1/20:sadṛśagrahaṇam anarthakam tṛtīyāsamāsavacanāt |*
2/20:sadṛśagrahaṇam anarthakam |
3/20:kim kāraṇam |
4/20:tṛtīyāsamāsavacanāt |
5/20:sadṛśaśabdena tṛtīyāsamāsaḥ ucyate |
6/20:tatra tṛtīyāpūrvapadam prakṛtisvaram bhavati iti eva siddham |
7/20:ṣaṣṭhyartham tarhi idam vaktavyam |
8/20:pituḥ sadṛśaḥ pitṛsadṛśaḥ iti |
9/20:ṣaṣṭhyartham iti cet tṛtīyāsamāsavacanānarthakyam |*
10/20:ṣaṣṭhyartham iti cet tṛtīyāsamāsavacanam anarthakam syāt |
11/20:kim kāraṇam |
12/20:iha asmābhiḥ traiśabdyam sādhyam |
13/20:pitrā sadṛśaḥ pituḥ sadṛśaḥ pitṛsadṛśaḥ iti |
14/20:tatra dvayoḥ śabdayoḥ samānārthayoḥ ekena vigrahaḥ apareṇa samāsaḥ bhaviṣyati aviravikanyāyena |
15/20:tat yathā aveḥ māṃsam iti vigṛhya avikaśabdāt utpattiḥ bhavati , āvikam iti evam pituḥ sadṛśaḥ iti vigṛhya pitṛsadṛśaḥ iti bhaviṣyati pitrā sadṛśaḥ iti vigṛhya vākyam eva |
16/20:avaśyam tṛtīyāsamāsaḥ vaktavyaḥ yatra ṣaṣṭhyarthaḥ na asti tadartham |
17/20:bhojanasadṛśaḥ , adhayayanasadṛśaḥ iti |
18/20:yadi tarhi tasya nibandhanam asti tat eva vaktavyam idam na vaktavyam |
19/20:idam api avaśyam vaktavyam yatra ṣaṣṭhī śrūyate tadartham |
20/20:dāsyāḥsadṛśaḥ , vṛṣalyāḥsadṛśaḥ iti |

sadṛśa pratirūpa ityetayoḥ uttarapadayoḥ sādṛśyavācini tatpruṣe samāse pūrvapadam prakṛtisvaraṃ bhavati. pitṛsadṛśaḥ. mātṛsadṛśaḥ. pitṛmātṛśabdāvuṇādiṣvantodāttau nipātitau. ṣaṣṭhīsamāsārthaṃ ca sadṛśagrahaṇam iha tadaluki ṣaṣṭhyāḥ prayojayati, dāsyāḥ sadṛśaḥ, vṛṣalyāḥ sadṛśaḥ iti. atra dāsīvṛṣalīśabdayorantodāttatvādudāttayaṇo hal pūrvat 6-1-174 iti vibhaktirantodāttā. pitṛpratirūpaḥ. mātṛpratirūpaḥ. sādṛśye iti kim? paramasadṛśaḥ. uttamasadṛśaḥ. samāsārtho 'tra pūjyamānatā na sādṛśyam.

sadṛśapratirūpayoḥ sādṛśye 6.2.11 sadṛśa pratirūpa ityetayoḥ uttarapadayoḥ sādṛśyavācini tatpruṣe samāse pūrvapadam prakṛtisvaraṃ bhavati. pitṛsadṛśaḥ. mātṛsadṛśaḥ. pitṛmātṛśabdāvuṇādiṣvantodāttau nipātitau. ṣaṣṭhīsamāsārthaṃ ca sadṛśagrahaṇam iha tadaluki ṣaṣṭhyāḥ prayojayati, dāsyāḥ sadṛśaḥ, vṛṣalyāḥ sadṛśaḥ iti. atra dāsīvṛṣalīśabdayorantodāttatvādudāttayaṇo hal pūrvat 6.1.168 iti vibhaktirantodāttā. pitṛpratirūpaḥ. mātṛpratirūpaḥ. sādṛśye iti kim? paramasadṛśaḥ. uttamasadṛśaḥ. samāsārtho 'tra pūjyamānatā na sādṛśyam.

sadṛśapratirūpayoḥ sādṛśye. , 6.2.11 "pitṛsadṛśaḥ" iti. "tulyārtheḥ" 2.3.72 ityādinā ṣaṣṭhī, tṛtīyā ca, "pūrvasadṛśa" 2.1.30 ityādinā samāsaḥ. "pitṛmātṛśabdāvuṇādiṣvantodāttau nipātitau" iti. "naptṛneṣṭṛtvaṣṭṛhotṛpotṛbhātṛjāmātṛpitṛduhitṛ" (da.u.2.3) ityatra. atha sadṛśagrahaṇaṃ kimartham(), yāvatā mātṛsādṛśa pitṛsadṛśa ityatra "tatpuruṣe tulyārthaṃ" (6.2.2) ityeva siddham()? ityata āha--"ṣaṣṭhīsamāsārthañca" ityādi. tulyārthe hi prayoge ṣaṣṭha()pi vidhīyate. tatra yadā mātṛsadṛśa iti ṣaṣṭhīsamāsaḥ kriyate, tadapi yathā syādityevamarthaṃ sadṛśagrahaṇam(). sati tvasyārambhe tṛtīyāsamānase'pi sadṛśagrahaṇaṃ katrtavyamityata āha--"iha" ityādi. "dāsyāḥ sadṛśaḥ, vṛṣalyāḥ sadṛsa" iti atra "ṣaṣṭha()ā ākrośe" 6.3.20 ityaluki kṛte ṣaṣṭhīsamāsastatsadṛśagrahaṇaṃ prayojayati; aluki sati rūpaviśeṣasya vidyamānatvāt(). yadi ṣaṣṭhīsamāsārthaṃ sadṛśagrahaṇamiha kriyate, tṛtīyāsamāso na kartavayaḥ; viśeṣābhāvāt()? naitadasti; tatrāpi hi katrtavya eva yatra ṣaṣṭha()rthe nāsti tadarthaḥ, yathā--vidyayā sadṛśo vidyāsadṛśa iti, na hratra ṣaṣṭha()rtho vidyate, kiṃ tarhi? tṛtīyārthaḥ, vidyayā hetunā sadṛśa ityarthaḥ. "atra" ityādi. tatra dāsīśabdasya ṅībudāttanivṛttisvareṇāntodāttārthaḥ. "daśi sevane" (dhā.pā.1786) [dasi āpyāyane--dhā.pā] iti, "daṃśeṣṭaṭanau na ā ca" (da.u.9.103) iti ṭapratyayānto nakārasya cākārādeśaḥ. "ṭiḍḍhāṇañ()" 4.1.15 iti ṅīp(), "yasyeti" 6.4.148 lopaḥ "anudāttasya ca yatrodāttalopaḥ" 6.1.155 ityudāttatvam(). vṛṣalīśabdaḥ "jāterastrīviṣayāt()" 4.1.63 iti ṅīṣanto'ntodātto bhavati pratyayasvareṇa॥