaraḥ" iti. jaraṇaṃ jaraḥ "ṛdorap()" 3.3.57. tenāyaṃ dhātusvareṇādyudāttaḥ. avidyamāno jaro'syeti. "amaraḥ" iti. maraṇaṃ maraḥ, "kṛtyalyuṭo bahulam()" 3.3.113 ityap(). tenāyamapi pūrvavadādyudāttaḥ. "amittraḥ" iti. "amicimidiśasibhyaḥ ktraḥ" (da.u.8.86) idi mideḥ ktraḥ. tena mittraśabdo'ntodāttaḥ. "amṛtaḥ" iti. "mṛṅ prāṇatyāge" (dhā.pā.1403) maraṇam()=mṛtam(). "napuṃsake bhāve ktaḥ" 3.3.114. tena mṛtaśabdo'ntodāttaḥ. "brāāhṛṇamittraḥ" iti. brāāhṛṇaśabdo'ṇantatvādantodāttaḥ. atra pūrvapadaprakṛtisvara eva bhavati. "aśatruḥ" iti. "ruśātibhyāṃ (da.u.1.159) iti krunnantaḥ śatruśabda ādyudāttaḥ. "nañsubhyām()" 6.2.171 ityuttarapadāntodāttatavāpavādo yogaḥ. evamuttare'pi yogaḥ prāk? "kūlatīratūla" 6.2.120 ityataḥ draṣṭavyāḥ॥